Sipas vëzhgimit, ka rezultuar se probabiliteti zvogëlohet me 3 % për çdo 100 dollarë më shumë kosto makine. Kërkuesit u kanë kërkuar subjekteve të ndryshme që të kalojnë disa herë rrugën në vijat e bardha duke regjistruar reagimin e drejtuesve të makinave. Në përgjithësi, nga 461 makina të ekzaminuara, 28 % janë ndaluar duke i dhënë përparësi këmbësorit.

Makina ndalej më shpesh nëse personi që po kalonte rrugën ishte grua (31 % kundrejt 24 % kur ishin meshkuj). Ndërsa përqindja binte nëse bëhej fjalë për një person me ngjyrë. Megjithatë, vlera e makinës ka rezultuar si indikatori me efikas për të parashikuar sjelljen e drejtuesit të mjetit.

“Kush nget makinë të shtrenjtë ka një sens superioriteti kundrejt personave të tjerë në rrugë” konfirmojnë autorët e vëzhdimit./Ansa/

The post STUDIMI/ Kush ka makinë të shtrenjtë respekton më pak këmbësorët: Sa më e kushtueshme makina, aq më e madhe ndjenja e superioritetit appeared first on Albeu.com.

Sipas burimeve, raportohet se gjatë 24 orëve të fundit, “rrugorët” kanë goditur 4 raste të tentativës për dhënie ryshfeti nga ana e drejtuesve të automjeteve, me qëllim shmangien e masës administrative për shkeljet e konstatuara.

Njoftimi:

Gjatë kontrolleve parandaluese, shërbimet e Policisë Rrugore  arrestuan në flagrancë shtetasin D. F., 35 vjeç, për veprat penale “Korrupsioni aktiv i personave që ushtrojnë funksione publike” dhe “Drejtimi i automjeteve në mënyrë të parregullt”, pasi është kapur duke drejtuar mjetin e tij në gjendje të dehur, dhe për të shmangur masën administrative, i ka ofruar punonjësit të Policisë, një shumë parash.

Po gjatë kontrolleve parandaluese, përgjatë 24 orëve të fundit  janë kapur në flagrancë dhe proceduar penalisht shtetasit E. S., 19 vjeç, H. Ll., 60 vjeç dhe N. K., 39 vjeç, për veprën penale “Korrupsioni aktiv i personave që ushtrojnë funksione publike”, pasi shtetasi E. S., u konstatua nga shërbimet e Policisë pa rrip sigurimi, ndërsa H. Ll., dhe N. K., janë kapur duke përdorur aparatet celularë gjatë drejtimit të automjeteve, dhe për mosvendosjen e masës administrative, këta drejtues mjetesh, i kanë ofruar para punonjësve të Policisë.

Ndërkohë vijojnë kontrollet intensive për bllokimin e automjeteve që qarkullojnë me targa të huaja që u ka përfunduar afati apo që nuk i përkasin të njëtit mjet, dhe në këtë kuadër,  përgjatë 48 orëve të fundit, janë bllokuar 39 palë targa të huaja dhe shqiptare.

Janë bllokuar 8 automjete luksi me targa të huaja, të cilat i kanë kaluar strukturave të tjera policore, për verifikime të mëtejshme.

Gjithashtu vijojnë kontrollet e dedikuara për evidentimin, kapjen dhe ndëshkimin e atyre drejtuesve që kryejnë parakalime të gabuara, gara shpejtësie e shpejtësi mbi normat e lejuara, dhe në këtë kuadër, përgjatë 48 orëve të fundit janë vendosur 105 masa administrative për parakalime të gabuara, në rrugët urbane e interubane që lidhen me kryeqytetin, janë ndëshkuar 12 drejtues mjetesh për gara shpejtësie, janë pezulluar 46 leje drejtimi për shpejtësi tej normave të lejuara si dhe janë vendosur 234 masa po për shpejtësi tej normave të lejura, por pa sanksionin plotësues, atë të pezullimit të lejes së drejtimit.

Policia Rrugore e Tiranës apelon për të gjithë përdoruesit e rrugës që të zbatojnë në mënyrë rigoroze rregullat e qarkullimit rrugor, dhe fton qytetarët që të denoncojnë në 112 e Komisariatin Dixhital, çdo shkelje të rregullave të qarkullimit rrugor./albeu.com/

The post Policia “i qepet të fortëve”, bllokohen 8 makina luksoze e 39 palë targa (VIDEO) appeared first on Albeu.com.