Burime për Abc bëjnë me dije se e gjithë ngjarja ka ndodhur në një kohë që patrulla e policisë ka qenë në një distancë mjaft të shkurtër nga vendi ku ndodhi vrasja.

Lidhur me ngjarjen policia ka arrestuar Horgito Peqinin 18-vjeç, Klaudian Sallufin 33-vjecc dhe 18-vjeçarin Ejden Dino, dy të fundit akuzohen si bashkëpunëtorë në krim.

Pas ngjarjes i arrestuari i parë Ejden Dino ka deklaruar në polici, se para se të ndodhte vrasja ai, Horgito Peqini dhe Klaudin Sallufi kanë qenë duke konsumuar birra dhe lëndë narkotike, ndërsa kur janë larguar nga banesa Dino ka marrë në çantë një thikë ndërsa Peqini pistoletën, me të cilën kreu dhe krimin.

Në dëshminë e 18-vjeçarit Dino thuhet se e gjithë ngjarja ka ndodhur pas një përplasjeje banale mes Madrit Ulqinakut dhe Klaudian Sallufit, pasi ky i fundit e akuzoi se e kishte bërë pis.

Pas këtij momenti është afruar Peqini i cili ka nxjerrë pistoletën dhe ka qëlluar mbi Ulqinakun duke e lënë të vdekur.

Ndërkohë policia është duke hetuar në një tjetër pistë, pasi dyshohet se krimi mund të ketë ndodhur pas prishjes së pazareve të drogës mes të rinjve.

Ndërkohë burime për Abc bëjnë me dije se pas arrestimit të Horgito Ulqinakut policëve të Drejtorisë së Elbasanit ju është kthyer e drejta për të marrë lejen e zakonshme.

Sipas të njëjtave burime një ditë pas ngjarjes vetë Drejtori i përgjithshëm i Policisë së Shtetit me anë të një urdhëri të lëshuar gojarisht ka deklaruar se pa u mbyllur ngjarja, dhe pa u arrestuar autori i krimit të 17 gushtit, asnjë efektiv policie nuk do të merrte lejen e zakonshme.

The post Vrasja e Madrit Ulqinakut dhe arrestimi i Horgito Peqinit, rikthehen lejet e zakonshme për policët e Elbasanit appeared first on Albeu.com.

Peqini dhe 33-vjeçari Sallufi kanë dalë në seancë për verifikimin e kushteve të masës së sigurimit të mbrojtur nga avokatë të caktuar kryesisht nga Gjykata.

I riu është shfaqur i qetë, madje duke buzëqeshur në seancë. Ndërsa Sallufi ka qëndruar i heshtur. Është vënë re mungesa e familjarëve të dy të pandehurve.

Ndaj 17-vjeçarit rëndon akuza e vrasjes me dashje e kryer në bashkëpunim dhe mbajtje pa leje e armëve dhe municioneve.

Duke qenë i mitur, Peqini për veprën penale për të cilin akuzohet në bazë të nenit 76 të Kodit penal rrezikon nga 10 deri në 20 vjet burg dhe për shkak të moshës atij i përgjysmohet në 5 vjet deri 10 vjet burg dënimi nëse provohet vepra penale për të cilën akuzohet.

The post Vrau Madrit Ulqinakun në Elbasan, gjykata vendos për 17-vjeçarin dhe bashkëpunëtorin e tij (VIDEO) appeared first on Albeu.com.

Lajmin e bëri të ditur policia përmes një njoftimi.

Sipas policisë, arma u arrit të gjendej pas shumë kërkimeve.

Kujtojmë se ditën e djeshme ra në pranga edhe autori i vrasjes, Horgito Peqini.

Njoftimi i Policisë:

Elbasan/Policia pas shumë kërkimesh, gjen në lumin Shkumbin, armën e zjarrit pistoletë, me të cilën dyshohet se u vra 33-vjeçari M. U.

Gjatë mbrëmjes së djeshme u vu në pranga autori i dyshuar i kësaj ngjarjeje dhe bashkëpunëtori i tij.

Në vijim të veprimeve të kryera për zbardhjen e ngjarjes, si dhe në bazë të provave të grumbulluara nga puna e mirëfilltë hetimore, shërbimet e Komisariatit të Policisë Elbasan, në bashkëpunim me Seksionin e Forcës Operacionale në DVP Elbasan, në kuadër të operacionit policor të koduar “The end”, u vu në pranga autori i dyshuar i ngjarjes së datës 17 gusht, ku mbeti i vrarë me armë zjarri 33-vjeçari M. U.

Në kuadër të këtij operacioni, si rezultat i kontrolleve të shumta të zhvilluara nga Policia e Elbasanit, si dhe i negocimeve me familjarët, u bë e mundur vënia në pranga e shtetasve H. P., 18 vjeç dhe K. S., 33 vjeç, pasi Gjykata e Shkallës së Parë Elbasan ka vendosur masën e sigurisë “Arrest në burg”, për këta shtetas, për veprat penale “Vrasja me dashje”, kryer në bashkëpunim dhe “Mbajtja pa leje dhe prodhimi i armëve, armëve shpërthyese dhe i municionit”.

Nga tërësia e veprimeve hetimore ka rezultuar se këta shtetas, në bashkëpunim me njëri-tjetrin, dyshohet se kanë vrarë, për motive të dobëta, me armë zjarri, shtetasin M. U., mbrëmjen e datës 17.08.2022.

Në cilësinë e provës materiale, Policia sekuestroi armën e zjarrit pistoletë me një krehër me 6 fishekë në të, të cilat u gjetën pas kërkimeve intensive nga ana e shërbimeve, në shtratin e lumit Shkumbin.

Materialet hetimore i kaluan Prokurorisë, për veprime të mëtejshme./albeu.com/

The post Vrau Madrit Ulqinakun, gjendet në Shkumbin arma e autorit appeared first on Albeu.com.

Mësohet se arrestimi i tij është bërë në Peqin, ndërsa bëhet me dije se gjatë momentit kur i janë vënë prangat nuk ka bërë rezistencë.

Gjatë kohës që 18 vjeçari ka qenë në arrati për krimin e kryer, familjarët e tij janë paraqitur çdo ditë në komisariatin e Elbasanit duke shprehur se donin që ai të arrestohej për krimin e bërë.

The post Vrau me armë zjarri Ulqinakun, Horgito Peqini kishte gati planin për arratisje nga Shqipëria, ja ku u bë arrestimi i tij appeared first on Albeu.com.

Pas ngjarjes policia arrestoi një nga shokët e Horgitos, Eiden Dinon, ndërsa shpalli në kërkim autorin e ngjarjes Peqinin dhe 33-vjeçarin Klaudjan Sallufi.

Sipas asaj që ka dëshmuar i arrestuari Eiden Dino në polici por edhe sot para trupës gjykuese, gjithçka ka ndodhur për një fjalë goje. Dino ka thënë se ka qenë fillimisht Klaudjan Sallufi i cili është kapur me fjalë me Madrit Ulqinaku, duke pretenduar se ky i fundit e kishte shkelur, dhe më pas ka ardhur Horgito i cili ka nxjerrë pistoletën nga marsupi dhe ka qëlluar me një plumb mbi 33-vjeçarin.

Dino ka theksuar se para kësaj ngjarjeje ai sëbashku me Horgiton dhe Klaudjanin kanë qenë duke pirë birra dhe konsumuar kokainë.

Ndërkohë policia nga ana tjetër është duke hetuar për prishje të pazareve të drogës mes të rinjve, pasi dyshohet se të gjithë personat e përfshirë në ngjarje kanë qenë shpërndarës të lëndëve narkotike.

Pas ngjarjes në media u tha se Horgito Peqini është nipi i Eduart Peqinit i njohur ndryshe si Mandela i Elbasanit, kreut të bandës më famëkeqe të vitit 1997-të.

Por daja i Horgitos, Gentjani i kontaktuar nga Abcnews.al, ka mohuar çdo lidhje farefisnore me Mandelën e Elbasanit, i cili aktualisht është duke vuajtur dënimin e përjetshëm në burgun e Peqinit për krimet që ka kryer në citin 1997-të.

Sipas Gentjanit, mediat kanë nxituar të bëjnë lidhjen mes Horgitos dhe Mandelës, vetëm duke u nisur nga mbiemri i përbashkët që kanë të dy, Peqini.

“Personin që bëri atë vrasje nuk është nipi i Mandeles. Unë jam daja i Horgitos. E dënoj atë që bëri nipi im”, thekson Gentjani.

Më tej daja i Hogitos i kërkon drejtësisë që të hetojë deri në fund ngjarjen, pasi duhet sqaruar njëherë e mirë se çfarë e lidhte nipin e tij me një 33-vjecar. Gentjani thekson se sa herë ka ardhur në Shqipëri ka takuar shokët e Horgitos, të cilët janë bashkëmoshatarë me të, dhe se nuk e kupton se çfarë mund ta lidhte nipin e tij me një 33-vjeçar.

“Unë e dënoj ashpër veprimin e nipit tim. Dua t’i shpeh ngushëllimet e mia familjes së djalit që u vra. Por i bëj thirrje policisë që të hetojë ngjarjen, për të kuptuar se e kujt ishte pistoleta, dhe se cila ishte arsyeja që nipi im shoqërohej me një 33-vjeçar. Unë jetoj jashtë, por sa herë kam ardhur në Shqipëri dhe kam takuar shoqërinë e nipit tim, kamë parë se ata janë të gjithë bashkëmoshatarë, dhe nuk e kuptoj se çfarë ka dashur nipi im me një 33-vjeçar. Nipi im duhet të dënohet për atë që ka bërë, por policia duhet të hetojë deri ën fund ngjarjen”, thekson më tej Gentjani.

Ndërkohë daja i të riut Hortgito Peqini, ka folur dhe për dëshminë e bërë nga Eiden Dino në polici, i cili ka thënë se para ngjarjes Horgito dhe Klaudjani kanë pirë drogë.

Sipas Gentjanit nipi i tij nuk pinte as cigare, prandaj kjo ngjarje duhet të hetohet deri në fund nga policia./Abcnews.al/

The post Vrau Madrit Ulqinakun në Elbasan, familjarët e Horgito Peqinit: Dënojmë krimin, nuk kemi asnjë lidhje me “Mandelën” appeared first on Albeu.com.

Dino u arrestua dy ditë më parë në Elbasan pas vrasjes së Madrit Ulqinakut nga Horgito Peqini.

Ai dyshohej si I përfshirë në këtë ngjarje, ku krahas tyre, dyshohet se ka qenë edhe Klaudjan Sallufi.

Fillimisht u tha se ngjarja ndodhi për motive të dobta, por më pas policia zbuloi se bëhej fjalë për një konflikt të hershëm mes tyre.

Prokurori Ritvan Suka në pretencën e tij kërkoi arrest me burg për te tre personat të cilët pas një konflikti të castit i morën jetën babait të një fëmijë të mitur.

Pas kqyrjes së provave paraprak , dëshmitarëve në vendngjarje dhe deklaratës së Ejden Dino gjykatësja Idush Maliqi la në burg të riun ndërsa vendosi të njëjtat masa edhe për miqtë e tij në arrati.

Ndërkohë po punohet për kapjen e tyre dhe vënien para drejtësisë./albeu.com/

The post Vrasja e Madrit Ulqinakut, Gjykata vendos për Eiden Dinon appeared first on Albeu.com.

Në kërkim është autori Horgito Peqini, 18-vjeç, nipi i “Mandelës” i cili është në burg të përjetshëm për shkak të krimeve të kryera në 97-tën dhe shoku i tij Klaudjan Sallufi, ndërkohë që i vetmi i vënë në pranga deri më tani është Ejden Dino.

Fillimisht u raportua se ngjarja ndodhi pas një konflikti të çastit për arsye banale, por  grupi i hetimit ka dyshime se vrasja e Ulqinakut ka qenë e menduar mirë, raporton Ora News.

Kjo pasi Horgito Peqini dhe Klaudjan Sallufi, janë proceduar nga policia e Elbasanit për “vjedhje”, “Mbajtje pa lejë të armëve” dhe “Shpërndarje të lëndëve narkotike”.

I proceduar për “Shpërndarje të lëndëve narkotike”, ka qënë dhe viktima Madrid Ulqinaku, i cili ka pasur njohje me tre personat përfshirë në këtë konflikt.

Dyshimet janë se prishja e ndonjë pazari droge në kohët e kaluara, mund të ketë sjellë këtë përplasje, ndaj dhe Horgito Peqini dhe Klaudjan Sallufi, vendosën të ekzekutojnë të njohurin e tyre, Ulqinaku./albeu.com

The post Madrit Ulqinaku nuk u vra për një fjalë goje? Viktima dhe autorët njiheshin, ja çfarë dyshon policia appeared first on Albeu.com.

Ngjarja ka ndodhur si pasojë e një konflikti të çastit.

Horgito Peqini dyshohet se ka qëlluar me armë zjarri pistoletë në drejtim të Ulqinakut, i cili si pasojë e plagëve të marra, ka humbur jetën në vendngjarje.

Pas ngjarjes së mbrëmshme policia arrestoi 18-vjeçarin Ejden Dino.

Kujtojmë se Horgito ishte nipi i njërit prej banditëve më të ashpër të Elbasanit, Eduart Peqinit, i njohur si “Mandela e Elbasanit”.

Njoftimi i policisë:

Zbardhet ngjarja e ndodhur mbrëmjen e djeshme ku mbeti i vrarë me armë zjarri 33-vjeçari.

Vihet në pranga një 18-vjeçar, i përfshirë në konfliktin e çastit, gjatë të cilit mbeti i vrarë 33-vjeçari. Gjatë kontrollit fizik, 18-vjeçarit iu gjetën një mjet prerës (thikë) dhe një dorezë metalike.

Shpallet në kërkim autori i dyshuar i vrasjes dhe një person tjetër i përfshirë në konflikt.

Në vijim të informacionit të dhënë mbrëmjen e djeshme, për një konflikt të çastit, për motive të dobëta, të ndodhur në lagjen “Kongresi”, Elbasan, ku u vra me armë zjarri shtetasi M. U., 33 vjeç, banues në Elbasan, grupi hetimor pas hetimeve paraprake të kryera , ka zbardhur ngjarjen.

Nga hetimet e kryera rezulton se shtetasit H. P., 18 vjeç, E. D., 18 vjeç dhe K. S., 33 vjeç, janë konfliktuar fillimisht verbalisht me shtetasin M. U. Më pas, shtetasi H. P. dyshohet se ka qëlluar me armë zjarri pistoletë në drejtim të shtetasit M. U., i cili si pasojë e plagëve të marra, ka humbur jetën në vendngjarje.

Falë reagimit në kohë dhe veprimeve të shpejta dhe profesionale të shërbimeve të Komisariatit të Policisë Elbasan dhe të atyre të DVP Elbasan , si dhe falë krehjes së zonës dhe kontrolleve me shërbime të shumta policie, u bë e mundur kapja dhe arrestimi i njërit prej shtetasve të përfshirë në konflikt, shtetasit:

-E. D., 18 vjeç, banues në Elbasan, për veprën penale “Prodhimi, mbajtja, blerja apo shitja pa leje e armëve të ftohta”, pasi gjatë kontrollit fizik të ushtruar nga shërbimet e Policisë, iu gjetën dhe sekuestruan në cilësinë e provës materiale, një thikë dhe një dorezë metalike.

Vijon puna intensive nga ana e shërbimeve të Policisë, për kapjen e 2 shtetasve të tjerë të shpallur në kërkim.

Grupi hetimor nën drejtimin e Prokurorisë pranë Gjykatës së Rrethit Gjyqësor Elbasan, vijon punën për sqarimin e plotë të rrethanave të ngjarjes./albeu.com

The post “Hoqi qafe” Madrit Ulqinakun në Elbasan, ky është Horgito Peqini nipi i “Mandelës” appeared first on Albeu.com.

Ngjarja e rëndë ka ndodhur në Elbasan, ku 25 vjeçari Ulqinaku, është vrarë me armë zjarri në afërsi të bulevardit kryesor të qytetit.

Madrit Ulqinaku është qëlluar disa herë me armë nga një 20-vjeçar, pas një sherri për arsye banale që kanë pasur, ku janë përfshirë disa të rinj.

The post Vrasja në Elbasan, momenti kur familjarët e Madrit Ulqinakut mbërrijnë në vendin ku ai u vra (VIDEO) appeared first on Albeu.com.

Një ngjarje e rëndë ka ndodhur mbrëmjen e sotme në qytetin e Elbasanit.

Si pasojë e një sulmi me armë, ka mbetur i vrarë 25-vjeçari Madrit Ulqinaku.

Sipas burimeve, bëhet me dije se autori i krimit ka qenë një i ri rreth 20-vjeç i identifikuar si K.Sh.

Ngjarja ka ndodhur pas një sherri banal mes dy të rinjve.

Njoftimi i policisë:

Më datë 17.08.2022, rreth orës 21:50, në lagjen “Kongresi”,  Elbasan, gjatë një konflikti për motive të dobëta midis disa të rinjve, dyshohet se shtetasi K.SH, rreth 20 vjeç,  ka qëlluar me armë zjarri pistoletë dhe për pasojë ka humbur jetën shtetasi M. U., rreth 25 vjeç, banues në Elbasan.

Shërbimet e Policisë kanë shkuar menjëherë në vendngjarje, së bashku me grupin hetimor.

Është rrethuar zona dhe vijon krehja e saj për të bërë të mundur kapjen e autorit.

Grupi hetimor, nën drejtimin e Prokurorisë, vijon punën për zbardhjen  dhe dokumentimin e plotë të rrethanave të ngjarjes./albeu.com/

The post EMRI/ Ky është i riu që u vra sot në Elbasan (FOTO LAJM) appeared first on Albeu.com.