Liverpooli po kërkon të forcojë grupin përpara sezonit 2026/27 dhe është këshilluar të tentojë afrimin e njërit prej futbollistëve që ka spikatur më së shumti në Kupën e Botës këtë verë.

Në konferencën e parë për shtyp si trajner i Liverpoolit, Andoni Iraola deklaroi në fillim të javës se skuadra “ka nevojë për më shumë” lojtarë, pas largimit të disa emrave të rëndësishëm gjatë javëve të fundit.

Andy Robertson u nda me klubin në përfundim të kontratës së tij për t’iu bashkuar Tottenhamit. Ndërkohë, Mohamed Salah është një tjetër largim i madh, ndërsa Ibrahima Konate pritet të firmosë kontratë katërvjeçare me Real Madridin.

Skuadra do të duhet të bëjë edhe pa Hugo Ekitike në javët e para të kampionatit, teksa ai vijon rikuperimin pas këputjes së tendinit të Akilit. Për shkak të dëmtimeve afatgjata, jashtë janë edhe Conor Bradley dhe Giovanni Leoni.

Emri që është rikthyer në radarët e Liverpoolit është Manu Kone. Raportohet se klubi ka riaktivizuar interesimin për mesfushorin e Romës, i cili ka bërë paraqitje bindëse me Francën në Kupën e Botës këtë verë.

Ish-mbrojtësi i Liverpoolit, Stephen Ëarnock, e sheh 25-vjeçarin si një zgjedhje të përshtatshme për ekipin e Iraolas. Sipas tij, Kone zotëron cilësitë e nevojshme për t’u kthyer në një titullar të rregullt.

“Do të më pëlqente ta shihja Manu Kone te Liverpooli. Mendoj se ai është i jashtëzakonshëm. Është shumë i qetë me topin, por gjithashtu është agresiv dhe fizik”.

“Ai është ndoshta pikërisht ajo që i duhet Liverpoolit, një lojtar dominues në mesfushë, i cili gjithashtu di të luajë”, përfundoi ai.

The post Liverpooli vihet pas yllit të Botërorit pas disa largimeve të rëndësishme appeared first on Albeu.com.

Arsenali po i afrohet mbylljes së dy lëvizjeve që mund të kenë ndikim të rëndësishëm në vijimësinë e merkatos verore.

Deri në këtë moment, transferimi i vetëm i kompletuar nga “Topçinjtë” mbetet ai i Piero Hincapie, por situata pritet të ndryshojë në një kohë shumë të shkurtër.

Manu Kone, mesfushori i përfaqësueses së Francës, shihet si përforcimi i parë i ri i Arsenalit për këtë verë.

Sipas asaj që shkruan mediumi italian Corriere della Sera, klubi londinez ka zhvilluar bisedime me përfaqësuesit e futbollistit dhe tashmë ka arritur akord edhe për kushtet personale me 25-vjeçarin.

Kjo nënkupton se Arsenalit i mbetet vetëm të gjejë gjuhën e përbashkët me Romën për vlerën e transferimit, në mënyrë që marrëveshja të finalizohet.

Megjithatë, angazhimi i Kones me Francën në Kupën e Botës mund të sjellë një ngadalësim të lehtë të negociatave.

Mesfushori është aktivizuar në tri prej pesë ndeshjeve të Francës në këtë Botëror. Ai luajti 90 minuta të plota në fitoret e fazës së grupeve kundër Norvegjisë dhe Irakut, ndërsa pati edhe një paraqitje tjetër të mirë në duelin e fazës së 1/8 së finales ndaj Paraguait.

Roma, sipas raportimeve, e çmon Konen në rreth 50 milionë euro, një shifër që konsiderohet e menaxhueshme për buxhetin e Arsenalit.

Futbollisti 25-vjeçar ka ende tre vite të mbetura në kontratën e tij me klubin italian, të cilit iu bashkua në vitin 2024.

Mikel Arteta u përball me vështirësi të mëdha në repartin e mesfushës gjatë sezonit të kaluar, si pasojë e dëmtimeve të lojtarëve si Mikel Merino dhe kapiteni Martin Odegaard, ndaj afrimi i Kones do t’ia lehtësonte ndjeshëm situatën teknikut spanjoll.

The post Arsenal drejt një afrimi të madh, Manu Kone shumë pranë kalimit te londinezët appeared first on Albeu.com.

Mesfushori 25-vjeçar, që aktualisht është i grumbulluar me Francën në Kupën e Botës 2026, është kthyer në një nga emrat më të rëndësishëm në listën e “Topçinjve” për merkaton e verës. Klubi nga Londra po kërkon të shfrytëzojë edhe gjendjen e vështirë financiare që po kalon Roma.

Skuadra e veriut të Londrës ka hedhur hapa të rëndësishëm përpara në tentativën për të mbyllur transferimin e mesfushorit francez.

Sipas Corriere della Sera, dëshira fillestare e Kones ishte një kalim i leverdishëm te Paris Saint-Germain, ndërsa më parë ai kishte hedhur poshtë edhe interesimin e Atletico Madridit. Por, me kampionët e Francës që nuk e konkretizuan afrimin e tij, Arsenali ka përfituar nga kjo situatë dhe ka negociuar me sukses me rrethin e lojtarit për një lëvizje të mundshme drejt “Emirates Stadium”.

Roma po përballet me presion të fortë për të kryer një shitje përpara datës 30 qershor, në mënyrë që të respektojë kërkesat e rrepta të ‘Fair Play Financiar’.

Klubi italian e kishte vlerësuar fillimisht mesfushorin e tij me një çmim prej 50 milionë eurosh. Kone ka spikatur me paraqitjet e tij nën drejtimin e Gian Piero Gasperinit.

Mikel Arteta e konsideron 25-vjeçarin si alternativën taktike më të përshtatshme për të ulur ngarkesën mbrojtëse që në mesfushën e Arsenalit mbart aktualisht Declan Rice.

Shpejtësia me të cilën Kone e çon topin drejt fazës sulmuese mund t’i shtojë ritëm dhe energji repartit të mesfushës së ekipit londinez.

Gjithashtu, ai do t’i sillte skuadrës një profil teknik të ndryshëm nga Martin Zubimendi, pasi stili më i ngadaltë i këtij të fundit po shihet gjithnjë e më pak si i përshtatshëm për lojën dinamike dhe fluide të Artetës.

The post Arsenali siguron akordin personal me Manu Kone, mesfushori i Francës në fokusin e londinezëve appeared first on Albeu.com.