Sapo mori fjalën, Manja u shpreh se po i drejtohej Peleshit për një “ndjesë me mikrofon”, duke iu referuar një situate të mëparshme në sallë, ku sipas tij kishte kërkuar falje pa mikrofon.

“Ndjesa ime pa mikrofon është më e fortë se cinizmi yt me mikrofon”, tha Manja, duke shtuar se ndërhyrja e tij lidhej edhe me pamundësinë për të replikuar më herët gjatë debatit.

Ai theksoi se, megjithëse rregullorja e Kuvendit nuk lejon replika në atë moment, ekziston mundësia e mirëkuptimit mes kolegëve për ndryshimin e radhës së fjalës, gjë që sipas tij nuk u respektua.

Gjatë fjalës së tij, Manja iu rikthye edhe debatit politik me opozitën, duke përmendur kreun e PD-së Sali Berisha, të cilin e akuzoi për përdorimin e gjuhës së ashpër dhe të konfliktit politik ndër vite.

Sipas tij, përballja me një figurë me eksperiencë të gjatë politike kërkon më shumë se rregullore parlamentare, duke iu referuar “rregullores personale” të çdo politikani në debat.

Në fund të replikës, Manja u shpreh se reagimi i tij ishte i nevojshëm për të sqaruar situatën e krijuar në sallë.

“Z. kryetar i Kuvendit, meqë qëparë nuk ma dhe fjalën për të konsumuar minutat e mia për t’iu përgjigjur Sali Berishës për akuzat që bëri, të paktën të kërkoja edhe ndjesën me mikrofon se të ula gradat që ke dhe preferove që në vend të ndjesës publike simes pa mikrofon të dominojë cinizmi yt me mikrofon. Dua të të kujtoj se fuqia e ndjesës pa mikrofon është shumë më e fortë sesa cinizmi i kujtdo në këtë sallë. Unë e njoh rregulloren e Kuvendit dhe sigurisht nuk lejohet replika, por e drejta për të ndryshuar radhën në mirëkuptim me kolegët dhe ju, ekziston. Ju nuk e patët këtë mirëkuptim dhe e mirëkuptoj sepse nuk është e lehtë të përballesh me një dinozaur politik si Sali Berisha që ka 40 vjet që mbijeton në politikë me mjetet që di të përdorë më mirë: intrigën, presionin, baltën, shpifjen, shantazhin, shto tani në fund edhe gradën shkencore non grata. Që të përballesh me këtë nuk të vjen në ndihmë rregullorja e Kuvendit sesa rregullorja jote”, tha Manja.

Nga ana e tij, Peleshi u përgjigj shkurt se nuk e lejon rregullorja të replikojë në atë moment, por shtoi se do t’i analizojë deklaratat e Manjës për të reflektuar më tej mbi qëndrimin e tij.

The post Manja replika në Kuvend me Peleshin: Ndjesa pa mikrofon vlen më shumë se cinizmi yt, të ula gradat… appeared first on Albeu.com.

Debati nisi pas mbarimit të fjalimit të Berishës, i cili përmendi deputetin socialist. Ulsi Manja kërkoi fjalën për të replikuar, por për shkak të dakordësise mes palëve për minutazhin e diskutimit për rezolutën e integrimit, Peleshi nuk ia dha fjalën.

Kjo situatë solli disa momente humori nga radhët e opozitës, të cilët shpërthyen në te qeshura dhe duartrokitje.

Debati nisi pas mbarimit të fjalimit të Berishës, i cili përmendi deputetin socialist. Ulsi Manja kërkoi fjalën për të replikuar, por për shkak të dakordësise mes palëve për minutazhin e diskutimit për rezolutën e integrimit, Peleshi nuk ia dha fjalën.

Kjo situatë solli disa momente humori nga radhët e opozitës, të cilët shpërthyen në te qeshura dhe duartrokitje.

Debati: 

Peleshi: Zoti Manja nuk ka fjalë për procedurë, sepse jemi me minutazh të përcaktuar. Nuk ka as replikë dhe as procedurë se jemi me minutazh. Zoti Balla e ka fjalën

Manja: Më përmendi emrin…

Peleshi: Nuk mundemi jemi me minutazh të përcaktuar. Në orën 16 duhet të mbarojnë të gjitha diskutimet

Manja: Ai të thotë ça të dojë…(nuk dëgjohet çfare thotë me tej, pasi flet pa mikrofon)

“O Niko”… dëgjohet Manja nga salla.

Peleshi: Unë nuk jam Niko, ju lutem

Manja: Ndjesë…

Peleshi: Zoti Manja e thamë që në fillim mos ti ngelet hatri askujt është me minutazh të përcaktuar, mos i ngelet hatri askujt.

Manja: O zotëri…

Peleshi: Kur t’ju vijë radha do flisni

Manja: Ma jepni tani

Peleshi: Kur t’ju vijë radha do flisni 5 minuta

The post “Unë nuk jam Niko”/ Manja përplaset me Peleshin: Kryetari i Kuvendit nuk i jep fjalën për replikë me Berishën! Deputeti i PS: Ai të thotë çfarë të dojë… (VIDEO) appeared first on Albeu.com.

Shqyrtimi i projektligjit “Për identifikimin elektronik, shërbimet e besuara dhe portofolin e identitetit digjital”, në komisionin për Çështjet Ligjore dhe Administratën Publike, u shoqërua me përplasje mes deputetit Gent Strazimiri dhe Kryetarit të Komisionit të Ligjeve, Ulsi Manja.

Gjatë fjalës së tij, Strazimiri nuk i ka kursyer ironitë kur ka pyetur se çfarë kriteri plotëson AKSHI, i cili konsiderohet si i vetmi institucion që mund të kryejë Identifikimin Elektronik.

Gjithashtu, Strazimiri theksoi se AKSHI nuk po përmbush asnjë kriter, pasi të gjithë njerëzit i ka në burg dhe sipas tij, edhe ata që nuk janë po bëhen gati të shkojnë.

Strazimiri: Duhet të shqetësohemi sidomos kur marrim nga qeveria përgjigjen që i vetëm institucion që mund të krijojë identitetin digjital qenka AKSHI, që është struktura shtetërore e zhytur në skandale të të gjithë llojeve, ku gjysmën e njerëzve i ka në kërkim, gjysmat në burg, gjysmat po bëhen gati të shkojnë në burg. E rëndësishme është që komisioni të thellohet. Nëse do të shkojmë te Kaçanai që jetoka me qera por as vetë nuk di se ku i ka vilat, u ngatërroka, e rëndësishme është që t’i japim kohë vetes e të shohim si implementohet. Kur të dhënat tona elektronike prej 10 vitesh i kanë në dorë patronazhistët, ose i marrin sa herë të kenë qejf iranianë t e i nxjerrin, në fund na del që i paskan shitur vetë ata të AKSHI-t që janë në burg ose në kërkim nga kjo drejtësia e re, duhet të ndalemi të mendohemi e të bëjmë disa seanca dëgjimore. Ose ta çojmë në gropë, aty ku ka rënë AKSHI, këtë praktikë pa lindur mirë akoma. Kur themi që i vetmi institucion që përmbush kriteret për të implementur këtë ligj qenka AKSHI, ti i pari duhet të thuash a të çohemi ta mbyllim e t’i vëmë drynin këtij institucioni, sepse e dimë ku do ta çojë, AKSHI i ka në burg njerëzit.

Manja: Institucioni është institucion dhe individi është diçka tjetër. E dëgjova sugjerimin tuaj, por edhe nëse do të ftojmë ekspertët më të mirë ndërkombëtarë ti sërish nuk e ndërron mendimin

Strazimiri: Bëni të paktën sikur shqetësohesh.

Manja: Nuk bëjmë dot. Ne do ta miratojmë projektligjin sepse na keni kërkuar disa herë të bëni sikur jeni pro ligjeve të integrimi. Ky është një nga këto ligje. Në Konferencë Kryetarësh, në seancë plenare para dy javësh na keni thënë t’u themi kush janë ligjet e paketës së integrimit që të mbani qëndron pro tyre.

Strazimiri: Çfarë kriter përmbush AKSHI kur i ka të gjithë njerëzit në burg, dhe ata që nuk janë po bëhen gati të shkojnë atje?

The post Strazimiri “përplaset” me Manjën për identifikimin elektronik: Çfarë kriteri përmbush AKSHI kur i ka të gjithë njerëzit në burg appeared first on Albeu.com.

Si për të reflektuar çmimet e larta të uishqimeve që Braçe i ka denoncuar shpesh në rrjetet socuiale dhe në opinionin publik, deputeti socialist zgjodhi këtë mënyrë këtë seancë plenare.

Së bashku me Braçen, ishte dhe deputeti tjetër socialist Ulsi Manja. Teksa po hynin dhe po bisedonin, Braçe dëgjohet që i thotë Manjës: “Lëre tani paj Zotin, muhabete leshi”.

The post FOTO/ Seanca plenare, Braçe shkon në parlament me qese ushqimesh me vete, batuta me Manjën: Lëre tani, se janë muhabete l*shi appeared first on Albeu.com.

“Në kërkesën e SPAK-ut s’ka akuza as për korrupsion e as për pengim të drejtësisë nga ana e deputetes“, u shpreh Manja.

Manja thotë se pretendimet e SPAK janë hipotetike dhe të pabazuara në prova apo fakte. Në raport thuhet se për sa kohë Belinda Balluku nuk ushtron më funksione ekzekutive, nuk ka më asnjë rrezik real të prishjes së provave.

“Kam që nga viti 2013 jam në këtë sallë dhe në fakt në këtë sallë kjo është kërkesa e 7 e organit të akuzës që vjen në këtë kuvend për dhënie autorizimi për arrestimin e një anëtari parlamenti. Nuk kam dëgjuar në këtë sallë raport më të detajuar në analizën e provave, fakteve dhe rrethanave të një kërkese të SPAK se sa sot.

Gjë cila në fakt bie ndesh në frymën e nenin 73 të Kushtetutës, madje këtë raport kaq të detajuar nuk ke kam dëgjuar nga kolegët e opozitës as në 21 dhjetor 2023 kur këtu kishim kërkesën e SPAK për një tjetër anëtarë, por atëherë me një ndryshim, raporti i pakicës sugjeronte ndryshe nga sot, rrëzimin e kërkesës me argumentit se nuk plotësohen kërkesat e nenit 260 të procedurës penale. N raportin e shumicës do t’i qëndrojë besnik Kushtetutës.

Në emër të anëtarëve të shumicës, në momentin që e paraqitëm raportin tonë për kërkesën e SPAK për dhënien e autorizimit për arrestimin e Ballukut, ka ndodhur një realitet i ri. Juridik që e ndryshon natyrën e vlerësimit dhe shqyrtimit të kërkesës së SPAK.

Ky fakt ka të bëjë me atë që deputetja në fjalë nuk ushtron më funksione ekzekutive për shkak të ndryshimeve në kabinetin qeveritar. Masa e sigurimit personal, ajo e pezullimit nga detyra, nuk prodhon më asnjë efekt, në të njëjtën linjë, raporti ynë e qartëson edhe narrativen mbi të cilën SPAK ka ndërtuar kërkesën e aplikimit masave më të rënda, prishja e prova, apo arratisje, janë hipotetike për sa kohë lidhet me ushtrimin e funksioneve ekzekutive, detyra në fjalë që nuk i ushtron më.

Shpesh kemi parë përpjekje për ta zhvendosur këtë çështje në një gjykim publik që bie ndesh me shtetin e të drejtësh dhe prezumimin e pafajësisë. Është e domosdoshme që kuvendi të flasë qartë, të dalë politikën nga drejtësia, zhurmën nga faktet dhe gjykimin publik nga procesi i rregullt ligjor. Kuvendi nuk është sot përballë një votimi të zakonshëm, jemi përballë një vendimmarrje q prek lirinë personale të një deputeti, ushtrimin e mandatit dhe balancën ndërmjet pushteteve. Kuvendi ska kompetencë të gjykojë fajësinë”, tha Ulsi Manja.

The post Manja lexon raportin për Ballukun: Në kërkesën e SPAK-ut s’ka akuza as për korrupsion e as për pengim të drejtësisë appeared first on Albeu.com.

Manja kujtoi se kallëzimi i parë penal, është bërë në gusht të vitit 2024 nga ish-kryetari i Partisë Demokratike, Lulzim Basha, ndërsa një kallëzim i dytë është depozituar në shtator të të njëjtit vit nga Gazment Bardhi.

Sipas tij, më pas në vitin 2025 këto dy procedime janë bashkuar në një procedim të vetëm penal, i cili tashmë ka një numër unik dhe mbi bazën e të cilit po zhvillohen hetimet.

Manja theksoi gjithashtu se kallëzimet e vitit 2024, të cilat lidhen me veprën penale “shkelje e barazisë në tendera apo ankande publike”, përkojnë me një periudhë parazgjedhore. Ai shtoi se kjo vepër penale nuk klasifikohet si korrupsion, por si një vepër me natyrë administrativo-penale.

“Në lidhje me faktin nëse kërkesa është bërë nën ndikime politike. Ndonëse mbrojtësit e Ballukut nuk bënë pretendime, ama këshilli konstaton një fakt publik, kallëzimi i bërë në gusht 2024 është bërë nga Lulzim Basha ish kryetar i PD. Kallëzimi i dytë në shtator 2024 nga Gazment Bardhi, i cili ka qenë në kushtet e konfliktit të pastër të interesit.

Më vonë pastaj në 2025 këto dy procedime penale janë bashkuar në një procedim penal dhe që sot mban një numër unik procedimi mbi bazën e të cilit po zhvillohen hetimet.

Viti 2024 kohë kur u bënë kallëzimet për veprat penale shkelje të barazisë në tendera apo ankande publike, që nuk është një vepër korruptive, por është një vepër me natyre administrativo penale, koincidon me një periudhë parazgjedhore”, tha nder të tjera Manja.

The post Raporti i PS për imunitetin e Belinda Ballukut, Ulsi Manja: Shkelje e barazisë në tendera nuk është vepër korruptive appeared first on Albeu.com.

Pas marrjes së fjalës nga ky i fundit, Zegjine Çaushi ka ndërhyrë, por kryetari i komisionit Ulsi Manja i ka tërhequr disa herë vëmendjen.

Saimir Korreshi: Ore mos na keni vënë ndonjë kamera të fshehtë dhe kjo seancë mos është ndonjë kamera e fshehtë për vit të ri. Po bëheni qesharakë me këtë ligj.

Ulsi Manja: Seanca është publike, jemi live, në dritë të Dillit, po të duash ti ngre edhe grilat.

Flet anëtarja e komisionit, Zegjine Çaushi, me mikrofonin fikur…

Ulsi Manja: Zonja Çaushi të lutem, zoti Korreshi vijo me fjalën tuaj.

Saimir Korreshi: Unë kam hall testin e kartelës e kanë kaluar, që na sjellin këto lloj ligjesh. E ka kaluar testin neuro-psikiatrik, se të vish me këto ligje këtu duhet të kalosh testin neuro-psikiatrik

Zegjine Çaushi: Kush duhet ta kalojë këtë?

Ulsi Manja: Zonja Çaushi, të lutem. Të bëhemi pak seriozë se Shqipëria ka në fuqi ligjin numër 60/2016.

Saimir Korreshi: Atje nuk erdhi ministri, këtu vjen ministri. Hall i madh ju ka rënë se si duhet ta plotësoni vendin se do të ketë shumë kërkesa spiunësh. Ja spiunlliqet. Me këtë ligj nuk i bëjmë nder Shqipërisë, vetes bëni çfarë të doni. Ju po krijoni një lloj lufte spiunash.

Ulsi Manja: A ka mundësi të mos ndërhyni kur flasin deputetët, çfarë të dojë të thotë.

The post Duhet të kalosh testin neuro-psikiatrik/ Zegjineja përplaset me Korreshin, Manja i tërheq vëmendjen appeared first on Albeu.com.

Sipas kreut të selisë blu, Rama gjeti një pretendim se nuk e linte ligji që të shkarkonte zëvendësen e tij, teksa iu kthye edhe historisë së takimit që zgjati 7 orë në Kryeministri pas masës së GJKKO-së ndaj Ballukut me kërkesë të SPAK.

Ai deklaroi se ndërsa Rama nuk e shkarkoi Ballukun, thirri në zyrë si ndërmjetës edhe ish-ministrin e Drejtësisë, Ulsi Manja dhe aty ka pasur debate mes deputetit dhe ministres, ku kjo e fundit i ka folur edhe me kode.

“Bien dakord të thërrasin të dy Uluziun si urë. E kapët ju dhe me kamerat tuaj dhe pas një farë kohe u fut atje. U thirr në zyrë nga Rama pas takimit me Ballukun. Uluziu natyrisht mbajti anën e Ramës. E çfarë i tha Lubia? I tha më shiko pak në sy kur flas, më shiko pak në sy! E meku, e qepi! Muret nuk kanë vetëm veshë, kanë edhe sy”, u shpreh Berisha, duke bërë publike detaje të tjera nga biseda e pretenduar në zyrën e Ramës mes të treve.

Më parë Berisha ishte shprehur se Balluku e kishte kërcënuar Ramën duke i thënë se; “nuk ishte qurrashi i Bashkisë” apo se “mund ta merrte me vete”.

The post Takimi 7 orë në zyrën e Kryeministrit pas masës së GJKKO/ Berisha zbulon çfarë i tha Balluku në sy të Ramës, Ulsiu u mek… appeared first on Albeu.com.

“Sa herë vjen seanca e diskutimit të buxhetit në Kuvend, të gjithëve themi se është seanca më rëndësishme në jetën e parlamentit. Ne nuk presim ta duartrokisni buxhetin tonë, sepse kjo seancë shfaqet në një mënyrë të qartë edhe dallimi politik midis 2 kahjeve tona, dhe ky buxhetin lidhet me vizion qeverisës 2025-2030. Nuk jemi të gjithë ekonomistë a financierë, po jemi me profesione të ndryshme, por dimë t’i lexojmë shifrat e buxhetit.

U tha buxheti i Partisë Demokratike. Nuk krahasohet as ky buxhet e as buxhetet tona përgjatë 12 viteve. Janë mbi 9 miliardë euro. Ky buxhet garanton mirëqenien e qytetarëve, ky buxhet konsolidon financat publike. Borxhi publik vjen në rënie. Buxheti është shpërndarë në mënyrë të tillë që garantin një zhvillim gjithëpërfshirës të ekonomisë

Kur shkoni te njerëzit për të nxjerrë foto në FB, mos shkoni me veshje 5000-6000 euro se është gjynah”, tha Manja.

The post Manja-deputetëve të PD-së: Kur shkoni te njerëzit për të nxjerrë foto në FB, mos shkoni me veshje 5000-6000 euro appeared first on Albeu.com.

Teksa Berisha po fliste duke prezantuar kërkesën për komision hetimor për çështjen McGonigal, kryedemokrati akuzoi Manjën për shpenzime marramendëse për kostume.

Ky i fundit hoqi xhaketën dhe sfidoi Berishën për transparencë se cila nga xhaketat kushton më shumë.

Berisha: Nga telefoni jot e kërcënoi Rama gjykatësin, je i inkriminuar, të bëri “kokë turku”. Ato kostumet ku i ke ti? Ku i ke ato kostumet, i ke fshehur. I ke fshehur ato të Altin Hajrit. Ku i ke? Të ka dhënë dy, jo një. E nxore dhe është i lirë sot. Ku e çantën Louis Vuitton, 500 mijë eurot. Do përfundosh në kërkim si Altin Hajri, nuk ke shpëtim. E akuzova unë, tha jo nuk kam qenë unë në Vjenë, ka qenë Etilda.

Manja: Sali që të merremi vesh, ty të ka zënë sindroma e Stokholmit dhe nuk rri dot pa mua në këtë seancë. I ke përmend këto kostumet pafund. Unë të sfidoj, çfarë kostumesh vesh Ulsi Manja dhe çfarë vesh Sali Berisha, t’i nxjerrim, sa bën e jotja dhe sa bën e imja. E dyta, ta kam thënë që unë nuk pres të më dal kush e të më shoqërojnë në raportin tim më drejtësinë, atë ditë që do kërkojë një shërbim prej meje do e respektoj. Sa për çantën “Louis Vuitton” kam pyetur ChatGtp nëse ka çantë 500 mijë euro, më ka thënë s’ka, kush ta ka thënë. Sa për kostumet të sfidoj, jam gati të vij aty te ti dhe ta nxjerrim dhe xhaketën dhe ti dhe unë dhe ta çojmë për ekspertim tekstili, se vetëm copa jote bën 2 mijë euro, pa hak pune.

The post Manja zhvesh xhaketën në parlament, Berisha: Ku i ke kostumet dhe çantën Louis Vuitton 500 mijë euro? Deputeti: Të sfidoj dhe ty të zhvishesh dhe t’i çojmë për ekspertim tekstili appeared first on Albeu.com.