Në Republikën e Bullgarisë ka pasur tre procese zgjedhore dhe kjo nuk ka ndihmuar në kapërcimin e mosmarrëveshjeve dhe heqjen e vetos apo bllokadës. Kështu ka thënë për “Nova TV” ministri i Punëve të Jashtme të Maqedonisë së Veriut, Bujar Osmani, përcjell “Bgnes.bg”.

Fakti që ka pushtet politik në Bullgari tashmë na jep shpresë se dy autoritete legjitime mund të ulen dhe të diskutojnë të gjitha çështjet, dhe mesazhet e para japin optimizëm. Duhet të ketë një qasje gjithëpërfshirëse. Historia – po, është e rëndësishme, por ne shkruajmë histori çdo ditë, krijojmë histori”, deklaroi Bujar Osmani, ministër i jashtëm.

“Pranoj vetëm një argument pse nuk është gjetur zgjidhje deri më tani, sepse nuk ka pasur kabinet politik. Tani realisht nuk ka arsye për të dhënë afate të gjata kur ka një kabinet politik. Si në Republikën e Bullgarisë ashtu edhe në Republikën e Maqedonisë së Veriut ka shumicë stabile dhe nesër mund të ulemi, të vazhdojmë bisedimet dhe të marrim një vendim në janar”, tha Osmani. /albeu.com/

The post Kontesti me Bullgarinë, Osmani: Mund të presim zgjidhje në janar appeared first on Albeu.com.

Kjo është hera e parë që Shqipëria nuk ka asnjë “JO” nga shtetet anëtare të BE por sërish pritet të mos na buzëqeshë fati.

Sipas burimeve diplomatike të “REL”, janë shuar të gjitha gjasat që në këtë takim të miratohen kornizat për negociatat e anëtarësimit me Maqedoninë e Veriut dhe Shqipërinë.

Kjo për shkak se Bullgaria nuk ka hequr dorë nga kundërshtimi në rastin e Maqedonisë së Veriut dhe si pasojë disa vende tjera nuk kanë dashur që të nisen negociatat vetëm me Shqipërinë.

Bazuar në vlerësimin e deritanishëm të Komisionit Evropian, të dyja këto vende kandidate i kanë përmbushur të gjitha kushtet për nisjen e negociatave të anëtarësimit por vendimet për një hap të tillë merren në Këshill vetëm nëse të gjitha 27 vendet anëtare pajtohen me një gjë të tillë. Dhe kësaj herë, Shqipëria do të “digjet” nga Maqedonia e Veriut. Megjithatë nuk përjashtohet edhe marrja e ndonjë veprimi të papritur.

Nesër do të zhvillohen edhe të ashtuquajturat konferenca ndër-qeveritare mes BE-së dhe Malit të Zi si dhe BE-së me Serbinë. Ato do të jenë vetëm të karakterit politik dhe nuk do të përfshijnë hapjen apo mbylljen e ndonjë kapitulli negociues. /albeu.com/

The post Shqipëria e pa fat! Negociatat nuk hapen, kësaj here mund të na djegë Maqedonia appeared first on Albeu.com.