Mediat italiane raportojnë se pas një konflikti në San Cipriano D’Aversa, Caserta është qëlluar me armë në drejtim të makinës së 44-vjeçarit Tammaro Caterino, i cili është djali i bosit famëkeq Sebastiano Cateriono (personi në foton e mëposhtme), i cili është vrarë më 31 tetor të vitit 2003.

Mediat bëjnë me dije se brenda në makinë me djalin e mafiozit ndodhej edhe një shqiptar,

Konflikti, sipas mediave italiane dyshohet se erdhi pas një debati për marrjen me qira të një makine. Në makinën e synuar ndodheshin personat e përfshirë, pikërisht Tammaro Caterino dhe një shtetas shqiptar.

Dy persona më pas arritën të arratiseshin. Pavarësisht të shtënave, nuk raportohet për persona të lënduar. Menjëherë ka nisur hetimi për identifikimin e autorëve, por të dy u zhdukën pas ngjarjes, duke e bërë të vështirë për autoritetet gjurmimin e tyre.

Për të marrë më shumë informacione mbi ngjarjen, policia po shikon regjistrimet e kamerave të vëzhgimit në zonë. Këto pamje mund të japin të dhëna të rëndësishme për rrethanat që çuan në mosmarrëveshjen dhe për identifikimin e autorëve.

Pavarësisht versionit fillestar për motivet e ngjarjes, në realitet, ende nuk dihet nëse ka qenë ndonjë konflikt mes pjesëmarrësve në përleshje apo ka banda që po tentojnë të marrin në zotërim territorin.

The post Atentat ndaj djalit të mafiozit famëkeq italian, po udhëtonte në makinë me një shqiptar (FOTO) appeared first on Albeu.com.

I arrestuar në vitet 1996 në vendin e tij të fshehtë në provincën Agrigento, ai do të lirohej nga burgu në 2022. Por dënimi u shkurtua për “sjellje të mirë”. Kështu ish-shefi i mafias Giovanni Brusca la qelinë të hënën.

Më 23 maj 1992 ai aktivizoi bombën që vrau gjyqtarin Giovanni Falcone, gruan e tij Francesca Morvillo dhe tre agjentët e shoqërimit Rocco Dicillo, Vito Schifani dhe Antonio Montinaro. Ai gjithashtu kishte një rol kryesor në vrasjen e Giuseppe Di Matteo.

Giovanni Brusca vendosi të rrëfehej dhe të denoncojë shefat e tjerë mafiozë, duke shmangur burgimin e përjetshëm.

Ndërkohë familjarët e viktimave janë shprehur të shqetësuar për lirimin e tij. “Unë jam e indinjuar, jam me të vërtetë e indinjuar. Pas 29 vitesh ne ende nuk e dimë të vërtetën për masakrat dhe Giovanni Brusca, njeriu që shkatërroi familjen time, është i lirë. A e dini se cila është e vërteta? Çfarë do t’i them nipit tim tani? Se njeriu që vrau gjyshin e tij është i lirë? E gjithë Italia duhet të zemërohet dhe jo vetëm unë që humba burrin , por një gjë e tillë nuk ndodh. Këta njerëz vijnë vetëm për të përkujtuar Falconen e 23 majit dhe kujtojnë ‘Giovannin e Paolon’. Por askush nuk indinjohet “, tha Tina Montinaro, e veja e Antonio Montinaro, përgjegjësit për sigurinë e Giovanni Falcone.

Ndërsa Maria Falcone, motra e gjyqtarit Falcone, pas lajmit për lirimin e Brusca-s, tha se ky lajm i shkaktonte dhimbje por sipas saj ligji duhet të respektohet.

“Nga ana njerëzore, është një lajm që më dhemb, por ky është ligji, një ligj që vëllai im gjithashtu dëshironte dhe prandaj duhet të respektohet. Unë vetëm shpresoj që gjyqësori dhe policia të jenë vigjilentë në mënyrë që të shmangin rrezikun e kryerjes së një krimi përsëri, duke pasur parasysh se ne po flasim për një person i cili ka pasur një rrugë shumë të trazuar bashkëpunimi me drejtësinë. Çdo koment tjetër më duket plotësisht i papërshtatshëm », tha Maria Falcone.

The post Vrau gjykatësin Falcone, lihet i lirë pas 25 vitesh burg mafiozi i Cosa Nostra appeared first on Albeu.com.

Sipas mediave të huaja, Marc Feren Claude Biart ishte në arrati nga autoritetet italiane që nga viti 2014 dhe kishte jetuar në Boca Chica në ishullin e Karaibeve, tha policia.

Prokurorët kishin kërkuar Biart me akuzën e trafikimit të kokainës në Holandë për një klan të bandës mafioze, ‘Ndrangheta’.

Dhe sipas policisë, i dyshuari kishte paraqitur në video në YouTube ku shpjegonte recetat italiane të gatimit, ndërsa mbante të fshehur fytyrën.

Sidoqoftë, tatuazhet e tij mund të shiheshin në video, të cilat bënë të mundur që ai të njihej. Pas kësaj, i arratisuri 53-vjeçar u kap në Santo Domingo dhe u transferua në aeroportin Malpensa të Milanos, tha policia në një deklaratë.

“Ndrangheta” konsiderohet mafia më e fuqishme në Itali dhe është e vendosur në rajonin jugor të Kalabrisë. Grupi është i njohur për kontrollin e tij mbi trafikun e kokainës në Evropë.

The post Arrestohet anëtari i bandës mafioze, “e tradhtuan” tatuazhet teksa publikonte video gatimi në YouTube (VIDEO) appeared first on Albeu.com.