Albulena Haxhiu ka bërë të ditur se, në bazë të Kushtetutës së Republikës së Kosovës dhe pas nominimit të Lëvizjes VETËVENDOSJE!, Albin Kurti është caktuar mandatar për formimin e Qeverisë së Republikës së Kosovës.

Haxhiu i ka uruar Kurtit mbarësi në përmbushjen e përgjegjësive që lidhen me besimin e qytetarëve dhe në krijimin sa më të shpejtë të Qeverisë.

Sipas saj, Kurti duhet t’i ushtrojë këto përgjegjësi në shërbim të Republikës së Kosovës dhe qytetarëve të saj.

Në njoftimin e saj, Haxhiu ka deklaruar: “Në përputhje me Kushtetutën e Republikës së Kosovës dhe pas propozimit të Lëvizjes VETËVENDOSJE!, kam caktuar z. Albin Kurti mandatar për formimin e Qeverisë së Republikës së Kosovës.”

Ajo ka shtuar: “Z. Kurtit i uroj sukses në ushtrimin e përgjegjësive që burojnë nga besimi i qytetarëve, si dhe në formimin sa më të shpejtë të Qeverisë, në shërbim të Republikës së Kosovës dhe qytetarëve të saj.”

The post Haxhiu emëron Kurtin mandatar për krijimin e Qeverisë pas nominimit nga LVV-ja appeared first on Albeu.com.

Osmani, në mbështetje të kompetencave të saj kushtetuese, ka nënshkruar sot Dekretin, me të cilin mandaton Albin Kurtin për formimin e Qeverisë së Republikës së Kosovës.

Ky vendim, është marrë pas propozimit zyrtar të partisë Lëvizja Vetëvendosje, e cila ka fituar numrin më të madh të ulëseve në Kuvend nga rezultatet e zgjedhjeve të mbajtura me 9 shkurt të këtij viti.

Sipas Kushtetutës, mandatari për formimin e Qeverisë, z. Kurti, është i obliguar që jo më vonë se pesëmbëdhjetë (15) ditë nga dita e dekretimit, t’i paraqesë Kuvendit të Republikës së Kosovës përbërjen dhe programin e Qeverisë për miratim.

“Presidentja i ka uruar suksese Kurtit, kryeministër në detyrë, me shpresën që Republika e Kosovës sa më parë të ketë Qeveri me mandat të plotë kushtetues”, shkruhet në mesazhin e presidentes Vjosa Osmani në facebook.

The post Presidentja Vjosa Osmani mandaton Albin Kurtin për formimin e Qeverisë së Kosovës appeared first on Albeu.com.