Shkupi ndodhet në një periudhë jashtëzakonisht të rëndë. Bardheblutë nga kryeqyteti i Maqedonisë së Veriut e mbyllën sezonin e fundit me vetëm 1 pikë, rezultat që solli largimin e tyre nga elita e futbollit.

Përballë kësaj gjendjeje alarmante, klubi shkupjan ka publikuar së fundmi një reagim në rrjetet sociale. Përmes tij, drejtuesit u kanë bërë apel biznesmenëve të qytetit që ta mbështesin Shkupin me investime në këtë moment tepër të vështirë.

REAGIMI:

Klubi u është drejtuar biznesmenëve të Shkupit duke i informuar se po përballet me një periudhë shumë të vështirë. Sipas drejtuesve, pas kalimit të klubit nga pronësia e mëparshme janë trashëguar borxhe të shumta dhe probleme të grumbulluara, por tashmë ka nisur një proces serioz për rimëkëmbjen dhe stabilizimin e tij.

Për të garantuar të ardhmen e FC Shkupit, nevojitet mbështetja e njerëzve dhe bizneseve që besojnë te klubi dhe duan të bëhen pjesë e këtij rrugëtimi. Së shpejti do të nisë vendosja e reklamave në të gjithë stadiumin, ndërsa fanellat e reja do të mbajnë logot e sponsorëve që do ta përkrahin klubin gjatë këtyre ditëve të vështira.

Kryesia premton 100% transparencë për çdo marrëveshje bashkëpunimi. Çdo biznesmen i interesuar për të investuar dhe për ta ndihmuar FC Shkupin është i mirëpritur. Shkupi u përket të gjithëve dhe ky është momenti për t’u bashkuar, me synimin që klubi të rikthehet në vendin që meriton.

The post Shkupi në krizë të thellë, klubi u kërkon biznesmenëve të kryeqytetit të investojnë appeared first on Albeu.com.

Besar Gudjufi ka mbyllur kapitullin e tij me Partizanin në Superiore, duke zgjedhur të vazhdojë karrierën te Tikveshi, në elitën e futbollit të Maqedonisë së Veriut.

Vetëm disa orë pasi u prezantua te skuadra e re, sulmuesi shqiptar ka bërë një veprim të papritur në Instagram. Gudjufi publikoi fotografi ku shfaqej me fanellën e Partizanit gjatë periudhës së tij në Shqipëri, një postim që shkaktoi jo pak habi.

22-vjeçari iu bashkua “Demave të Kuq” në janar të vitit 2025, pasi mbërriti nga Shkupi. Me ekipin kryeqytetas ai regjistroi 24 paraqitje, duke realizuar 1 gol dhe duke dhënë 1 asist.

The post U largua nga Partizani drejt Tikveshit, Gudjufi befason me postimin për kryeqytetasit vetëm pak orë pas prezantimit appeared first on Albeu.com.

Braziliani ishte bërë pjesë e Tiranës në janarin e vitit 2025 me parametra zero.

Para aventurës së tij te bardheblutë, ai ka luajtur në Portugali me Leixoes, ndërsa në vendlindje është aktivizuar me Coimbra.

Për Rafael Silvën, ky transferim shënon edhe eksperiencën e parë në futbollin e Maqedonisë së Veriut, teksa tashmë është gati të nisë kapitullin e ri me Shkëndijën e Tetovës.

The post ZYRTARE/ Rafael Silva gjen ekipin e ri pas largimit nga Tirana, firmos me Shkëndijën e Tetovës appeared first on Albeu.com.