Manchester United-Nottingham Forest Archives - Albeu.com

Erik ten Hag sjell harmoninë në “Old Trafford”: Tifozët kanë nevojë për një trofe këtë sezon

E S — Tue, 24 Jan 2023 15:58:36 +0000

Rezultatet pozitive dhe loja e bukur që lojtarët e Manchester United po ofrojnë ndeshjet e fundit, flet shumë atmosferën e ngrohtë dhe optimiste që është krijuar në “Old Trafford” e këtë gjë e konfirmon dhe tekniku hollandez i “djajve”, Erik ten Hag.

Ditën e nesërme, Manchester United do të përballet ndaj historikëve të Nottingham Forest, në ndeshjen e parë të gjysmë-finales së “EFL Cup” e tekniku ten Hag kërkon me ngulm një trofe këtë sezon.

“Të fitosh një trofe është ndjenja më e mirë që mund të kesh. Kam pasur fatin të fitoj disa trofe në karrierën time dhe kjo është e mrekullueshme, veçanërisht për tifozët. Mendoj se tifozët vendas kanë një përvojë me këtë, veçanërisht ata më të moshuarit.

Por tani është periudha kur Manchester United nuk fiton trofe dhe e fundit ishte shumë kohë më parë. Ne jemi të vetëdijshëm për këtë fakt dhe duhet të bëjmë gjithçka për të fituar trofeun”,- u shpreh në konferencën për shtyp, tekniku hollandez. /albeu.com

The post Erik ten Hag sjell harmoninë në “Old Trafford”: Tifozët kanë nevojë për një trofe këtë sezon appeared first on Albeu.com.

VIDEO/ Rashford nis me gol dhe assist periudhën “post-Ronaldo”, në fitoren 3-0 me Nottingham

E S — Tue, 27 Dec 2022 21:56:24 +0000

Periudha “post-Ronaldo” duket se ka nisur me sukses për trajnerin e Manchester United, Erik ten Hag. “Djajtë e kuq” arritën të siguronin një fitore të pastër 3me 0, ndaj një kundërshtari që i hapi jo pak probleme (Nottingham Forest).

Djemtë e ten Hag nuk vonuan ofensivat sulmuese, por me të dëgjuar bilbin e arbitrit filluan të ushtronin presion mbi portën e kundërshtarit.

Goli i parë do të vinte në minutën e 19’, nga Marcus Rashford, i cili pas një pasimi në qendër të zonës nga Christian Eriksen, goditi saktë portën e mbrojtur nga Hennessey, duke e çuar topin në rrjetë. Goli i dytë nuk do të vononte pasi vetëm 3 minuta më vonë, Martial realizon me një goditje potente në hyrje të zonës.

Pjesa e dytë do të ishte e qetë, deri në minutën e 88’, ku Fred shënon golin e tretë pas një pasimi të Casmeiros, duke i dhënë Nottinghamit goditjen e “knock-out”.

Pas kësaj fitoreje, Manchester United shkon në kuotën e 29 pikëve dhe ndodhet në vendin e 5-të, me 4 pikë më shumë se Liverpool i vendit të 6-të. /albeu.com

SHIKONI GOLAT:

The post VIDEO/ Rashford nis me gol dhe assist periudhën “post-Ronaldo”, në fitoren 3-0 me Nottingham appeared first on Albeu.com.

VIDEO/ 2 gola në 2 minuta, Manchester United “trondit” mbrojtjen e Nottingham

E S — Tue, 27 Dec 2022 20:29:49 +0000

Ndeshja mes Manchester United dhe Nottingham Forest është duke dhuruar spektakël.

Pas më shumë se 20 minutave qetësi, “djajtë e kuq” kanë gjetur rrugën e rrjetës 2 herë rradhazi, si fillim me Rashford e më pas me Anthony Martial.

SHIKONI GOLAT:

/albeu.com

The post VIDEO/ 2 gola në 2 minuta, Manchester United “trondit” mbrojtjen e Nottingham appeared first on Albeu.com.