“Nuk kam shkuar në asnjë dasmë apo fejesë. Babai i ka 71 vjet ndërsa nëna gati 70 dhe unë kam munguar në këto vitet e fundit në pjesën më të madhe të ditëlindjeve të tyre. Kam dalë shumë pak, madje as në restorant nuk kam shkuar, njerëzit kanë pasur shumë pritshmëri prej Majlindës dhe unë këtë e kam ditur. Kam sakrifikuar shumë gjatë karrierës, kam pasur një karrierë 22-vjeçare, sidomos ato 15 të fundit kanë qenë shumë intensive”.

Po ashtu, ajo ka prekur edhe temën e refuzimit të milionave për ta përfaqësuar Kosovën, e po ashtu komentoi edhe ofertën që kishte nga Kazakistani.

“Edhe sot njerëzit vazhdojnë të më pyesin se si i kam refuzuar milionat, mënyra se si më shohin njerëzit ajo as nuk blihet e as nuk shitet. Derisa je garues gjithmonë duhet ta kesh parasysh se mund t’iu vijnë lëndimet, janë pjesë e rrugëtimit dhe ndoshta vijnë në momentin më të keq për ty, nuk i pret asnjëherë. Nuk e di unë si do të isha ndjerë ose a do ia kisha falur vetes nëse do kisha shkuar në vitin 2015 në Kazakistan dhe do ta kisha marrë medaljen e artë olimpike për Kazakistanin”

The post Rrëfimi ‘pa dorashka’ i Majlinda Kelmendit: Kam munguar në ditëlindjet e prindërve appeared first on Albeu.com.

Rama shkruan se tre vajzat mahnitëse të Kosovës janë dhe simbolet e reja të Forcave të Armatosura të Shqipërisë

“Me tre kampionet olimpike shqiptare, Majlinda Kelmendi, Nora Gjakova dhe Distria Krasniqi, vajzat e mahnitshme të Kosovës dhe simbolet e reja të Forcave të Armatosura të Shqipërisë”, shkruan Rama.

Kujtojmë se tre kampionet olimpike kanë ngritur lart flamurin shqiptar dhe atë të Kosovës me arritjet e tyre./albeu.com

The post Rama takon tre kampionet olimpike të Kosovës: Simbolet e reja të Forcave të Armatosura të Shqipërisë appeared first on Albeu.com.

Për pensionimin e Kelmendit do të organizohet një ceremoni nga Presidentja e Kosovës, Vjosa Osmani, ceremoni që do mbahet në stadiumin “Ali Hadri” në Prishtinë, ora 18:00.

Majlinda pati arritje të mëdha në skenat botërore të xhudos, duke përfaqësuar më së mirë gjithë shqiptarët.

Në karrierën e saj Kelmendi ka arritur të koleksionojë plotë 46 trofe shumë të rëndësishëm në xhudo, teksa ka fituar 32 herë medaljen e artë, 6 herë medaljen e argjendë dhe 8 herë të bronztë.

Kelmendi do të mbahet mend si njëra prej atleteve më të mira shqiptare, grua apo burrë dhe si sportistja e parë që ia siguroi Kosovës një medalje olimpike, pasi e shkroi historinë në Rio 2016 kur e fitoi medaljen e artë në xhudo në kategorinë 52 kilogramë.

Ajo tashmë është angazhuar si trajnere e këtij sporti përkrah trajnerit, Driton Kuka, duke vazhduar të jetë pjesë e këtij sporti, por tani do japë kuntribut në stërvitjen e brezave të rinj.

The post Majlinda Kelmendi mbyll karrierën, nderohet me një ceremoni madhështore appeared first on Albeu.com.

Indicie të kësaj tërheqje Majlinda i kishte dhënë kohë më parë përmes trajnerit të saj, Driton Kuka, i cili kishte lajmëruar se Mjalinda do i bashkohet atij në trajnimin e xhudistëve dhe xhudokave të reja, për të sjellë kampionë të tjerë në Kosovë.

Kelmendi ishte favorite për të fituar të Tokyo këtë vit, por nuk ia arriti, duke u eliminuar në raundet e para dhe e shtyrë akoma më shumë tërheqjen nga sporti, me të cilin hyri në historinë e Kosovës dhe gjithë trojeve shqiptare.

“Për mua kjo ka qenë gara e fundit, nuk e kam pritur që gara e fundit në karrierë do të shkojë kështu. Ishte e shkruar, kam fituar gjithçka. I kam sjellë Kosovës mjaft emocione, mjaft lot dhe tani është radha e tjerëve. Do të jem afër Tonit (Driton Kuka) për t’u munduar të nxjerrim talente të tjera nga Kosova”, ka thënë Kelmendi.

Ajo do mbahet mend si një nga atletet më të mira të trojeve tona. Ajo nisi një faqe të re të historisë me medaljen e artë në Lojërat Olimpikë Rio 2016, kur u shpall kampione në peshën deri në 52 kilogramë.

Kelmendi arriti të shpallet kampione olimpike, kampione botërore (2 herë) dhe kampione e Europës (4 herë). Ajo ka fituar 29 medalje të arta në turne të mëdha të xhudos gjatë karrierës, 6 të argjendta dhe 9 të bronzta.

The post Majlinda Kelmendi tërhiqet nga sporti i xhudos: Kjo Olimpiadë e fundit për mua appeared first on Albeu.com.

Shqiptarja e Kosovës është eliminuar në “Tokio 2020” që në raundin e parë nga xhudistja hungareze, Reka Pupp në kategorinë deri në 52 kilogramë.

Trajneri i saj, Driton Kuka pas eliminimit bëri një shkrim emocionues.

“Krenaria e veprimtarisë time …Majlinda të falenderoj për jetë! Do jesh gjithmonë Kampione Olimpike, Botërore e Evropiane! Sot mos u hidhëro, puna e sakrifica, djersa e gjaku që ke derdhur për veten tande, për mua, familjet tona, popullin shqiptar tu ka shpërblyer gjatë karrierës.

Mos u hidhëro se e arta e Disit është e të gjithë neve e ekipit tonë. Mos u hidhëro sot të lutem, kokën lartë se aq shumë gëzime i ke dhuruar popullit Shqiptar! Zoti të ka shpërblyer punën tande, lëndimet ishin sfida që aq shumë të munduan ty fizikisht e mua shpirtnisht. Kokën lartë Majlinda! Krenar me ty deri në frymën time të fundit” shkroi Kuka.

The post Eleminohet në ndeshjen e parë në “Tokyo 2020”, trajneri i Majlinda Kelmendit prek me mesazhin emocionues appeared first on Albeu.com.

Kalmendi u mposhtë në ndeshjen e parë nga hungarezja, Reka Pupp.

Majlinda Kelmendi e ka përjetuar rëndë humbjen pasi që është parë duke qarë deri sa po largohej nga arena.

Majlinda erdhi në Tokio si fituese e medjales së artë  olimpike në Rio, garë e organizuar në vitin 2016.

The post Tokyo2020/ Pritej një tjetër medalje, por Majlinda Kelmendi humb ndeshjen e parë dhe eliminohet appeared first on Albeu.com.