maqdonia e veriut Archives - Albeu.com

Përmbytjet katastrofike, Maqedonia e Veriut nis 100 ushtarë në Slloveni

E B — Tue, 08 Aug 2023 09:58:41 +0000

Maqedonia e Veriut do të nisë nesër në mënfjes 100 ushtarë drejt Sllovenisë, të cilët do të ndihmojnë në përballimin e përmbyytjeve katastrofike.

Lajmin e bëri të ditur sot ministrja e Mbrojtjes, Sllavjanka Petrovska, duke theksuar se nuk ka pasur vonesa në ndihmën e ofruar.

“Që në momentin e parë kur ndodhi aksidenti, e gjithë maja e shtetit kontaktoi autoritetet atje dhe ne i dhamë mbështetjen tonë vetëmohuese. Nga ata na thanë se sapo të bëjnë analizat do të dorëzohen kërkesat dhe kanë mbërritur dje. Për këtë kemi reaguar menjëherë dhe sot në seancën e Qeverisë do të marrim vendim që të dërgohen 100 ushtarë nga përbërje të ndryshme, të cilët do t’u përgjigjen nevojave të ushtrisë dhe shtetit slloven, tha Petrovska.

Ministrja sqaroi se ushtarët tanë tashmë janë gati. Në kërkesë thuhet se kërkohen 200 ushtarë.

Sipas saj, janë kërkuar mjete të tjera materialo-teknike të cilat nuk jemi në gjendje t’i dorëzojmë.

Presidenti Stevo Pendarovski dje në bisedë me presidenten sllovene Natasha Pirc-Musar shprehu keqardhje dhe keqardhje për Slloveninë dhe gjithë banorët e saj për humbjet dhe dëmet e pësuara nga vërshimet, të cilat ishin të përmasave të mëdha, dhe shprehu gatishmërinë për të ndihmuar.

The post Përmbytjet katastrofike, Maqedonia e Veriut nis 100 ushtarë në Slloveni appeared first on Albeu.com.

VMRO: Djali i Xhaferit pa fakultet, prokuror

E B — Wed, 22 Feb 2023 20:09:50 +0000

Një ditë pasi djali i tij u shfaq në listën e prokurorëve të ardhshëm dhe ngjalli reagime në opinionin publik për ndikim të mundshëm politik si dhe nepotizëm, Talat Xhaferi sot arsyetoi djalin e tij, Barlet Xhaferin, me atë se edhe ai, ka të drejtë punësimi si gjithë tjerët.

“Sa i përket çështjes së djalit që përmendet, s’do mend që unë si kryetar parlamenti dhe si bartës funksioni publik jam i vetëdijshëm se sensacioni është shumë më i lartë kur bëhet fjalë për anëtarë të familjeve të bartësve të funksioneve, konkretisht siç është tani”, u shpreh Talat Xhaferi, kryetar i parlamentit të RMV-së.

Antikorrupsioni nuk ka rritur t’i gjejë veprime të kundërligjshme Barlet Xhaferit për shkak të “zhdukjes” së dokumenteve të rëndësishme në ministrinë e Drejtësisë të cilat potencialisht do të dëshmonin atë. Ata megjithatë, vazhdojnë hetimet për mënyrën e dhënies së certifikatave të diplomimit qindra studentëve, në mesin e të cilëve edhe djali i kryeparlamentarit.

Megjithatë nga VMRO DPMNE-ja ngritën dyshime që djalit të kryeparlamentarit Talat Xhaferit, Barlet Xhaferit, i është dhënë provimi i jurisprudencës vetëm për shkak të babait të tij, sipas tyre, ai përveç që nuk duhet lejuar të bëhet prokurorë, duhet të ndiqet penalisht. Reaguan edhe nga Lëvizja BESA.

“Pushteti gjyqësor vazhdon të ngelet i kapur nga partitë politike në pushtet LSDM dhe BDI. Lista e gjyqtarëve dhe prokurorëve, e publikuar nga akademia për gjyqtar dhe prokurorë publik dëshmon qartë për misionin dhe vizionin politik të BDI-së. Gjatë gjithë kohës flasim për reforma në drejtësi, veting dhe gjyqësor të pavarur të cilat assesi të ndodhin, ndërkaq brenga e tyre e vetme është rehatimi i familjarëve të tyre në pozita të rëndësishme në organet e drejtësisë”, deklaroi Fatmir Sabriu, Lëvizja BESA.

Përveç tij, në listë ishte edhe dhëndri i anëtarit të Këshillit të Prokurorëve Publik, Ixhet Memetit, Ilir Jakupi ndërkaq ALSAT mëson se e bija e Memetit, Leonora Memeti Jakupi, aktualisht ndjek ligjëratat në akademi ndërsa në të ardhmen, Ixhet Memeti do të duhet të votojë si dhe të vlerësoje punën e tyre në Këshillin e Prokurorëve Publik. Rikujtojmë që besueshmëria në gjyqësorin e vendit është 4%. /Alsat.mk

The post VMRO: Djali i Xhaferit pa fakultet, prokuror appeared first on Albeu.com.

Nënshkruhet marrëveshja me mbikëqyrësin dhe konsulentin e Korridorit 8 dhe 10

E B — Thu, 02 Feb 2023 13:56:16 +0000

Kompania publike për rrugët shtetërore dhe konsorciumi ndërkombëtar “IRD Engineering”, sot në Qeveri ka nënshkruar kontratën për konsulencën dhe mbikëqyrjen e autostradave në korridoret 8 dhe 10-d, të cilat do të ndërtohen nga konsorciumi amerikano-turk “Behtel dhe Enka”.

Me nënshkrimin e marrëveshjes fillon procesi i negociatave me konsorciumin amerikano-turk “Behtel dhe Enka” për ndërtimin e katër seksioneve të autostradave me gjatësi mbi 120 kilometra në korridoret 8 dhe 10D dhe gjatë këtij viti pritet të fillojnë edhe aktivitetet e ndërtimit.

Ministri i Transportit dhe Lidhjeve Bllagoj Boçvarski tha se në buxhetin e Ministrisë së Transportit dhe Lidhjeve për këtë vit për këtë projekt tashmë janë paraparë 15 miliardë denarë ose rreth 244 milionë euro.-ina

The post Nënshkruhet marrëveshja me mbikëqyrësin dhe konsulentin e Korridorit 8 dhe 10 appeared first on Albeu.com.

Sela: Aktiviteti im politik nuk përfundon me dorëheqjen si kryetar i ASH

E B — Sat, 10 Sep 2022 18:37:03 +0000

Nga Aleanca për Shqiptarët njoftojnë kryetari në largim, Ziadin Sela sot ka realizuar takim me strukturat e partisë në Strugë.

Sela ka falënderuar aktivistët për mbështetjen ndërsa ka bërë të ditur se aktiviteti i tij politik do të vazhdojë edhe pas dorëheqjes nga kreu i partisë.

“Faleminderit të gjithë aktivistëve dhe përfaqësuesve zyrtarë politik të degës për mbështetjen e parezervë që më keni dhënë si Kryetar i ASH. Por aktiviteti im politik nuk përfundon me dorëheqjen si kryetar, sepse unë nuk do heq dorë nga ideali mbi të cilin e kemi ndërtuar subjektin tonë politik, andaj shfrytëzoj rastin të ju bëj thirrje nga këtu të gjithë anëtarëve dhe aktivistëve të ASH nga Struga deri në Likovë që të qëndrojnë pas ushtruesit të ri të detyrës si kryetar i ASH që do zgjidhet javën e ardhshme.

Ndërsa unë, zotohem që do rris fuqishëm aktivitetin tim politik dhe do luftoj me gjithë kapacitetet e mia që ASH të dal si subjekti i parë politik në skenën e politikës në RMV”, tha Sela.

The post Sela: Aktiviteti im politik nuk përfundon me dorëheqjen si kryetar i ASH appeared first on Albeu.com.

Opozita maqedonase vazhdon akuzat ndaj qeverisë: Mbani përgjegjësi për tragjedinë me 45 viktima

E B — Fri, 10 Dec 2021 10:21:54 +0000

VMRO-DPMNE-ja vazhdon të akuzoj pushtetin se po bën çmos që të shmang përgjegjësin për tragjedinë me autobusin e Besa Trans ku humbën jetën 45 qytetarë. Sipas kësaj partie opozitare tanimë është e qartë se pushteti po tenton të fshehë dhe të shpëtojë dikë nga përgjegjësia.

“Kjo tragjedi mori jetën e 45 personave për shkak të lëshimeve të institucioneve. Së pari autobusi nuk ka poseduar licencë për transport ndërkombëtarë. Autobusi në ditën e kobshme ka përdorur dokumente dhe targa të huaja, ndërkohë që nuk ka qenë i regjistruar në sistemin e Doganës. Vozitësit e autobusit nuk kanë qenë të punësuar në kompaninë Besa Trans, ndërsa autobusi ka qenë i riparuar dhe në vend të 49 kishte 54 ulëse. Të gjithë këto gjëra flasin se Dogana, MPB-ja, Ministria e Transportit, Inspektorati Shtetëror për Transport janë përgjegjës për këtë aksident të tmerrshëm”, thuhet në komunikatën e VMRO-DPMNE-së, nga ku shtojnë se tragjeditë në vendin tonë po bëhen përditshmëri.

The post Opozita maqedonase vazhdon akuzat ndaj qeverisë: Mbani përgjegjësi për tragjedinë me 45 viktima appeared first on Albeu.com.