Sipas mediave, 164 delegatë ishin kundër dorëheqjes dhe 136 pro dorëheqjes së Abdixhikut. Në një deklaratë për mediat, Abdixhiku e cilësoi qëndrimin e tij në krye të partisë si privilegj dhe përgjegjësi.

“Me votim të mbyllur u dha verdikti i anëtarësisë së LDK-së për të cilin jam falënderues, por po ashtu jam edhe mirënjohës i mbështetjes së vazhdueshme, por edhe kundërshtimeve në këtë proces përpara”, tha ai.

Pas dështimit në zgjedhjet e parakohshme të 28 dhjetorit, ku LDK siguroi vetëm 15 vende në Kuvend, Abdixhiku njoftoi se do ta ofrojë dorëheqjen në Kuvend dhe se më pas kuvendarët do të vendosnin nëse do ta pranojnë apo jo.

Abdixhiku është kryetar i LDK-së që nga 14 marsi i vitit 2021. Më 19 nëntor 2023, ai u rizgjodh si kryetar i partisë. Abdixhiku është pjesë e LDK-së që nga viti 2017.

The post Lumir Abdixhiku mbetet në krye të LDK-së, Kuvendi i partisë votoi kundër dorëheqjes së tij appeared first on Albeu.com.

Lidhja Demokratike të Kosovës ka pranuar humbjen në zgjedhjet e 28 dhjetorit, pasi rezultatet zgjedhore ishin dukshëm më të dobëta sesa pritjet e tyre.

“Trajtuam të gjitha çështjet politike dhe të ardhmen që na pret në vijim. Siç ju kam njoftuar edhe sonte, ju njoftoj se në konsultim kemi vendosur që të thërrasim kryesinë e LDK-së dhe pastaj Kuvendin e LDK-së, e kam obligim moral e politike që të marr përgjegjësinë dhe ta shtroj tutje organizimin politik të LDK-së, nëpërmjet ofrimit te Kuvendi i LDK-së dorëheqjen”, tha Abdixhiku.

Kosova zhvilloi më 28 Dhjetor zgjedhjet e dyta parlamentare, vetëm 9 muaj pas procesit të parë zgjedhor, të përsëritura si pasojë e dështimit të Lëvizjes Vetëvendosje për të formuar qeverinë dhe krizës institucionale që e çoi vendin drejt kolapsit politik.

Sipas të dhënave, Lëvizja Vetëvendosje kryesoi bindshëm me më shumë se 49.30% të votave; në vend të dytë u rendit Partia Demokratike e Kosovës (PDK) nën drejtimin e Bedri Hamzës, ndërsa e treta Lidhja Demokratike e Kosovës (LDK), e drejtuar nga Lumir Abdixhiku.

The post Mori rezultat të dobët në zgjedhjet e fundit, Lumir Abdixhiku ofron dorëheqjen në Kuvendin e LDK appeared first on Albeu.com.

Kandidati i LDK-së për kryeministër, Lumir Abdixhiku, gjatë tubimit me banorët e Obiliqit, u shpreh i bindur për fitore dhe premtoi rritje pagash dhe mirëqenie për të gjithë, që në javën e parë të qeverisjes së tij.

“Mësuesit, mjekët, policët, secili i punësuar në sektorin publik do të marrë nga 200 euro më shumë në pagën e tij,” tha Abdixhiku.

Ai premtoi gjithashtu mbështetje qeveritare për ngrohje qendrore, me prioritet për qytetarët e Obiliqit.

“120 milionë euro për rivitalizimin e Kosovës B, këtë mbështetje e garantoj unë, para juve, para popullit dhe para Zotit,” shtoi Abdixhiku.

I pari i LDK-së premtoi edhe rritje pensionesh, barna falas, mbështetje për studentët dhe arsim cilësor.

The post Lidhja Demokratike e Kosovës premton rritje pagash dhe investime në Obiliq appeared first on Albeu.com.

Në një postim në Facebook pas takimit, Abdixhiku u shpreh i entuziazmuar për pritjen që i bëri Suhareka.

“Suharekë, çka ke ba’ kështu?! Mbështetje e jashtëzakonshme në Suharekë, në mesin e valës së pandalshme të mbështetjejes qytetare për LDK-në dhe për vizionin tonë për të ardhmen. Ardian, dhe ekipi, ju lumtë!” – tha ai.

Ai theksoi se Suhareka ka potencial të madh për zhvillim dhe investime dhe se, përmes programit “Rruga e Re”, ky qytet do të përfitojë nga projektet e LDK-së.

“Suhareka ka potencial të madh për rritje dhe investime. Me vizionin tonë, dhe me programin ‘Rruga e Re’, ky qytet dhe e tërë Kosova do të përfitojnë nga projektet dhe politikat tona zhvillimore që sjellin më shumë vende pune, paga më të mira, infrastrukturë moderne dhe mundësi për çdo qytetar.” – shtoi ai.

Në fund, Abdixhiku tha se “9 shkurti është dita jonë – dita e fitores së madhe!”

The post Abdixhiku: Mbështetje e jashtëzakonshme në Suharekë, s’është rastësi – është frymë e një lëvizjeje që po përfshin gjithë vendin appeared first on Albeu.com.

Ai tutje foli edhe për fëmijët e tretë, për të cilin programi i tij ‘’Rruga e Re’’, parashesh 5000 euro.

‘’Sepse, aty ku ata kanë ofruar radhë të gjata për blerjen e librave, ne kemi mësim gjithë ditor për fëmijët kosovarë, shpresën e ardhme të këtij vendi. Shujta të ngrohta, 8 orë në shkollë, fëmijë të dijshëm e të shëndoshë! Aty ku ata kanë ofruar meremetime klinikash e lyerje sallash, ne kemi ndërtimin e Spitalit të Ri në Kosovë. Kushte moderne nga shekulli i ri, përkujdesje me sigurime shëndetësore e me digjitalizim’’, ka thënë Abdixhiku.

The post Abdixhiku nga tubimi i madh në Suharekë: Çdo të porsalinduri do t’ia mbulojmë shpenzimet për një vit appeared first on Albeu.com.

Në ora 16:30, takim me banorët e Rogovës të Hasit

Në ora 18:00, do të mbajë tubim elektoral në Suharekë

Ndërkaq në ora 19:30, do të ketë takim me banorët e Piranës

Pastaj në 20:30, do të mbajë akim me banorët e Ortakollit

Ndërsa në orën 11:00, mbahet konferenca e rregullt e Lidhjes Demokratike të Kosovës, në Selinë Qendrore të LDK-së.

The post Abdixhiku sot shkon në Rogovë të Hasit, Suharekë dhe Prizren appeared first on Albeu.com.

“1.5 miliardë euro investime, do të investojmë këtu, në fshatin olimpik, pallatin olimpik, fakultetin sportiv. Merreni me mend se si do të duket Prishtina me gjithë këto investime”, ka thënë Abdixhiku.

Abdixhiku ka premtuar edhe unazën e qytetit, spitalin e kryeqytetit dhe parkun teknologjik, për të cilin tha se kap vlerën e 45 milionë eurove.

“Bashkë me Përparimin do ta bëjmë unazën e qytetit, do ta ndërtojmë spitalin e kryeqytetit, me kushte, dhe Parkun më të madh teknologjik, 45 milionë euro, 35 mijë të punësuar, për ta bërë këtë vend një vend të zhvillimit ekonomik”, ka shtuar ai.

Qytetarëve të Kodrës së Trimave, Abdixhiku u tha se lista e kandidatëve për deputet nga Prishtina të Lidhjes Demokratike të Kosovës është lista që do t’i përfaqësojë denjësisht qytetarët e kryeqytetit.

The post Abdixhiku premton investime të mëdha dhe zhvillim për Prishtinën appeared first on Albeu.com.

Abdixhiku premtoi 5 miliardë euro investime dhe rritje pagash për shërbyesit civilë me koeficient prej 150 që në javën e parë.

Ndërsa për qytetarët e Prizrenit, Abdixhiku ofroi mbështetje të plotë nga qeverisja qendrore, ndër të tjera duke premtuar ndërtimin e çerdheve dhe investime të tjera.

Kandidati për deputet, Driton Selmanaj, tha se është koha e ndryshimit të madh dhe se LDK-ja është gati t’i japë zhvillim Kosovës.

Në këtë tubim, Abdixhiku prezantoi kandidatët për deputetë nga kjo komunë.

The post Abdixhiku nga Prizreni: 5 Miliardë euro investime appeared first on Albeu.com.

“Shujta të ngrohta, fëmijë të shëndoshë, mësim gjithë-ditor, spitalin e ri, kushte moderne e me digjitalizim..”, tha Lumir Abdixhiku, kandidat për kryeministër i LDK-së.

Abdixhiku, në Fushë Kosovë, premtoi edhe rritje të pagave dhe mundësi shkollimi për të rinjtë.

“Koeficienti 150, që në javën e parë të qeverisë së re, për shërbyesit civilë, është zotimi ynë i parë, është vendimi ynë i parë! Një javë, 150”, tha Abdixhiku.

Kandidati për kryeministër i LDK-së, premtoi program kombëtar për trajnim në fushën e teknologjisë, punë e paga.

“Është koha ta marrim përgjegjësinë që na takon, të guxojmë dhe ta sjellim ndryshimin që qytetarët meritojnë. Është koha të veprojmë për të rinjtë që nuk duan të largohen nga atdheu, për bizneset që kërkojnë mundësi ta zhvillojnë vendin, dhe për çdo familje që meriton jetë më të mirë!”, ka thënë Abdixhiku.

Në këtë tubim u prezantuan edhe dy kandidatët e LDK-së për deputet nga Fushë Kosova.

Fushatën elektorale LDK e ka vazhduar në Mazgit të Obiliqit. Abdixhiku para përkrahësve tha se ka mision historik për Kosovën, derisa u premtoi ngrohtore të qytetit, gjelbërim dhe investime në termocentralin “Kosova B”

“Pas 9 shkurtit do të keni ngrohjen qendrore edhe ju Obiliq kam folur për programin me gaz, mbi 120 milion euro do të investohen për Kosovën B. për ta bërë këtë impiante modern më shumë vende të punës e më shumë pastërti. Afër tokës tuaj do të ndërtohet kompleksi më i rëndësishëm sportiv me 120 mijë euro për stadiumin e ri kombëtar, per palestrën e re të sporteve për pishinat olimpike e për qendrën e madhe komerciale, tha Abdixhiku.

Kryetari i Obiliqit, Xhafer Gashi, derisa kërkoi votën për LDK-në, Abdixhikun e quajti vizionar të së ardhmes.

“Me një program qeverisës, besoj fuqishëm se nga 10 shkurti qeverisë do t’i prijë Lumir Abdixhiku….Obilqi do të behët me ngrohje qendrore e ambiente të gjelbra”, tha Gashi.

Rritje të pagave, investime në arsim e shëndetësi premtoi Abdixhiku nga Mazgiti. Aty prezantoi edhe dy kandidatët për deputetë nga Komuna e Obiliqit.

The post Abdixhiku: Koeficienti 150, që në javën e parë të qeverisë së re appeared first on Albeu.com.

Ai e ka quajtur interes nacional investimin në këtë zonë turistike.

“Teleferik të rinj, gondola, shtigje të reja për skijim ditën e natën, qendra hotelierike e komerciale me brende botërore, mirëmbajtje moderne – këto janë qëllimet tona! Brezovica do të ketë vëmendjen time personale si kryeministër, që punët të nisin e përfundojnë në kohë rekord”, ka thënë Abdixhiku.

The post Abdixhiku: Brezovica do të ketë vëmendjen time si kryeministër appeared first on Albeu.com.