Një ngjarje e çuditshme ka ndodhur gjatë një darke në muajin korrik në Malaga të Spanjës, ku ish-mbrojtësi i Chelseat, Malang Sarr, u përball me një situatë të tensionuar teksa shoqërohej nga shokët e skuadrës.

Burimet tregojnë se Sarr, i cili së fundmi nënshkroi me klubin saudit NEOM SC, u izolua dhe u qëllua disa herë me pëllëmbë nga një grup burrash francezë të fuqishëm, ndërsa po darkonte me kolegët e tij.

Ngjarja ndodhi në një zonë private të hotelit luksoz Elba Estepona Gran Hotel, ku Sarr dhe grupi i tij po qëndronin. Sipas informacioneve, personat e përfshirë kishin lidhje me ish-përfaqësuesin e lojtarit.

Detajet e publikuara nga L’Equipe flasin për një përplasje fizike ku francezi u godit vazhdimisht, por vetë futbollisti i ka hedhur poshtë këto akuza.

Duket se konflikti kishte në qendër kalimin e tij te klubi i ri në Arabinë Saudite, një lëvizje që i solli një kontratë trevjeçare me vlerë rreth 15 milionë euro.

Në periudhën para firmosjes me NEOM-in, mbrojtësi kishte bashkëpunuar me disa ndërmjetës. Një prej tyre, i përfshirë në bisedimet me ekipin saudit, thuhet se nuk ishte aspak dakord me mënyrën si veproi Sarr.

Grupi i francezëve i kërkoi lojtarit të mos largohej nga aty dhe më pas ngritën pretendime për një dëmshpërblim në favor të agjentit, një kërkesë të cilën futbollisti dyshohet se e kundërshtoi.

Vetëm një ditë më parë, vëllai i ish-agjentit të Sarrit kishte shkuar në rezidencën e mbrojtësit, duke shtuar tensionet e mëparshme.

Forcat e rendit spanjolle arritën në vendin e ngjarjes, teksa një zyrtar i Konsullatës Saudite gjithashtu u paraqit në hotelin luksoz për të dëgjuar versionet e personave aty.

Megjithatë, pavarësisht se u morën në pyetje, dëshmitarët që panë atë që ndodhi refuzuan të flisnin para autoriteteve spanjolle.

The post Ish-futbollisti i Chelseat sulmohet në një restorant, raportohet se u godit me shuplaka appeared first on Albeu.com.

Dalja e parakohshme e Senegalit nga Kupa e Botës 2026 nuk solli vetëm zhgënjim në aspektin sportiv, por edhe zbuloi probleme të brendshme në ekip, me Sadio Mane dhe Kalidou Koulibaly që përmenden si figurat kryesore të përfshira në këto tensione.

Siç raporton Foot Mercato, përplasjet kishin nisur edhe përpara se të fillonte turneu dhe kishin të bënin me mungesën e mbrojtësit Malang Sarr në listën finale të përfaqësueses së Senegalit.

Edhe pse kishte zhvilluar një sezon të mirë me Lens, Sarr mbeti jashtë grupit përfundimtar dhe u vendos vetëm në listën e rezervistëve.

Sipas raportit, para fillimit të Kupës së Botës, trajneri Pape Thiaw kishte diskutuar çështjen e Sarr me disa prej lojtarëve kryesorë të skuadrës, mes tyre Kalidou Koulibaly, Edouard Mendy dhe Idrissa Gana Gueye.

Të njëjtat burime thonë se Mane mbështeste përfshirjen e Sarr në listën përfundimtare, ndërsa Koulibaly ishte kundër, çka solli edhe përplasjen e parë mes dy prej emrave më të rëndësishëm të kombëtares.

Raporti shton se situata u bë edhe më e tensionuar në mbrëmjen para sfidës së parë kundër Francës.

Mësohet se Mane kishte vënë në diskutim gjendjen fizike të Koulibalyt, i cili kishte ardhur në turne i dëmtuar, dhe kishte propozuar që Malang Sarr ta zëvendësonte në formacion.

Gjithnjë sipas raportimeve, ky sugjerim nuk u mirëprit nga mbrojtësi i Al Hilal, duke thelluar më tej krisjen mes dy veteranëve të Senegalit.

Këto zhvillime bëhen publike pasi Senegali u eliminua në fazën e 1/16 së finales të Kupës së Botës, pas humbjes ndaj Belgjikës.

Njëkohësisht, ato vijnë në vijim të aludimeve për pakënaqësi më të gjera brenda Federatës së Futbollit të Senegalit, ku janë hedhur dyshime si mbi mënyrën e administrimit të turneut nga federata, ashtu edhe mbi zgjedhjet e trajnerit Pape Thiaw përgjatë gjithë fushatës.

The post Përçarje në prapaskenë te Senegali, raportimet nxjerrin në pah konfliktin mes Mane dhe Koulibaly pas Botërorit appeared first on Albeu.com.

Bëhet fjalë për qendërmbrojtësin francez Malang Sarr i cili është afër që t’i bëjë dy vite pa luajtur asnjë minutë me ekipin e parë.

Ndeshja e fundit e francezit ishte për Monacon në duelin ndaj Reims gjatë kohës sa ishte në huazim tek klubi francez, ndërsa në total kishte luajtur në 17 ndeshje.

Ata e kishin opsionin për të blerë kartonin e lojtarit për 15 milionë, por në fund Sarr eventualisht u rikthye tek Chelsea.

Sidoqoftë, 25-vjeçari e ka gjetur veten në harresë dhe është detyruar që të stërvitet me grupmoshat U21, ndërsa The Athletic ka raportuar se miqtë e tij janë të ‘shqetësuar’ për gjendjen mendore të tij.

Pasi u transferua nga Nice në 2020, Sarr është bërë një lojtar i harruar i Chelseat dhe kur Pochettino ishte pyetur për të në një konferencë në muajin gusht ai është përgjigjur: Kush?.

Një burim pranë lojtarit ka thënë: Unë kurrë nuk e kam parë atë në këtë gjendje. Kjo është hera e parë që e kam parë në një situatë të tillë. Ai po mundohet që të ndryshojë gjendjen e tij mendore, por është e vështirë kur nuk luan./Telegrafi/

The post Lojtari i harruar i Chelseat është përjashtuar nga Pochettino dhe ka dy vite pa luajtur asnjë minutë appeared first on Albeu.com.