Gjatë fjalës së saj, Dhuka e cilësoi vitin që lamë pas si një vit të mirë lidhur me rrugëtimit të vendit tonë drejt BE-së.

Ajo u shpreh se rreth 157 institucione janë të përfshira në përgatitjet për anëtarësim, duke shtuar se BE deri më tani i ka paraqitur Shqipërisë 101 kushte për mbylljen e negociatave për 31 kapituj.

“Do të ndalem kryesisht te kushtet e mbylljes së negociatave. Sa i përket kushteve të ndërmjetme apo progresin që ka bërë Shqipëria për shtetin e së drejtës, në luftën kundër korrupsionit, krimit apo të drejtave të njeriut. Në fazën që kemi hyrë tashmë, përgatitjet teknike intensive sa i përket mbylljes së negociatave duke filluar me 10 fushat e para, por duke punuar paralelisht në të 31 fushat. Së dyti, puna e strukturës negociuese duke u përqendruar te rritja e kapaciteteve, rolin e pushtetit qendror, por njëherësh edhe konsultimin dhe dialogun social sa i përket nismave europiane”, u shpreh ajo.

Dhuka se grupi i dytë është konkurrueshmëria dhe rritja gjithëpërfshirëse. Sipas saj objektiv kryesor është ndërtimi i modelit social europian dhe se fokusi kryesor do të jetë transformimi digjital, politika industriale, mbështetja për sipërmarrjen, arsimi dhe formimi profesional, kërkimi shkencor dhe inovacioni, punësimi dhe politika sociale.

“Grupi tjetër, agjenda e gjelbër, që u çel në shtator 2025. Shqipëria ka marrë këtu 22 piketa, fokusi kryesor do të jetë në politikën e mjedisit, tranzicionin energjitik, transportin, ndryshimet klimatike. Bujqësia, këtu Shqipëria ka marrë 18 kushte për mbylljen e negociatave. Fokusi kryesor do të jetë politika bujqësore dhe zhvillimi rural, siguria ushqimore, një nga fushat standardet e të cilit përbëjnë një sfidë të madhe. Menaxhimi i burimeve natyrore, peshkimi dhe politika e zhvillimit të rajoneve shqiptare. Kjo do të kërkojë modernizimin e sistemeve agro-ushqimore, edhe investime më të mëdha”, shtoi ajo.

Dhuka u ndal edhe në fushën e drejtësisë teksa theksoi se Shqipëria ka miratuar të paktën 222 akte ligjore dhe nënligjorë gjatë vitit 2025.

“Prej tyre, 75 akte kanë kontribuar në përmbushjen e kushteve të ndërmjetme. 111 akte kontribuojnë te 101 kushtet e mbylljes së negociatave. 12 akte i përkasin facilitetit për reforma dhe rritje, 24 janë akte të tjera të natyrës përafruese. Janë publikuar 96 projektligje për konsultim publik, nga të cilat, 38 kanë qenë të lidhura me integrimin europian. Më shumë se 96 mijë vizitorë e kanë vizituar Regjistrin e Konsultimit Publik gjatë vitit 2025. Afërsisht 100 mijë vizitorë që kanë shprehur interes”, tha Dhuka.

The post Majlinda Dhuka: BE na ka paraqitur 101 kushte për mbylljen e negociatave appeared first on Albeu.com.

Rama ka dhënë edhe porositë përkatëse për skuadrën negociatore.

Në krah të kryenegociatores së re, Majlinda Dhuka, Rama shpjegoi arsyet e ndryshimeve në qeveri ndërsa i kërkoi skuadrës që do përfaqësojë Shqipërinë në Bruksel të lënë përshtypje pozitive me punën e tyre.

“Është themelore që secili prej jush të garantojë me punën, seriozitetin, cilësinë e materialeve, të komunikimeve dhe ndërveprimit që Shqipëria të shikohet me respekt në çdo hap. Atë respekt që kemi fituar në aspektin politik dua ta fitojmë në aspektin Teknik. Dua që skuadra shqiptare të krijojë përshtypje pozitive në Bruksel.

Pjesën më të madhe tuajën kam pasur mundësinë t’i njoh dhe t’i vlerësoj për cilësitë dhe kam pasur mundësinë ta shoh edhe në një progres të caktuar. Disa nga zv/ministrat kanë qenë në këtë rrugë që në krye të herës. Sfida është tërësisht e re. Është e rëndësishme të theksoj se vendosja e kryenegociatores së re nënvizon ndryshimin e natyrës së marrëdhënieve mes nesh dhe BE. Ambasadori Mazi bëri një punë të lavdërueshme dhe diplomatike. Duke qenë krah në këtë proces, deri në momentin kur u vendos që negociatat të hapen formalisht.

Ka një ndryshim themelor. Ka shumë njerëz në administratën tonë që nuk i gjen në google por pa të cilët administrata nuk do funksiononte dot. Ka njerëz që janë në zyra që në fillim të viteve 1990. I kanë shërbyer shtetit me modesti. Sikur çdo gjë të kishte mbetur në dorën e atyre që hyjnë e dalin si në mallin e babait do kishin një situatë si pas tërmetit”, u shpreh mes të tjerash Rama.

The post “Dua seriozitet”, Rama jep porositë për skuadrën negociatore: Sikur shteti të mbetej në dorën e atyre që hyjnë e dalin si në mallin e babait… appeared first on Albeu.com.

Rama shtoi se Dhuka ka kompetencat e të gjithë procesit që lidhet me përthirthjen e normativës evropiane në të drejtën kombëtare.

“Dhuka i ka kompetencat e të gjithë procesit që lidhet me përthirthjen e normativës evropiane në të drejtën kombëtare. Ka detyrimin e informimit të vazhdueshëm të parlamentit, por këtu, duke garantuar të gjithë procesin horizontal në komunikim të vazhdueshëm me çdo ministri…”

Vijon…

The post Procesi i integrimit në BE, Rama konferencë me ekipin e negociatave: Çfarë duhet të keni parasysh appeared first on Albeu.com.

Pasi u lexua formula e betimit dhe dekretet përkatëse të emërimeve, anëtarët e Këshillit të Ministrave: Zëvendëskryeministër dhe Ministër i Infrastrukturës dhe Energjisë, zonja Belinda Balluku si dhe Ministër Shteti dhe Kryenegociator, zonja Majlinda Dhuka, pas betimit firmosën edhe dokumentin.

“Betohem në nderin tim, se do të zbatoj me përpikëri Kushtetutën dhe ligjet, si dhe do të kryej me përgjegjësi detyrën shumë të rëndësishme që më është besuar, të anëtarit të Këshillit të Ministrave”, u zotuan anëtarët e Këshillit të Ministrave, me dorën mbi Kushtetutë./albeu.com/

The post Me dorën mbi Kushtetutë, dalin pamjet nga momenti i betimit të Ballukut dhe Dhukës para Presidentit (FOTO LAJM) appeared first on Albeu.com.