Shkak është bërë vonesa e pagave me 2 muaj nga kompania ku është punësuar, por edhe vala e shkarkimeve.

“Nuk ja ka dhënë rrogën, e ka pushuar nga puna. Tre veta, të tre ne. Ka hequr edhe të tjerë, para katër muajsh janë hequr edhe 4 të tjerë. Na kanë hequr nga puna pse kemi vajtur në Bashki. Ne as kemi sharë dhe as ofenduar atje”, tregojnë dy nga punonjëset, gjithashtu të pushuara nga puna.

Ka qenë ish-deputeti opozitar, Lefter Maliqi, ai që ndau në rrjetin social Facebook pamjet kur në shtyllë dallohet një grua dhe prezentë është policia vendore. Ai denoncon edhe pushimin nga puna të punonjëseve sepse kërkojnë pagat e vonuara.

“E rëndë! Po ndodh tani ne Kuçovë! Punonjësja e pastrimit në Kuçovë ka hipur në majë të kullës tek ish Uzina Kuçovë dhe po tenton të hidhet, t’i jap fund jetës, pasi kanë dy muaj pa marr pagat, raste të përsëritura dhe Kryetari i Bashkisë, i paafti, i dënuari, abuzuesi nën hetim nga “SPAK”, Hajdari i cili i ka dhënë mbi 1 miliardë e 700 milionë “Tender Korruptivë kompanisë “Viola Green” dhe sot i kanë pushuar nga puna sepse kërkojnë pagat dhe të drejtat e tyre”, shprehet ai mes të tjerash.

Ai bën përgjegjës për situatën kryebashkiakun socialist Kreshnik Hajdari dhe kompaninë që ka fituar tenderin e pastrimit me vlerë 1,7 mld lekë, “Viola Green”. Ai i akuzon edhe për korrupsion, teksa shprehet se i ka denoncuar edhe në SPAK të dy subjektet.

Reagimi i Lefter Maliqit:

“E rëndë! Po ndodh tani ne Kuçovë! Punonjësja e pastrimit në Kuçovë ka hipur në majë të kullës tek ish Uzina Kuçovë dhe po tenton të hidhet, t’i jap fund jetës, pasi kanë dy muaj pa marr pagat, raste të përsëritura dhe Kryetari i Bashkisë, i paafti, i dënuari, abuzuesi nën hetim nga “SPAK”, Hajdari i cili i ka dhënë mbi 1 Miliardë e 700 Milion “Tender Korruptivë kompanisë “Viola Green” dhe sot i kanë pushuar nga puna sepse kërkojnë pagat dhe të drejtat e tyre. “SPAK” ende hesht, pasi për “Viola Green” dhe Hajdarin ka kallëzim në “SPAK”. Turp, skandal, Kuçova si Mesjetë me qenë e plehra, si gërmadhë po sakrifikon dhe jetën e punonjësve të vet. Ndëshkim Ligjor për këta të korruptuar!”.

The post Punonjësja e pastrimit tenton t’i japë fund jetës/ Firma ‘Viola Green’ e pushoi nga puna se kërkoi pagat e prapambetura, denoncon Maliqi: SPAK të hetojë kryebashkiakun appeared first on Albeu.com.

Maliqi theksoi se protestat dy orëshe janë të pamjaftueshme para Kryeministrisë, duke shtuar se duhet të ketë orë më të zgjatura.

Gjithasht, ai kërkoi shtrirjen e protestave edhe në qytetet e tjera të vendit, si edhe grevë urie nga deputetët.

Ai tha se është i gatshëm të bashkohet edhe vetë nëse deputetët opozitarë janë të gatshëm të “vetësakrifikohen” dhe futen në grevë.

Maliqi u shpreh se duhet të rrethojnë kryeministrinë dhe madje të shkojnë edhe në Surrel.

Sipas tij, nuk duhet të presin amerikanët për të “goditur” qeverinë, por duhet të jetë vetë PD, si partia më e madhe opozitare, që ta largojë atë.

“Protesta e 24 janarit do të ketë vendimmarrje decizive për vazhdimësi. Jam për skenarin që duket të ketë protestues me orë të zgjatura, dhe të përhapet në të gjitha qytetet e Shqipërisë edhe për grevë urie të deputetëve. Edhe unë jam gati të futem në grevë urie.

Nëse deputetët sakrifikojnë, atëherë motivojnë demokratët. Skenar tjetër është rrethimi i kryeministrisë, protesta në qarqe të vendit, por edhe të marshojmë drejt Surrelit të krimit se nuk e di se çfarë ka në ato bunkerë”, u shpreh ai.

The post Lefter Maliqi: Nuk mund të presim amerikanët për të rrëzuar qeverinë, duhet grevë dhe protesta në të gjithë vendin, të shkojmë edhe në Surrel appeared first on Albeu.com.

Ai shkruan se, ndërsa përfaqësues të mazhorancës festojnë në ambiente luksoze, një pjesë e madhe e qytetarëve përballen me varfëri, papunësi dhe kushte të vështira jetese.

Gjithashtu, në postimin e tij, Maliqi thekson se ky kontrast tregon shkëputjen e pushtetit nga realiteti i përditshëm i qytetarëve, duke shtuar se propaganda dhe luksi nuk mund të fshehin problemet reale me të cilat përballet shoqëria.

Postimi i Maliqit:

“KONTRASTI ME REALITETIN SOCIALIST

Fotoja e parë: Të pangopurit e PS që festojnë në lokale luksi mes tyre, te “Hani Qerozit”, ndërkohë Kuçova zhytur në varfëri, plehra e qenë!

Fotoja e dytë: Pakot e mia modeste për familjet në nevojë në të gjithë zonën e Kuçovës këtë prag festash.

Të dashur miq, ‘Barkdërrat’ e pangopur, abuzuesit e Rilindjes nuk fryhen dhe as nuk skuqen. Ata s’kanë as turp as moral, por hanë e pijnë, kërcejnë në lokale luksoze e ndërsa populli vuan!!! Jam krenar me mbështetjen që kam marrë ndaj nuk i lë në baltë, ashtu si familja ime do festojnë edhe ata pasi nuk më interesojnë festat kur populli vuan. Këto ditë u përpoqëm të ndihmonim disa familje nevojë për t’i lehtësuar sadopak vuajtjet me pako modeste nga ana jonë në bashkëpunim me biznesin e ndershëm. Kontrastin kuptojeni vetë. Zoti i sheh më mirë se kushdo. Mbetem me njerëzit në nevojë dhe në mbeshtetje të plotë të tyre. Rilindja mendjen e ka te parfumosja, veshjet luksoze, pijet e shtrenjta, vallet lokalet lluksoze dhe reklamë e propagandë ndërkohë që populli ne vuajtje në mjerim, duke u lutur në Zot.

Ju uroj gëzuar dhe të keni besim se me fitoren tonë të përbashkët do jem zëri dhe mbështetja juaj për punësim, mirëqënie dhe ndryshim.

Gëzuar!”, shkruan Maliqi.

The post Lefter Maliqi: Kuçova në varfëri dhe e mbuluar nga plehrat, socialistët festojnë në lokale luksi appeared first on Albeu.com.

Postimi:

SPAK-u në drejtim të paditur?
Ka humbur Zegjineja, që qeshte çdo ditë me Gazin. Nuk e thonë kot: “Qesh mirë kush qesh i fundit.”Trafik votash në Fier. Rreth 1000 vota më tepër për Ceno Klosin.

Me qindra vota të tjera plus apo minus, si për kandidatët e majtë, ashtu edhe për ata të djathtë. Po kështu edhe në Tiranë. Prisni, do të shihni “xhevahire” edhe në Durrës, sapo të fillojë rinumërimi.
KAS thotë: janë gabime njerëzore.

Si nuk kanë turp! Janë edhe juristë… Qindra, mijëra vota të trafikuara dhe ata thonë “gabim njerëzor”? Skandal! Edhe vetëm një votë po të trafikohet, është tjetërsim vote dhe quhet krim elektoral, jo më me qindra e mijëra vota!

Po të ishte hapur Berati, ç’nuk do të shihnit! Sa vota më kanë hequr dhe sa të tjera janë trafikuar brenda vetë së majtës.

I vetmi i interesuar që të hapeshin kutitë e Beratit isha, sigurisht, unë – pavarësisht se mora 5222 vota zemre, që m’i dhanë në numërim sepse kam shumë më tepër.

Por nuk e bëra, sepse do të thonin që po sulmoja PD-në, ashtu siç më akuzuan për Bashkinë e Kuçovës, që ma grabitën me pak vota narkoshteti në KZAZ-n e krimit.

Ndërsa kandidatët e majtë nuk e ankimuan Beratin, sepse nuk i linte “Ramaduro”.
Ku është SPAK-u? Pse nuk vepron? Si guxojnë numëruesit të trafikojnë votat?!

Nëse do të zbatohej ligji, me qindra numërues do të përfundonin në burg.

Po të hetoheshin “treni bullgar”, qendrat e votimit dhe masakra elektorale, mijëra komisionerë do të përfundonin pas hekurave.
Pra: drejtësi nuk ka, demokraci nuk ka, votë të lirë nuk ka!

Kjo është masakra elektorale: fillon nga Ramaduro, shtrihet te qeveria, kalon te pushteti lokal, tek bandat, oligarkët dhe përfundon te komisionerët dhe numëruesit.

SPAK + KQZ + Ramaduro + Oligarkë + Banditë = Masakër Elektorale = Narkoshtet!
Shtatori: vendim, revolucion, qëndresë, qeveri teknike, lista të hapura, zgjedhje të lira!

The post ”Qesh mirë, kush qesh i fundit”, Maliqi: Ka humbur Zegjineja, që qeshte çdo ditë me Gazin appeared first on Albeu.com.

Postimi:

Fushata e shkëlqyer e Lefter Maliqit, super kandidatit për deputet në qarkun e Beratit, na impresionon të gjithëve.

Gjithmonë i pandarë nga komuniteti dhe pranë njerëzve, Lefteri është shembulli i jashtëzakonshëm se si duhet të jetë deputeti i Kuvendit të Shqipërisë.

Me fitoren e 11 Majit, të koalicionit “PD – Aleanca për Shqipërinë Madhështore”, zëri i komunitetit të të gjithë qarkut të Beratit, do të dëgjohet përmes Lefter Maliqit më fort se kurrë.

Suksese dhe fitore të padiskutuar për Lefterin.

VOTO NR.1 – Koalicioni “PD – Aleanca për Shqipërinë Madhështore”
VOTO ILIR METAJ – Qarku Tiranë

The post Ilir Meta: Fushata e shkëlqyer e Lefter Maliqit, super kandidatit për deputet në qarkun e Beratit, na impresionon të gjithëve appeared first on Albeu.com.

Maliqi shprehet se; “Hajdari, që duhet të ishte në burg, paturpësisht padit në Gjykatë disa qytetarë dhe Avokatin e njohur Llangozi, të cilët denoncojnë çdo akt korruptiv të tij”.

Ai shton më tej se Bashkinë Kuçovë, të grabitur në 2023, do ia kthejnë qytetarëve më 11 Maj.

Reagimi i plotë:

Drejtësia në Gjykatën e Beratit funksionon më së miri! Shembull në mbarë vendin!

Pas Salillarit u fitua gjyqi edhe me të dënuarin Hajdari të Kuçovës, i kallëzuar në “SPAK” për abuzime të shumta, me tendera korruptivë dhe me taksat e qytetarëve dhe çuditërisht i dënuari dhe i korruptuari i paafti dhe i keqpërdoruri Hajdari, që duhet të ishte në burg, paturpësisht padit në Gjykatë disa qytetarë dhe Avokatin e njohur Llangozi, të cilët denoncojnë çdo akt korruptiv të tij. S’thonë kot i mbyturi kërkon të mbys, por Hajdari nuk e sheh dot veten se në ç’gropë ka rënë dhe sa thellë do bjerë e do përfundojë!

Çdo betejë ligjore dhe politike do të fitohet.

Bashkinë Kuçovë, të grabitur në 2023 do ia kthejmë qytetarëve. Vlerësim për hetimin dhe gjykimin e drejtë dhe të paanshëm nga Gjykata dhe Prokuroria Berat!Falenderim për avokatët që më përfaqësuan në këto procese!

“11 Maji” do të sjellë ndryshimin e madh me një Drejtësi të pavarur, siç është shembull në Berat!

The post Gjykata e Beratit rrëzon Kreshnik Hajdarin, reagon Maliqi: Drejtësia funksionon appeared first on Albeu.com.

Maliqi theksoi se Rama duhet të japë llogari për “të gjitha të këqijat që ka bërë”, duke përmendur edhe ish-zv.kryeministrin Arben Ahmetaj, i cili më herët kishte deklaruar se “kishte shpëtuar”, pasi po të ishte në burg, mund të ishte eliminuar.

Ish-deputeti akuzoi Prokurorinë e Tiranës, se prej katër muajsh po përpiqet ta penalizojë për deklaratat e tij, duke çuar letra mbi një procedim penal kundër tij për “përhapje paniku”, pasi ka paralajmëruar ish-deputetin Ervin Salianji lidhur me ushqimin në burg, duke e zgjeruar këtë paralajmërim edhe për kreun e Partisë së Lirisë, Ilir Meta.

“Politikanët që ka futur Rama në burg duhet të ruhen nga ushqimet. Në burgje janë futur edhe pistoleta”, u shpreh Maliqi, duke ngritur shqetësime për sigurinë brenda institucioneve të vuajtjes së dënimit.

The post Lefter Maliqi: Politikanët e arrestuar duhet të kenë kujdes, i thashë Salianjit të ruhet nga ushqimi në burg appeared first on Albeu.com.

Sipas tij,  duhet të kryeni marrëveshjen për koalicionet, shpallni kandidatët; duhet të jemi të motivuar me shtabet, zyrat në çdo Degë, Bashki e Qark,

THIRRJA E MALIQIT:

Thirrje e sinqertë dhe e drejtpërdrejtë për “Opozitën e Bashkuar”, pasi nuk ka kohë!

Kryeni marrëveshjen për koalicionet, shpallni kandidatët; duhet të jemi të motivuar me shtabet, zyrat në çdo Degë, Bashki e Qark, si dhe të punojmë paralelisht fortë, në Bazë të porosisim njerëzit në çdo fis, lagje, fshat e qytet, që të organizojmë paralelisht evidentimin, njoftimin dhe t’i udhëzojmë për mënyrën se si të regjistrohen në Diasporë tek portali i KQZ.

Kryeni marrëveshjen dhe thërrisni shpejt Opoziten e Bashkuar dhe shqiptarët në “Sheshin Skënderbej” para “Kryeministrisë” në miting dhe protestë madhështore kundra Narkoshtetit për Qeveri Teknike, si domosdoshmëri për Zgjedhje të lira, pasi të dhënat janë që po shkon 200 Euro për person për emigrantët dhe 700 Euro për punëtorët sezonal me gjithe familjet që s’kanë adresë në, Greqi dhe Itali por janë me punë sezonale sepse eshte sezoni i vjeljeve ne bujqesi dhe janë të blerë ditën e votimit dhe duhet të jenë në Shqipëri. Mafia e parave të pista duhet shembur dërmuar me çdo mjet demokratik.

Koha nuk pret! Hajdutët, miliarderët, të korruptuarit me taksat e shqiptarëve, Ministrat, Kryetarët e Bashkive, Drejtorët, Deputetët e Rilindjes me paratë e pista, janë vërsulur si çakenj në Greqi, itali, Gjermani etj., hapin zyra, flenë në hotele luksoze, udhëtojnë me mjetet e tyre luksoze, me çantat me Euro, me karburantin e shtetit!

Këta të korruptuar, të pangopur, tjetërsues të votës së lirë me çdo mjet të paligjshëm, këta barkedërra të pa cipë, duan përsëri pushtet me çdo kusht, pasi kanë frikën e tyre, u ka hyrë frika deri në palcë, pasi këta çakenj me fitoren e opozitës do duhet të përgjigjen para popullit e Drejtësisë së pavarur, për pasuritë e tyre marramendëse që kalojne Miliona Euro.

Koha t’i ndalojmë; t’i ndëshkojmë këta çakenj të votës, të taksave të qytetarëve! Koha për përballje! Koha për punë të madhe në Bazë dhe me Diasporën! Doktor Berisha, Ilir Meta, Fatmir Mediu, Vangjel Dule, Agron Duka etj. është radha jonë! Uluni, toleroni dhe na motivoni të fitojmë kundër Narkoshtetit sot, se nesër do jetë shumë vonë! Fitore

The post Lefter Maliqi thirrje Opozitës: Firmosni koalicionet dhe shpallni urgjent kandidatët, të nisë puna sepse nuk ka kohë appeared first on Albeu.com.

Maliqi në reagimin e tij ka publikuar pamjet skandale të infrastrukturës në Kuçovë e cila shpërdoron miliona euro fonde nga takat, por shkolla e mjerueshme boshatiset çdo ditë dhe më shumë si pasojë e shpopullimit.

“SPAK vazhdon hesht dhe zvarrit hetimet! Nuk i mbulon dot skandalet në Bashkinë Kuçovë të të denuarit Hajdari, pengut të ish fatorinos Salillari me 11 kallëzime dhe gati në Janar i 12-i. Ndërkohë që numri i nxënësve bie ndjeshëm, shikoni si abuzojnë me investimet në shkolla:

1- Shkolla e rikonstruktuar Perondi 556 Milionë Lekë veç mure, e pa pajisur me banka thuajse 1 vit pas rikonstruksionit. Vetëm 9 nxënës në klasë të parë.

2- Shkolla “Koço Korçari” brenda 4 viteve në dokumentacion rezulton e rikostruktuar 2 herë, duke marrë fond shtesë të pajustifikuar.

3- Shkolla “18 Tetori”, me rrjet të karbonizuar elektrik, disa herë burim incidentesh zjarri prej tij pasi dukshëm është vjedhur një pjesë e fondit gjatë rikonstruksionit të saj. 11 nxënës në klasën e parë dhe jo më shumë se kaq në çdo klasë tjetër.

4- Shkolla Rreth Tapi në pritje të rikonstruksionit, e mbyllur. 2 nxënës në klasën e parë, dhe paralelet e tjera mësim në klasa kolektive. 5- Shkolla “Dëshmorët e Kombit”, 4 kate shkollë; vetëm 7 nxënës në klasën e parë.

5- Perla e abuzimit të radhës shkolla “Gaqi Karakashi” me vetëm 6 nxënës në klasën e parë dhe vetëm nga një paralel për klasat e tjera, e zhutur për vite në ujë, si rezultat i investimit të abuzuar për të disajtën herë në rikostruksionin e rrugëve pa kanalizime të lagjes “Llukan Prifti”.

Zgjedhin një Projekt Rikonstruksioni me një shpenzim 1 Milion Euro, pa e përfshirë në projekt stabilizimin e kësaj rruge, që e zhyt shkollën në llucë e ujë deri në themele për vite me radhë. Në vend të saj shtojnë ndërtimin e një godine palestre të ndarë, të panevojshme duke zënë hapsirën e lirë sportive të jashtme, kur shkolla i ka 2 palestra dhe numri i nxënësve nuk e justifikon as vlerën e rikonstruksionit dhe as llojin e projektit të zgjedhur.

Dhe për t`i vënë kapakun, ndërtimi i “Drejtorisë Arsimore”, me një vlerë 175 Milion Lekë, e vendosur si një shtojcë, duke prishur këndin sportiv të shkollës së mesme ngjitur, por edhe ambjentin e parkut ku pushon mosha e tretë. Pra Bashkia Kuçovë për arsye fare të pajustifikuar e në dëm të ambjentit e jo në funksion të komunitetit, ndërkohë që për 4 vjet me radhë bëri 0 Lekë investim infrastrukture, veç atyre dy investimeve gjigande ende të papërfunduara dhe konfliktuale, atë të ujësjellësit të Lumasit, dhe Parkun jashtë standartit 2 Milion Euro, vjen 4 vjeçarin e dytë me një bum investimesh të çuditëshme kuturu para elektorale, pa koordinim me nevojat e komunitetit e me mbrojtjen e mjedisit, me shpenzime jashtë çdo vlere normale për buxhetin e saj.

10 herë me të larta në kosto, në Lapardha për 170 Milion Lekë rikonstruktova shkollën e mesme brenda të gjithë parametrave bashkëkohorë, me biblotekë, banka e kabinete të paisura për informatikë, bio-kimi etj.

Ndërkohë, që me ato lekë të shkollave ku s’ka nxenes ishin bërë rrugët e Kuçovës, Tregu që është si kandahar, Muzeu gërmadhë, varrezat dhe stadiumi skandal, rrugët me plehra e qenë. Abuzime kudo!Pamje nga shkolla “Gaqi Karakashi” dhe rruga e mbytur”, shkruan Maliqi teksa publikon videon me poshte:

The post Lefter Maliqi denoncon abuzimin e fondeve dhe infrastrukturën katastrofë në Kuçovë (VIDEO) appeared first on Albeu.com.

Maliqi tha se ish-ministri i Brendshëm, Saimir Tahiri, është i sëmurë pas burgut që bëri dhe për këtë ftoi mediat që t’i bëjnë analizat.

Ai duke qenë se në të shkuarën kishte mbajtur pozicionin e nëndrejtorit të Burgjeve, e dinte shumë mirë se brenda ushqimit futeshin armë të ftohta, drogë dhe helm.

“Doni dhe një lajm të fundit, meqënëse jemi në media? Prokuroria e Tiranës i çon shkresë 2 televizioneve kombëtare, i thonë që kemi nisur procedim për zotin Maliqi për shkak se unë i kam bërë një thirrje publike Ervin Salianjit që ‘ruhu nga ushqimet se ky regjim të fut ndonjë helëm dhe përfundon i sëmurë siç është Saimir Tahiri’.

Se është i sëmurë Tahiri, merreni bëjini analizat. Këtu nuk ka panik fare, këtu është një thirrje individuale. Unë kam qenë nëndrejtor burgjesh dhe e di shumë mirë se në ushqime futet edhe pistoletë e fshehur, edhe thika, edhe drogë apo helm. Ky është një regjim që duhet çmontuar”, tha Maliqi.

The post Lefter Maliqi bën deklaratën e papritur, i bën thirrje Ervin Salianjit: Ruhu në burg, mund të të… appeared first on Albeu.com.