Më shumë se 1200 oficerë policie morën pjesë në operacionin madhor dhe policia ushtarake e karabinierëve tha se aksioni kishte për qëllim zhvillimin e mafies në zonë. Në bastisjet, më të mëdhatë në vitet e fundit, autoritetet italiane janë përpjekur të parandalojnë ringjalljen e mafies dhe organit të saj qeverisës të njohur si Kupola.

Disa bosë mafioz janë liruar nga burgu muajt e fundit pas apelimit, por hetuesit pretendojnë se ata që janë ende pas hekurave kanë përdorur telefona celularë të koduar për të vazhduar aktivitetet e tyre.

Është vërtetuar se mafia siciliane Cosa Nostra ka ndryshuar praktikat e themeluesve të saj dhe se nuk ka më nevojë për takime personale.

Një udhëheqës lokal mbetet i fshehur dhe ka kontroll mbi krimin e organizuar në rrethin e tij lokal, tha policia, shkruajnë mediat.

Për më shumë se 100 vjet, mafia famëkeqe e Sicilisë ka pasur kontroll mbi lagjet dhe qytetet lokale, duke zhvatur bizneset duke “siguruar mbrojtje” dhe duke bërë fitime nga tregtia e drogës.

Më pas, në vitin 1993, i ashtuquajturi “bosi i bosëve” Salvatore “Toto” Riina u arrestua në Palermo, dhe në vitin 2023, mafiozi famëkeq, Matteo Messina Denaro u arrestua pas arritjes në një klinikë lokale.

Edhe pse shumë anëtarë të mafias janë në burg, karabinierët thonë se ata megjithatë arritën të kontrabandonin telefona të vegjël celularë në qelitë e tyre në përpjekje për të vazhduar aktivitetet e tyre kriminale.

Policia mësoi për bisedat e koduara të mafisë duke vendosur pajisje dëgjimi në shtëpitë dhe veturat e tyre. Megjithatë, ajo ende nuk i ka deshifruar ato.

La Repubblica shkruan se policia është ende në kërkim të pjesëmarrësve në chat që përdorin pseudonime si Robert de Niro dhe Spider Man.

Bastisjet e sotme filluan para agimit, duke synuar klanet në të gjithë Palermos, nga Tommaso Natale në veri të qytetit deri në Porta Nuova në qendër. Hetimi mbuloi një sërë krimesh, nga lidhjet mafioze dhe trafiku i drogës deri te tentativa për vrasje dhe krime të armatosura.

Mes të arrestuarve janë edhe disa bosë mafioz të cilët më parë u liruan nga burgu pas vuajtjes së dënimit. Mes tyre dyshohet se është edhe Tommaso Lo Presti, i cili kaloi 12 vjet burg përpara se të lirohej në vitin 2023.

Vitin e kaluar, polemika shpërtheu kur u zbulua se Lo Presti festoi përvjetorin e martesës në një kishë në Palermo, ku është varrosur prokurori Giovanni Falcone, një luftëtar i famshëm antimafia.

The post Policia italiane arreston 181 persona në përpjekje për të parandaluar ringjalljen e mafias në Sicili appeared first on Albeu.com.

Kompania Stellantis hodhi në treg makinën e saj elektrike Fiat Grande Panda në qytetin serb Kragujevac, ku ka investuar pothuajse 200 milionë euro (përfshirë një subvencion prej 48 milionë eurosh nga qeveria serbe), në një fabrikë që pritet të nisë prodhimin e plotë në tetor, duke punësuar 1000 njerëz; Grupi francez Saint-Gobain ka nisur me sukses fabrikën e dytë të prodhimit të kartonit të gipsit në Turda, Rumaninë Qendrore.

Linja e re, e cila përfaqëson një investim prej mbi 50 milionë eurosh, shtrihet në 14,000 m2 dhe përfshin pajisje të përparuara për bluarjen, kalcinimin, formimin e pllakave, tharjen dhe grumbullimin e kartonave të gipsit;

Kompania italiane Ariston ka nisur ndërtimin e një fabrike të re në Nish të Serbisë, me një investim të planifikuar prej 75 milionë eurosh për prodhimin e pajisjeve elektrike shtëpiake; Sparkasse Bank do të japë një kredi deri në 2 milion euro për kompaninë Makprogres DOO Vinica.

Makprogres është një kompani lokale në pronësi familjare me 640 të punësuar, që prodhon dhe shet produkte ushqimore nën markat Vincinni, Donia, Sun Valley, Fantasia dhe Natura, në më shumë se 60 vende në mbarë botën.

Në Shqipëri, lajmet më kryesore të ditëve të fundit janë dy:

E para një projektligj i ri për menaxhimin e mbetjeve, ku qeveria risjell në vëmendje importin e mbetjeve që i konsideron jo të rrezikshme, ndërsa në vend është hapur debati për një anije me skorje të rrezikshme që nuk po i merret vesh origjina dhe i gjithë procesi i mëpasshëm i transportit, pa folur për paqartësinë se çfarë do të ndodhë kur të kthehen në portin e Durrësit.

Lajmi tjetër lidhet me ngritjen e kampit të refugjatëve, bazuar në një marrëveshje me qeverinë italiane- në Shëngjin, i cili ndryshe nga projektet e tjera që zvarriten me muaj, ka ecur me shumë shpejtësi dhe do të jetë gati për të pritur mysafirët e parë që në shtator.

Kontrasti i lajmeve që prodhon Shqipëria dhe që nuk janë lajme propagande është i madh me lajmet ekonomike, që prodhojnë vendet e tjera.

Është po kaq i madh edhe kontrasti ndërmjet “detyrave” që pritet të kryejë një qeveri për të nxitur ekonominë e qëndrueshme, për të rritur mirëqenien e qytetarëve të saj dhe cilësinë e jetesës së tyre, me atë që po bën realisht.

Fokusi i saj kryesor për momentin duket në “përpunimin” e mbetjeve dhe të refugjatëve nga importi, në një kohë që vendi ka probleme të tjera shumë më madhore dhe emergjente.

Problemi i plehrave në fakt qëndron, por në një dimension krejt tjetër. Në kulmin e turizmit menaxhimi i tyre po lë shumë për të dëshiruar.

Në zonat bregdetare mbeturinat janë përhapur kudo, duke lënë një përshtypje negative tek turistët, që po ankohen si asnjëherë më parë në rrjetet sociale, duke i bërë reklamën më të keqe të mundshme Shqipërisë turistike.

Në Vlorë derdhen ujërat e zeza, teksa qeveria ia ka lënë punën bizneseve që të investojnë në ngritjen e përpunimit të impianteve të ujërave të zeza me një kosto deri në 100 mijë euro.

Subjektet, edhe pse i paguajnë shtetit të gjitha taksat, po detyrohen që të bëjnë punën e qeverisë.

Kjo e fundit gjatë periudhës 2017-2023, ka paguar nga paratë e taksapaguesve rreth 13 miliardë lekë (130 milionë euro) për ngritjen e tre inceneratorëve, që sot praktikisht nuk ekzistojnë, jo më të bëhet fjalë të punojnë.

Kjo nuk e pengoi as Ministrinë e Financave të rrisë pagesat për koncesionet, ku një nga zyrat e shtuar ishte pikërisht inceneratori i Tiranës.

Edhe problemi i emigracionit qëndron, por në atë të ikjes së pandalshme të shtetasve shqiptarë, që ka arritur në përmasa të tilla që po ndikon gjithë treguesit ekonomikë nga tregu i punës, tek konsumi, për të mos folur pastaj për efektet afatgjata në produktivitetin e ekonomisë e skemës së pensioneve.

Por këto probleme qeveria as që denjon t’i përmendë ndonjëherë, e jo më t’i pranojë.

Nuk po shohim që kjo qeveri të bëjë qoftë edhe përpjekje propagandistike për të ulur korrupsionin, që mbetet ndër më të lartët në Europë, sipas sondazheve të fundit, pavarësisht reformës për drejtësi, që më shumë u imponua nga institucionet ndërkombëtare.

Nuk ka as ndonjë lëvizje serioze për të zhbllokuar fondet e BE-së për bujqësinë apo për të hyrë në negociata me institucione të tjera ndërkombëtare që ofrojnë financim në bujqësi, gjë që kanë ndërprerë investime të rëndësishme (në ato raste kur janë dhënë pa mik), duke e bllokuar këtë sektor jetik në një moment kur konsumi po rritej për shkak të turizmit, duke i lënë hapësira të mëdha importeve.

Çfarë qëndrueshmërie ekonomike dhe cilësie jetese mund të premtohet me këto politika?!

Në vend që Shqipëria të kishte hyrë në fazën e zhvillimit të qëndrueshëm dhe të investohej shumë për cilësinë e jetesës, qeveria po e kthen timonin në anën e kundërt.

Pse duhet të orientohet qeveria në këta sektorë të pranimit të mbetjeve e mbeturinave, ku përvoja botërore ka treguar se janë sektorët tipikë ku mafia i ka duart e gjata edhe në vende me institucione kontrolli e menaxhimi më të forta.

Ndërkohë që të gjithë jemi të vetëdijshëm për dobësinë e theksuar institucionale në vend, ku deri edhe trupa policore është akuzuar nga kreu i SPAK për kriminalizim.

Apo që të rrezikojmë të bëhemi si modeli meksikan me ishuj të lumtur resortesh, siç po reklamohet investimi në Ishullin e Sazanit, vetëm për pak turistë dhe jashtë kufijve të restorteve të sundojë varfëria, krimi dhe korrupsioni!

Ekonomia e “plehrave” nuk mund të jetë dega kryesore e ekonomisë shqiptare, për më tepër që qeveria shqiptare që e nxit këtë model nuk ka treguar ndonjë aftësi menaxhimi./Monitor

The post Analiza: Ekonomia e “plehrave”, sektor ku mafia i ka duart e gjata appeared first on Albeu.com.

Ai ishte një nga personat e fundit të organizatës që kryesisht vepronte në Romë, në zonën e Maglianës dhe në bregdetin e Lacios.

Ndërkaq efektivët kanë lëshuar edhe 28 urdhër arreste, mes tyre të përfshirë 22 italianë, 2 shqiptarë, një kosovar dhe një maqedonas.

Sipas mediave vendase  70 vjeçari ishte dënuar me burgim të përjetshëm për katër vrasje, por ishte në gjysmëliri prej datës 30 tetor të 2019.

Mirëpo përsëri kishte arritur të planifikonte shitblerjen e sasive të mëdha të lëndëve narkotike nga Spanja dhe Kolumbia, duke mbajtur marrëdhënie me eksponentë të ‘ndrangheta-s, Camorra-s, mafies së Foggia-s dhe me shqiptarë të përfshirë në një kartel droge që vepronin në qytetin Turbo, Kolumbi.

Njeriu në krye të bandës shqiptare, pika e kontaktit me kartelin kolumbian, thuhet se doli vullnetar të shkonte personalisht për të negociuar me furnitorët e Amerikës së Jugut dhe nga pasazhi me përgjime dëgjohen pjesë në të cilat ai përshkruan vështirësitë që do të përballeshin për të hyrë ilegalisht.

Megaoperacioni është zhvilluar në orët e para të mëngjesit të kësaj të marte ku autoritetet kanë sekuestruar edhe rreth 400 mijë euro gjatë kontrollit në shtëpinë e njërit prej të dyshuarve.

The post Arrestohet një nga bosat e mafies ‘Banda della Magliana’, i lidhur me bandat shqiptare të karteleve të drogës në Amerikën Latine! Lëshohen 28 urdhër arreste appeared first on Albeu.com.

Drejtuesi i Prokurorisë së Posaçme deklaroi se biznesi tentoi t’i jepte akses mafies për të integruar të ardhurat në sektorin bankar për shtresëzimin e transfertave dhe më pas, tha Dumani, do të tranferoheshin po me ndihmën e biznesit vendas jashtë vendit.

Por kreu i SPAK deklaroi se u zbulua pas bashkëpunimit me bankat e nivelit të dytë duke bërë që ky operacion i grupeve kriminale të dështonte.

Altin Dumani: Një nga skemat komplekse të pastrimit të parave në Shqipëri, përfshin përdorimin e bankave dhe bizneseve shqiptare si ndërmjetës për organizatat ndërkombëtare kriminale  si mafia italiane.

Një rast një biznes shqiptar bashkëpunoi për ti dhënë akses përfaqësues të mafias ndërkombëtare të integronte të ardhurat kriminale në sektorin bankar për shtresëzimin e transfertave që pastaj do të tranferoheshin po me ndihmën e biznesit vendas jashtë vendit.

Bashkëpunimi shumë i mirë me bankat e nivelit të dytë, bëri që ky operacion i grupeve kriminale të dështonte./albeu.com 

The post “Një biznes shqiptar tentoi t’i krijojë akses mafies ndërkombëtare në Shqipëri”, Altin Dumani zbulon hetimin: Si u parandalua appeared first on Albeu.com.

Baza e kërkesave për zhvatje ndaj tyre ishte ndërtimi i një sistemi paneli diellor, për të cilin familja e ish-futbollistit kishte siguruar financim prej 80 mijë eurosh.

Para që zhvatësit donin t’i merrnin në dorë dhe që do të ishin paguar drejtpërdrejt nga Rino.

Detaji del nga deklaratat e Ida Elvira Gattuso, motra e trajnerit aktual të Olympique Marseille.

Ajo ishte viktimë e dy zjarrvënieve të rënda “me qëllim frikësimin e Francesco Gattusos, babait të Rinos dhe detyrimit të tij për të paguar shumën e parave të kërkuara në mënyrë të paligjshme”, sipas urdhrit të kujdestarisë, të nënshkruar nga gjyqtarja hetuese Chiara Esposito.

Hetimet çuan në arrestimin e dy personave Aldo Abbruzzese, 51 vjeç, i konsideruar nga hetuesit si element kryesor i krimit të organizuar aktiv në zonën e Corigliano Rossano dhe Mustapha’ Hamil, 43 vjeç, banues në Schiavonea, përfundoi në burg, në zonën e Cosentino por me kombësi marokene.

Sipas “Il Fatto Quotidiano”, motra e Gattuso-s i ka folur një miku “të cilit i ka konfirmuar atë që kishte ndodhur nga Salvatore Pipieri ndaj Aldo Abbruzzese”.

Përgjimi mes dy grave nuk lë asnjë dyshim se kush e ka paguar: “Pra praktikisht gjithçka është zgjidhur… miku i vëllait… Salvatore… shkoi atje.

Ai zgjidhi gjithçka… kështu që tani asgjë nuk do të ndodhë përsëri në rregull?”. “Por pastaj a zbarkoi Salvatore në Kalabri?… A zbarkoi Salvatore në Kalabri?”.

“Po, vëllai im e dërgoi… gjithsesi gjithçka është në rregull”. “Ai bëri mirë… eh por çfarë të thashë këtë mëngjes? Këtë histori e zgjidhi vetëm vëllai juaj dhe askush tjetër…”.

Hetimet, të koordinuara nga prokurorët e DDA Catanzaro, Vincenzo Capomolla dhe të drejtuara nga komandanti i Karabinierëve të Kompanisë Corigliano Rossano, Marco Filippi, bënë të mundur nxjerrjen në dritë brenda një kohe të shkurtër mbi zjarrin e dy makinave të motrës së ish-trajnerit të Milanit.

Episodi i parë ndodhi tetorin e kaluar kur Opel Adam i përdorur nga Ida Gattuso u përfshi nga flakët.

Makina ishte e parkuar afër shtëpisë së tij. Situata u vu nën kontroll falë ndërhyrjes së zjarrfikësve por flakët kishin prekur edhe disa shtëpi.

Sërish sipas përgjimeve të publikuara nga “Il Fatto Quotidiano”, ka ende një aspekt të paqartë të historisë.

Ish-bashkëshorti i Ida Gattusos, Franco Nigro, duke folur me të në telefon, sulmon të atin e Rinos, duke cituar djalin e çiftit, të cilit ai pretendon se i duhet thënë e gjithë e vërteta: “Dëgjo një minutë, gjyshi yt kërkoi favore për kriminelët, nuk i dhashë emra, dhe ai nuk i respektoi, dhe kriminelët prandaj ia hoqën, ai nuk respektoi atë që duhej të respektonte dhe tani po ia nxjerrin mamit, kjo është e vërteta unë dhe vëllai pse duhet ta fsheh më fal se djali duhet t me shikoje si dikush qe nuk e thotë të vërtetën i thash të vërtetën mbrëmë, i thashë të vërtetën çfarë kam për të fshehur”.

The post Mafia i vuri gjobë ish-futbollistit, si i dogjën makinat e së motrës dhe ai pagoi mijëra euro appeared first on Albeu.com.

Megjithëse e merr emrin nga Athena, Mbretëresha e Diturisë, dhe konsiderohet si vendlindja e demokracisë dhe civilizimit perëndimor, ‘nëntoka’ e kryeqytetit grek duket se shënohet dhe këtu nga dhuna mes bandave të zhvatjes dhe trafiqeve.

Rrjeti Daily Mail shkruan për vrasjen e fundit me kallashnikov të një kreu mafioz në Greqi që u godit nga një rrebesh plumbash teksa qëndronte në makinën e tij.

Vangelis Zambounis ra në grackën e vdekjes në orët e para të 14 janarit teksa qëndronte në makinën e tij BMV.

44-vjeçari mafioz i njohur në vend me nofkën ‘Proshuta’ kishte parkuar pranë një pike karburanti, para se vrasësit të vinin nga prapa me një makinë të vjedhur Jeep Lexus me targa false.

Kamerat e sigurisë tregojnë burrin e maskuar që i afrohet fuoristradës së Zambounis para se të qëllojë dhjetra herë në dritaren e derës së tij.

Policia tha se ‘Proshuta’ zonat perëndimore e jugore të Athinës me një rrjet gjobash e zhvatjeje ndaj bizneseve e individëve, si dhe akuzohet për disa vrasje të rivalëve gangsterë.

Kreu i policisë Stavros Balaskas tha: “Ai jetonte ‘me shpatë në dorë’, dhe rrjedhimisht prej saj vdiq, ose më saktë prej plumbave”.

“Ata që kryen sulmin dukeshin të vendosur për ta realizuar”.

Policia tha se ka ndaluar shtatë të dyshuar për vrasjen me porosi që besohet se është ose një akt hakmarrjeje ose një tentativë marrje e kontrollit të aktivitetit mafioz.

‘Bizneset’ e tyre janë trafiku i drogave, kontrabanda e naftës, pastrimi i parave, prostitucioni e trafiku njerëzor.

The post Video/ Ekzekutimi mafioz në Athinë trondit kryeqytetit turistik të Greqisë appeared first on Albeu.com.

Në bankën e të akuzuarve përfshihet Abdelëahab G., i cili thuhet se qëndron pas vrasjes së shqiptarit Ardit (Arjan) Spahiu, në Molenbeek në vitin 2020, si dhe një inspektor nga zona e policisë së jugut të Brukselit. Spahiu është kunati i të penduarit të SPAK, Erion Alibej. Për shkak të numrit të madh të të akuzuarve, gjykimi do të zhvillohet në lokacionin Justitia në Haren, ku u mbajt edhe procesi kundër terroristëve të 22 marsit 2016.

Hetimi për këtë grup nisi verën e vitit 2020 kur brigada e zjarrfikësve duhet t’i përgjigjet një zjarri në dukje të padëmshëm në një apartament në Bruksel. Pasi flakët janë shuar, zjarrfikësit dhe policët përballen me një laborator të vogël kokaine. Ajo që vijon janë vëzhgimet e apartamenteve që hetuesit dyshojnë se janë strofulla droge. Kjo u posua nga orë të tëra analizimi të imazheve të kamerave të vëzhgimit dhe përgjimi i bisedave telefonike të anëtarëve të mundshëm brenda rrjetit.

Hetuesit zbulojnë gjithashtu se trafikantët e drogës përdorin rrjetin tashmë të njohur të koduar Sky ECC. Ai u siguron atyre shumë informacione të vlefshme. Hap pas hapi ata ekspozojnë një rrjet të tërë importesh kokaine. Droga vjen kryesisht nga Ekuadori, ku shumë shqiptarë përdorin këtë vend për tregtinë fitimprurëse. Kokaina hyn në Belgjikë përmes porteve të ndryshme, përfshirë Antëerpin, por të njohura janë edhe portet e tjera evropiane si Roterdami. Në Bruksel, kokaina përpunohet në laboratorë përpara se t’u dërgohet blerësve evropianë. Paratë e mbledhura vijnë tërësisht në Shqipëri, sipas mediave vendase.

Në tetor 2021, hetimi do të arrijë kulmin. 1100 oficerë policie pushtojnë lokacione të ndryshme në të gjithë vendin. Në pranga janë vënë dhjetëra të dyshuar, mes tyre shqiptari Eridan Guerrero, 50-vjec nga Vlora dhe algjeriani Abdelëahab G. 55-vjec. Hetuesit i konsiderojnë si figura kyçe. Veçanërisht ky i fundit dyshohet se është i përfshirë edhe në vrasjen e shqiptarit Ardit Spahiu, 38 vjeç. Kjo do të kishte të bënte me një çështje në mjedisin e drogës.

Gjatë hetimeve janë kryer gjithsej 192 kontrolle në shtëpi. Hetuesit nga policia gjyqësore federale e Brukselit zbuluan njëmbëdhjetë laboratorë kokaine dhe pesë plantacione kanabisi. Në total u sekuestruan më shumë se 32 ton kokainë dhe vila, makina të shtrenjta dhe apartamente luksoze në vlerë prej më shumë se 7 milionë euro. E njëjta gjë ka ndodhur së fundmi në Shqipëri, për të cilën hetuesit belgë kanë udhëtuar drejt vendit. Në total, rreth pesëmbëdhjetë prona, disa makina dhe madje dy skafe u sekuestruan.

The post SKY ECC “fundos” mafien shqiptare në Belgjikë, mediat: Më 6 nëntor nis gjyqi për grupin më të madh të drogës, në sallë edhe vrasësi i Arjan Spahiut appeared first on Albeu.com.

Sipas medias malazeze “Vijesti” tuneli është hapur nga mafia dhe ky rrugë u mundësoi atyre aksesin në Gjykatën e Lartë të Podgoricës.

Mësohet se nga hetimet e kryera, rezulton se pas tunelit qëndron grupi kriminal. Aty janë gjetur sende që i përkasin një anëtari të këtij grupi, Slobodan Kašćelan.

Një burim për “Vijesti” pohon se tuneli është hapur për maksimumi një muaj e gjysmë. Sipas këtyre informacioneve, pronarët e kanë dhënë me qira banesën në bodrumin e pallatit, përballë ndërtesës së gjykatës, në fund të muajit korrik. Aksioni me shumë gjasa është kryer në muajin gusht, ndërkohë që pjesa më e madhe e punonjësve në administratën shtetërore, përfshirë edhe Gjykatën e Lartë, ishin me pushime.

Sipas një prej bashkëbiseduesve të gazetës, qiramarrësit e banesës kanë përdorur dokumente false.

Pronarët janë marrë në pyetje pasditen e djeshme nga policia e Podgoricës. Pronarja tha se nuk i njihte.

Kryetari i Gjykatës së Lartë, Boris Saviq tha dje se hapja e tunelit është gjetur në një vend të fshehur mirë dhe se është dashur “të bëhej për një kohë të gjatë”.

“Ne nuk e dimë se çfarë mund të kishte ndodhur nëse ajo hapje nuk do të ishte vënë re. Më e rëndësishmja për ne është që mbyllëm diçka që ishte rrezik”, tha ai.

Ai u shpjegoi gazetarëve gjithashtu se muret e gjykatës janë rreth 70 centimetra të trasha, se dy ditë para se të zbulohej të hënën e 11 shtatorit se depoja ishte plaçkitur, ishte investuar në atë dhomë.

Mirëpo, të hënën rreth orës 8 kanë vërejtur objekte të rrëzuara.

“Është e vërtetë se në ambientet e depos së Gjykatës së Lartë janë gjetur gjurmë të personave të tjerë. Menjëherë është njoftuar policia, e cila pas hetimeve ka dalë në të njëjtin përfundim. U krye regjistrimi i popullsisë, i cili zgjati deri në orët e para të mëngjesit. Është konstatuar se nuk mungon pothuajse asgjë”, tha Saviq.

Saviq theksoi se konfuzioni ishte shkaktuar nga fakti se gjërat në depo ishin gërmuar.

Ai gjithashtu theksoi se inventarizimi i detajuar do të zgjaste me muaj, sepse ka një numër të madh të objekteve fizike.

Gjithsesi, kryetarit të Gjykatës së Lartë do t’i duhet të përsërisë para hetuesve deklaratën e dhënë gazetarëve, se provave të ruajtura në depo nuk i mungon thuajse asgjë.

Paratë nuk mbahen në depon e Gjykatës së Lartë, por ruhen në një dhomë krejt tjetër, ka sqaruar për “Vijesti” Marija Rakoviq, këshilltare për marrëdhënie me publikun e asaj gjykate./albeu.com

The post Skandal në Mal të Zi! Zbulohet një tunel i hapur nga mafia, të çon brenda Gjykatës së Lartë appeared first on Albeu.com.

Gjatë fjalës së tij, Berisha lëshoi akuza në drejtim të qeverisë Rama, ndërsa theksoi se ai vepron me mafian duke shatërruar vendin.

“Të dashur miq të mi, është nder i madh të paraqes sot para jush njërin nga bijtë tuaj më të mirë. Njërin nga qeveritarët tuaj më të sprovuar vendor, më me eksperiencë. Dua të paraqes këtu Ilir Mehmetin si kandidat për kryetar bashkie. Ndaj Ardi Veliut rëndojnë dosje pafund. Ai është edhe më zi. Në Sarandë Ardit Cikuli, një kandidat i mrekullueshëm, njëri serioz ka për karshi të deleguarin e bandave të Durrësit, famozit Alket Hysenit. Famëziu Alket Hyseni, i cili përveç grabitjes dhe plaçkitjeve bëri gjithçka që t’i bëjë me pallate eksponentët e Rilindjes. Shkoni në Sarandë, Ksamili po merr fund. Fatmir Shero ka përball përfaqësuesin e Rilindjes, që do të bëjë Pazar. këtu ka një rrezik madhor që është mafia. Shkoni në Ksamil, po ndodh një masakër e paimagjinueshme. Mafia, e ka thënë bukur Faik Konica; zoti e mbroftë Shqipërinë nga shqiptarët, dhe e ka pasur parasysh këtë ditë. S’ka pushtues që të sillet në këtë mënyrë ndaj një vendi, siç po sillen këta qeveritarë.”, tha Berisha.

The post “Saranda dhe Ksamili po marrin fund”, Berisha: Mafia po bën masakër të paimagjinueshme appeared first on Albeu.com.

Sipas asaj që raportojnë mediat ekuadoriane, deputetja veloz ka thënë në policia se ka marrë kërcënime me vdekje mga mafia shqiptare, pasi kërkojnë që të ndalohen hetimet në qeveri për korrupsion dhe në kuadër të çështjes Encuentro si dhe parandalimi i raportimit të policisë për lidhjet e dyshuara mes trafikut të drogës dhe mafies shqiptare.

Denoncimi i Veloz në polici është bërë të hënën e 20 shkurtit.

Deputetja tregoi një fotografi në celularin e saj dhe tha se të dielën i kanë lënë një shënim në automjetin e këshilltarit të saj, Christian González, me flamurin shqiptare dhe një fjalë shqip, që përkthyer në spanjisht do të thotë “i vdekur”. ”

Shënimi u vendos kur automjeti ishte parkuar jashtë Universitetit Qendror të Ekuadorit.

Veloz raportoi se mori edhe mesazhe frikësuese në llogarinë e saj në Instagram. “Kërcënime me vdekje dhe se ata do të bëjnë një tentativë për jetën e prindërve të mi dhe të familjes sime nëse nuk ndaloj hetimin e çështjes Encuentro dhe hetimin e raportit të madh. Madje, brenda atij mesazhi më kanë dërguar edhe udhëzimet që sipas tyre duhet të ndje”, ka treguar ajo.

/Albeu.com/

The post “Je e vdekur”, deputetja ekuadoriane kërcënohet nga mafia shqiptare: Duan të ndalen hetimet appeared first on Albeu.com.