Një makinë e djegur raportohet të jetë gjetur në lagjen Dritas, pranë Rinasit.

Sipas burimeve të deritanishme, dyshohet se bëhet fjalë për një Tuareg.

Hetuesit besojnë se ky mjet është vjedhur në janar dhe mund të jetë përdorur në një nga ngjarjet e rënda kriminale të regjistruara së fundmi, raporton albeu.com.

Ndërkohë janë duke kontrolluar edhe kamerat e sigurisë, për të parë lëvizjet e mëparshme të mjetit dhe për të zbuluar personin që e drejtonte.

Dyshohet gjithashtu se mjeti është përdorur nga një personazh i botës së krimit në atë zonë.

Njoftimi i Policisë:

Tiranë

Më datë 22.08.2022, jemi njoftuar se në fshatin Dritas, Njësia Administrative Zall-Herr, është gjetur një automjet i djegur plotësisht.

Duke qënë se automjeti ka qënë i djegur plotësisht ka qënë e vështirë për shërbimet e Policisë dallimi i elementeve identifikuese të tij.

Gjatë këtyre ditëve, ka vijuar puna intensive nga ana e strukturave të Policisë, me qëllim zbardhjen dhe dokumentimin e plotë të rrethanave të ngjarjes./albeu.com/

The post MISTERI/ Gjendet një fuoristradë e djegur pranë Rinasit, dyshohet të jetë përdorur për një ngjarje të rëndë appeared first on Albeu.com.