Shqiptari dhe tre personat e tjerë akuzohen se në bashkëpunim mes tyre kanë vrarë duke e rrahur me shkelma dhe grushta një person që shiste drogë.

Mediat gjermane raportojnë se ka qenë 42-vjeçari turk i cili ka joshur brenda banesës së tij shitësin e drogës, dhe më pas në bashkëpunim me tre perosnat e tjerë mes tyre dhe një shqiptar e kanë rrahur shpërndarësin për vdekje.

Pas dhunës së ushtruar shpërndarësi i drogës është lënë i lirë të largohet, por ai ka humbur jetën 3 ditë më pas në spital, pasi nuk ka mundur t’i mbijetojë plagëve të marra.

Një nga të pandehurit thuhet se ka goditur shpërndarësin në fytyrë në Mannheim në fillim të prillit.

Më pas thuhet se i ka kërkuar 1000 euro për pretendime të rreme për babain e të pandehurit.

Megjithatë, thuhet se pagesa nuk ka ndodhur. Të pandehurit u arrestuan në fund të majit 2023 dhe që atëherë janë në paraburgim. Vendimi pritet në mes të prillit./albeu.com

The post Rrahën për vdekje shitësin e dr*gës, dalin para gjykatës shqiptari dhe tre persona të tjerë appeared first on Albeu.com.