E reja rrëfeu se ishte martuar në moshën 16-vjeçare për vetëm 700 mijë lekë të vjetra dhe sot jeton në kushte ekstreme, duke lypur çdo ditë në rrugët e Tiranës me vajzën e saj 4-vjeçare.

“Dal çdo ditë dhe lyp me vajzën time sepse nuk kemi çfarë të hamë. Nuk kam mundësi as të blej rroba për foshnjën që pres”, tha 24-vjeçarja mes lotësh.

Historia e saj bëhet edhe më e dhimbshme kur tregon se bashkëshorti i saj ndodhet në burg, pasi u kap duke vjedhur një monopatinë elektrike në përpjekje për të siguruar të ardhura minimale për familjen.

“Nuk kërkoj luks. Dua vetëm një vend të sigurt për të lindur dhe një vakt të ngrohtë për vajzën time, që në vend të kopshtit endet në rrugë”, u shpreh ajo.

Ajo tha se ndihma ekonomike është e papërfillshme, ndërsa institucionet shtetërore nuk janë kujdesur për të, pavarësisht se ajo përmbush të gjitha kriteret për mbështetje bazike sociale.

The post Historia tronditëse e 24-vjeçares shtatzënë që lyp në rrugët e Tiranës me vajzën e saj: Më martuan që 16 vjeçe për 70 mijë lekë appeared first on Albeu.com.

Shërbimet e Komisariatit të Policisë Nr. 3, në zbatim të planit të masave, për parandalimin e rasteve të fëmijëve në situatë rruge, të cilët shfrytëzohen për të lypur, kanë vijuar kontrollet intensive dhe kanë evidentuar një rast të kësaj paligjshmërie.

Në vijim të veprimeve u referuan materialet në Prokurorinë pranë Gjykatës së Shkallës së Parë të Juridiksionit të Përgjithshëm Tiranë, për shtetasen N. R., 37 vjeçe, për veprat penale “Keqtrajtimi i të miturit” dhe “Kanosja”.

Kjo shtetase është konstatuar në rrugën “Dritan Hoxha”, së bashku me 4 fëmijët e saj të mitur, të cilët i kishte nxjerrë për të lypur. Gjithashtu, 37-vjeçarja, ka kanosur me fjalë, punonjësen sociale.

Kontrollet kundër kësaj paligjshmërie do të vijojnë në të gjithë kryeqytetin.

Drejtoria Vendore e Policisë Tiranë fton qytetarët që nëse do të konstatojnë raste të fëmijëve në situatë rruge, të telefonojnë në numrin pa pagesë 112.

The post Shfrytëzonte fëmijët e mitur për të lypur, nis hetimi për 37-vjeçaren në Tiranë appeared first on Albeu.com.

Përgjigja në lidhje me pyetjen varet nga politikat që ndjek ccdo shtet, diku lejohet, e diku tjetër jo. I tillë është rasti në Shqipëri dhe në Kosovë.

Ndërsa në vendin tonë shohim ccdo ditë nëpër rrugë, e lokale të rritur dhe fëmijë që kërkojnë në lëmoshë, një veprimi tillë në Kosovë është i dënueshëm.

Të kërkosh lëmishë në Kosovë është e ndaluar dhe për këtë gjë dënohesh.
Pak ditë më parë, policia e Kosovës në Skënderaj, njoftoi se evidentoi 8 raste të qytetarëve që kërkonin lëmoshë në rrugë, për të cilët mori masat sipas legjislacionit në vend.

Deklarata e Policisë së Kosovës

Policia në Skenderaj identifikon disa persona që ushtronin veprimtari të lëmoshë-kërkimit

Skenderaj, 13 shkurt 2023

Në saje veprimeve operative, me qellim të parandalimit të dukurisë së lëmoshë-kërkimit zyrtarë policor në kuadër të Stacionit Policor në Skenderaj, kanë identifikuar disa persona që ushtronin veprimtari të lëmoshë-kërkimit.
Gjatë ditës së sotme, zyrtarët policorë kanë ndërmarrë veprime konkrete me ç ‘rast janë identifikuar tetë raste me disa persona shtetas të Republikës së Kosovës dhe shtetas të huaj, të moshave të ndryshme duke ushtruar veprimtari të lëmoshë- kërkimit.
Ndaj personave që janë hasë duke kërkuar lëmoshë janë ndërmarrë veprime duke iu shqiptuar fletëparaqitje sipas dispozitave të Ligjit për Ruajtjen e Rendit dhe Qetësisë Publike. Ndërsa me personat shtetas të huaj me procedura të mëtejme ka vazhduar sektori për migracion në kuadër të Policisë Kufitare.

.albeu.com/

The post Në Kosovë nuk lejohet të lypësh, po në Shqipëri? appeared first on Albeu.com.