Malisheva është tronditur sërish nga një ngjarje tragjike, ku një grua humbi jetën pasi u qëllua me armë zjarri. Për rastin dyshohet bashkëshorti i saj, ndërsa sipas raportimeve arma e përdorur ishte e pajisur me leje.

Ngjarja ka rikthyer debatin për posedimin e armëve dhe nevojën për masa parandaluese më të fuqishme, sidomos në familjet ku bashkëshortët përballen me konflikte ose probleme të vazhdueshme.

Juristi Blerim Burjani ka deklaruar për “Bota sot” se procedurat për pajisjen me leje armësh duhet të bëhen më të rrepta. Sipas tij, problemet brenda familjes nuk zgjidhen me armë, por përmes dialogut dhe ndihmës profesionale të psikologëve.

Burjani ka vlerësuar gjithashtu se rritja e ndërgjegjësimit shoqëror dhe fuqizimi i Qendrave për Punë Sociale janë hapa të rëndësishëm për parandalimin e rasteve të tilla.

Ai ka theksuar se luftimi i dhunës në familje nuk mund të mbështetet vetëm te policia, institucionet e rendit dhe ashpërsimi i dënimeve. Sipas tij, një rol të rëndësishëm duhet të ketë edhe trajtimi profesional i çifteve dhe ndërtimi i një komunikimi të shëndetshëm mes tyre.

“Problemet familjare nuk zgjidhen përmes armëve, por me bisedë dhe me ndihmën e psikologut. Për këtë arsye, krahas forcimit institucional, nevojitet edhe më shumë vetëdijesim shoqëror dhe fuqizim i Qendrave për Punë Sociale”, ka thënë Burjani.

Juristi ka nënvizuar se shumë çifte në Kosovë nuk kanë arritur të krijojnë mirëkuptim dhe komunikim normal. Ai ka shtuar se ndërhyrja e psikologëve mund të ndihmojë në ruajtjen e martesave dhe në parandalimin e dhunës brenda familjes.

“Nuk mjafton vetëm puna e organeve të rendit apo rritja e dënimeve. Nevojitet një nivel më i lartë ndërgjegjësimi, ndërsa çiftet duhet të kenë komunikim të shëndetshëm dhe të marrin trajtim nga psikologët kur përballen me probleme”, është shprehur ai.

Burjani ka kërkuar që institucionet t’u kushtojnë vëmendje të veçantë çifteve të reja dhe të investojnë më shumë në parandalimin e konflikteve familjare, në vend që të ndërhyjnë vetëm pasi situata të përshkallëzohet.

“Asnjë shtet nuk mund t’i zgjidhë konfliktet mes bashkëshortëve vetëm përmes masave ndëshkuese. Zgjidhja duhet të kalojë përmes psikologëve dhe edukimit për ndërtimin e marrëdhënieve të shëndosha martesore”, ka deklaruar Burjani.

Ai ka bërë të ditur se çiftet e reja duhet të përfshihen në trajtime nga institucionet përkatëse. Sipas tij, mbi 1,400 shkurorëzime janë regjistruar gjatë gjashtëmujorit të parë të këtij viti, çka e bën situatën aktuale dhe numrin e divorceve tregues të nevojës për masa konkrete institucionale.

The post Tragjedia në Malishevë, Burjani kërkon kritere më të rrepta për lejet e armëve: Konfliktet familjare zgjidhen me komunikim appeared first on Albeu.com.

Ushtruesja e detyrës së presidentes, Albulena Haxhiu, ka reaguar pas vrasjes së një 25-vjeçareje në Malishevë.

Në një shkrim të publikuar në Facebook, Haxhiu tha se siguria e shoqërisë nuk mund të ekzistojë për aq kohë sa gratë nuk ndihen të mbrojtura as brenda shtëpive të tyre.

Ajo kërkoi që institucionet e drejtësisë ta hetojnë dhe zbardhin plotësisht këtë vrasje të rëndë, duke vepruar me përgjegjësinë që kërkon një rast i tillë.

Në reagimin e saj të plotë, Haxhiu u shpreh se vrasja e 25-vjeçares, e cila ndodhej në javën e 34-të të shtatzënisë, ka shkaktuar tronditje të thellë.

Sipas saj, dhuna nuk mund të mbulohet apo të justifikohet përmes familjes ose martesës. Ajo theksoi se, kur jeta e një gruaje vihet në rrezik, çështja nuk mund të trajtohet si private, por si përgjegjësi e përbashkët që kërkon reagim të menjëhershëm nga institucionet.

Haxhiu i shprehu gjithashtu ngushëllimet më të sinqerta familjes së të ndjerës për dhimbjen e madhe.

The post Haxhiu për vrasjen në Malishevë: Drejtësia duhet të hetojë në tërësi këtë rast të rëndë appeared first on Albeu.com.

Për krimin makabër akuzohet bashkëshorti i saj, i cili është gjetur i plagosur në dhomën e tyre të gjumit, ndërsa ndodhet në gjendje të rëndë për jetën në spital.

Sipas informacioneve burri ka privuar nga jeta bashkëshorten e tij Jetlira Foniqi e moshës 25-vjeçare. Lidhur me rastin janë deklaruar edhe nga Policia e Kosovës.

Zëdhënësja e policisë për rajonin e Gjakovës, Vlera Krasniqi, deklaroi se njësitë policore kanë dalë menjëherë në vendin e ngjarjes, ku në një dhomë gjumi kanë gjetur dy persona të plagosur, një burrë dhe bashkëshortja e tij.

Gjithashtu, sipas njoftimit të QKUK-së, rreth orës 00:15 të datës 24 gusht 2026, në Qendrën Emergjente janë pranuar dy persona nga rajoni i Malishevës.

“Njëri prej personave të pranuar, femër, 25-vjeçare, ka arritur në Qendrën Emergjente pa shenja jete, me plagë të shkaktuara nga arma e zjarrit. Personi tjetër, mashkull, 26-vjeçar, është pranuar me plagë të shkaktuara nga arma e zjarrit dhe aktualisht është duke marrë trajtim mjekësor në Qendrën Emergjente. Gjendja e tij shëndetësore raportohet të jetë shumë e rëndë”, thuhet në njoftim.

Hetimet për zbardhjen e plotë të rrethanave dhe motivit të kësaj ngjarjeje janë duke vazhduar.

The post Krimi i rëndë në Kosovë/ Kjo është 25-vjeçarja që u vra me armë zjarri, dyshohet se u qëllua nga bashkëshorti i saj, ishte në javën e 34 të shtatzënisë appeared first on Albeu.com.

Zjarri u raportua rreth orës 12:55 të enjten në një banesë në lagjen “Mirëdita”, në Malishevë.

Jam i tronditur nga rasti i vdekjes së tre familjarëve, babait me dy fëmijë, nga zjarri si rezultat i shpërthimit të bombolës së gazit në Malishevë.

Në këto momente të rënda shpreh ngushëllimet e mia për të gjithë familjarët e viktimave.

Kryeministri i Kosovës, Albin Kurti, tha se zjarri tronditës u shkaktua nga shpërthimi i bombolës së gazit.

Në një reagim në Facebook, Kurti theksoi se viktimat janë një baba me dy fëmijë.

“Në këto momente të rënda shpreh ngushëllimet e mia për të gjithë familjarët e viktimave”, shkroi Kurti.

Kryetarja e Kuvendit dhe ushtruesja e detyrës së presidentit, Albulena Haxhiu, shkroi në Facebook se “me dhimbje të thellë e mora lajmin për humbjen tragjike të një babai dhe dy fëmijëve nga zjarri që ndodhi sot në Malishevë”.

Tre të vdekur nga zjarri në Malishevë, viktimat një i rritur dhe dy fëmijë

“Në këto çaste të rënda, shpreh ngushëllimet më të sinqerta për familjen dhe të afërmit e viktimave”, shtoi ajo.

Zëdhënësi i Policisë së Kosovës për rajonin e Gjakovës, Sheremet Elezaj, ka dhënë detaje tjera për rastin.

“Sot, rreth orës 12:55, jemi njoftuar për një incident zjarri në një banesë në lagjen “Mirëdita”, në Malishevë. Menjëherë pas pranimit të informacionit, në vendin e ngjarjes kanë dalë njësitë kompetente policore, zjarrfikësit dhe ekipet emergjente”, ka deklaruar Elezaj.

Sipas tij, në vendin e ngjarjes janë gjetur tre viktima, të cilat nuk kanë arritur t’u mbijetojnë plagëve.

“Në këtë banesë janë gjetur tre persona të gjinisë mashkullore (një i rritur dhe dy fëmijë), të cilët janë dërguar në Qendrën e Mjekësisë Familjare në Malishevë ku është konstatuar se të njëjtit ishin pa shenja jete. Zjarri është lokalizuar dhe nuk është raportuar për pasoja të tjera”, ka shtuar ai.

Policia njofton se për rastin është informuar edhe prokurori i shtetit dhe se hetimet janë duke vazhduar për të zbardhur shkaqet e zjarrit

The post Kurti i tronditur nga vdekja e një babai me dy fëmijë në Malishevë appeared first on Albeu.com.

Agjencia e Ushqimit dhe Veterinarisë sot ka njoftuar se ka gjetur disa baktere nga analizat që janë bërë në ushqimet që janë përdorur nga të helmuarit.

Mbi 200 persona kishin kërkuar trajtim javën e kaluar nën dyshimin e helmimit në një ‘Fast Food’ në Malishevë.

Agjencia e Ushqimit dhe Veterinarisë sot ka njoftuar se ka gjetur disa baktere nga analizat që janë bërë në ushqimet që janë përdorur nga të helmuarit.

“Në mostra të ushqimit, të strishove të ambientit dhe sipërfaqeve punuese janë izoluar: Salmonella enteritidis, Listeria monocytogenes, Staphylococcus aureus, Escherichia coli, Bakteret koliforme dhe mezofile”, ka njoftuar AUV.

Po ashtu janë gjetur edhe baktere në ushqime tjera.

“Siç vijon: Majonez i prodhimit vetanak (LUSH 2-3133) – Salmonella enteritidis, Listeria monocytogenes, Staphylococcus aureus, Escherichia coli, Bakteret koliforme dhe mezofile. Mish doneri termikisht i përpunuar (LUSH 2-3134) – Salmonella enteritidis. Qofte të ngrira (LUSH 2-3135) – Listeria monocytogenes, Escherichia coli, Bakteret koliforme dhe mezofile. Pleskavicë e ngrirë (LUSH 2- 3136) – Listeria monocytogenes, Staphylococcus aureus, Escherichia coli, bakteret koliforme dhe mezofile. Dhe Sos me hudër (LUSH 2—3137) – Salmonella enteritidis, Listeria monocytogenes, Staphylococcus aureus, Escherichia coli, Bakteret koliforme dhe mezofile”, thuhet më tej në njoftim.

The post Helmimi masiv në Malishevë, dalin analizat e ushqimeve: U gjetën baktere appeared first on Albeu.com.

Nënkryetari i komunës së Malishevës, Vesel Krasniqi, dhe drejtori i Shëndetësisë, Hajdin Berisha, dje i kanë vizituar pacitentët e helmuar nga ky qytet, të cilët po trajtohen në Spitalin e Prizrenit.

Sipas mjekut përgjegjës në Klinikën Infektive, Beram Karanezi, gjendja e pacientëve nga Malisheva është stabile.

“Sipas të dhënave, aktualisht janë duke u trajtuar 41 pacient nga Malisheva. Nënkryetari Krasniqi dhe drejtori Berisha, i kanë falënderuar mjekët dhe personelin e spitalit për gjithçka kanë bërë për trajtimin e pacientëve nga Malisheva dhe më pas i kanë vizituar pacientët e shtrirë në klinikat e këtij spitali”, thuhet në njoftimin e komunës.

Për rastin ka reaguar dje edhe ministri i Shëndetësisë, Arben Vitia, i cili tha se menjëherë pasi janë njoftuar për rastin, bashkë me Drejtorin e SHSKUK’së i kanë vizituar të hospitalizuarit në Klinikën Infektive në QKUK.

Ai ka bërë me dije se në QKUK janë të hospitalizuar 11 qytetarë dhe 9 të tjerë në Spitalin e Përgjithshëm të Prizrenit. Gjendja e tyre thotë se është e qetë dhe stabile.

“Mbrëmë, menjëherë pasi u njoftuam për rastin e helmimit të 68 qytetarëve në Komunën e Malishevës bashkë me drejtorin e SHSKUK-së i vizituam të hospitalizuarit në Klinikën Infektive në QKUK. Në QKUK të hospitalizuar janë 11 qytetarë dhe 9 qytetarë të tjerë janë në Spitalin e përgjithshëm të Prizrenit. Gjendja e të gjithë të hospitalizuarave pas marrjes së trajtimit mjekësor është e qetë dhe stabile. Inspektoratet dhe organet ligjzbatuese janë në terren dhe kanë marrë të gjitha të dhënat lidhur me rastin dhe burimin e shkakun e helmimit”, ka shkruar Vitia.

Zëdhënësi i Agjencisë së Ushqimit dhe Veterinarisë (AUV), Lamir Thaçi, ka thënë të shtunën në një konferencë për media se agjencia ka kryer inspektim të detajuar në biznesin e dyshuar.“Gjendja e përgjithshme sanitare, higjienike ka qenë e nivelit jo të mirë. Ky vlerësim është bërë nga ekipi inspektues. E dyta, nuk kanë pasur libreza sanitare punonjësit e atij lokali, që sipas ligjit kërkohet t’i kenë. Nuk ka pasur të kryer dezinfektim, deratizim dhe dezinsektime, që përsëri është kriter”.

“Po ashtu, aty janë gjetur disa produkte që ne i quajmë pa origjinë, nuk kanë pasur dokumentacion mbështetës për t’u ditur origjina e tyre. Ka pasur produkte që janë gatuar brenda asaj kuzhine, dhe këto të gjitha janë fakte që do t’i evidentojmë në proces dhe më pas organet tjera do t’i vlerësojnë”.

Ai ka thënë se do të rriten inspektimet në bizneset që përgatisin ushqime të shpejta, sepse aty regjistrohen rastet më të shpeshta të helmimit.Agjencia e Ushqimit dhe Veterinarisë është përgjegjëse për mbrojtjen e jetës dhe shëndetit të qytetarëve, përmes sigurisë ushqimore, që Kosova synon ta ketë sipas standardeve të Bashkimit Evropian.

Ndërkaq, dje Prokuroria Themelore në Gjakovë, ka njoftuar se është marrë aktvendim për fillimin e hetimeve për helmimin e 140 personave në Malishevë.

Në njoftim thuhet se prokuroria ka paraqitur kërkesën për paraburgim ndaj të pandehurit K.Sh., në kohëzgjatje prej 30 ditësh.

I njëjti gjendet nën masën e ndalimit për 48 orë, me vendim të Prokurorit të Shtetit.

“Sipas kërkesës së Prokurorisë, ekziston dyshimi i bazuar se i pandehuri K.SH, ka kryer veprën penale “Prodhimi dhe vënia në qarkullim e artikujve të dëmshëm ushqimorë”, thuhet në njoftimin e Prokurorisë.

The post Helimi i qindra personave në Malishevë, çfarë dihet deri më tani appeared first on Albeu.com.

Drejtori për shëndetësi në Komunën e Malishevës, Hajdin Berisha, i tha Radios Evropa e Lirë se rastet që janë vlerësuar si më të rënda janë dërguar në Klinikën Infektive të Qendrës Klinike Universitare të Kosovës (QKUK).

“Janë edhe një ose dy raste që momentalisht po trajtohen në Qendrën e Mjekësisë Familjare të Malishevës dhe gjendja e tyre është stabile”, tha ai.

Berisha tha se personat që janë dërguar në QKUK “kanë komplikime”, por shtoi se do të mund të japë detaje për gjendjen e tyre shëndetësore vetëm pasi të vizitojë ata në Klinikën Infektive dhe të informohet më shumë.

I pyetur se ku dyshohet se kanë ndodhur helmimet, ai tha se “është një biznes në Malishevë, aty po dyshohet që ka ndodhur”, duke mos dhënë më shumë detaje.

Berisha shtoi se përgjegjësia për cilësinë e ushqimit i përket Agjencisë së Ushqimit dhe Veterinarisë (AUV).

AUV, si autoriteti më i lartë i ushqimit dhe veterinarisë në Kosovë është përgjegjës për mbrojtjen e jetës dhe shëndetit të njerëzve, përmes sigurisë ushqimore, që Kosova synon ta ketë sipas standardeve të Bashkimit Evropian.

The post Helmohen nga ushqimi, rreth 30 persona përfundojnë në spital appeared first on Albeu.com.

Mediet kosovare bëjnë me dije se autori, Isuf Zogaj dhe viktima Avni Basha ishin kolegë pune në një kompani private.

Dyshohet se Zogaj ka ekzekutuar Bashën brenda makinës  në udhëkryqin në Banjë të Malishevës dhe më pas u vetëdorëzua na polici.

Zëdhënësi i Prokurorisë Themelore të Gjakovës, Hekuran Batusha ka dhënë detaje të reja në lidhje me ngjarjen.

“Të dy kanë qenë kolegë, kanë punuar me mjete të rënda. I dyshuari është në ndalim për 48 orë”, ka thënë Batusha.

Më tej, ai ka thënë se shkaktarët e kësaj vrasjeje lidhen me punën që bënin.

“Sipas informacioneve të para, dyshohet se ka qenë një mosmarrëveshje që lidhet me punën”, ka përfunduar ai./Albeu.com

The post FOTO/ Vrasja në Kosovë, autori dhe viktima kolegë punë, motivi që çoi në tragjedi appeared first on Albeu.com.

Sipas njoftimit të Policisë, në orët e para të mëngjesit u raportua se një person i moshës madhores është gjetur pa shenja jete, i cili dyshohet të jetë qëlluar me armë zjarri. Vdekja e viktimës është konfirmuar nga ekipi mjekësor.

Mediet kosovarë bëjnë me dije, se autori i dyshuar është shoqëruar në komisariatin e Malishevës.

“Nga hetimet e para dyshohet se i njëjti, për motive ende të panjohura, ka qëlluar viktimën me armë zjarri. Njësitet e nevojshme policore kanë dalë në vendin e ngjarjes si dhe është njoftuar prokurori i shtetit në koordinim të cilin janë duke u ndërmarr veprimet e nevojshme hetimore”, thuhet në njoftim.

/Albeu.com.

The post Vrasje me armë zjarri në Kosovë appeared first on Albeu.com.