Ai bëri këto komente vetëm një ditë pasi Kuvendi i Maqedonisë së Veriut e mbylli debatin për ndryshimet kushtetuese, por pa hedhjen e tyre në votim pasi shumica parlamentare nuk i kishte votat e nevojshme prej dy të tretave.

Ndryshimet kushtetuese janë të domosdoshme për procesin e integrimit evropian dhe kanë të bëjnë me përfshirjen e pakicës bullgare në preambulën e saj si popull shtetformues, ashtu siç parashihet me “propozimin francez” për zgjidhjen e kontesteve me Bullgarinë.

“Nuk ka çmim me të cilin do t’i pranonim këto ndryshime kushtetuese nën diktimin bullgar. Për këtë çështje nuk duhet humbur asnjë sekondë. E vetmja rrugëdalje e arsyeshme nga situata tani janë zgjedhjet e parakohshme”, deklaroi kreu i opozitës maqedonase, Hristijan Mickoski më 19 gusht në një konferencë për media në Shkup.

Seanca për ndryshimet kushtetuese më 18 gusht nuk zgjati më shumë se tri orë, edhe pse ishte paraparë që debati të zgjatë dhjetë ditë.

Opozita mori pjesë vetëm në caktimin e rendit të ditës, për të cilin votuan 70 deputetë, që për VMRO DPMNE-në ishte “dëshmi se shumica nuk ka 80 votat e domosdoshme për t’i votuar ndryshimet” prandaj edhe lëshoi mbledhjen.

Qëndrimet e tyre mbi “rëndësinë e miratimin e ndryshimeve kushtetuese” i paraqitën partitë në pushtet, por seanca u ndërpre dhe vazhdimi i saj për aktin e votimit mund të mbahet vetëm nëse shumica e njofton kreun e Kuvendit, Talat Xhaferi, se i ka siguruar votat e nevojshme.

“Autoritetet ngushëllohen dhe bëjnë llogaritë se e kanë lënë të hapur derën për ndryshime kushtetuese duke mos e mbyllur qëllimisht seancën dhe se bashkësia ndërkombëtare tani do të bëjë presion. Kjo nuk do të ndodhë. Ne nuk tregojmë triumfalizëm, as gëzim, sepse gjërat janë shumë serioze, dhe Maqedonia është në një situatë shumë të vështirë”, tha Mickoski.

VMRO DPMNE-ja thotë se mbështet ndryshimet vetëm pas marrjen së garancive nga BE-ja se Sofja nuk do të paraqesë kushtëzime tjera. Kjo parti kërkon që ndryshimet të miratohen pas përfundimit të bisedimeve për anëtarësim në BE, apo pasi vendi të jetë anëtarësuar në union.

Qeveria e Maqedonisë së Veriut pranoi ndryshimin e Kushtetutës dhe futjen e bullgarëve në të, pasi në vitin 2022 Sofja hoqi veton për integrimin evropian të Maqedonisë së Veriut.

“Hyrja në BE është rruga jonë e vetme. Por, jo me çmimin e vetëmohimit, as me çmimin e një diktati që është kutia e Pandorës për shpifje të identitetit dhe hapjen e derës për shumë kërkesa të tjera”, tha Mickoski.

Lidhja Social Demokrate (LSDM) e kryeministrit Dimitar Kovaçevski reagoi ndaj vlerësimeve të Mickoskit, duke thënë se kreu i VMRO DPMNE-së “edhe njëherë konfirmoi se është kundër BE-së dhe dëshiron të bllokojë të ardhmen evropiane të vendit”.

LSDM-ja tha se në javën në vijim do të vazhdojë me përpjekjet për të siguruar dy të tretat e votave për miratimin e ndryshimeve kushtetuese.

“Koalicioni pro-evropian i udhëhequr nga LSDM-ja nuk do t’i nënshtrohet sjelljes së tillë të papërgjegjshme dhe joshtetërore të Mickoskit. Nuk do të lejojmë që qytetarët, e ardhmja e tyre, shteti të bllokohet nga DPMNE”, thuhet në reagimin e LSDM-së.

Partitë shqiptare i kanë dhënë mbështetjen ndryshimeve kushtetuese, por kanë kërkuar që procesi të përfshijë edhe ndryshimin e përkufizimit të gjuhës shqipe në Kushtetutë, e cila njihet si gjuhë të cilën e flasin mbi 20 për qind e popullatës në Maqedoninë e Veriut./rel/

The post Mickoski: S’i votojmë ndryshimet kushtetuese, zgjedhjet e reja rrugëdalja e vetme appeared first on Albeu.com.

Organet drejtuese të VMRO DPMNE-së, këtë javë, sipas kryetarit të saj, Hristijan Mickoski kanë vendosur ndërprerjen e çdo kontakti me qeverinë, përveç atyre që kanë të bënë me zgjedhjet parlamentare në vjeshtë.

“Nuk do të kemi asnjë komunikim me qeverinë. Këtë javë kemi pasur një seancë të Komitetit Ekzekutiv të partisë dhe kemi marrë vendim unanim që si VMRO-DPMNE t’i ndërpresim të gjitha komunikimet zyrtare në nivel bilateral me përfaqësues nga qeveria. Ka vetëm një gjë, ajo është të ulemi dhe të pajtohemi për zgjedhjet, kur do të mbahen zgjedhjet, si do të zhvillohen zgjedhjet, në çfarë mënyre – me një qeveri teknike, pa një qeveri teknike, pra do të flasim vetëm për atë që është e lidhur me zgjedhjet”, ka deklaruar Mickoski.

Vendimi i VMRO DPMNE-së vjen në kohën kur partitë në pushtet po kërkojnë mbështetjen e opozitës për miratimin e ndryshimeve kushtetuese, të domodoshme për vazhdimin e procesit të anëtarësimit në Bashkimin Evropian.

Ndryshimet duhet të bëhen për përfshirjen e pakicës bullgare në preambulën e kushtetutës si popull shtetformues, ashtu siç parashihet me atë që njihet si “propozim francez” për zgjidhjen e mosmarrëveshjeve me Bullgarinë për idenitetin dhe gjuhën maqedonase dhe aspektet historike.

Ministri i Punëve të Jashtme, Bujar Osmani tha të dielën se vendimi i VMRO DPMNE-së dëshmon, sipas tij se “partia opozitare as nuk dëshiron dhe as nuk synon të përballet ndonjëherë me ndonjë sfidë që ka të bëjë me shtetin, por se qëllim parësor ka marrjen e pushtetit”.

Osmani tha partitë në pushtet kanë plotësuar të gjitha kërkesat e opozitës por “për VMRO-DPMNE-në, rëndësi kanë vetëm autoriteti dhe pushteti”.

“Pres të punojmë me këtë parti deri në ditën e fundit. Por nëse kjo nuk jep fryte, duhet të punojmë paralelisht me deputetët që nuk duan të mbeten peng i ambicieve dhe duan të mbështesin perspektivën evropiane të shtetit ”, ka thënë Osmani.

Pavarësisht se nuk ka siguruar dy të tretat e votave në Kuvend, Kryeministri Dimitar Kovaçevski të premtën njoftoi se ndryshimet kushtetueve së shpejti do të dorgohen për miratim në Kuvend.

Kryeministri Kovaçevski ka hedhur poshtë kërkesën e opozitës për zgjedhje duke ia bërë me dije se zgjedhjet e radhës do të jenë të rregullta, në vitin 2024.

Opozita maqedonase nuk i jep mbështetje me arsyetimin se “Sofja do të vazhdojë me kushtëzime tjera edhe sikur pakica bullgare të bëhet pjesë e preambulës së kushtetutës maqedonase”.

VMRO DPMNE-ja ka thënë se do të mbështetë ndryshimet vetëm në rast se ato hyjnë në fuqi paralelisht me anëtarësimin e Maqedonisë së Veriut në BE, por kjo kërkesë e saj është kundërshtuar edhe nga Brukseli me arsyetimin se korniza negociuese nuk mund të ndryshohet.

Bashkimi Evropian në disa raste ka bërë të ditur se ndryshimet duhet të miratohen pasi ato nuk rrezikojnë as gjuhën e as identitetin maqedonas, siç pretendon opozita maqedonase./REL/

The post Opozita në Maqedoninë e Veriut ndërpret raportet me qeverinë: Të bëhen zgjedhje të parakohshme appeared first on Albeu.com.

Përmes një konference për mediat, ministri i Shëndetësisë Venko Felipce tha se në vend janë konfirmuar 5 raste me variantin Delta në javën e fundit.

Ai u bëri apel qytetarëve që të vaksinohen pasi kjo ishte një mënyrë për të luftuar variantin Delta.

“3 në Shkup dhe nga një në Kumanovë dhe Tetovë. Nga gjithsej 8 të analizuara, kjo nuk është diçka ekskluzive. Për të gjitha llojet dhe mutacionet e virusit vaksina është shpëtimi i vetëm dhe qytetarët duhet të jenë të vetëdijshëm se kjo është mënyra se si mund t’i japim fund pandemisë”, tha ministri i Shëndetësisë, Venko Filipçe.

The post Maqedonia e Veriut konfirmon 5 raste me variantin DELTA të Covid-19 appeared first on Albeu.com.