VIDEO/ Aksident i rëndë në Librazhd, 35-vjeçari humb kontrollin e makinës te “Ura e Murrashit” dhe përfundon në lumin Shkumbin

Xh — Tue, 10 Jan 2023 11:54:11 +0000

Një aksident i rëndë është regjistruar mesditën e 10 janarit në Librazhd.

Një makinë me targa greke ka përfunduar në rrjedhën e lumit Shkumbin.

Albeu.com mëson se ngjarja ka ndodhur në vendin e quajtur “Ura e Murrashit.”

Shoferi ka qenë duke udhëtuar me shpejtësi në momentin kur ka dalë nga rruga.

Burime nga vendngjarja bënë me dije se drejtuesi i automjetit, një 35-vjeçar, u nxor menjëherë nga rrjedha e lumit.

35-vjeçari ka deklaruar se po udhëtonte i vetëm kur u përfshi në aksident, ndërsa është transportuar me urgjencë për në spital./Albeu.com.

Gjendet i mbytur 69-vjeçari në lumin Shkumbin, detajet e para

admin — Mon, 26 Sep 2022 17:00:50 +0000

Një 69-vjeçar është gjetur i mbytur në lumin Shkumbin mbrëmjen e sotme.

Sipas burimeve, bëhet me dije se 69-vjeçari i identifikuar me iniciale T.T. u gjet nga polumbarët e RENEA-s në afërsi të fshatit Mjekës.

Sipas policisë, ky shtetas ishte larguar nga banesa e tij një ditë më parë.

Njoftimi i policisë:

Në lumin Shkumbin, në fshatin Mjekës, Elbasan nga polumbarët e Renea-s, është gjetur i mbytur shtetasi T.T., 69 vjeç, banues në Elbasan.

Ky shtetas ishte larguar nga banesa e tij më datë 25.09.2022.

Grupi hetimor po punon për dokumentimin e plotë të rrethanave të ngjarjes./albeu.com/