“Bazuar në informacionet e siguruara se në Malin e Tomorrit po qarkullonte me automjet, një shtetas i kërkuar për vepra penale në fushën e narkotikëve, të kryera në formën e organizatës kriminale, shërbimet e Drejtorisë së Forcës së Posaçme Operacionale lokalizuan, kapën dhe ndaluan shtetasin D. B., 46-vjeç, lindur dhe banues në Durrës.

Ky shtetas, ishte shpallur në kërkim, pasi Gjykata e Shkallës së Parë Kundër Korrupsionit dhe Krimit të Organizuar, Tiranë, në vitin 2023, i ka caktuar masën e sigurisë “Arrest në burg”, për veprat penale “Prodhimi dhe shitja e narkotikëve”, “Grupi i strukturuar kriminal” dhe “Kryerja e veprave kriminale nga grupi i strukturuar kriminal””, njofton policia.

Materialet procedurale iu referuan Prokurorisë së Posaçme Kundër Korrupsionit dhe Krimit të Organizuar, Tiranë, për hetime të mëtejshme.

The post Arrestohet në malin e Tomorrit 46-vjeçari i kërkuar për trafik të lëndëve narkotike dhe grup kriminal (EMRI) appeared first on Albeu.com.

Pas festave të fundvitit mali i Tomorrit është vizituar nga turistë të shumtë vendas dhe të huaj.

Të gjithë kanë ardhur kryesisht për deborën, e cila këtë vit ka shtruar më herët se zakonisht.

Rruga drejt malit të Tomorrit, panoramike në të dyja anët e saj ka një qarkullim të shtuar të mjeteve. Peisazhi që ofrohet nga lartësia e malit pëlqehet shumë nga vizitorët, ku nuk mungojnë as të huajt.

“Kam ardhur për herë të parë në malin e Tomorrit. Isha për festat e fundvitit në Shqipëri dhe më treguan për këtë vend. Paska një pamje vërtetë të veçantë, nuk kam vizituar asnjëherë si ky vend, do të kthehem përsëri.”

Parku kombëtar i malit të Tomorrit ndodhet në lindje te qytetit muze të Beratit.

The post Dëbora shton vizitorët në malin e Tomorrit appeared first on Albeu.com.