Policia e kryeqytetit, sqaron se mjeti i sekuestruar është një BMW M-8”, me vlerë rreth 140 000 euro.

Ndërkohë, është proceduar penalisht blerësi i automjetit të trafikuar, njëkohësisht drejtues i tij, në momentin e ndalimit në Vorë.

Po ashtu, policia thotë se ka identifikuar dhe ka shpallur në kërkim një shtetas kosovar që dyshohet se ka trafikuar këtë automjet, në Shqipëri.

“Në lidhje me këtë rast u identifikua dhe u shpall në kërkim shtetasi që dyshohet se ka sjellë automjetin në Shqipëri, me qëllim shitjen, F. H., 42-vjeç (shtetas kosovar), si dhe u procedua penalisht blerësi i automjetit (njëkohësisht drejtues i automjetit, në momentin e ndalimit), shtetasi E. D., 39-vjeç”, thotë policia.

Njoftimi:

Vijon operacioni policor i koduar “Stolen line”, kundër trafikimit në Shqipëri, të automjeteve luksoze të vjedhura jashtë shtetit.

Shkon 5 numri i automjeteve të sekuestruara që nga nisja e operacionit.

Sekuestrohet 1 automjet tip “BMW M-8”, me vlerë rreth 140 000 euro, i dyshuar i vjedhur në Gjermani.

Procedohet penalisht blerësi i automjetit të trafikuar, njëkohësisht drejtues i tij, në momentin e ndalimit në Vorë.

Identifikohet dhe shpallet shtetasi kosovar që dyshohet se ka trafikuar këtë automjet, në Shqipëri.

Si rezultat i punës hetimore, të kryer në kuadër të operacionit “Stolen line”, me objektiv goditjen e rasteve të trafikimit në Shqipëri, të automjeteve luksoze, të vjedhura jashtë shtetit, specialistët e Seksionit për Hetimin e Trafiqeve të Paligjshme konstatuan një tjetër rast në këtë fushë.

Në vijim të veprimeve procedurale u sekuestrua 1 automjet tip “BMW M-8”, me vlerë rreth 140 000 euro, i cili nga verifikimet rezultoi i vjedhur në Gjermani.

Në lidhje me këtë rast u identifikua dhe u shpall në kërkim shtetasi që dyshohet se ka sjellë automjetin në Shqipëri, me qëllim shitjen, F. H., 42-vjeç (shtetas kosovar), si dhe u procedua penalisht blerësi i automjetit (njëkohësisht drejtues i automjetit, në momentin e ndalimit), shtetasi E. D., 39-vjeç.

Punohet për kapjen e 42-vjeçarit.

Materialet procedurale iu referuan Prokurorisë së Tiranë, për veprime të mëtejshme, për veprën penale “Trafikimi i mjeteve motorike”.

The post Sekuestrohet makina luksoze me vlerë 140 mijë euro, dyshohet se ishte vjedhur në Gjermani, u shit në Shqipëri… appeared first on Albeu.com.

Bëhet fjalë për shtetasin Kristian Koni (alias O. M, K. M, Z. R, K.Z.). Prokuroria sqaron se disa prej pasurive, ky shtetas i kishte kaluar dhe në emër të nënës së tij pensioniste.

NJOFTIMI I PROKURORISË

Prokuroria Tiranë sekuestron 18 pasuri të paluajtshme, llogari bankare e automjete luksoze të shtetasit K.K., i arrestuar për trafik droge në Itali dhe nënës së tij pensioniste

Prokuroria pranë Gjykatës së Shkallës së Parë të Juridiksionit të Përgjithshëm, Tiranë, sekuestroi pasuritë e shtetasit K.K. (alias O. M, K. M, Z. R, K.Z.) dhe personave të lidhur me të, që dyshohet të jenë përfituar në mënyrë të paligjshme nëpërmjet veprimtarisë kriminale.

Në kuadër të hetimeve mbi procedimin pasuror nr.10, të datës 31.07.2025, rezultoi se ky shtetas dhe nëna e tij në pension, kanë veprimtari me origjinë kriminale që lidhet me shtetasin K.K. dhe historikun e tij të mëparshëm kriminal. Ai rezulton i përfshirë në një rrjet të strukturuar kriminal të trafikut të narkotikëve në Itali gjatë periudhës 2007–2012. Po ashtu, u dokumentua përdorimi i disa identiteteve të ndryshme, si dhe transaksione financiare të pajustifikuara në raport me të ardhurat e ligjshme të deklaruara të personave përkatës.

Sipas të dhënave të administruara nga sistemet zyrtare dhe burime të tjera ligjore, u evidentuan pasuri të shumta të paluajtshme, automjete luksoze dhe llogari bankare në emër të:

Shtetasit K. K.

Shtetases F.M., dhe

Subjektit juridik “Kriol.AL” sh.p.k., me përfaqësues ligjor të njëjtin shtetas.

Në total janë vendosur masa sekuestroje preventive mbi 18 pasuri të paluajtshme, dy automjete luksoze të llojit Range Rover dhe Smart, të regjistruara me targa karakteristike, si dhe llogaritë bankare të personave fizikë dhe juridikë të përfshirë në këtë hetim. Pasuritë përfshijnë prona në zonat e Tiranës, Bathores, Farkës, Marikajt etj.

Sekuestrot janë vendosur me qëllim:

Parandalimin e tjetërsimit ose përdorimit të këtyre pasurive për qëllime kriminale;

Garantimin e ekzekutimit të vendimeve të mundshme gjyqësore mbi konfiskimin e tyre;
Prokuroria e Tiranes siguron opinionin publik se çdo veprim po zhvillohet në përputhje të plotë me legjislacionin procedural penal dhe masat kundër pastrimit të parave, në bashkëpunim të ngushtë me institucionet vendase dhe ndërkombëtare.

Hetimet vijojnë dhe pritet që në vijim të identifikohen edhe pasuri të tjera të lidhura me veprimtarinë kriminale.

The post Prokuroria e Tiranës i sekuestron llogari bankare, makina luksoze të dënuarit me 5 emra, përdorte dhe nënën pensioniste për të fshehur pasuritë appeared first on Albeu.com.

Ngjarja ka ndodhur pranë San Giovanni Suergiu në Sardenjë më 2 tetor.

Video regjistrimi i incidentit tregon një kamper që përmbyset pasi goditet nga një Lamborghini.

Ndërsa një Ferrari Portofino M del nga rruga, rrokulliset dhe merr flakë.

Viktimat në Ferrari u identifikuan si 67-vjeçari Markus Krautli dhe gruaja e tij 63-vjeçare Melissa Krautli.

Aksidenti ndodhi gjatë një turneu të quajtur Sardinia Supercar Experience, i cili përfshinte një grup supermakinash që udhëtonin rreth ishullit.

Videoja tregon disa supermakina duke parakaluar kamperin në një rrugë me dy korsi.

Për momentin nuk është raportuar asnjë kallëzim penal për drejtuesin e Lamborghini-t i përfshirë në aksident.

Autoritetet kanë sekuestruar të dyja automjetet dhe po hetojnë incidentin, me videon e shpërndarë gjerësisht në mediat sociale duke shërbyer si provë kritike./Albeu.com

The post VIDEO/ Dy të vdekur pas aksidentit të frikshëm ku u përfshi Lamborghini dhe Ferrari appeared first on Albeu.com.

ABC mëson se mjetet merreshin me qira nga vende të ndryshme të BE-së nga shtetas të Kosovës dhe të Maqedonisë së Veriut. Më pas mjetet futeshin në Shqipëri nga pika kufitare e Morinës dhe Qafë Thanës. Këta persona iu çaktivizonin GPS-ët automjeteve dhe  i deklaronin të vjedhura. Më pas, automjeteve iu modifikohej edhe numri i shasisë.

Gjatë operacionit është vënë në pranga edhe 52-vjeçari Klaudio Begaj.

Njoftimi i policisë

Tiranë

Finalizohet nga Seksioni për Hetimin e Trafiqeve të Paligjshme në DVP Tiranë, operacioni policor i koduar “Luxury”.

Trafikonin dhe tregtonin mjete të vjedhura në vendet e BE-së, vihet në pranga 1 shtetas, procedohen penalisht 3 të tjerë, shpallen në kërkim 5 bashkëpunëtorët e tyre.

Sekuestrohen në cilësinë e provës materiale 6 automjete dhe 1 motomjet, të dyshuara të vjedhura në vendet e BE-së.

Specialistët e Seksionit për Hetimin e Trafiqeve të Paligjshme në DVP Tiranë, në vijim të punës për goditjen e paligjshmërisë, bazuar dhe në informacionet e marra në rrugë operative, se disa shtetas trafikonin në vendin tonë, mjete të vjedhura në shtete të ndryshme të BE-së, organizuan dhe finalizuan me sukses operacionin policor të koduar “Luxury”.

Në kuadër të këtij operacioni u arrestua në flagrancë shtetasi K. B., 52 vjeç, si dhe nisi procedimi penal në gjendje të lirë për penalisht shtetasit K. T., 26 vjeç, D. P., 46 vjeç dhe E. K., 27 vjeç.

Gjithashtu, u shpallën në kërkim shtetasit R. SH., 29 vjeç, I. G., 32 vjeç, V. P., 25 vjeç, I. H., 34 vjeç dhe U. B., 44 vjeç.

Në cilësinë e provës materiale janë sekuestruar 6 automjete dhe 1 motomjet, të dyshuara të vjedhura në vendet e BE-së.

Nga veprimet hetimore ka rezultuar se shtetasit e lartpërmendur kanë bërë ndërhyrje në automjetet e trafikuara, duke modifikuar numrat e shasisë apo paketat elektronike. Më pas automjetet i kanë shitur te persona të ndryshëm.

Vijon puna për dokumentimin e rasteve të tjera të trafikimit të mjeteve, që mund të jetë kryer nga këta shtetas.

Materialet i kaluan Prokurorisë pranë Gjykatës së Rrethit Gjyqësor Tiranë, për veprime të mëtejshme procedurale.  /abcnews.al/

The post Zbardhet skema si trafikoheshin mjetet luksoze, çfarë ndodhte me makinat sapo hynin në Shqipëri appeared first on Albeu.com.

Mediat britanike shkruajnë se ajo ka marrë makinën e saj luksoze të martën, pasi i kishin vendosur një kapëse të verdhë. Nuk dihet ende se pse “Jaguar F-Type” prej 55 mijë paund ishte bllokuar.

Sipas “Daily Mail”, një nga arsyet më të zakonshme për kapjen ose konfiskimin e një makine është mungesa e sigurimit. Por edhe nëse mjeti është parkuar në mënyrë të paligjshme, mund që të bllokohet

Nëse parkoni në vendin e gabuar, në tokë publike, ose shkaktoni një pengesë, autoritetet mund ta shtrëngojnë makinën tuaj ose ta tërheqin atë.

The post Këngëtares së famshme shqiptare i ndodh e papritura në Londër me makinën e saj lukzose (FOTO LAJM) appeared first on Albeu.com.

Gjatë javës që lamë pas, nga shërbimet e Komisariatit Rajonal të Policisë Rrugore Tiranë, janë arrestuar dhe proceduar për vepra penale në fushën e qarkullimit rrugor, 24 persona, nga të cilët 15 për drejtim mjeti në gjendje të dehur dhe 9 për drejtim mjeti pa leje drejtimi.

•Si rezultat i kontrolleve parandaluese, janë goditur 2 raste të “Korrupsionit aktiv ndaj personave që ushtrojnë funksione publike”.

•Gjatë javës janë pezulluar 87 leje drejtimi, të ndara sipas shkeljeve: 33 për “Drejtimi i mjetit nën ndikimin e alkoolit”, 39 për shpejtësi tej normave të lejuara dhe 15 për shkelje të tjera të Kodit Rrugor.

•Janë tërhequr 12 palë targa të modifikuara, që nuk i përkisnin mjetit ose ishin të çrregjistruara në vendet e origjinës.

•Janë bllokuar 16 mjete luksi, për mungesë dokumentacioni dhe me targa të huaja, të cilat i kanë kaluar për verifikime të mëtejshme Seksionit Kundër Trafiqeve të Paligjshme në DVP Tiranë.

Janë vendosur 6323 masa administrative, me një mesatare 903 masa në ditë, konkretisht:

– 91 masa për drejtim mjeti nën ndikimin e pijeve alkoolike;
– 76 masa për mosrregullim të shpejtësisë/gara shpejtësie;
– 87 për xhama të zinj;
– 307 masa për parakalime të gabuara;
– 1169 masa për përdorim të aparatit të celularit gjatë drejtimit të mjetit;
– 525 masa për mosvendosjen e rripit të sigurimit (nga këto 187 pasi pasagjerët në mjet, nuk kishin vendosur rripin e sigurimit);
– 68 masa për mosvendosjen e kaskës mbrojtëse;
– 52 masa për shkelje të semaforit;
– 69 masa administrative për mungesë siguracioni;
– 3879 për qëndrim/pushim të gabuar të mjetit dhe për shkelje të ndryshme.

Policia Rrugore e Tiranës falënderon përdoruesit e rrugës që kanë zbatuar rregullat e qarkullimit rrugor dhe fton qytetarët që të denoncojnë në 112 e Komisariatin Dixhital, çdo paligjshmëri.

The post Gara në rrugët e Tiranës, si e pësojnë drejtuesit e mjeteve luksoze (VIDEO) appeared first on Albeu.com.

Nëse vëmë në punë imagjinatën kolektive, bëhet e vështirë për ne të imagjinojmë Vladimir Putin duke shprehur një emocion që nuk është seriozitet apo zemërim. Epo, habi, sepse ato momente lumturie ekzistojnë edhe në jetën e liderit të Kremlinit.

Siç e dimë tashmë, presidenti rus është përfshirë në konflikte të ndryshme ndërkombëtare për më shumë se dy dekada. Rrethana të vështira (shpesh të shkaktuara nga ai vetë) që e kanë detyruar të tërhiqet herë pas here nga pallatet dhe parlamentet, të pushojë në vende ekskluzive.

Ajo që askush nuk e priste apo ndoshta nuk e di sot është se, ashtu si turistët tanë të huaj edhe Vladimir Putin është adhurues i plazheve spanjolle, raporton Marca.

Plazhet e preferuara? Ato të Alteas, në Costa Blanca .

“Altea Hills”, urbanizimi i preferuar i Putinit

Ky urbanizim i vendosur 51 kilometra nga Alicante, konkretisht në Sierra de Bernia, ka qenë destinacioni i pushimeve të përsëritura të presidentit rus vitet e fundit. Një parajsë pushimi ku edhe oligarkë dhe milionerë të tjerë rusë kanë vendosur të banojnë gjatë mandatit të Putinit.

I vendosur në një mjedis të privilegjuar, me pamje nga plazhet Albiri, dhe i përbërë nga shtëpi të bardha, midis shpateve dhe rrugëve me kalldrëm, “Altea Hills” është jo vetëm preferenca e aristokracisë ruse, por gjithashtu pret vizitën e mijëra bashkatdhetarët e tij.

Çmimi i vilës luksoze të Putinit

Natyrisht, një lider politik botëror duhet të çlodhet, por nëse është në shtëpinë më luksoze, aq më mirë. Në rastin e “Altea Hills”, çmimi i shtëpive të tyre varion nga dy deri në tre milionë euro.

Shifra të tepruara duke pasur parasysh se pjesa tjetër e apartamenteve në qytet janë rreth 200,000 euro. Duke iu rikthyer shfaqjeve, një tjetër detaj që komentojnë burime pranë “Altea Hills” është se si Putini ashtu edhe pjesa tjetër e të pasurve shpesh konkurrojnë për të parë se kush mund të parkojë më shumë makina luksoze në garazhin e tyre. /albeu.com/

The post “Oligarkët rus bëjnë garë se kush parkon më shumë makina luksoze”, pushimet e shfrenuara të Putin në Spanjë appeared first on Albeu.com.

Vetëm 33% e bizneseve i janë përgjigjur paralajmërimit të qeverisë për rritjen e deklarimit të pagave në kuadër të aksionit anti-informalitet. Zv.ministrja e financave Vasilika Vjero deklaroi se kjo ndikuar në rritjen e pagesës së kontributeve shëndetësore dhe shoqërore të këtyre punonjësve.

Nga kontrollet e njësisë speciale ka rezultuar se një numër i konsiderueshëm punonjësish janë të deklaruar me paga minimale ndërkohë që posedojnë mjete luksi. Kjo kategori do të jetë në lupën e kontrollit të imtësishëm të institucioneve tatimore.

Për të gjitha ato biznese që nuk kanë reaguar do të vijojë analizimi i detajuar i të dhënave. Zv. ministrja paralajmëroi se në mars do të nisin kontrollet fizike në këto subjekte.

Deri më tani rezulton se janë 142 mijë vende pune që janë analizuar nga administrata tatimore.

The post 830 punonjës me mjete luksoze, por kanë paga minimale appeared first on Albeu.com.

Të dy mjetet po lëviznin me shpejtësi prej 225 kilometra në orë. Pasi nuk i ndaluan fillimisht policisë, makinat u kapën më vonë në një postbllok tjetër.

Mjeti Lamborghini u gjobit me 168 mijë lekë, kurse mjeti BMW me 120 mijë lekë. Të dy mjetet drejtoheshin nga shtetas nga Kosova. Për këtë incident ka shkruar edhe gazeta më e madhe zvicerane, Blick.

Makina Lamborghini ishte marrë me qira nga 40-vjeçari kosovar në një kompani për dhënien me qira të makinave luksoze në Schuebelbach të Zvicrës.

Pronari i kompanisë nuk komentoi ngjarjen. Ai ishte me pushime dhe tha se nuk dinte asgjë për incidentin.

Kurse makina BMW i përket një kompanie pastrimi në Zvicër. Edhe bosi i saj nuk komentoi për ngjarjen, duke thënë se është me pushime.

The post “Fluturuan” në baypasin e Fierit, zbulohet historia e dy makinave luksoze Lamborghini vs BMW, ishin marrë me qera appeared first on Albeu.com.

Makina luksoze dhe e shtrenjtë është tip “Range Rover” dhe Enca është mjaft e lumtur. “Mirë se vjen në shtëpi i dashuri im i ri”, ka shkruar këngëtarja krahas videove.

Gjithashtu Enca ka postuar imazhe edhe teksa bën xhiro me makinën e saj më të re, e cila duket se është e shtrenjtë.

Ndërkohë nga ana tjetër, kujtojmë se pas këngës “Nashta”, Enca pritet të rikthehet me një projekt të ri muzikor shumë shpejt.

The post Enca nuk kursehet, i dhuron vetes “bishën” luksoze (FOTO LAJM) appeared first on Albeu.com.