Simon Simoni do ta vazhdojë karrierën në elitën e futbollit zviceran, pasi transferimi i tij te Luzerni është konfirmuar zyrtarisht.

Portieri 21-vjeçar i Kombëtares së Shqipërisë largohet nga Eintracht Frankfurti dhe ka nënshkruar me klubin zviceran një marrëveshje afatgjatë, të vlefshme deri në verën e vitit 2029.

Simoni ishte bërë pjesë e Eintracht Frankfurtit në vitin 2023, pas paraqitjeve të spikatura me Dinamon e Tiranës. Me ekipin e parë kryeqytetas ai regjistroi 29 ndeshje, ndërsa gjatë qëndrimit në Gjermani u aktivizua kryesisht me skuadrën e dytë të klubit.

Në kërkim të më shumë minutave në futbollin profesionist, gardiani shqiptar u huazua fillimisht te Ingolstadt 04, në Ligën e Tretë të Gjermanisë, dhe më pas te Kaiserslautern, në Bundesliga 2.

Debutimi i Simonit me Kombëtaren e Shqipërisë erdhi në shtator të vitit të kaluar./Telegrafi/

The post Zyrtarizohet kalimi i Simon Simonit te Luzerni appeared first on Albeu.com.

Simon Simoni do ta vazhdojë karrierën në Superligën e Zvicrës, pasi është bërë zyrtarisht lojtari më i ri i FC Luzernit. Portieri i Kombëtares shqiptare i ka dhënë fund përfundimisht aventurës në Bundesligën gjermane me Eintracht Frankfurtin, duke nisur kështu një etapë të re.

Drejtuesit e klubit zviceran kanë prezantuar 22-vjeçarin, i cili ka nënshkruar një kontratë 3-vjeçare, të vlefshme deri në verën e vitit 2029.

Në sezonin 2022/23, Simoni ishte pjesë e Dinamos, ndërsa gjatë karrierës së tij ka luajtur edhe për FC K’lautern dhe Ingolstadt. Me ekipin e parë të Shqipërisë, portieri është aktivizuar vetëm në 1 ndeshje.

The post Simon Simoni largohet nga Eintracht Frankfurti, prezantohet te Luzerni appeared first on Albeu.com.

Mbrojtësi 24-vjeçar do t’i japë fund qëndrimit te Luzern dhe do të kalojë te Braga. Sipas gazetarit Lorenzo Lepore, marrëveshja mes palëve është mbyllur, ndërsa firma pritet të vijë së shpejti. Gjithashtu, të dielën ai do t’i nënshtrohet edhe vizitave mjekësore.

Bajrami e nisi rrugëtimin e tij futbollistik në Zvicër, te moshat e Young Boys, ndërsa në gusht të vitit 2018 u transferua në akademinë e Benfica-s. Në janar të këtij viti ai u largua nga Benfica drejt Luzern për 900 mijë euro, por eksperienca e tij e dytë në Zvicër duket se do të jetë e shkurtër.

Sa i përket përfaqësueseve, Bajrami ka luajtur për Zvicrën U18, Shqipërinë U19, Shqipërinë U21 dhe Kombëtaren shqiptare A. Më pas ai mori vendimin për t’u larguar përfundimisht te Zvicra, por nga këta të fundit u la jashtë Botërorit 2026.

The post Adrian Bajrami pranë rikthimit në Portugali, mbrojtësi lë Luzernin për Braga appeared first on Albeu.com.

Mesfushori shqiptar ka shprehur gatishmërinë për të ndryshuar skuadër pasi shumë skuadra janë vënë pas tij.

Por deri te transferimi ka ende shumë punë, pasi Luzerni e vlerëson lartë kapitenin e tyre dhe nuk dëshiron ta humbas me pak para.

Calciomercato ka raportuar se pesë është numri i skuadrave italiane që duan transferimin e mesfushorit shqiptar me pasaportë zvicerane.

Napoli, Atalanta, Bologna, Verona dhe Sassuolo janë duke kërkuar shërbimet e tij, me këta të fundit që janë favoriti kryesor për të siguruar shërbimet e Jasharit.

Sassuolo është në bisedime të avancuara me Luzernin për Jasharin, por klubi zviceran kërkon 6,5 milionë euro për ta lënë të lirë atë.

Interesim për talentin shqiptar kanë shprehur edhe skuadra të tjera si Villarreal, Freiburg, Eintracht Frankfurt, Benfica dhe Celtic.

Jashari këtë edicion ka zhvilluar 23 ndeshje zyrtare me Luzernin ku ka shënuar edhe katër gola dhe ka asistuar në dy të tjerë. /Telegrafi/

The post Garë e madhe për Ardon Jasharin, pesë skuadra nga Serie A kërkojnë shqiptarin appeared first on Albeu.com.