Sipas drejtuesve të mjeteve, mjetet borëpastruese nuk kanë qenë në terren që nga mesdita, duke e bërë të pamundur lëvizjen dhe pastrimin e rrugës.

Shoferët raportojnë se u është kërkuar pagesë për ndërhyrje dhe pastrim, ndërsa ata vazhdojnë të mbeten të bllokuar në kushte të vështira, pa mundësi për të ecur.

Situata ka shkaktuar shqetësim të madh për udhëtarët dhe komunitetin lokal, ndërsa shumë prej tyre kërkojnë ndërhyrje urgjente nga autoritetet, për të garantuar qarkullim të sigurt dhe për të shmangur incidente.

The post Reshjet e dendura të dëborës bllokojnë rrugën e Thethit/ Drejtuesit e mjeteve ankohen për mungesën e borëpastrueseve (VIDEO+FOTO) appeared first on Albeu.com.

Si pasojë e përplasjes, dy makinat kanë përfunduar në trotuar duke rrezikuar këmbësorët.

Madje nga përplasja e fortë, një nga makinat për pak sa nuk ka përfunduar brenda një lokali.

Sakq, nuk raportohet për persona të plagosur.

The post Aksident në Tiranë/ Dy makinat përplasen me njëra-tjetrën, përfundojnë në trotuar appeared first on Albeu.com.

Pamjet rrëqethëse treguan një gur gjigant që rrëzohej nga lart dhe shtypte një kamion, më pas edhe një kamion të dytë.

Videoja e filmuar nga kamera e një kamioni, tregoi momentin tronditës që një shkëmb masiv u shkëput nga mali.

Guri, i cili ishte sa një kamion vetë, e shtypi plotësisht kamionin. Pak çaste më vonë, një gur tjetër ra mbi kamionin që po filmonte dhe u shkatërrua plotësisht.

Shkëmbinj më të vegjël vazhduan të rrokulliseshin poshtë kodrës dhe u përplasën në rrugë, duke bllokuar trafikun në zonën famëkeqe për rënien shkatërruese të shkëmbinjve.

Një video tjetër, e regjistruar në kabinën e kamionit tregonte momentin kur një shofer kuptoi se çfarë po ndodhte.

Ai u pa duke hequr rripin e sigurimit dhe duke u hedhur nga kamioni, pak sekonda para se të shtypej nga gurët.

Të dy shoferët e kamionit mbijetuan për mrekulli, por kamionët dhe ngarkesa e tyre u shkatërruan.

https://www.thesun.co.uk/wp-content/uploads/2024/03/image-b4a74d96e7.jpg?w=940

Rruga është dëmtuar rëndë dhe është bllokuar nga rrëshqitja e dheut. Autoriteteve iu deshën rreth katër orë për të pastruar pjesën e rrugës malore.

Fotografitë e pasojave treguan dhjetëra gurë të mëdhenj, që mbushnin autostradën së bashku me rrënojat e dy kamionëve të grimcuar.

Një fotografi tregonte rrotën e një kamioni të shtrirë në rrugë, me pjesë të tjera të grimcuara.

Zyrtarët thanë se reshjet e dendura të shiut destabilizuan tokën në zonë, gjë që ka të ngjarë të çojë në rrëshqitjen e tmerrshme të dheut.

Një dëshmitar tha: “Reagimi i shoferit të kamionit ishte shumë i shpejtë, mendoj se do të kisha ngrirë”,

Duke parë klipin e aksidentit, një shikues tha: “Kur nuk është radha juaj [të vdisni]…”.

Një tjetër shkroi: “Një tjetër arsye për të vënë gjithmonë rripin e sigurimit”.

The post Pamje të frikshme/ Shihni si makinat shtypen nga shkëmbinjtë (FOTO) appeared first on Albeu.com.

Veturat më të vjetra se 10 vite nuk lejohen të zhdoganohen në Kosovë, kësisoj Dogana e Kosovës ka bërë një rikujtim për qytetarët se automjetet më të vjetra se viti 2014, nuk do të mund të zhdoganohen nga janari, 2024.

Me ligjin për automjete që ishte miratuar në Kuvendin e Kosovës, thuhet qartë se veturat që janë më të vjetra se 10 vjet nuk mund të importohen.

“Në Kosovë nuk mund të importohen vetura më të vjetra se 10 vjet. Në Kosovë nuk mund të importohen vetura që nuk e plotësojnë standardin Euro katër), thuhet në nenin 44 të ligjit për automjete.

Gjithashtu, ligji parasheh që mjetet rrugore që importohen në Kosovë duhet të kenë certifikatë të konformitetit për vetura të reja dhe dëshmi të origjinës dhe pronësisë së mjetit ose pjesëve të veçanta të instaluara.

Ndryshe, shumë qytetarë kanë kundërshtuar ligjin që është në fuqi për automjete, ndërsa ekspertët vlerësojnë se importimi i veturave më të vjetra se 10 vjet ka efekte negative.

Ka disa vite prej kur deputeti i Partisë Demokratike të Kosovës, Mërgim Lushtaku ka iniciuar plotësim-ndryshimin e ligjit për importin e veturave, ku kërkohet heqja e kufizimit të vjetërsisë, por që ende nuk është marrë një vendim i tillë.

Sipas tij, ky ligj në Kosovë është krijuar me një standard të dyfishtë, derisa potencon se një gjë e tillë i duket e padrejtë, por që nuk po gjen pajtueshmëri të deputetëve shumicë që të marrin pjesë në votim.

“Këto kritere nuk janë as në Zvicër, as në Gjermani, as në vendet e Ballkanit që janë të anëtarësuara, që janë pjesë e Bashkimit Evropian, prandaj mendoj që është e padrejtë dhe si e tillë kam kërkuar plotësim ndryshimin e ligjeve për automjete por fatkeqësisht nuk e kam gjetur pajtueshmërinë e deputetëve shumicë që të marrin pjesë në votim”.

Veturat më të vjetra se 10 vjet në Kosovë janë 80 për qind të amortizuara dhe se në këtë drejtim duhet të ketë një mbikëqyrje më të madhe nga organet shtetërore.

Kështu shprehet eksperti i komunikacionit, Nol Dedaj duke shtuar se qytetari duhet të zgjedh ndërmjet veturës së re e me kosto të mirëmbajtjes më të lirë dhe asaj të vjetrës me çmim më të shtrenjtë.

“Automjetet të cilët i kalojnë 10 apo 12 vite konsiderohet si të amortizuar për 80 për qind, prej këtij pozicioni nëse e shikojmë, atëherë ato duhet ta kenë një përkujdesje më të madhe nga organet shtetërore, për sa i përket kontrollimit teknik. Ne e dimë se në Kosovë e kemi kontrollimin teknik periodik për automjetet zyrtare ose për ato që janë në shërbim për palën e tretë, si dhe kontrollimin e rregullt, sidomos e kemi kontrollimin e jashtëzakonshëm”.

Sipas tij, paralelisht me ndryshimin e Ligjit për Automjetet duhet të jetë edhe ndryshimi i Ligjit për Doganimin e Automjeteve.

“Paralelisht me ndryshimin e Ligjit për Automjetet duhet të jetë edhe ndryshimi i Ligjit për Doganimin e Automjeteve, për shkak se qytetarit duhet t’i ofrohet që përmes sistemit të lehtësimit të lehtësimit të doganave, duhet të ofrohet i njëjti çmim i 12-vjecarit me 6-vjecarin, ku në këtë formë atëherë do të kishim mundur ta ruajmë sigurinë në komunikacion, rifreskimin e veturave për një periudhë deri 5-vjeçare deri në 10-vjeçare, ku pastaj duhet të bëhet analizimi për futjen e ekotestit”.

Eksperti i komunikacionit thekson se procedurat aktuale të doganimit e kanë bërë të mundshme që të importohen veturat e vjetra.

Në vendin tonë mbetet në fuqi ligji me të cilin, një veturë mund të regjistrohet dhe të pajisjet me targat RKS, vetëm nëse është nga viti 2013-2023, konkretisht 10 vite më e vjetër nga viti ekzistues. Për një numër të madh të qytetarëve, regjistrimi i veturave të vitit 2013, është i pamundur.

Kjo për shkak se deri tek targat, më e lira do t’i kushtonte rreth 3500 euro, pa llogaritur blerjen e veturës në vendet evropiane dhe koston e importit deri në Kosovë. Në nenin 44 të Ligjit për automjete që është miratuar qysh në vitin 2017, thuhet se “mjetet rrugore që importohen në Kosovë, nuk mund të jenë më të vjetra se 10 vjet”. /Monitori

The post Miratohet ligji, nga 1 janari nuk mund të zhdoganohen makinat më të vjetra se viti 2014 appeared first on Albeu.com.

Operacioni i koduar “LUNA”m vuri në pranga R. N., 19 vjeç, E. N., 46 vjeç dhe G. N., 43 vjeç, të tre banues në Tiranë.

Nga këqyrja e pamjeve filmike dhe veprimet e tjera hetimore ka rezultuar se këta shtetas, më datë 09.10.2023, kanë vjedhur një automjet tip “Benz”, në Yrshek. Pasi e kanë vjedhur automjetin, dyshohet se këta shtetas e kanë çmontuar atë dhe pjesët e tij i kanë shitur në pika shitjesh për pjesë të përdorura automjetesh.

Njoftimi:

Finalizohet nga Komisariati i Policisë Nr. 6, operacioni policor i koduar “Luna”, për goditjen e veprimtarisë kriminale në fushën e vjedhjes së pronës dhe pasurisë.

Identifikohen, kapen dhe vihen në pranga 3 shtetas që vodhën një automjet, të cilin dyshohet se e kanë çmontuar në pjesë dhe i kanë shitur ato.

Sekuestrohet automjeti me të cilin autorët e dyshuar dyshohet se kanë kryer veprën penale.

Specialistët për Hetimin e Krimeve të Komisariatit të Policisë Nr. 6, në vijim të punës për goditjen e paligjshmërisë në fushën e vjedhjes së pronës dhe pasurisë, identifikimin e autorëve të vjedhjeve dhe vënien e tyre përpara përgjegjësisë ligjore, bazuar dhe në informacionet e siguruara përmes inteligjencës informative, kanë organizuar dhe finalizuar operacionin policor të koduar “Luna”.

Si rezultat i këtij operacioni u bë identifikimi, kapja dhe ndalimi i shtetasve:

– R. N., 19 vjeç, E. N., 46 vjeç dhe G. N., 43 vjeç, të tre banues në Tiranë.

Nga këqyrja e pamjeve filmike dhe veprimet e tjera hetimore ka rezultuar se këta shtetas, më datë 09.10.2023, kanë vjedhur një automjet tip “Benz”, në Yrshek. Pasi e kanë vjedhur automjetin, dyshohet se këta shtetas e kanë çmontuar atë dhe pjesët e tij i kanë shitur në pika shitjesh për pjesë të përdorura automjetesh.

Materialet procedurale i kaluan Prokurorisë, për veprime të mëtejshme.

The post Ishin kthyer në tmerrin e qytetarëve, arrestohen 3 hajdutët e makinave në Tiranë appeared first on Albeu.com.

Ronaldo duket se ka punësuar përsona për të lëvizur makinat e tij luksoze nga residenca. Cadillac Escalade e tij që kushton 150 mijë paund dhe Bentley prej 300 mijë paund u panë duke u ngarkuar në një mjet transporti të posaçëm të martën.

Nuk dihet ende ku do të jetë e ardhmja e Cristiano Ronaldos, apo në cilin qytet/shtet do i transportojë mjetet e tij luksoze, por ajo që dihet është se ai nuk do të jetojë më në shtëpinë e tij të mahnitshme e cila kushton të paktën 5 milionë paund./h.ll/albeu.com

The post CR7 i jep lamtumirë Manchesterit, portugezi “paketon” makinat luksoze (FOTO LAJM) appeared first on Albeu.com.

Në draftin e paraqitur në Kuvend dhe që pritet të shqyrtohet nga komisionet parlamentare, parashikohet që shoferët deri në 70 vjeç, do të kenë patentë me vlefshmëri 5 vjet më shumë se ajo aktualja.

“Lejedrejtimet e mjeteve të kategorive AM, A1, A2, A, B1, B dhe BE, sipas grup moshave, janë të vlefshme për: 15 vjet, nëse janë lëshuar apo konfirmuar për persona deri në moshën 70 vjeç. Për personat mbi 70 vjeç konfirmimi i vlefshmërisë së lejes së drejtimit bëhet duke dorëzuar certifikatë mjekësore të lëshuar nga një prej organeve mjekësore të përmendura në pikën 2 të nenit 117, jo më shumë se gjashtë muaj përpara, nga e cila të rezultojë që zotëruesi i kësaj certifikate plotëson të gjitha kërkesat fizike e psikike të kërkuara”, thuhet në draftin e propozuar nga kreu i grupit të PS-së.

Neni 124 pika 1 është

Lejedrejtimet e mjeteve të kategorive AM, A1, A2, A, B1, B dhe BE, sipas grup moshave, janë të vlefshme për:

– 10 vjet, nëse janë lëshuar apo konfirmuar për personat deri në moshën 50 vjeç;

– 5 vjet, për ata që kanë kaluar moshën 50 vjeç

– 3 vjet, për ata që kanë kaluar të 70-tat.

Neni 124 pika 1 propozohet të bëhet

Lejedrejtimet e mjeteve të kategorive AM, A1, A2, A, B1, B dhe BE, sipas grup moshave, janë të vlefshme për:

– 15 vjet, nëse janë lëshuar apo konfirmuar për persona deri në moshën 70 vjeç;

– Për personat mbi 70 vjeç konfirmimi I vlefshmërisë së lejes së drejtimit bëhet duke dorëzuar certifikatë mjekësore të lëshuar nga një prej organeve mjekësore të përmendura në pikën 2 të nenit 117, jo më shumë se gjashtë muaj përpara, nga e cila të rezultojë që zotëruesi I kësaj certifikate plotëson të gjitha kërkesat fizike e psikike të kërkuara./albeu.com

The post Balla bën propozim për Kodin Rrugor: Të rritet deri në 15 vjet vlefshmëria e patentave appeared first on Albeu.com.

Ka shumë dilema kur bëhet fjalë për kujdesin e duhur të automjeteve në dimër. Rekomandimet me qëllime të mira variojnë nga këshilla për të larë automjetet në lavazhe sa më shpesh në dimër deri tek këshilla për të shmangur sa më shumë larje makinash për të mbrojtur llakun.

Makina duhet të lahet aq shpesh në dimër sa në muajt e verës, sipas Klubit Gjerman të Automobilave (ADAC).

Është e pamohueshme që një makinë e pastër mund të dallohet më herët në rrugë sesa një e ndotur – veçanërisht në mot të keq – falë reflektimeve të dritës. Por që nga futja e dritave të detyrueshme të ditës për makinat, ky avantazh nuk është më aq vendimtar.

Pretendimi se papastërtia e dimrit – sidomos kripa në rrugë – ka një efekt jashtëzakonisht gërryes në llak, dhe duhet hequr sa më shpesh nga vetura.

Para se të hyni në autolarje, është e nevojshme të hiqni të gjitha mbetjet e borës dhe (sidomos) akullit, sepse furçat mund t’i bartin ato me vete dhe të gërvishtin veturën tuaj.

The post A duhet të lahet makina më shpesh në muajt e dimrit? appeared first on Albeu.com.

Nëpërmjet një njoftimi zyrtar, Policia bën me dije se do të jenë të shtrirë në rrugët kryesore të vendit.

Ata apelojnë qytetarët që do të konsumojnë alkool gjatë festave që të përdorin mjete të transportit publik e jo makinat e tyre, pasi nëse rezulton gjatë kontrolleve se kanë konsumuar alkool do të përballen me penalitete të rënda.

Ata gjithashtu bëjnë me dije se rrugët do të monitorohen nga radarë dhe makina inteligjente, si dhe apelojnë drejtuesit e mjeteve që të vendosin rripin e sigurimit dhe kasakt mbrojtëse.

Policia e Shtetit

Nisur nga fluksi shumë i lartë i automjeteve, jo vetëm në qendrat urbane por edhe në akset nacionale dhe rurale, Policia e Shtetit ka rritur prezencën e shërbimeve të Policisë Rrugore dhe ato të Patrullave të Përgjithshme, duke patrulluar me mjete të paloguara, si dhe po monitorohet qarkullimi i automjeteve me makinën inteligjente, dronë, radarë, kamera e aparatë fotografik, me qëllim parandalimin e akisdenteve rrugore.

Policia e Shtetit, apelon për të gjithë drejtuesit e mjeteve, që mos kryejnë parakalime të gabuara dhe të qëndrojnë në radhë në ato akse rrugore ku ka lëvizje të ngadaltë për shkak të fluksit të lartë të automjeteve.

Të mos shpejtojnë pasi të gjitha rrugët monitorohen me radarë dhe nga makina inteligjente dhe masa administrative do t’ju shkojë në banesë .

Të vendosin rripin e sigurimit dhe të mos përdorin celularin gjatë drejtimit të mjetit, si dhe drejtuesit e motomjeteve të vendosin kaskën mbrojtëse .
Të mos drejtojnë mjetin nën efektin e alkoolit apo në gjendje të dehur. Gjatë natës së ndërrimit të viteve dhe ditëve festive, drejtuesit e automjeteve në rast se do konsumojnë alkool të mos drejtojnë mjetet e tyre, por të përdorin mjetet e transportit publik, pasi Policia e Shtetit do të shtojë monitorimet duke përdorur alkooltestuesit në të gjitha rrugët e vendit.

Njëkohësisht Policia e Shtetit apelon për zbatim të masave anticovid, dhe për mospërdorim të fishekzjarrëve.

Festoni të gëzuar duke respektuar ligjin.

Policia e Shtetit ju uron gëzuar Vitin e Ri, mbarësi e shëndet, më shumë besim e bashkëpunim për një të ardhme më të sigurt. /albeu.com/

The post Nata e ndërrimit të viteve, Policia apel qytetarëve: Nëse konsumoni alkool mos përdorni makinat appeared first on Albeu.com.

Kjo enigme ju jep një shans për të provuar mënyrën tuaj të të menduarit dhe madje ju bën edhe më të shkathët.

Gjeja e vetme që duhet të bëni në këtë foto është që të gjeni se cila nga makinat që shihni nuk është njësoj me të tjera.

Nëse nuk arrini ta gjeni dot, përgjigjen e keni më poshtë:

The post Testoni shikimin tuaj dhe gjeni cila nga makinat është ndryshe nga të tjerat? (FOTO LAJM) appeared first on Albeu.com.