Manjani shprehu angazhimin e qeverisë për përfshirjen e pensionistëve në hapësirën e rritjes ekonomike të vendit. Pyetja më e shpeshtë tha Manjani, është në rastin kur dy pensionistë me të njëjtat vite pune nuk marrin pension të njëjtin.

Sipas saj, faktori kryesor që ndikon në këtë rast është faktori kontributiv.

“Gjithmonë do të marrim pension mbi bazën e kontributeve që kemi derdhur ndër vite. Për të përfituar një pension minimal duhen 15 vite punë dhe për të përfituar pension të plotë kërkohen 38 vite punë. Pra kuptohet që kuota e pensioneve është e ndryshme sa i takon viteve të punës”, tha Manjani.

Megjithatë theksoi ajo, ka dhe një faktor tjetër që lidhet me masën e këtyre kontributeve .

“Kontributet mund të paguhen ose mbi bazën e një pagë minimale ose mbi bazën e një pagë maksimale. Pra nëse një individ ka punuar 15 vite punë dhe këto Kontribute i ka derdhur mbi bazën e një page minimale dhe një individ tjetër këto kontribute i ka derdhur mbi bazën e një page maksimale, kemi të bëjmë me rastet kur i pari do të marrë një pension minimal dhe tjetri pension maksimal”, shpjegoi zv.ministrja.

Ajo theksoi se, është shumë e rëndësishme që pagesat e kontributeve të bëhen mbi bazën e pagave reale, pasi pensionet janë të lidhura drejtpërdrejtë me kontributet e derdhura.

Një pyetje tjetër vuri në dukje Manjani, është se çfarë do të bëj qeveria për rritjen e pensioneve?

Manjani tha se, qeveria ka bërë një analizë të situatës: Momenti i parë është adresimi i pensioneve të vogla dhe hendeku që ekziston mes pensioneve të ulëta dhe të larta.

Nëpërmjet rritjes së pensioneve duam t’u sigurojmë të gjithë qytetarëve shqiptarë të kenë një pension të denjë e të qëndrueshëm.

Për këtë, shpjegoi ajo, kemi propozuar një grup masash afatshkurtra që parashikon se instrumenti kryesor afatshkurtër është nëpërmjet dhënies së bonuseve.

Në grupin e dytë të masave ne po shikojmë mundësinë për të rishikuar në tërësi të gjithë skemën e pensioneve dhe për të kuptuar që në terma afatgjatë mund të ndryshojmë diçka me atë se si reflektohen kontributet me masën e pensionit, sa duhet të jetë mosha mesatare e daljes në pension etj.

“Është e rëndësishme që skema e pensioneve, e cila është një skemë solidariteti me mbulim universal, që do të thotë se çdo njeri në Shqipëri kur mbush 70 vjeç dhe nëse nuk ka punuar asnjëherë në jetën e tij, apo nuk ka derdhur kontribut, ne jemi kujdesur që të përfitojnë një pension. Pasi të rregullojmë parimin kontributiv grupi i dytë i reformave është si do të rishikohet formula e llogaritjes e skemës së pensioneve në mënyrë që të reflektohen kontributet e dhëna në vlerë, por të merret parasysh dhe rritja e pensionit në vijueshmëri për të siguruar një jetë të denjë”, deklaroi Manjani.

The post Manjani: Rritja e pensionit në vijueshmëri për të siguruar një jetë të denjë appeared first on Albeu.com.

‘Ervin Salianji është dënuar pa ligj. Nuk është e shkruar në Kodin Penal të Shqipërisë, denoncimi i rremë publik. Kjo është më e rënda e mundshme që mund ti ndodhë një shoqërie, një shteti dhe një sistemi drejtësie, të dënosh dikë pa ligj.
Enver Hoxha nuk ka dënuar njeri pa ligj. Agjitacioni e propaganda ishte në kodin penal, neni 55. Askush nuk mund të thotë që u dënova pa ligj, diktaturë po, por ama ka qenë me ligj.

Nuk ka një nen në kodin penal që të justifikojë dënimin e Ervin Salianjit.
Kaq! Këtu fillon dhe mbaron ky argument.

Të dalësh në televizor dhe të thuash diçka të rreme, është maksimumi shpifje, të cilin individi mund ta pretendojë në një gjyq me gjoba. Të thuash diçka të rreme, para prokurorit, gjykatësit ose duke bërë një kallëzim merr me vete edhe përgjegjësinë e përmbajtjen e kallëzimit.
Janë dy gjëra krejt të ndryshme’, tha Ylli Manjani

The post “Edhe diktatori nuk të dënonte pa ligj”, ish-ministri Manjani shpërthen ndaj Ramës për arrestimin e Salianjit appeared first on Albeu.com.

Manjani ka bërë një deklaratë të fortë gjatë fjalës së tij. Ai tha se nuk ishte dakord me përmendjen e emrave gjatë diskutimit, pasi Berisha përmendi gjyqtarin Sokol Sadushi, ndërsa vetë përmendi Saimir Tahirin. Sipas tij, ai u prangos për t’u përdorur më pas si mjet presioni për gjithë të tjerët.

“Nuk i dal në mbrojtje njeriu. Për interesin publik përdor edhe emra konkret. Kam përdour edhe emrin e Saimir Tahirit. Po nuk ka shpërdoruar detyrën Saimir Tahiri, për të qenë të drejtë. Kjo nuk është drejtësi. Është maskaradë për t’ju thënë njërëzve që ne kur fusim Saimirin tonë, nuk pyesim për ju. Kjo nuk është drejtësi, është hakmarrje,”-tha ai. Ndëra propozoi edhe ndryshimin e të gjithë Kushtetutës së Shqipërisë, me pretendimin se e ka përmbushur ciklin e saj./albeu.com

The post Manjani ndaj Berishës: S’ka shpërdoruar detyrën Saimir Tahiri, e gjitha maskaradë appeared first on Albeu.com.