Një masë e bardhë shkumore dhe e pazakontë ka mbuluar zonën ku lumi Lepenc bashkohet me Vardarin në Shkup, duke krijuar një pamje shqetësuese.

I shoqëruar nga ekipet inspektuese, Orce Gjorgjievski, kryetari i Shkupit, ka dalë në vendngjarje dhe ka nënvizuar se pavarësisht se ndërhyrja i takon Ministrisë së Mjedisit Jetësor, autoritetet komunale kanë marrë tashmë kampionë për të identifikuar burimin e ndotjes.

Sipas tij, incidente të ngjashme me sjellje të pandërgjegjshme janë regjistruar dhe në të kaluarën, por këtë herë situata do të pasohet me masa të prekshme.

Gjatë rrjedhës së Lepencit, i cili buron nga territori i Kosovës, ushtrojnë aktivitetin disa ndërmarrje të cilat mund të jenë përgjegjëse për këtë fenomen.

The post Shkumë e bardhë mbulon grykëderdhjen e Lepencit në Vardar, Gjorgjievski premton masa konkrete ndaj ndotësve appeared first on Albeu.com.

Sipas burimeve nga policia, bëhet me dije se ka gjasa që trupi i pajetë të jetë kufoma e djalit 22 vjeçar nga Kumanova, megjithëse asgjë nuk është e konfirmuar plotësisht.

“Kufoma e gjetur është e gjinisë mashkull. Pritet që me urdhër të Prokurorit trupi të nxirret nga uji dhe pas identifikimit bashkë me familjarët, Prokurori të vendosë nëse do të kryhet autopsi apo jo”, tha për TV21 zëdhënësi i SPB-Tetovë Fatmir Rexhepi.

Kujtojmë se para 5 ditësh një 22-vjeçar nga Kumanova ra me makinë të tipit “Golf4” në lumin Vardar, në zonën e Zhelinës në Tetovë.

Kur makina u nxor nga uji, nuk u gjet askush në të. Pas kësaj vijuan kërkimet në të cilat përveç organeve kompetente u angazhuan edhe familjarë dhe banorë të zonës./albeu.com/

The post Gjendet një trup i pajetë në Vardar, dyshohet të jetë i 22-vjeçarit nga Kumanova appeared first on Albeu.com.