Lumtur Archives - Albeu.com

3 gjëra bazike që mund të bëni në shtëpi, të cilat do t’ju bëjnë të ndiheni më mirë

K Agaj — Wed, 20 Sep 2023 12:42:02 +0000

Lumturia është gjendje, emocion dhe diçka që mund ta praktikoni çdo ditë. Ju nuk mund të keni kontroll absolut mbi gjithçka që ndodh në jetën tuaj, por disa aspekte të vogla mund të ndikojnë në mënyrën sesi ndiheni. Keni menduar për tri gjëra të thjeshta që mund të bëni në shtëpi dhe që kanë ndikim direkt në lumturinë tuaj?

Ekziston një lidhje e pamohueshme (shkencore) midis shtëpisë dhe lumturisë suaj. Këto hapa mund të duken të vegjël në formulën e mirëqenies së përgjithshme dhe lumturisë, por fillimi i mbarë është çelësi i gjithçkaje:

Merruni me emailet e padëshiruara

Një mori emailesh të pahapura nuk janë vetëm dhimbje për sytë, por edhe shkak për rrëmujë. Mënyra më e mirë për t’i trajtuar ato dhe për t’u ndjerë më të lumtur? Fshijini dhe vendosni emailet e tjera të rëndësishme në një vend të dedikuar. E njëjta gjë vlen edhe për kutinë tuaj të postës elektronike! Mbajeni të pastër dhe mos harroni që ta pastroni atë nga emailet e pahapura apo të padëshiruara.

Rregulloni shtratin çdo ditë

Si mund t’ju bëjë më të lumtur rregullimi i shtratit apo çarçafëve? Nuk është thelbi tek akti fizik, sesa tek qëllimi për të vendosur rregull dhe ekuilibër. Vetëm disa sekonda çdo mëngjes për të rregulluar gjërat dhe ju e vendosni trurin në një rrugë pozitive. Ka edhe plot përfitime të tjera: jeni më produktivë, ulni stresin dhe flini më rehat!

Organizoni këndin e ilaçeve dhe ndihmës së shpejtë

Vetëm për shkak se nuk shihet me sy të lirë, kjo nuk do të thotë që duhet ta injoroni atë! Kjo është një tjetër zonë e shtëpisë që mund të ndihmojë në lumturinë tuaj, por vetëm pasi të keni investuar pak kohë për ta organizuar atë. Nëse nuk keni një dollap ilaçesh, e njëjta ide vlen edhe për sirtarët apo raftet e tualetit.

The post 3 gjëra bazike që mund të bëni në shtëpi, të cilat do t’ju bëjnë të ndiheni më mirë appeared first on Albeu.com.

Ky renditet si vendi më i lumtur në botë për të katërtin vit radhazi. Po më i palumturi cili është?

A M — Thu, 25 Mar 2021 15:09:14 +0000

Finlanda është emëruar vendi më i lumtur në botë për vitin e katërt, në një raport vjetor të sponsorizuar nga Kombet e Bashkuara.

Raporti Botëror i Lumturisë renditi Danimarkën në vendin e dytë, pastaj Zvicrën, Islandën dhe Hollandën. Zelanda e Re ishte përsëri i vetmi vend jo-evropian në top 10. Mbretëria e Bashkuar ra nga vendi i 13-të në vendin e 17-të.

Të dhënat nga studiuesi i analizave Gallup u kërkuan njerëzve në 149 vende të vlerësonin lumturinë e tyre. Vlerësimi përfshinte mbështetjen sociale, lirinë personale, produktin e brendshëm bruto (PBB), edhe nivelet e korrupsionit u faktorizuan gjithashtu.

Vendi që konsiderohej si më i palumturi në botë ishte Afganistani, i ndjekur nga Lesoto, Botsvana, Ruanda dhe Zimbabve.

Kishte një “frekuencë dukshëm më të lartë të emocioneve negative” në pak më shumë se një të tretën e vendeve, thanë autorët e raportit, duke treguar me gjasë efektet e pandemisë. Sidoqoftë, gjërat ishin më mirë për 22 vende. Disa vende aziatike dolën më mirë se në renditjen e vitit të kaluar, ndërsa Kina u zhvendos në vendin e 84-të nga e 94-ta që ishte vjet.

“Çuditërisht nuk kishte, mesatarisht, një rënie të mirëqenies kur matet nga vlerësimi i vetë njerëzve për jetën e tyre,” tha John Helliwell, një nga autorët e raportit, në një deklaratë. “Një shpjegim i mundshëm është se njerëzit e shohin Covid-19 si një kërcënim të zakonshëm, nga jashtë, që prek të gjithë dhe se kjo ka gjeneruar një ndjenjë më të madhe solidariteti dhe bashkë-ndjenje.”

“Finlanda renditet shumë lart në masat e besimit të ndërsjellë që kanë ndihmuar në mbrojtjen e jetës dhe jetesës gjatë pandemisë”, thanë autorët.

Vendi nordik me 5.5 milionë njerëz ia ka dalë shumë më mirë sesa shumica e Evropës gjatë pandemisë, me pak më shumë se 70,000 raste dhe 805 vdekje, sipas Universitetit Johns Hopkins.

Zelanda e Re ra me një vend dhe ishte i vetmi vend jo-evropian në 10 më të lumturit.

Sipas raportit, dhjetë vendet më të lumtura në botë janë:

1. Finlanda

2. Danimarka

3. Zvicra

4. Islanda

5. Holanda

6. Norvegjia

7. Suedia

8. Luksemburgu

9. Zelanda e Re

10. Austria

The post Ky renditet si vendi më i lumtur në botë për të katërtin vit radhazi. Po më i palumturi cili është? appeared first on Albeu.com.

Çfarë kanë të përbashkët personat që janë të lumtur?

admin — Fri, 19 Mar 2021 18:28:51 +0000

Studimet për rolin e lumturisë në mirëqenien e njeriut kanë marrë një hov të madh vitet e fundit.

Ekspertët janë veçanërisht të interesuar për sjelljet, qasjet dhe zgjedhjet që nxisin lumturinë tek njerëzit, shkruan “AgroWeb”.

Deri më tani, ata kanë zbuluar se njeriu mund të ketë nën kontroll të paktën 40% të lumturisë së tij, transmeton lajmi.net.

Pjesa tjetër kontrollohet nga genet dhe faktorët e jashtëm.

Marrëdhëniet Shoqërore

Marrëdhëniet me njerëzit e tjerë janë thelbësore për lumturinë e individit.

Një studim specifik që u shtri në një periudhë kohore prej 70 vitesh zbuloi se njerëzit më të lumtur e më të shëndetshëm janë ata që kanë kultivuar marrëdhënie të forta e të shëndosha me njerëz tek të cilët kanë besim dhe gjejnë mbështetje.

Koha Është Flori

Studimet tregojnë se njerëzit e lumtur janë më të interesuar të kenë kohë se para.

Kjo qasje ndaj jetës se koha është flori, i bën njerëzit më të lumtur.

Paraja

Paraja është e rëndësishme për mirëqenien dhe lumturinë.

Megjithatë, studimet tregojnë se sa më të larta të jenë të ardhurat vjetore, aq më e madhe do të jetë lumturia.

Ndërgjegjësimi

Njerëzit që nuk e lënë rutinën dhe ditën t’i vëjë përpara janë më të ndërgjegjshëm për ambientin që i rrethon dhe bukuritë e tij.

Mjafton një gjest i vogël si nuhatja e një trëndafili që t’ju japë energji dhe kënaqësi.

Mos i angazhoni gjërat dhe gjestet e vogla, thonë ekspertët.

Mirësia

Një veprim i mirë ka ndikim mjaft pozitiv tek humori.

Vullnetarizmi, mirësia, bujaria, dashamirësia janë të gjitha tipare të njerëzve të lumtur.

Aktiviteti Fizik

Aktiviteti fizik është i rëndësishëm jo vetëm për djegien e kalorive.

Studimet tregojnë se aktiviteti fizik është i lidhur ngushtë me lumturinë, sepse pikë së pari, lufton stresin dhe largon barrën e mendimeve të këqija.

Më Shumë Eksperienca

Njerëzit kanë tendencën të jenë më të lumtur nëse shpenzojnë para për eksperienca dhe jo për gjëra materiale.

Studiuesit thonë se blerjet që ju mundësojnë eksperienca të reja do ju bëjnë më të lumtur.

Jeto Çastin

Njerëzit e lumtur kanë tendencën të jenë të vetëdijshëm për çdo moment të ditës që kalojnë.

Ata meditojnë dhe vlerësojnë çdo moment, gjë që i bën të lumtur por edhe të shëndetshëm.

Kape çastin dhe jetoje.

The post Çfarë kanë të përbashkët personat që janë të lumtur? appeared first on Albeu.com.