Lajmin e ka bërë të ditur Policia e Shtetit përmes një njoftimi, ku bën me dije se të arrestuarit ishin banues në Tiranë e Berat.

“Njoftohet se specialistët e Seksionit të Hetimit të Krimit Ekonomiko-Financiar në DVP Gjirokastër arrestuan në flagrancë Gj. V., 31 vjeç, banues në Tiranë dhe E. Xh., 50 vjeç, banues në Berat (drejtues të autobusit).

Dy shoferët u vunë në pranga pasi gjatë kontrollit që iu bë autobusit që drejtonin në vendin e quajtur “Ura e Lumit” u gjetën mallra (veshje, produkte kozmetike dhe 40 steka me cigare), të cilat kanë futur në Republikën e Shqipërisë, pa i deklaruar në Degën Doganore Kakavije.

Në përfundim të veprimeve hetimore u proceduan penalisht për shpërdorim detyre Y. R., 50 vjeç dhe E. H., 47 vjeç banues në Gjirokastër, me detyrë doganierë në Degën Doganore Kakavije.

Në cilësinë e provës materiale u sekuestruan mallrat, vlera totale e mallrave shkon rreth 8000 euro”, thuhet në njoftimin e policisë./albeu.com/

The post 8 mijë euro mallra kontrabandë në Kakavijë, prangosen 2 shoferë autobusi në Gjirokastër appeared first on Albeu.com.

Shtetasi i ndaluar ishte shpallur në kërkim për largim nga vendi i aksidentit pas aksidentimit.

Gjithashtu janë proceduar penalisht edhe dy shtetas të tjerë, njëri për mallra kontrabandë dhe tjetri për narkotikë.

Njoftimi i Policisë:

Ndalohet 1 shtetas i shpallur në kërkim dhe procedohen penalisht 2 shtetas të tjerë, për vepra të ndryshme penale.

Specialistët e Hetimit të Krimit në Komisariatin e Policisë Krujë ndaluan shtetasin e shpallur në kërkim për veprën penale “Largimi nga vendi i aksidentit”:

S.S., 28 vjeç, banues në Durrës, i cili më datë 23.09.2021, në aksin rrugor Rinas-Kashar, ka përplasur mjetin e shtetasit A. D., duke shkaktuar dëme materiale, dhe është larguar nga vendi i aksidentit.

Specialistët e Hetimit të Krimit Ekonomik dhe Financiar në DVP Durrës proceduan shtetasin F. Z., 31 vjeç, banues në Tiranë, për veprën penale “Kontrabanda me mallra të tjera”. Ky shtetas është kapur nga shërbimet e Policisë, në Portin e Durrësit, me mallra kontrabandë, disa lloje të ndryshme medikamentesh dhe 6 telefona celularë, të cilët u sekuestruan në cilësinë e provës materiale.

Specialistët e Hetimit të Trafikut të Paligjshëm dhe Narkotikëve proceduan penalisht për veprën penale “Trafikimi i narkotikëve”, shtetasin G. A., banues në Durrës, pasi gjatë kontrollit fizik iu gjet dhe sekuestrua një sasi lënde narkotike e dyshuar cannabis sativa.

Materialet kaluan në Prokurorinë e Rrethit Gjyqësor Durrës dhe Prokurorinë e Rrethit Gjyqësor Krujë, për veprime të mëtejshme./albeu.com/

The post U largua nga vendi i aksidentit, prangoset një shtetas në Durrës! Procedohen edhe dy të tjerë appeared first on Albeu.com.