Por kur një gjë e tillë nuk ndodhi, atëherë kanë qënë vetë murgeshat që i kanë shkuar nga pas kësaj historie me qëllim ndihmesën e gruas O.G që kishte lindur.

Fillimisht, murgeshat janë interesuar në maternitet. Por kur mësuan se gruaja kishte marë foshnjën dhe larguar, atëherë i janë vënë nga pas asaj, me qëllim kontaktimin dhe ofrimin e ndihmës.

Sipas dosjes hetimore murgeshat kanë deklaruar në polici se: “…jemi njoftuar fillimisht nga ana e repartit obsetri gjinekologji se një nënë që kishte lindur fëmijën e saj në 30 dhjetor 2022, ishte shprehur se nuk dëshironte të mbante fëmijën dhe dëshironte që ta dorëzonte në befotrof. Në këto kushte ne ishin pregatitur, që kur nëna dhe bebi të ishin gati, të akomodonin beben…”.

Më tej murgeshat kanë deklaruar se: “…në 4 janar 2023, jemi vënë në dijeni të faktit, që nëna që kishte lindur femijën, ishte larguar nga materniteti së bashku me fëmijën e saj. Ne kemi kërkuar të vihemi në kontakt me nënën, me të cilën kemi mundur të kontaktojmë pas dy ditësh, në 6 janar 2023. Kjo pasi nëna kishte dhënë adresë të rreme në spitalin Rjonal Shkodër…”.

Teksa kanë biseduar me O.G, kjo e fundit i ka komunikuar murgeshave se nuk kishte lindur asnjë fëmijë dhe s’kërkonte asnjë ndihmë prej tyre. Të habitura për këtë bisedë, murgeshat kanë kërkuar ndihmën e psikologes së spitalit Shkodër, e cila pasi ka zhvilluar një bisedë me kamer në telefon, O.G, ka pranuar faktin që kishte lindur një fëmijë.

Pas insistimit të murgeshave se ku ndodhej fëmija, O.G, u është shprehur se ajo e kishte hedhur fëmijën e saj në lumin Kir. Murgeshat janë vënë menjëherë në lëvizje, duke kërkuar beben përgjatë bregut të Lumit Kir, aty ku vetë O.G, i kishte çuar.

“Ora News” mëson se në kërkime për beben janë përfshirë edhe banorët e fshatit Myselim që kanë mësuar këtë fakt kaq të rëndë.

Meqënëse ishte errësirë murgeshat të shqetësuara dhe pak mosbesuese ndaj deklarimeve të O.G, i janë drejtuar Komisariatit të Policisë për të kërkuar ndihmë në gjetjen e bebes. Policia ka kontaktuar me O. G, e cila në intervistimin e saj fillestar pohoi faktin që kishte lindur një fëmijë të seksit mashkull, dhe kishte tërhequr çekun për shpërblimin financuar, por ende nuk kishte marë pagesën.

“…pasi kam dalë nga spitali me foshnjën në duar, kam marrë një taksi dhe jam nisur në drejtim të fshatit Bardhaj. Më pas kam vazhduar rrugën drejt fshatit Myselim në këmbë, me bebin në dorë dhe dy qese plasmasi me vete. Kam ecur për rreth 1.5 km rrugës të asfaltit. Në këtë vend në një rrugicë që shkon drejt bregut të lumit KIR, jam futur dhe jam afruar tek Lumi KIR. Kam futur në një qese fëmijën që e kisha quajtur Egzon, të cilin e kam mbështjellë me një batanije bojëqielli, dhe e futa në Lumin KIR, duke e lënë aty…”-ka treguar në polici O.G.

Policia ka shkuar sërisht në vendin e treguar prej O.G, dhe tashmë jo në drejtimin ku kishte treguar një natë më parë, por në drejtim të kundërt, në një distancë rreth 6 m larg bregut u konstatuan, dy canta plasmasi, njëra me ngjyrë bojë qielli dhe tjetra ngjyrë të bardhë të cilat ishin gjysëm të zhytura dhe ndodheshin pranë njëra-tjetrës.

Pasi qeset u nxorrën në bregun e lumit KIR, u hap fillimisht qesja ngjyrë qielli, e cila ishte e lidhur në grykën e saj me një tel plastik. U konstatua se brenda qeses ndodhej një batanije ngjyrë qielli që mbëshitllte diçka, që pas hapjes u konstatua se ishte një foshnjë e pajetë./Oranews/

The post Krimi makabër në Shkodër, zbardhet dinamika, si i gënjeu murgeshat nëna që mbyti foshnjën e saj në lumin Kir appeared first on Albeu.com.

Drejtori i Maternitetit të Shkodrës Senad Halluni ka folur për ngjarjen tronditëse dhe ka treguar se e reja ka refuzuar regjistrimin e atësisë së foshnjës, ndërsa ka shtuar se fillimisht ka kërkuar dorëzimin e tij në shtëpinë e foshnjës, por se më pas ka ndërruar mendje.

“32-vjeçarja ka ardhur për lindje me 30 dhjetor. Ka qenë lindja e parë. Janë kryer të gjitha proçedurat.

Zonja ka refuzuar regjistrimin e atësisë së fëmijës. Ka pasur lindje normale me 30. Zonja ka kërkuar dorëzimin në shtëpinë e foshnjës.

Kemi njoftuar drejtorinë e shtëpisë së foshnjës për proçedurat. Zonja ka punuar në një ndërmarrje këpucësh.

Me datë 4 kemi kryer proçedurat për tu transferuar në shtëpinë e foshnjës, ajo ka refuzuar më pas. Ka nënshkruar që merr përsipër marrjen e foshnjës.

Ajo nuk ka shfaqur probleme të shëndetit mendor. 32-vjeçarja rezulton se është e vetme dhe banon në Golem”, ka treguar ai. /albeu.com

The post Nëna hodhi fëmijën në lumë, flet drejtori i Maternitetit të Shkodrës: Donte ta dorëzonte në shtëpinë e foshnjës appeared first on Albeu.com.

Djali kishte ardhur në jetë me 30 Dhjetor dhe ajo e ka regjistruar në maternitetin e Shkodrës pa atësi. Nga të dhënat paraprake, Orjana Gremi nuk rezulton me probleme të shëndetit mendor.

Mjeku Sajmir Selmanaj ka treguar se 32 vjeçarja është dërguar nga kolegët e punës në spital dhe se kanë qenë ata që e kanë bindur që të mos e lindte fëmijën në jetimore.

“Me datë 30 dhjetor 2022 është sjellë nga kolegët e punës në urgjencën e spitalit rajonal të Shkodrës ku nuk ka treguar se cili është shqetësimi i saj deri në momentin e shpërthimit të ujërave. Është sjellë në repartin e Gjinekologjisë dhe ka qenë e vetme. Që në momentin e parë, kemi pasur frikë se do ta linte fëmijën në maternitet.

Kemi njoftuar policinë dhe psikologun dhe gjatë gjithë kohës është asistuar nga psikologu. Lindja e saj ka qenë me datë 30 rreth orës 11. Lindja e saj ka qenë normale dhe pa asnjë problem shëndetësor.  Kanë ardhur kolegët e punës ku ajo ka punuar në një fabrikë këpucësh, të cilët i kanë sjellë dhurata dhe lekë dhe e kanë bindur që të mos e linte fëmijën në jetimore por ta mbante.

Me datë 4 ajo ka bërë daljen nga spital ku pasi ka kryer të gjitha procedurat ka marrë dhe çekun e bonusit të fëmijës të firmosur.  Është larguar me taksi nga spitali dhe nga ai moment nuk dimë gjë më tepër. Dimë se nuk ka dashur të tregonte emrin e babait të fëmijës. Ndërsa sa i përket gjendjes shëndetësore të saj dhe të foshnjës gjatë gjithë kohës ka qenë e mirë“, ka thënë mjeku.

The post E reja hodhi foshnjën në lumë, flet mjeku në Shkodër: Kishim frikë se do e linte në maternitet appeared first on Albeu.com.