Atletico Madridi e ka hapur sezonin e ri në La Liga me një fitore në fushën e tij ndaj Malagas.

Skuadra e njohur si “Los Rijoblancos” triumfoi 2-0, në një ndeshje që për pjesën më të madhe të saj mbeti e ekuilibruar.

Rastet nuk munguan gjatë 45 minutave të para, por as Atletico dhe as Malaga nuk arritën të gjenin rrugën drejt rrjetës, ndaj ekipet shkuan në dhomat e zhveshjes me rezultatin 0-0.

Rodrigo Mendoza iu afrua golit, por portieri Herrero reagoi në mënyrë të shkëlqyer dhe e ndali tentativën e tij.

Avantazhi i vendasve erdhi në minutën e 70-të, kur afrimi i ri Kang-in Lee realizoi një gol të bukur nga distanca, duke e lënë portierin të palëvizur.

Fitoren e Atletico Madridit e siguroi Alex Baena në minutën e 85-të, me një goditje spektakolare nga faulli.

Me këtë rezultat, Atletico regjistron tri pikët e para të sezonit në La Liga, ndërsa Malaga do të kërkojë të reagojë në javët e ardhshme.

The post Atletico Madridi nis La Ligën me sukses, mposht 2-0 Malagan appeared first on Albeu.com.

Miqësorja e Costa del Sol mes Malagas dhe Fulhamit pati një përfundim të pazakontë, që tashmë ka tërhequr vëmendje në mbarë botën.

Në stadiumin Malaga Rosaleda, skuadra angleze u përball me ekipin e sapongjitur në La Liga, ndërsa fituesit do t’i jepej edhe trofeu Costa del Sol. Kjo ishte miqësorja e parafundit e Fulhamit përpara nisjes së sezonit të ri në Ligën Premier.

Takimi u mbyll në barazim 2-2. Alex Iwobi dhe Ryan Sessegnon realizuan golat e Fulhamit, ndërsa Eneko Jauregi vendosi baraspeshën për vendasit në fund, duke shënuar nga penalltia. Vendimi për 11-metërshin erdhi pas një prekjeje të diskutueshme të topit me dorë nga Calvin Bassey.

Trajneri i ri i Fulhamit, Alvaro Arbeloa, reagoi me zemërim ndaj këtij vendimi. Protestat e tij kundër gjyqtarit në momentin e vërshëllimës përfundimtare sollën përjashtimin e tij nga fusha.

Situata u bë edhe më kaotike pas përfundimit të ndeshjes. Ashtu siç ndodh në shumë takime miqësore ku luhet për trofe, pas rezultatit të barabartë pritej që fituesi të përcaktohej nëpërmjet gjuajtjeve të penalltive.

Fulhami, megjithatë, nuk pranoi të merrte pjesë, duke pretenduar se zhvillimi i penalltive nuk ishte parashikuar në kontratë. Skuadra londineze duhej gjithashtu të kapte një fluturim dhe rrezikonte ta humbiste nëse seria do të zhvillohej.

Lojtarët e ekipit anglez u larguan me shpejtësi nga fusha, mes vërshëllimave të forta të rreth 20,000 tifozëve të pranishëm. Si pasojë e dorëzimit të trofeut, Malaga u shpall fituese e edicionit të 36-të të kompeticionit.

Futbollistët e Malagas e trajtuan situatën me humor. Jauregi u pozicionua te pika e bardhë dhe realizoi në portën e zbrazët, përpara se shokët e tij të skuadrës të festonin golin.

Më pas, ekipi andaluzian ngriti trofeun dhe pozoi për fotografi. Pas gjithë rrëmujës, Fulhami publikoi një reagim zyrtar në llogarinë e tij, duke deklaruar se përpara ndeshjes të dyja klubet kishin rënë dakord që, në rast barazimi, të mos kishte penallti.

Klubi anglez falënderoi tifozët për mbështetjen e shkëlqyer në Malaga dhe konfirmoi se marrëveshja mes dy skuadrave për të mos zhvilluar gjuajtje penalltish ishte arritur para fillimit të takimit.

Malaga paraqiti një version krejtësisht tjetër në faqen e saj zyrtare. Klubi spanjoll shkroi se seria e penalltive ishte planifikuar, por Fulhami u largua nga fusha me pretendimin se ajo nuk përfshihej në kontratë. Për këtë arsye, Malaga CF u kurorëzua kampione e XXXVI Costa del Sol Cervezas Victoria Cup.

Fulhami do ta vazhdojë fazën përgatitore me një miqësore kundër skuadrës së Bundesligës, VFB Stuttgart, të shtunën në Craven Cottage. Më pas, ekipi do ta nisë sezonin e ri të Ligës Premier me derbin ndaj Chelseat në Stamford Bridge, të hënën, më 24 gusht.

The post Kaos në trofeun Costa del Sol, Fulhami braktis penalltitë dhe Malaga shënon në portën bosh për të fituar appeared first on Albeu.com.

Santi Cazorla, ish-mesfushori i Arsenalit dhe i kombëtares së Spanjës, ka shpallur tërheqjen nga futbolli në moshën 41-vjeçare, duke ulur siparin mbi një karrierë më shumë se 20-vjeçare, e cila përfshiu edhe dy tituj të Kampionatit Evropian me Spanjën.

Vendimi i tij erdhi pas sezonit të fundit me Real Oviedon, skuadrën asturiane që ai ndihmoi të ngjitej në La Liga në vitin 2025. Lajmin për largimin nga futbolli e bëri publik përmes rrjeteve sociale.

Në një video të publikuar në platformën X, Cazorla u shpreh: “Tani që gjithçka po merr fund, ndërsa mbledh valixhet dhe zhurma ia lë vendin heshtjes, gjithçka ka kuptim sepse ky fund nuk ndodhi askund, isha në shtëpi”.

Rrugëtimi i tij në futboll nisi në akademinë e Villarrealit, ndërsa më pas luajti edhe për Recreativon dhe Malagan. Ai u kthye në një figurë legjendare pasi firmosi me Arsenalin në vitin 2012. Me Spanjën fitoi dy herë Kampionatin Evropian, në 2008 dhe 2012, ndërsa për shkak të një dëmtimi mungoi në triumfin e Kupës së Botës 2010.

Pas gjashtë sezonesh te “Topçinjtë”, periudhë gjatë së cilës fitoi dy Kupa FA, në vitet 2014 dhe 2015, Cazorla u rikthye te Villarreali. Më vonë ai u transferua te Al Sadd në Katar, përpara se të rikthehej te Oviedo në vitin 2023.

Në një deklaratë, klubi asturian theksoi: “Real Oviedo dhe Santi Cazorla po i japin fund njërit prej kapitujve më të bukur në historinë e kohëve të fundit të klubit. Cazorla ka vendosur të kthehet për pagën minimale të lejuar në ligë dhe i ka dhënë klubit të gjitha të drejtat për të përdorur imazhin dhe emrin e tij”.

The post Santi Cazorla mbyll karrierën si futbollist në moshën 41-vjeçare appeared first on Albeu.com.

Pas fitores 1-0 të Malagas ndaj Atletico Madrid B në Ligën e Tretë të Spanjës,, një tifoz i kërkoi Lorenzos fanellën e tij të veshur nga ndeshja ndërsa lojtarët përshëndetën tifozët.

Megjithatë, Lorenzo shpjegoi se ai nuk mund të dhuronte fanella për shkak të rregullave të klubit.

Por mbështetësi i përkushtuar nuk u dorëzua, ai i tha se do ta blinte fanellën dhe ia dha 50 euro, ku ky moment është kapur nga kamerat.

I befasuar nga gjesti, i kapur në TV dhe i shpërndarë në El Chiringuito, Lorenzo pranoi paratë dhe shkëmbimi përfundoi.

21-vjeçari tha pas ndeshjes se nuk është milioner dhe se nuk kanë të drejtë t’i shpërndajnë fanellat.

“Ndodhi kaq shpejt. Vetëm që njerëzit të kuptojnë, ne jemi në Primera RFEF, unë nuk jam milioner, do të doja të isha. Na është dhënë një numër i kufizuar bluzash për t’i dhuruar dhe unë tashmë e kisha shpërndarë ato. Pas çdo fanelle tjetër klubi na ka thënë se duhet t’i paguajmë vetë”, tha talenti spanjoll.

“Këtë ia përmenda tifozit në tribunë dhe më ofroi 50 euro. Më kapi në befasi dhe reagova instinktivisht për ta pranuar dhe për t’ia dhënë fanellën”, shpjegoi futbollisti spanjoll. /Telegrafi/

İspanya 3. Ligi'nde mücadele eden Malaga'nın Dani Lorenzo, formasını taraftara 50 Euro karşılığında sattı.

Özür dileyen Dani: "Kulüp formalar için bizden para alıyor, taraftarın forma için para teklif etmesi bana normal gözüktü."pic.twitter.com/GLENdkDLDN

— Buzz Spor (@buzzspor) April 15, 2024

The post VIDEO / “Unë nuk jam një milioner”, Futbollisti i Malagas kapet nga kamerat duke ia shitur fanellën një tifozi appeared first on Albeu.com.

Trajnerit italian ju desh 20 minuta pritje për të mundësuar kalimin në avion me policinë e cila kreu procedurat e nevojshme.

Sipas protokollit, policët nuk lanë askënd nga ekipi apo delegacioni të qëndronte me trajnerin.

Sipas burimeve të abcnews.al kur kaluan mbi 10 minuta që nuk po e linin Rejan, pas kabinave të policëve u mblodhën disa persona të delegacionit dhe ekipit kombëtar që kur trajneri kaloi, ia lëshuan një “ola” të madhe në grup.

Ndërkohë, nuk munguan as batutat teksa një police femër doli nga kabina dhe iu drejtua grupit duke qeshur “duhet të na falënderoni” dhe grupi ia ktheu muchos gracias.

Gjithsesi, policët në fund u treguan të sjellshëm me delegacionin kuq e zi, edhe pse në fillim ishin te rrepte teksa nuk pranonin as foton e faqes së parë të pasaportës italiane, që Reja e kishte në telefon.

Ndërkohë, ndeshja u luajt pa tifozë, teksa u lejuan vetëm gazetarë, dhe presidentët e klubeve. /G.D albeu.com/

The post Incidenti i Rejas në aeroport, batutat mes policëve dhe delegacionit “kuq e zi” appeared first on Albeu.com.