The post BDI: VMRO është fabrikë për lajme të rreme dhe propagandë appeared first on Albeu.com.

“Që nga viti 2019 Komisioni Rregullator i Energjetikës (KRRE) nuk e përcakton çmimin e EMV-së, por EMV-ja vetë me vendim të Qeverisë e përcakton çmimin me të cilin paraqitet në tenderin e EVN Home, kështu që mendoj se është herët të flitet për ndonjë ndryshimet në çmimin e energjisë elektrike në tregun e rregulluar. Për të përmbushur kushtin, që të mos ketë rritje të energjisë elektrike, duhet të mos kemi nevojë të importojmë energji elektrike. Tani për tani, deri më 31 dhjetor nuk do të ketë ndryshim të çmimit për tregun e rregulluar”, tha Bislimovski.

The post Bislimovski: Çmimi i energjisë në Maqedoninë e Veriut nuk do të ndryshojë deri në fund të vitit appeared first on Albeu.com.

Sipas një komunikate të publikuar në Sofje, MPJ e Bullgarisë thotë se pa një vendim nga qeveria dhe Parlamenti, nuk do të mund ndërtohet një qëndrim lidhur me propozimin francez për heqjen e vetos për nisjen e bisedimeve të anëtarësimit të BE-së me Maqedoninë e Veriut.

Kjo ministri drejtohet nga ministrja në dorëheqje Teodora Gencovska, pjesë e partisë “Ka një popull të tillë”, e cila u largua nga qeveria.

“Nëse kjo nuk ndodh sa më shpejt, Ministria e Punëve të Jashtme ka mandat vetëm t’i përmbahet qëndrimit Kornizë, Deklaratës së Parlamentit të vitit 2019 dhe konkluzioneve të Këshillit të Sigurisë Kombëtare të vitit 2022, mbi të cilat drafti i propozuar nuk i plotëson kushtet”, thuhet të komunikatë.

Sipas kësaj, vetoja bullgare do të mbetej në fuqi nëse nuk do të ketë qëndrim nga Qeveria dhe Parlamenti bullgar deri më 21 qershor, në mbledhjen e këshillit për punë të përbashkëta të BE-së dhe Këshillit Evropian për 23 dhe 24 qershor.

Propozimi francez, siç është bërë e ditur jo zyrtarisht përmban pesë pika.

Shkupi duhet të konfirmoj para OKB-së se nuk ka pretendimet territoriale ndaj Bullgarisë, se do të përfshijë pakicën bullgare në kushtetutë, se do të rehabilitojë viktimat nga komunizmi jugosllav, reprezaljet në territorin e saj për shkak të përkatësisë së tyre etnike bullgare, harmanizimin e teksteve shkollore në përputhje me punën e komisioneve të historisë, heqjen e të gjitha tabelave që përhapin gjuhën e urrejtjes ndaj bullgarëve dhe Bullgarisë, ndërsa dy vendet do të dërgojnë qëndrime të njëanshme lidhur me pozicionet e tyre për gjuhën maqedonase.

Institucionet e Maqedonisë së Veriut nuk kanë komentuar propozimin por as zhvillimet në Bullgari ndërkohë që opozita maqedonase ka thënë se propozimi është i papranueshëm dhe se VMRO DPMN nuk do të pranonte ndryshimin e kushtetutës për përfshirjen e bullgarëve në kushtetutë.

Maqedonia e Veriut që nga nëntori i vitit 2020 nuk mund të nis bisedimet me BE-në për shkak të vetos bullgare.

Bullgaria e ka bllokuar procesin e integrimeve për Maqedoninë e Veriut për shkak të kontestit mes dy vendeve për çështjen e gjuhës dhe të kaluarës historike./rel

The post MPJ e Bullgarisë: Pa qëndrim nga Kuvendi, vetoja ndaj Shkupit nuk do të hiqet appeared first on Albeu.com.

Ai shtoi se së bashku me homologun e tij bullgar Rumen Radev, do të përpiqen të japin një kontribut pozitiv në proces. Megjithatë, presidenti nuk është optimist për një zgjidhje të shpejtë të mosmarrëveshjes.

“Më duhet të them qartë se ky është vetëm fillimi. Kjo është vetëm një fazë fillestare, në të cilën të dyja palët shprehin dëshirat e mira pasi dëshirojnë që ky proces të vazhdojë më tej. Pra, jemi larg hyrjes më thellë në proces”, tha Stevo Pendarovski – President.

Në anën tjetër, zëvendëskryeministri për çështje evropiane, Bojan Mariçiq, është optimist dhe beson se në një të ardhme të afërt do të jepet drita jeshile për konferencën e parë ndërqeveritare mes Shkupit dhe Brukselit, përmes një zgjidhjeje me Bullgarinë që do të jetë dinjitoze për të dyja palët.

“ Por njëkohësisht, përveç interesit tonë kombëtar për fillimin e negociatave, interesi ynë kombëtar është ruajtja e gjuhës dhe identitetit tonë maqedonas”, u shpreh Bojan Mariçiq – Zëvendëskryeministër për Çështje Evropiane.

Ministrja e Punëve të Jashtme të Bullgarisë, Teodora Gençovska, në një konferencë për media në Sofje, zbuloi se ajo dhe kolegu i saj Bujar Osmani të martën kanë biseduar edhe për çështje politike, pa u deklaruar për çfarë çështjesh bëhet fjalë.

Osmani, me ftesë të kryetarit të Komisionit Parlamentar për Punë të Jashtme, Antonio Milloshoski, nesër do të raportojë për dialogun me Sofjen dhe përgjigjet e Maqedonisë ndaj “Propozimit 5 + 1” bullgar. Një nga pyetjet që do të kërkohet përgjigje është se çfarë është negociuar për hyrjen e bullgarëve në Kushtetutën e Maqedonisë.

“Duhet të jemi më konvencionalë për këtë çështje, të mendojmë më seriozisht dhe të mos nxitojmë në asnjë premtim, të cilin e shohim se kryeministri Kovaçevski i jep shumë lehtë, dhe me këtë me vetëdije ose pavetëdije nuk kupton se po i shkel qëndrimet negociuese”, deklaroi Antonio Miloshoski – deputet.

Derisa Osmani nesër do të japë llogari për negociatat në Kuvend, të njëjtën gjë do ta bëjë edhe kryeministri bullgar Kiril Petkov, para deputetëve vendas. Ndërkohë, ambasadori francez në vend Siril Bomgartner i cilësoi bisedimet Shkup-Sofje si “premtuese”./Alsat.mk

The post Pendarovski pesimist, nuk pret zgjidhje të shpejtë me Bullgarinë appeared first on Albeu.com.