Siç njoftoi ministri i Ekonomisë Kreshnik Bekteshi, sot do të ketë vendim për uljen e çmimeve të pijeve alkoolike dhe joalkoolike.

“Për produktet higjienike me siguri gjatë kësaj jave do të përfundojnë të gjitha konsultimet dhe do të shohim nëse ka hapësirë për marrjen e masave të caktuara”, tha dje Bekteshi i cili me kryeministrin Dimitar Kovaçevski vizituan kompaninë “Alma-M” në Vizbeg.

Sipas Kovaçevskit, me masën e re të Qeverisë të mbi 50 produkteve në 24 kategori nga industria e furrave, qumështit dhe mishit, është ulur çmimi për 10 për qind në krahasim me çmimin që e kishin më 1 gusht.

“Te disa kategori dhe prodhime tashmë ka ulje të produkteve mbi 10 për qind, ndërsa te disa ulja është prej 30 deri në 40 për qind. Në markete këto produkte tashmë morën shenjën “çmim i garantuar” , me këtë masë kontribuojmë edhe krahas presioneve të inflacionit, së bashku dhe me solidaritet japim mbështetje për qytetarët tanë”, tha Kovaçevski.

The post Qeveria e Maqedonisë së Veriut do të vendosë për uljen e çmimit të pijeve appeared first on Albeu.com.

“Për këtë u përgjigjëm të premten, ekipi i juristëve të Ambasadës amerikane i shqyrton, unë personalisht nuk i kam parë, kështu që nuk mund t’i komentoj dhe siç thamë në kumtesën e Departamentit të Shtetit është e nevojshme që të ndiqen procedurat në sistemin juridik të vendit”, tha ambasadorja sot në fillimin e punës për ndërtimin e Korridorit 8.

Shërbimi për shtyp i Departamentit të Shtetit tha më parë për Zërin e Amerikës në gjuhën maqedonase se korrupsioni ka potencial të minojë ambiciet strategjike të Maqedonisë së Veriut, duke iu përgjigjur pyetjes nëse ndryshimet e reja në Kodin Penal, të cilat ulin dënimet për keqpërdorim kriminal dhe shoqërim kriminal do të komplikojnë përpjekjet e SHBA-së për të ndihmuar në luftën kundër korrupsionit në vend.

“E inkurajojmë Maqedoninë e Veriut që të përmbushë premtimet e saj për të luftuar korrupsionin. Liderët e Maqedonisë së Veriut duhet të tregojnë rezultate të fuqishme, kundër korrupsionit duke forcuar pavarësinë institucionale dhe duke parandaluar ndërhyrjet politike, veçanërisht në gjyqësor, i cili është thelbësor për përmbushjen e qëllimeve të anëtarësimit në BE dhe ndërtimin e besimit të qytetarëve në qeveri”, thekson Departamenti i Shtetit.

Kuvendi me flamur evropian dhe në procedurë të shpejtë i kaloi javën e kaluar ndryshimet në Kodin Penal, të cilat parashohin dënime më të ulëta për personat dhe funksionarët zyrtarë të cilët do ta keqpërdorin pozitën e tyre, ndërsa presidenti Stevo Pendarovski e nënshkroi Dekretin për shpalljen e Ligjit për ndryshime dhe plotësime të Kodit Penal.

The post Aggeler: Ekipi i juristëve të Ambasadës po i shqyrton ndryshimet në Kodin Penal të Maqedonisë së Veriut appeared first on Albeu.com.

Sipas javores, Milloshevski konsiderohet njeri i afërt me sekretarin e përgjithshëm të LSDM-së Mile Zeçeviq, ish-drejtor i shërbimit sekret Drejtorisë së Sigurisë dhe Kundërzbulimit (DSK), që në e cila në vitin 2019 u shndërrua në ASK (maq.ANB).

Drejtori i ri i ASK është vëllai i Tome Milloshevskit, ish-ndihmës ministër i departamentit për sigurimin e personave dhe objekteve VIP, ndërsa vëllai i tyre i tretë, Milan Millosevski, dikur ka qenë drejtor i Qendrës Tregtare të Qytetit (GTC) në Shkup dhe ka kryer funksione të tjera.

Sa i përket Tome Milloshevskit, ai në periudhën e kaluar shpesh herë ka kritikuar publikisht ish-qeverisjen dhe udhëheqjen e LSDM-së të udhëhequr nga Zoran Zaev, ndërsa në të njëjtën kohë ka lavdëruar paraardhësin e tij Branko Crvenkovski./INA

The post Kush është drejtori i ri i shërbimit sekret ASK në Maqedoninë e Veriut? appeared first on Albeu.com.

“Ajo që erdha në përfundim nga ky takim është se shumica nuk ka shumicë për ndryshime kushtetuese. Duke u nisur nga ky përfundim, kahje e logjikshme e ngjarjeve është që Kuvendi të shpërndahet, të formojmë qeveri teknike dhe të shkojmë në zgjedhje të parakohshme parlamentare. Këtë e kërkuam edhe në takimin e sotëm”, tha Hristijan Mickoski, kryetar i VMRO-DPMNE-së.

Secili takim i ardhëm në të cilin do të bisedohej për ndryshimet kushtetuese do të ishte i kotë, shtoi Mickoski.
E ndërkohë, opozitarja shqiptare Aleanca për Shqiptarët ka konfirmuar mbështetjen e saj për ndryshimet kushtetuese. Kreu i saj Arben Taravari deklaroi se me këtë rast, duhet të shikohet edhe mundësia e heqjes së 20%-shit pa potencuar nëse kjo është kërkesë ose kusht nga ana e tyre.

“E biseduam. Unë e hapa këtë si çështje dhe askush nuk kundërshtoj. Partitë shqiptare të gjitha mendojnë ashtu por edhe partitë maqedonase, të paktën më të mëdhatë, LSDM dhe VMRO-DPMNE publikisht kanë thënë se nuk u pengon asgjë të hiqet 20%-shi. Unë shpresoj se do të votohet. Nuk kam dilemë se do të votohet”, tha Arben Taravari, kryetar i Aleancës për Shqiptarët.

Ndryshimet kushtetuese nuk i mbështet deputeti i Lidhjes Demorkatike Pavle Trajanov i cili në takim kishte propozuar miratimin e një konkluzioni për të kërkuar që Bullgaria të njohë pakicat maqedonase. Propozimi i tij nuk është pranuar nga pjesa tjetër e pushtetit.

Kryeministri Kovaçevski deklaroi se vetë takimi në vete është hap pozitiv dhe se secili lider mund ta interpretojë sipas mënyrës së tij.

Kreu i BDI-së Ahmeti tha se dallimet nuk janë për t’u injoruar. Të dy bënë thirrje për mbështetje në procesin e eurointegrimit./Alsat.mk

The post Asnjë konkluzion nga takimi i liderëve të Maqedonisë së Veriut appeared first on Albeu.com.

The post SHBA uron Maqedoninë e Veriut: Do të vazhdojë mbështetja për eurointegrimet appeared first on Albeu.com.