MSH bën thirrje që qytetarët të lajmërohen të mjeku nëse kanë simptoma.

“E dini si të mbroheni nga Lija e Majmunëve? Ja disa këshilla: Nëse keni simptoma, izolohuni dhe kërkoni kujdes mjekësor. Informoni kontaktet e ngushta dhe shmangni kontaktin me kafshët e egra. Praktikoni higjienë të mirë, shmangni kontaktin e ngushtë dhe merrni vaksinën nëse ju ofrohet. Qëndroni të sigurt dhe të informuar”, thuhet në njoftim.

Ndryshe, të paktën dy vende jashtë Afrikës kanë raportuar raste me mpox (lija e majmunit) pasi – pak ditë më parë – Organizata Botërore e Shëndetësisë (OBSH) deklaroi se virusi ishte bërë një “urgjencë e shëndetit publik”.

Mpox prek kryesisht njerëzit dhe kafshët. Ai shkakton simptoma të lehta, si ethe, të dridhura dhe dhimbje trupi. Megjithatë, mund të shkaktojë sëmundje të rënda, dhe madje edhe vdekje në disa raste.

Virusi hyn në trupin e njeriut përmes lëkurës ose nëpërmjet rrugëve të frymëmarrjes. Më pas përhapet përmes gjakut duke bërë që një person të përjetojë simptoma të ngjashme me gripin dhe të zhvillojë lezione në lëkurë.

The post Kosovë/ Lija e majmunëve, MSH: Nëse keni simptoma, izolohuni dhe kërkoni kujdes mjekësor appeared first on Albeu.com.

Disa dyqane dhe biznese janë detyruar të mbyllen, ndërsa blerësit janë “zhdukur” plotësisht nga Lopburi.
Qyteti tajlandez, dikur një qendër e lulëzuar për turistët, tani është “pushtuar” plotësisht nga rreth 3500 majmunë.

Disa vendas janë detyruar të mbyllen në shtëpitë e tyre, në përpjekje për të mbrojtur veten nga majmunët e tërbuar.

“Ne jetojmë në një kafaz, por majmunët jetojnë jashtë,” i tha AFP lokale Kuljira Taechaëattanaëanna.

Në fillim vendasit u përpoqën t’i mbanin kafshët larg duke u siguruar atyre ushqime, por ky plan dështoi dhe dukej se vetëm i bënte majmunët më të dhunshëm.

Ata u kishin dhënë majmunëve ëmbëlsira, pije të gazuara dhe ushqime me drithëra, të cilat dihet se i bëjnë majmunët më seksualisht aktivë.

“Ushqimet me sheqer mund të rrisin produktivitetin e majmunëve dhe të stimulojnë majmunët të riprodhohen më shumë”, thotë Suttipong Kamtaptim, nga Departamenti i Parqeve Kombëtare.

Majmunët femra tashmë kanë aftësinë për t’u riprodhuar dy herë në vit, dhe frekuenca me të cilën u është dhënë sheqer ka nënkuptuar që këta majmunë kanë pasur një bollëk energjie për ta bërë këtë.

Para pandemisë, majmuni dhe njeriu jetonin në harmoni në qytet, makakët tërhiqnin  turistë në qytet dhe ata turistë blinin banane për të ushqyer kafshët dhe për të pozuar me to.

Por ky ekuilibër u shemb.

“Majmunët janë më të uritur dhe më agresivë se më parë,” i tha Guardian Somsaksri Janhon.

“Ata marrin gjithçka që munden. Krehër, pasqyrë. Nëse e lë ushqimin pa mbikëqyrje, ata e vjedhin edhe ushqimin.”

“Ata po pushtojnë ndërtesat dhe po i detyrojnë vendasit të largohen nga shtëpitë e tyre.”

Tani majmunët mund të gjenden kudo. Ata gjenden në çati, bëjnë trazira në rrugë, madje grabitin makina që kalojnë.

The post Mijëra majmunë “pushtojnë” Tajlandën, detyrojnë qytetarët dhe turistët të “ngujohen” në shtëpi appeared first on Albeu.com.