“Ke gjë personalisht me mua?” i tha Manastirliu Zhupës.

Pasi përfundimit të fjalimit të Manastirliu Zhupa kërkoi mundësinë për të replikuar, por kjo kërkesë iu refuzua nga nënkryetarja e Kuvendit, Klodiana Spahiu.

The post Tensione në Kuvend/ Zhupa kërkon fjalën për replikë, drejtuesja e seancës refuzon, Manastirliu- demokrates: Ke gjë personale me mua? appeared first on Albeu.com.

Ajo i ftoi ata të japin kontributin e tyre dhe të jenë pjesë e programeve dhe nismave të reja të bashkisë, duke nisur me një pjesëmarrje aktive në diskutimet e platformave të dialogut me të rinjtë.

“Nëse do të bëjmë një gjë dhe do ta bëjmë në mënyrë konsistente është diskutimi në platformat e dialogut me të rinj për çdo vendimmarrje të bashkisë sepse të rinjtë, jo vetëm që duhet të jenë pjesë e politikave që bashkia ndërmerr, programeve, por të rinjtë duhet të kontribuojnë aktivisht në këto programe. Duhet të kontribuojnë aktivisht në punët e bashkisë, në punët e qytetit”, u shpreh Manastirliu, teksa vlerësoi se energjia e të rinjve është e jashtëzakonshme për t’i kthyer idetë në realitet.

Kandidatja e Partisë Socialiste për Bashkinë e Tiranës, u shpreh se Tirana e vitit 2030 do të jetë “një qytet i të rinjve dhe për të rinjtë”,

“Janë shumë të rinj sot që na bashkohen sepse shohin qëllimin e përbashkët, për të mirën e përbashkët dhe ajo që na bashkon të gjithëve sot këtu, është edhe një tjetër emërues. Është ajo që ne duam të bëjmë për fëmijët dhe për të rinjtë, sepse Tirana e 2030-ës është Tirana e së ardhmes që u përket ju, të rinjve”, tha Manastirliu ndërsa nënvizoi se Bashkia e Tiranës do të jetë me “derë të hapur” për çdo profesionist të ri që dëshiron të kontribuojë për qytetin, përmes programeve të praktikave të punës dhe angazhimeve vullnetare.

The post Kandidatja e PS-së, Ogerta Manastirliu: Bashkia do të jetë derë e hapur për çdo profesionist të ri që dëshiron të kontribuojë për qytetin appeared first on Albeu.com.

Manastirliu deklaroi se hapësirat e e çliruara, do t’u kthehen qytetarëve të Tiranës.

“Plani ynë për t’ua kthyer hapësirat e çliruara fëmijëve e të moshuarve, në çdo lagje dhe çdo bllok banimi të Tiranës është i qartë, i strukturuar dhe intensiv.

Sot takova banorët e Njësisë nr. 1, bashkë me Linditën dhe Ervinin, për të dëgjuar me vëmendje shqetësimet e tyre dhe për të folur për programin tonë për zhvillimin e Tiranës, në harmoni mes qytetit dhe biznesit, pa cënuar hapësirat publike”, shprehet Manastirliu.

The post Ogerta Manastirliu nis fushatën, takim me banorët e Tiranës: Plani ynë, t’u kthejmë hapësirat e çliruara fëmijëve e të moshuarve appeared first on Albeu.com.

Ministrja njoftoi se 30 shkolla të reja dhe të rehabilituara janë gati të presin nxënësit këtë vit, ndërsa rrjeti i laboratorëve inteligjentë në shkolla është zgjeruar në 340, me objektivin për të arritur në 1000 laboratorë në të gjithë vendin.

Mesazhi i plotë i Manastirliut:

Të dashur nxënës, mësues dhe prindër!

Sot është një ditë e veçantë. Një ditë që përsëritet çdo vit, por që gjithmonë sjell emocione të reja. Është dita e parë e shkollës. Një ditë që na kujton se arsimi është fillimi i çdo rruge të bukur, i çdo ëndrre që duam të realizojmë.

Në këtë mëngjes shtatori, të gjithë së bashku ndajmë një simbolikë të fortë për fëmijët që për herë të parë hedhin hapin në klasën e parë. Për mbi 26,500 nxënës, kjo ditë është dritarja më e re që sot hapet drejt dijes. Çantat sot janë të mbushura jo vetëm me libra të rinj, por edhe me ëndrra, kuriozitet dhe gëzimin e një rrugëtimi të bukur që nis në bankat e shkollës.

Sot ju, të dashur prindër, dorëzoni më të shtrenjtët tuaj në duart e shkollës. Faleminderit për besimin dhe për bashkëpunimin. Së bashku, jemi partnerë në edukimin e brezit të ri, duke ndërtuar mbi dashurinë tuaj për fëmijët një bazë të fortë për të ardhmen e tyre.

Të dashur mësues,

Ju jeni themeli i çdo suksesi që vendi ynë arrin në fushën e arsimit. Me përkushtimin dhe profesionalizmin tuaj, ju nuk mësoni vetëm matematikën, gjuhën, shkencën apo artin. Ju mësoni vlera, mësoni shpresën, mësoni përgjegjësi, ndaj jemi krenarë për punën e secilit prej jush.

Ky vit i ri shkollor sjell të reja të rëndësishme. 30 shkolla të reja e të rehabilituara mirëpresin fëmijët të cilët rikthehen në klasat e tyre me standardet më të mira. Ne kemi vijuar punën, kemi bërë më të mirën që ta riorganizojmë dhe rikthimin në shkollë ta bëjmë sa më të kënaqshëm për ju.

Në shkolla tashmë kemi 340 laboratorë inteligjentë, ku nxënësit mund të eksperimentojnë, të krijojnë dhe të shfrytëzojnë teknologjinë moderne për të mësuar më mirë dhe po punojmë për ta çuar në 1000 numrin e laboratorëve inteligjentë në shkolla. Për herë të parë, kemi përfshirë nocionet bazë të inteligjencës artificiale në kurrikulën e TIK nga klasa e IV duke përgatitur nxënësit për një botë ku dijet dhe teknologjia ecin bashkë.

Po ashtu, nisim një program të ri për zhvillimin profesional të mësuesve, që do t’i ndihmojë ata për të zgjeruar aftësitë në platformat digjitale dhe për t’iu përgjigjur nevojave të brezit të ri. Mësues më të përgatitur do të thotë nxënës më të aftë dhe një shkollë më cilësore.
Por arsimi nuk është vetëm teknologji dhe reforma. Arsimi është mbi të gjitha njeriu. Për këtë arsye, ne përgatitemi të forcojmë mbështetjen psikosociale për nxënësit, duke i ndihmuar ata të jenë edhe më të sigurt, edhe më të përfshirë në një mjedis të qetë dhe miqësor në shkollë.

Në këtë vit, në shkolla do të kemi 340 oficerë sigurie, rreth 100 oficerë sigurie më shumë se vjet që do të punojnë sipas protokolleve dhe standardeve të përditësuara. Do të thotë një garanci më shumë për sigurinë në shkolla.

930 psikologë dhe punonjës socialë do të jenë pranë nxënësve për të adresuar çdo nevojë sociale apo emocionale të tyre.

Për nxënësit me aftësi të veçanta kemi rritur numrin e mësuesve ndihmës. 2260 mësues ndihmës do të mbështesin këta nxënës me aftësi speciale sipas planeve të personalizuara në mbështetjen e tyre në shkollë.

Shkollat tona po bëhen gjithnjë e më shumë hapësira ku nxënësit zhvillojnë talentet dhe janë më të angazhuar e të lidhur gjithnjë e më shumë me komunitetin.

300 shkolla ofrojnë programin “Art dhe Zeje”, teksa mbi 12 mijë nxënës do të jenë pjesë e programit të ekipeve sportive në shkolla, duke përfshirë në këtë program për herë të parë, veç basketbollit dhe volejbollit, edhe shahun.

Siç e dini, shkolla nuk është vetëm mësimi në klasa; këtë vit do të jetë shkolla një ekran, një skenë ku nxënësit tanë do të shfaqin talentet në konkurset që realizojmë për herë të parë këtë vit. Në Konkursin Kombëtar të Teatrit, i cili do të nxisë krijimtarinë, vetëbesimin, punën në grup dhe do u sjellë nxënësve një tjetër përvojë të vlefshme kulturore e edukative.

Për herë të parë do të zhvillojmë Festivalin e Shkencës për gjimnazet, për të nxitur tek nxënësit të eksperimentojnë me ide të reja dhe të përjetojnë shkencën si krijim dhe aventurë. Do të vijojmë me edicionin e 4-t të Konkursit Kombëtar të Gjuhës, organizimi i të cilit tashmë është kthyer në një traditë të bukur.

Të dashur nxënës,

Jam e bindur se ky vit për secilin prej jush do të jetë një eksperiencë e jashtëzakonshme që ju do ta përjetoni të rrethuar nga shoqe e shokë fantastikë, me mësues të gatshëm t’ju mbështesin në çdo hap tuajin dhe me prindërit, që jam e bindur që ju do t’i bëni kaq shumë krenarë për arritjet tuaja.
Në emër të gjithë sistemit arsimor, ju uroj të gjithëve një vit të mbarë, të mbushur me suksese, dije dhe gëzim.

The post Sot dita e parë e shkollës, Manastirliu mesazh urimi: Një vit të mbarë, të mbushur me suksese, dije dhe gëzim appeared first on Albeu.com.

Lajmin e bëri të ditur sot ministrja e Arsimit dhe Sportit, Ogerta Manastirliu, në një takim me mësuesit e kësaj shkolle.

“Në prag të çeljes së vitit të ri shkollor, me mësuesit e shkollës 9-vjeçare “Ismail Qemali” në Shkodër ndamë lajmin e mirë se kjo shkollë shumë shpejt do t’i nënshtrohet rikonstruksionit të plotë, me një projekt modern, që do të transformojë rrënjësisht infrastrukturën arsimore të kësaj shkolle me traditë në kryeqendrën e veriut”, u shpreh ministrja Manastirliu.

Shkolla “Ismali Qemali” është një nga shkollat 9-vjeçare më të mëdha të bashkisë Shkodër me një numër të lartë nxënësish, rreth 850, ndërsa në ambientet e saj është edhe kopshti me mbi 20 fëmijë.

Ndërtesa aktualisht është e amortizuar dhe jashtë standardeve për efikasitet e siguri, me ndriçim te papërshtatshëm e kushte jo të mira të infrastrukturës në katër katet e saj.

Rikonstruksioni i shkollës “Ismail Qemali” synon krijimin e mjediseve të përshtatshme për edukim, arsimim dhe zhvillim të aktiviteteve të ndryshme në shërbim të nxënësve dhe komunitetit.

Përmes zbatimit të këtij projekti do të ketë ndërhyrje në të gjitha ambientet e brendshme e të jashtme të shkollës, përmirësim të kushteve infrastrukturore, që do të ndikojnë pozitivisht në procesin mësimor dhe krijimin e një ambienti të sigurt dhe të këndshëm për të gjithë.

Projekti i rikonstruksionit të shkollës ka për qëllim krijimin e një hapësire funksionale dhe tërheqëse që jo vetëm përmirëson mjedisin arsimor, por edhe kontribuon në forcimin e lidhjeve sociale dhe komunitare përmes krijimit të hapësirave të përshtatshme për edukim dhe aktivitete arsimore, krijimin e klasave moderne ku mund të përshtaten për metoda mësimdhënieje të ndryshme, hapësira për takime komunitare dhe integrim social, etj.

Në kuadër të thirrjes së hapur të Ministrisë së Arsimit dhe Sportit për vitin 2025 bashkia Shkodër ka aplikuar me tetë projekte, prej të cilave është shpallur fituese e katër propozimeve në vlerën rreth 4 milionë euro.

The post Manastirliu: Drejt rikonstruksionit shkolla “Ismail Qemali” në Shkodër appeared first on Albeu.com.

Situata është tepër e nderë, ku çdokush po mundohet të tregojë forcën.

Besimi që i dha kryeministri Edi Rama zv.kryetares Anuela Ristani e ngritën pak në peshë, por “hienat” dhe njerëz të tjerë të fuqishëm brenda mazhorancës kanë filluar që t’a godasin nga të gjitha anët.

Fillimisht, iu anatemua bashkëshorti që punon në Presidencë dhe më pas pati një valë sulmesh ndaj Ristanit që drejton bashkinë.

Gjithçka duket një “orkestrim” sulmesh, por jo nga opozita tepër e lodhur dhe e dërrmuar nga zgjedhjet parlamentare.

Klanet e forta të mazhorancës kanë filluar sulmet frontale ndaj Anuela Ristanit, e cila duke mos qenë në ballë të këtyre sulmeve, po ndihet inferiore dhe pa asnjë mbrojtje.

Tashmë, “frenat” e Bashkisë së Tiranës po tenton që t’i marrë Ogerta Manastirliu, ministre e Arsimit dhe Sportit. Më parë, Ogerta ka punuar në Bashkinë e Tiranës në kohën e Edi Ramës.

Pas burgosjes së Veliajt, Manastirliu ishte nja nga 4 drejtuesit politik të PS-së në Tiranë për zgjedhjet parlamentare, ndërkohë që tashmë synon që t’i bëjë “opozitë” edhe Belinda Ballukut.

Por, kush është “preja” e parë e Manastirliut?!

Faksimile: Emërimi i znj. Adriana Ristanit si kryetare e Bordit të Administrimit Në Universitetin Politeknik të Tiranës

Në datën 4 prill 2021, ministria e Arsimit dhe Sportit delegoi zonjën Adriana Ristani, motrën e Anuela Ristanit (në atë kohë s’ishte kryetare në detyrë e bashkisë), si përfaqësuese në Universitetin Politeknik të Tiranës.

Zonja Adriana vinte nga një karrierë të gjatë në arsim, ndërkohë që në atë kohë s’u emërua për shkak të pozicionit të së motrës.

Vitet kaluan dhe në krye të Ministrisë së Arsimit dhe Sportit, u emërua Ogerta Manastirliu, e cila drejtoi për një kohë të gjatë Ministrinë e Shëndetësisë.

Secili i ka dëgjuar dhe lexuar “bëmat” apo skandalet e Manastirliut në shëndetësi, por në këto radhë ne do të ndalemi te veprimet e saj si ministre e arsimit.

Burime nga Universiteti Politeknik i Tiranës, thanë për redaksinë e VoxNews se disa ditë më parë, me një urdhër të beftë, ministrja Ogerta Manastirliu, ka shkarkuar nga detyra zonjën Adriana Ristani, motrën e kryetares në detyrë të Bashkisë së Tiranës.

Shkarkimi nuk erdhi si pasojë e menaxhimit dhe vendimmarrjes së zonjës Adriana Ristani te Universiteti, por si një “hakmarrje” e pastër e Manastirliut.

Shkarkimi ka ardhur pa asnjë paralajmërim, madje në një kohë që Universiteti është në prag të mbylljes së vitit akademik dhe po përgatitet për vitin tjetër, që fillon në fund të muajit tetor.

Momenti i shkarkimit përkon me luftën e ashpër të influencave të klaneve të mazhorancës në Bashkinë e Tiranës, ku Manastirliu po tenton që të “kapë” kryetaren në detyrë, për t’i shtrirë tentakulat te postet drejtuese.

Duket se, edhe takimet e kryeministrit Rama me drejtorët në atë bashki kanë ardhur si pasojë e kësaj “lufte”, ku të gjithë po tentojnë që të marrin ndonjë “copë tortë”, të lënë bosh pas burgosjes së Veliajt.

Duket se veprimi i Manastirliut për t’u hakmarrë te të afërmit e kryetares në detyrë është një “goditje poshtë brezit” dhe aspak morale. Dhe, lufta duket se sapo ka filluar…/VoxNews

The post Ogerta Manastirliu shkarkon motrën Anuela Ristanit te Universiteti Politeknik appeared first on Albeu.com.

“Ajo që sot ne po përjetojmë në ekosistemin tonë arsimor, është një zhvillim me ritme të shpejta, sa i përket dimensionit të ndërkombëtarizimit dhe profilizimit të universiteteve. Ne nuk duhet të jemi asnjëherë të kënaqur me sa kemi arritur, sepse teknologjia, dixhitalizimi, po tregon që në duhet të jemi edhe më shumë ambicioz”, tha ajo.

Manastirliu tha se sfidat e arsimit të lartë janë të shumta, dhe pse arritjet janë domethënëse, ndersa theksoi arritjet në fushën e akreditimit të institucioneve të arsimit të lartë, si dhe avancimet në programet studimore, veçanërisht në ato dygjuhëshe dhe në gjuhë të huaj.

Ajo përmendi gjithashtu, praninë e Universiteteve të huaja në vend, si Kolegji i Evropës dhe Universiteti i Studimeve në Distancë të Spanjës, i cili ka hapur kampusin e tij në Gjirokastër.

“Po punojmë fortë për të patur një tjetër universitet prestigjioz evropian, Universitetin teknologjik të Kompjenës, që do të hap kampusin e tij në Universitetin Politeknik të Tiranës”, njoftoi ministrja.

Më tej, Manastirliu vlerësoi disa prej Universiteteve private në vend për iniciativat e tyre, në ndërtimin e partneriteteve ndërkombëtare dhe ofrimin e diplomave të përbashkëta, si Univeristeti Luarasi.

“Jam patjetër shumë e kënaqur që Universitetet tona private gjithashtu po bëjnë hapa domethënës në programet e përbashkëta të studimit, në diploma të përbashkëta studimi, si Universiteti Luarasi duke hapur degë të studimit në bashkëpunim me “London School of Economics”, tha ajo.

Manastirliu: Ajo që sot ne po përjetojmë në ekosistemin tonë arsimor, është një zhvillim me ritme të shpejta. Me ritme të shpejta sa i përket dimensionit të ndërkombëtarizimit dhe profilizimit të universiteteve.

Ne nuk duhet të jemi asnjëherë të kënaqur me sa kemi arritur, sepse sot ecet me ritme shumë të shpejta dhe imponimi që tekstologjia, dixhitalizimi, po pasqyron edhe në arsimin lartë, tregon që në duhet të jemi edhe më shumë ambicioz dhe të ecim me hapa më të lartë për të arritur disa standarde edhe më të larta në arsimin tonë të lartë.

Universitetet private janë pjesë e rëndësishme e ekosistemit të arsimit të lartë, luajnë një rol komplementar dhe ecin në një hap duke zhvilluar standarde më larta të arsimit, duke e bërë arsimin e alrtë një motor të zhvillimit të shoqërisë, ekonomik, duke krijuar mundësin që arsimi i lartë ti përgjigjet sfidave të kohet, të krijojë burime njerëzore të afta për t’u përgjigjur tregut të punës, jo vetëm atoj kombëtare po edhe atij global.

Sfidat e arsimit të lartë janë të shumta, dhe pse arritjet janë domethënëse. Ne kemi bërë hapa të mëdhenj sa i përket akreditimit të universitete publike dhe jo publike. Kemi bërë hapa të mëdha sa i përket programeve të studimit. Kemi bërë hapa domethënës sa i përket programeve dygjuhësh apo me gjuhë të huaj, por ende nuk është mjaftueshëm.

Sot ne kemi Universitete të cilat kanë hapur degë të tyre në Shqipëri, universitete të huaja prestigjioze. Kemi Kolegjin e Evropës, që finalizoi para pak ditësh vitin e arë akademik në kampusin e Tiranës, ndërkohë që kemi hapur për herë të parë një universitet që është i modelit të ri, Universiteti i studimeve në distancë të Spanjës, që ka hapur kampusin në Gjirokastër.

Po punojmë fortë për të patur një tjetër Universitet prestigjioz evropian, Universitetin teknologjik të Kompjenës, që do të hap kampusin e tij në Universitetin Politeknik të Tiranës.

Jam patjetër shumë e kënaqur që Universitetet tona private gjithashtu po bëjnë hapa domethënës në programet e përbashkëta të studimit, në diploma të përbashkëta studimi dhe këtu dua të përmend disa prej universiteteve të cilat kanë bërë vërtetë një punë të mirë dhe domethënëse, si Universiteti Polis, me aleancën e Universiteteve që bën pjesë. Gjithashtu Universiteti Luarasi, duke hapur degë të studimit në bashkëpunim me “London School of Economics”, dhe universitetet të cilat po bëhen gati për të binjakëzuar dhe për të hapur degë të studimit me universitetet partnere në Evropë dhe më gjerë.

The post Ogerta Manastirliu: Arsimi në Shqipëri po ecën me ritme të shpejta drejt modernizimit dhe integrimit në standardet europiane appeared first on Albeu.com.

Lajmin e bëri të ditur dy ditë më parë ministrja e Arsimit dhe Sportit, Ogerta Manastirliu, e cila publikoi sot edhe programin dhe oraret e shkollës verore.

Manastirliu shprehu bindjen se kjo është një përvojë ndryshe, një mundësi e re për nxënësit për të mësuar, krijuar dhe për t’u argëtuar.

Shkolla verore nis më 16 qershor për nxënësit e klasave I-V për një periudhë dyjavore.

Këtë vit shkolla verore pilotohet për herë të parë për 1 mijë nxënës, të cilët do të përfitojnë nga shërbimet dhe programet e larmishme që do të ofrohen në këto shkolla.

Shkollat ku do të pilotohet ky program janë: “Emin Duraku”, “Kosova”, “Lasgush Poradeci”, “Avni Rustemi”, “Andrea Stefani”, “Kiço Blushi”, “Qazim Turdiu”, “Klodian Tanushi” në Tiranë, “Halit Çoka” në Kamëz dhe “Eftali Koçi” në Durrës.

The post Manastirliu: Shkolla verore, projekt-pilot në 10 shkolla në Tiranë, Kamzë dhe Durrës appeared first on Albeu.com.

Deputetja Ina Zhupa, deklaroi nga foltorja e Kuvendit se Manastirliu e kuptoi se ishte ministre Arsimi vetëm kur iu rrezikua karrigia, pasi sipas saj, derisa kur ndodhi tragjedia nuk e kishim parë në asnjë shkollë për të diskutuar mbi problematikat.

Gjithashtu, Zhupa deklaroi se nëse një nga dy të miturit do të merrte medalje, e para që do merrte merita, do të ishte Manastirliu, por kur ndodh tragjedia ajo nuk ka faj, por vetëm jep urdhra.

Teksa i renditi një sërë akuzash për vjedhje dhe paaftësi, Zhupa i kërkoi Manastirliut dorëheqjen, duke i thënë se duhet të ikë një sekondë e më parë nga Minisrtria e Arsimit.

Ina Zhupa: “Ti karrigen tënde e ke shfrytëzutar vetëm që ti bësh dëme qytetarëve shqiptarë. Një ministre që ka rekorde për hajdutësi, vjedhje dhe fatkeqësisht dhe për vdekje, nuk vjen këtu për morale …shqiptarët dëmtohen më shumë nga vjedhja që i bën fondeve publike se sa fjala e një opozitari që mbron interesat e opinionit publik.

Nuk e kishte kuptuar akoma që ishte ministre e Arsimit. Nuk e kishim parë në asnjë shkollë të ngrinte probleme për arsimin në shkolla. Nuk e kishim parë të kërkonte buxhet më shumë për ministrinë e vet. E pamë vetëm kur iu rrezikua karrigia e vetë, kur i kërkuam dorëheqjen e kuptuam që ishte ministre e arsimit dhe fajtorin e gjeti te opozita dhe TikTok-u. Fajin e ka shoqëria, çdo njeri përveç Ogerta Manastirliu.

Nëse një nga ata dy djemtë do kishin fituar një medalje në sport në arte, e para që do merrte meritat do ishte Ogerta. Para prindërve për të bërë foto, që do na numëronte suksesin me arsimin, por kur ndodh një fatkeqësi një mungesë përgjegjësie e policisë, drejtoreshës patronazhiste, Ogerta nuk ka faj dhe jep urdhër. Flisni ju për TikTok që gjithë fushatën e keni bërë në tiktok. Shembulli jepet nga vetja, shfrytëzoi ti rrjetet sociale dhe teknologjinë që të rinjtë të marrin leksione. Duhet të ikni një sekondë e më parë, sepse injoroni prindërit. Latë nam duke bërë gjëra falso, duke thënë se çfarë do thonë prindërit.

Asnjë nga prindërit nuk dinte gjë. Brenda perimetrin nuk kishte këmbë të gjallë njeriu nga oficer i sigurisë apo broçkullat që thoni. Fatkeqësia jote e ka ndjekur të gjorin Martin, ke detyruar që urgjenca të shkojnë sipas ditëve të caktuara në spitale të caktuar. Martin do ishte gjallë nëse do çohej tek QSUT. Por ti me ato që ke bërë, e detyruar nga shkolla Fan Noli tek spitali ushtarak. Sepse ishte dita që i takonte spitalit ushtarak. Keni ndërruar një sistem ku nuk është prioritet jeta. Ky është sistemi ku mësuesi i liron një orë para se i thotë kemi mbledhje se ashtu kemi një punë. Ke përgjegjësi ti? Apo përdor mësuesit për fushatë, për like dhe share në rrjete sociale. A e di ti Ogerta që vetëm 27% e shkollave drejtohen nga individë të certifikuar? Po të tjerët çfarë janë, patronazhistë, sepse kanë merakun ti përgjigjen Ogertës se i fshin i uron suksese në jetë”.

The post Interpelanca/ Ina Zhupa i drejtohet Manastirliut: E kuptove që ishe ministre Arsimi, kur t’u rrezikua karrigia appeared first on Albeu.com.

Gjatë tubimit, prindërit lexuan një sërë kërkesash të drejtuara qeverisë dhe institucioneve përgjegjëse.

Ndër kërkesat kryesore ishte dorëheqja e ministres së Arsimit, Ogerta Manastirliu, duke e konsideruar atë përgjegjëse për dështimin në garantimin e sigurisë në shkolla.

Ata paralajmëruan gjithashtu një protestë që do të zhvillohet ditën e hënë, në orën 17:00, për të kërkuar drejtësi për Martin Canin dhe për të shprehur shqetësimin mbi dhunën në institucionet arsimore.

Prindërit theksuan se ngjarja tragjike është pasojë e mungesës së masave efektive për sigurinë në shkolla dhe kërkuan veprime konkrete, për të parandaluar përsëritjen e incidenteve të tilla.

Protesta e tyre vjen si një apel për ndërgjegjësim dhe për një përgjigje të menjëhershme nga autoritetet.

The post Vrasja e Martin Canit/ Prindërit kërkojnë dorëheqjen e Manastirliut: Të hënën, protestë në orën 17:00 appeared first on Albeu.com.