“Kisha një kërkesë për të pastruar shtëpinë për dy minuta, nuk ishte e kushtëzuar me faktin që të isha lakuriq. Dikush donte të më shihte duke pastruar shtëpinë për 300 dollarë. Çdo gjë tjetër nuk është e çuditshme nga pikëpamja ime, çdo gjë është brenda kufijve normalë. Ata duan një urdhër pagese,” tha Mirjana.

Duke folur gjatë një emisioni televiziv, ajo bëri me dije se ka nisur procesin për krijimin e një partie të re. Pajkoviç tha se Partia do të quhet “Stranka evropskog koraka slobode”, që në shqip do të thotë “Partia e hapit evropian të lirisë”, ndërsa shkurtimi i saj do të jetë “SEKS”. Gjatë emisionit, ajo deklaroi se është politikane dhe synon që në zgjedhjet e ardhshme të jetë edhe pjesë e parlamentit malazez.

“Unë jam gjithashtu politikane dhe kam filluar të themeloj partinë time, do të quhet “Partia e Hapit Evropian të Lirisë”, shkurt “Seksi”. Sigurisht që do të hyj në parlament,” tha Mirjana Pajkoviç.

Skandali Politik:

Pak javë më parë Mali i Zi u përball me një skandal të madh politik, pas publikimit të një videoje seksuale që përfshinte atë dhe këshilltarin e Presidentit. Mirjana Pajkoviç dhe Dejan Vukshiç u detyruan të japin dorëheqjen pas shpërndarjes së materialit në rrjetet sociale, duke shkaktuar një stuhi zemërimi në qeveri.

Në fund të vitit të kaluar, Pajkoviç ngriti tre padi penale kundër Vukshiç, duke e akuzuar atë për shpërndarje të paautorizuar të pamjeve. Prokuroria në Mal të Zi ka bërë të ditur se ka nisur hetimet paraprake për të sqaruar rrethanat e rastit dhe për të identifikuar përgjegjësit.

The post Pas skandalit me ish-këshilltarin e Presidentit të Malit të Zi/ Mirjana Pajković themelon partinë e saj politike: Do të quhet SEKS appeared first on Albeu.com.

Gjatë vizitës së tij, Kapetanovic u prit nga Presidenti i Malit të Zi, Jakov Milatović, Kryetari i Parlamentit, Andrija Mandić, dhe Zëvendëskryeministri dhe Ministri i Jashtëm, Ervin Ibrahimović. Në qendër të bisedimeve ishin çështje me rëndësi strategjike si bashkëpunimi ekonomik rajonal, transformimi dixhital, investimet, zhvillimi i kapitalit njerëzor dhe siguria.

“Mali i Zi luan një rol kyç në formësimin e bashkëpunimit rajonal dhe avancimin e integrimit ekonomik dhe politik në Ballkanin Perëndimor. Diskutimet tona konfirmuan përkushtimin e përbashkët për të bërë agjendat rajonale më konkrete dhe të prekshme për bizneset dhe qytetarët. RCC do të vazhdojë të mbështesë nismat që fuqizojnë rritjen ekonomike, lidhjen rajonale dhe stabilitetin,” tha Sekretari i Përgjithshëm i RCC, Amer Kapetanovic.

Zyrtarët malazezë theksuan rëndësinë e rolit të RCC në përshpejtimin e integrimit rajonal dhe harmonizimin me standardet e BE-së. Ata ritheksuan përkushtimin e Malit të Zi ndaj Tregut të Përbashkët Rajonal dhe Agjendës së Gjelbër, si dhe nevojën për bashkëpunim më të ngushtë në çështjet e sigurisë dhe prioritetet e SEECP (Procesi i Bashkëpunimit të Evropës Juglindore).

Përveç takimeve me zyrtarët e lartë shtetërorë, Kapetanovic zhvilloi një takim me Johan Sattler, Shefin e Delegacionit të BE-së në Mal të Zi, si dhe me Maja Handjiska Trendafilova, Drejtoreshën e Shkollës Rajonale të Administratës Publike (ReSPA). Ai vizitoi edhe Qendrën e Kapaciteteve Kibernetike të Ballkanit Perëndimor, ku diskutoi mundësitë për të rritur rezistencën dixhitale dhe bashkëpunimin në sigurinë kibernetike në rajon.

Vizita në Mal të Zi është vetëm ndalesa e parë e turit të Kapetanovic në rajon. Me këtë iniciativë, RCC synon të forcojë partneritetet rajonale dhe të sigurojë vazhdimësinë e projekteve kyçe, duke nxitur një rajon më të integruar ekonomikisht dhe politikisht.

The post Mali i Zi, stacioni parë për Kapetanovic appeared first on Albeu.com.

Partia proruse do të ketë dy poste të zëvendëspresidentit dhe do të udhëheqë dy ministri, ndërkaq partia boshnjake do të ketë një zëvendëspresident dhe pesë ministra.

Me hyrjen e këtyre partive, Qeveria e Malit të Zi tani do të ketë 32 anëtarë – Qeveria më e madhe në historinë e shtetit.

Kryeministri i Malit të Zi, Millojko Spajiç, gjatë adresimit të tij tha se Mali i Zi është në paqen më të mirë në historinë e tij.

“Kjo qeveri është garantuese e stabilitetit dhe pjekurisë. Ne jemi tregues se si serbët dhe shqiptarët, serbët dhe boshnjakët mund të jetojnë dhe punojnë së bashku”, tha Spajiç.

Duke komentuar hyrjen e partive proruse në ekzekutiv, përfaqësuesi i Partisë Demokratike të Socialistëve, Andrija Nikoliç, tha se Qeveria do të menaxhohet nga Moska dhe Beogradi.

“Koka dhe truri janë në Moskë. Koka e kësaj qeverie është [kryetari i Parlamentit] Andrija Mandiç, prandaj në të nuk ka asnjë malazezë”.

Ambasada e Shteteve të Bashkuara të Amerikës në Podgoricë shprehu shqetësim për përfshirjen në Qeveri të partive dhe liderëve që nuk e dënojnë agresionin rus kundër Ukrainës dhe janë kundër sanksioneve të Bashkimit Evropian kundër Rusisë.

Nga Ambasada amerikane thanë për Radion Evropa e Lirë se mbështesin një qeveri të përkushtuar për anëtarësimin e shtetit në BE, respektimin e vlerave euroatlantike dhe pjesëmarrjen e plotë në NATO, që pasqyron përbërjen multikulturore të Malit të Zi.

“Ne jemi të shqetësuar për përfshirjen në Qeveri të partive dhe liderëve që nuk dënojnë agresionin rus kundër Ukrainës, janë kundër sanksioneve të Bashkimit Evropian kundër Rusisë dhe veprimet e të cilëve janë në kundërshtim të drejtpërdrejtë me parimin e marrëdhënieve të fqinjësisë së mirë”, tha Ambasada amerikane.

Ambasada amerikane u bëri thirrje Qeverisë dhe deputetëve të mbesin të përqendruar në qëllimin e përbashkët, që është anëtarësimi i Malit të Zi në BE, dhe të shmangin çështje joproduktive që kërcënojnë këtë qëllim dhe shkaktojnë përçarje.

“Si aleate dhe partnere e ngushtë i Malit të Zi, SHBA-ja do të vazhdojë të mbështesë dhe njoh veprimet konstruktive të Kuvendit dhe Qeverisë, duke vënë në pah aktivitete që janë në kundërshtim me vlerat euroatlantike dhe rrezikojnë përparimin e prekshëm drejt integrimit. në Bashkimin Evropian”, tha Ambasada amerikane në një përgjigje për REL-in.

Ky është riformatizimi i parë i Qeverisë së Spajiqit, e cila u formua në fund të tetorit të vitit të kaluar me votat e 46 deputetëve nga 81 sa janë gjithsej.

Qeverinë, atëkohë, e mbështetën 13 deputetë të partive të DF-së, që u shpërbë së voni – përkatësisht Demokracia e Re Serbe e Andrija Mandiçit dhe Partia Popullore Demokratike e Millan Knezheviçit – me kushtin që t’i bashkohen Qeverisë këtë vit.

Politika e këtyre partive është në kundërshtim me politikën zyrtare të Malit të Zi, i cili është vend kandidat për anëtarësim në Bashkimin Evropian.

Këto parti mbështesin heqjen e sanksioneve kundër Rusisë – të vendosura për shkak të agresionit të saj në Ukrainë – nuk e njohin pavarësinë e Kosovës, janë kundërshtare të anëtarësimit të Malit të Zi në NATO, mohojnë gjenocidin në Srebrenicë, mbështesin kriminelët e dënuar të luftës, Radovan Karaxhiç dhe Ratko Mlladiç, etj.

Përveçse mbështesin presidentin rus, Vladimir Putin, udhëheqësit e këtyre partive kanë marrëdhënie të ngushta politike edhe me presidentin e Serbisë, Aleksandar Vuçiq, dhe me presidentin e Republikës Sërpska, Millorad Dodik.

SHBA-ja, në disa raste, ka shprehur shqetësim për përfshirjen në pushtet të partive që kundërshtojnë vlerat euroatlantike.

Shqetësime të ngjashme kanë shprehur edhe institucionet evropiane.

Megjithatë, Kuvendi i Malit të Zi ka zgjedhur Andrija Mandiçin për kryetar në fund të tetorit të vitit 2023. Ai është mbështetur edhe nga përfaqësuesit e Lëvizjes së Spajiçit Evropa Tani./REL

The post SHBA e shqetësuar pas hyrjes së partive proruse në Qeverinë e Malit të Zi: Në kundërshtim me parimin e marrëdhënieve të fqinjësisë së mirë appeared first on Albeu.com.

Lajnin për shpërthimin e bombës, e ka njoftuar Drejtoria e Policisë në Mal të Zi. Shpërthimi ndodhi në orën 09:10.

Sipas informacioneve jozyrtare të “Vijesti”, janë vrarë Petar Kalugjeroviq dhe Dragan Roganoviq, anëtarë të klanit kriminal Skaljar. Njëri prej tyre ka ndërruar jetë në vend.

Sipas një burimi nga kreu i Drejtorisë së Policisë, i dyti më pas i është nënshtruar plagëve të marra.

“Në vendin e ngjarjes kanë dalë menjëherë punonjësit e policisë, i cili është siguruar. Për zbardhjen e të gjitha rrethanave dhe fakteve, si dhe ndriçimin e kësaj ngjarjeje, punonjësit e administratës policore në koordinim me Prokurorinë e Lartë të Shtetit. Zyra në Podgoricë, janë duke ndërmarrë masa dhe aksione intensive të zbulimit dhe publiku do të njoftohet me kohë për rrjedhën dhe rezultatin”, njofton zyrtarisht Policia.

Me muaj të tërë policia kishte frikë se diçka e tillë mund të ndodhte në Cetinje, pasi një numër i madh i anëtarëve të klaneve kriminale janë liruar në gjashtë muajt e fundit.

Shumica e tyre janë liruar nga paraburgimi, sepse gjykata nuk ka nxjerrë as aktgjykim të shkallës së parë tre vjet pas ndalimit të tyre.

Numri më i madh i personave, të cilët policia i ka mashtruar si anëtarë të OKG-së, ndodhen në Cetinje. Një hetim është duke u zhvilluar ndërsa se në terren është edhe kryetari i Komunës së Cetinjës, Nikolla Gjurashkoviq.

Shpërthimi ndodhi pas orës 09:00 në hyrje të Qendrës së Sportit. Një numër i madh i zyrtarëve policorë, kanë dalë në vendin e ngjarjes dhe hetimet janë duke u zhvilluar për këtë ngjarje.

Për shkak të fuqisë së shpërthimit, xhamat në ndërtesën e Qendrës së Sportit janë thyer dhe një pemë është rrëzuar, raportoi RTV Cetinje.

The post VIDEO/ Shpërthim i fuqishëm me bombë në Mal të Zi, dy të vdekur dhe tre të plagosur appeared first on Albeu.com.

Ai ka zhvilluar takime në selinë e Partisë Demokratike të Socialistëve (DPS), mes tyre dhe me Sekretarin e Përgjithshëm të DPS, Aleksandar Bogdanovic, siç shkruan Meta me fokus bashkëpunim mes dy partive në interes të dy popujve.

“Shumë i lumtur të nis ditën në Mal të Zi, me takime në selinë e Partisë Demokratike të Socialistëve (DPS), që ka një kontribut historik për arritjen e Pavarësisë, anëtarësimin në NATO dhe përshpejtimin e integrimit europian të këtij vendi fqinj, mik të vërtetë dhe partner shumë i rëndësishëm i Shqipërisë. Sot DPS është në opozitë por një gardiane e vendosur në mbrojtje të vlerave dhe rrugës së qartë europiane e euro-atlantike të Malit të Zi dhe në të ardhmen Partia e Lirisë do të ketë një bashkëpunim edhe më të madh në interes të të dy vendeve dhe popujve tanë.

E falenderova Sekretarin e Përgjithshëm të DPS, z.Aleksandar Bogdanoviç për pjesëmarrjen në Konventën historike të Partisë së Lirisë dhe jam besimplotë se nëpërmjet forcimit të mëtejshëm të bashkëpunimit mes forcave tona politike do të japim një kontribut të vyer për të garantuar prosperitetin e pandalshëm të Shqipërisë, Malit të Zi dhe të rajonit tonë. I lumtur të dëgjoja prej tij vlerësimet më të larta për Konventën tonë dhe sidomos për 5 prioritetet e Partisë së Lirisë”, shkruan Meta.

Presidenti i PL-së do të takohet edhe Sekretarin e Pergjithshem te DPS, Aleksandar Bogdanovic./albeu.com

The post Meta vizitë në Mal të Zi, takohet me Sekretarin e Përgjithshëm të DPS appeared first on Albeu.com.

Ditën e nesërme, të pranishëm në Samit do të jenë kreyministri i Kosovës, Albin Kurti, kreu i qeverisë shqiptare, Edi Rama, kryeministri aktual i Maqedonisë së Veriut, Talat Xhaferi, presidenti i Serbisë, Aleksandër Vuçiç si dhe Komisioneri Evropian për Fqinjësi dhe Zgjerim, Oliver Varheley.

Gjithashtu pjesë e Samitit do të jetë edhe ndihmëssekretari amerikan në Byronë për Çështje të Evropës dhe Euroazisë, James O’Brien.

Ky samit do të fokusohet në integrimin ekonomik rajonal dhe mundësinë e rritjes të ofruar nga Plani i rritjes së Ballkanit Perëndimor të BE-së, si dhe do të përforcojnë mbështetjen e fortë të Shteteve të Bashkuara për rrugën e Ballkanit Perëndimor drejt anëtarësimit në BE, thuhet në komunikatë e Departamentit të Shtetit.

Ishte kryeministri malazez, Marko Spajiç ai i cili muajin e kaluar ka njoftuar për mbajtjen e këtij Samiti.

Spajiç tha se duan që të ulin sa më shumë tensionet dhe të fokusohen në zgjerimin e marrëdhënieve ekonomike në rrugën drejt BE-së.

Kryeministri theksoi se Mali i Zi dëshiron të ketë marrëdhënie të shkëlqyera me të gjitha vendet e rajonit dhe se me ratifikimin e disa marrëveshjeve për mobilitetin, ka treguar përkushtimin e tij ndaj procesit të Berlinit.

“Do të kemi një Samit të liderëve të Ballkanit Perëndimor në mes të muajit maj në Kotor. Duam që të mbledhim të gjithë zyrtarët e rajonit, gjë që nuk është e lehtë për shkak të dinamikës së marrëdhënieve mes shteteve ballkanike.

Po mundohemi që të ulin sa më shumë tensionet dhe të fokusohemi në marredheniet ekonomike mes nesh në rrugën drejt BE-së.

Duhet t’u përkushtohemi qytetarëve, t’i harmonizojmë gjërat që janë në dobi të tyre, në mënyrë që politika të mos jetë pengesë për këtë”, ka deklaruar më herët ai./

The post Sot dhe nesër Samiti i liderëve të rajonit në Mal të Zi, Kurti, Rama e Vuçiç bëhen bashkë appeared first on Albeu.com.

Sipas medieve lokale, bëhet fjalë për Dejan Drašković.

Vjesti raportoi se Drašković po kthehej nga Tivari ​​për në Herceg Novi, ku jeton.

Teksa po priste në mol në Lepetani për të hipur në traget, pranë tij ka ndaluar një Mercedes me targa italiane, me tre persona në të.

Sipas pohimeve të Drašković, njëri prej tyre ka parë në mënyrë të dukshme targat e veturës që po drejtonte dhe kur kuptoi se automjeti ishte nga Serbia, me zë të lartë filloi ta shante në shqip dhe ta provokonte atë, ndërsa pasagjerët në Mercedes qeshën me të madhe.

“Nuk kam reaguar dhe nuk kam dashur të debatoj me ta në vend, sepse sigurisht që do të çonte në një incident më të rëndë sepse pranë nesh ishin tre makina të tjera me targa shqiptare. Kam thirrur policinë dhe kam raportuar se çfarë ka ndodhur, dhe pak më vonë në Herceg Novi kanë ndalur Mercedesin, shoferi i të cilit më sulmoi dhe më provokoi, i morën në paraburgim dhe ua dorëzuan kolegëve nga policia e Tivarit”, ka thënë Drašković për Vjestin mëngjesin e sotëm.

The post Shanë dhe kërcënuan një zyrtar serb, policia ndalon 3 shqiptarët në Mal të Zi appeared first on Albeu.com.

Sipas Qendrës Sizmologjike Mesdhetare Evropiane, magnituda e tërmetit ka qenë 4.7 ballë e shkallës Rihter.

Ndërsa thellësia fokale, është llogaritur në 9 km. Epiqendra e lëkundjes sizmike raportohet të jetë pranë kryeqytetit, Podgoricës.

Ende nuk raportohet dëme në ndërtesa apo njërëz të lënduar. Lëkundjet e tërmetit janë ndjerë edhe në Bosnjë-Hercegovinë.

The post Tërmet i fuqishëm në Mal të Zi, sa ishte magnituda appeared first on Albeu.com.

“Përkrahja e plotë i është shprehur nënkryetares së partisë, Maja Vukiçeviq, kryetare e delegacionit malazez në APKE, që të votojë kundër pranimit të të ashtuquajturës Kosovës në Asamblenë Parlamentare të Këshillit të Evropës”, thuhet në deklaratën e partisë të publikuar më 24 mars.

PDP-ja është njëra nga anëtaret e Frontit Demokratik (FD) të shpërbërë prorus dhe proserb dhe përbën shumicën parlamentare në Mal të Zi, e cila udhëhiqet nga Lëvizja Evropa Tani, e kryeministrit Millojko Spajiq.

Kjo parti, e udhëhequr nga njëri prej liderëve të ish-FD-së, Millan Knezheviq, avokon për tërheqjen e njohjes së pavarësisë së Kosovës, daljen e Malit të Zi nga NATO-ja dhe heqjen e sanksioneve kundër Rusisë.

Kur erdhi në pushtet në fund të vitit të kaluar, PDP-ja njoftoi se nuk do t’i ngrinte këto çështje.

Në marrëveshjen e koalicionit me Lëvizjen Evropa Tani të kryeministrit Spajiq, palët ndër të tjera u pajtuan që Qeveria të mos merrte vendime që do të vinin në pikëpyetje pavarësinë e Kosovës, sanksionet kundër Rusisë për shkak të pushtimit të Ukrainës, dhe detyrimet ndaj NATO-s.

Kosova u njoh në vitin 2008 nga Qeveria e Partisë Demokratike të Socialistëve, Millo Gjukanoviq, e cila në gusht të vitit 2020 humbi zgjedhjet ndaj FD-së proserbe dhe proruse, Demokratëve dhe lëvizjes URA.

Delegacioni i Malit të Zi në Asamblenë Parlamentare të Këshillit të Evropës përbëhet nga gjashtë anëtarë, nga të cilët katër janë anëtarë të Qeverisë dhe dy anëtarë të opozitës.

Këshilli i Ministrave të Këshillit të Evropës e dorëzoi në Asamblenë Parlamentare kërkesën e Kosovës për anëtarësim në këtë organizatë në prill të vitit 2023 dhe kështu nisën zyrtarisht procedurat për shqyrtimin e aplikacionit të Kosovës.

Pro kërkesës së Kosovës votoi edhe përfaqësuesi i Malit të Zi. Për këtë reaguan ashpër një pjesë e partive proserbe në pushtet.

Të pakënaqur me faktin se Mali i Zi votoi për pranimin e Kosovës në Këshillin e Evropës, deputetët e FD-së kërkuan një seancë dëgjimore të kryeministrit dhe ministrit të Punëve të Jashtme të atëhershme, Dritan Abazoviq.

Interesi i Malit të Zi për të mbështetur anëtarësimin e Kosovës në Këshillin e Evropës është në mirë të stabilitetit dhe bashkëpunimit rajonal, kishte thënë Abazoviq gjatë seancës së Komisionit për Marrëdhënie Ndërkombëtare të Parlamentit të Malit të Zi në maj 2023.

Anëtarësimi i Kosovës në Këshillin e Evropës është riaktualizuar në javët e fundit, pasi, me kërkesën e Qeverisë së Kosovës drejtuar Agjencisë Kadastrale për transferimin e 24 hektarëve tokë në emër të Manastirit të Deçanit, është përmbushur njëri nga kushtet kryesore për anëtarësim.

Kjo çështje mund të jetë vendimtare për kërkesën e Kosovës për anëtarësim në Këshillin e Evropës, gjatë Asamblesë Parlamentare të atij institucioni, që do të mbahet në prill.

Nëse Kosova merr dritën jeshile në Asamblenë Parlamentare, atëherë fjalën përfundimtare duhet ta japë Komiteti i Ministrave të Këshillit të Evropës – gjë që Qeveria kosovare pret të ndodhë në maj.

Në maj të vitit 2022, Kosova aplikoi për anëtarësim në Këshillin e Evropës.

The post Mali i Zi paralajmëron votë kundër pranimit të Kosovës në Këshillin e Evropës appeared first on Albeu.com.

Veprimtarët e shoqërisë civile kanë adresuar problemet e gruas brenda bashkësisë shqiptare në Malin e Zi duke paraqitur sfidat dhe vështirësitë gjatë karrierës së tyre profesionale. Veprimtarja Ardita Rama, vuri në dukje rëndësinë e aktivizmit të gruas shqiptare.

“Përmes nesh po promovojmë aktivizmin e femrës shqiptare në këto troje. Të gjitha ne që po marrim pjesë në këtë panel i takojmë profesioneve të ndryshme dhe është shumë e rëndësishme që vajzat e reja të dëgjojnë dhe të shohin shembuj dëshmie që me shumë këmbëngulje dhe shumë punë mund të arrihen ëndrrat”, tha zonja Rama.

Komunikimi, guximi dhe përvojat e grave nxisin dhe përmirësojnë jetën e gruas për të arritur barazinë gjinore. Kjo sipas veprimtares Arlinda Osmani duhet të mbetet objektiv i veprimtarisë së tyre.

“Diskutimi na çon gjithmonë një hap më tej sepse fjala, e cila përçohet tek të tjerët ndihmon në hapat e duhura që ky hendek të zvogëlohet e ndoshta një ditë të arrihet tek ajo pika që të njihet si barazia gjinore”, tha zonja Osmani.

Organizatorja dhe veprimtarja e të drejtave të gruas, Hatixha Gjoni vë në dukje kontributin e gruas, e cila la gjurmë të pashlyeshme në jetën shoqërore të Ulqinit dhe më gjerë.

“Potenciali i grave në Ulqin është i dukshëm. Gjatë veprimtarisë së vet ata kanë lanë gjurma që qartazi flasin këto fotografi të ekspozuara dhe të cilat tregojnë veprimtarinë e gruas dhe aktivizmin e tyre”, tha zonja Gjoni.

Veprimtaret e shoqërisë civile theksuan nevojën e përfshirjes së gruas në proceset e zhvillimit dhe të vendim-marrjes. Në këtë kuadër ata besojnë se rregullimi i duhur i pikëpamjeve kolektive të njerëzimit do të avanconte barazinë për ti trajtuar padrejtësitë me të cilat ndeshen gratë./voa

The post Mali i Zi, sfidat dhe vështirësitë e grave në bashkësinë shqiptare appeared first on Albeu.com.