Lumi i mori shtëpinë dhe bashkia e strehoi në një kontenier të vogël metalik, ku Agustin Pjetri jeton sot i vetëm dhe i sëmurë, në pritje të një dëmshpërblimi që nuk vjen kurrë.

Agustin Pjetri kujton ditën kur lumi Fan i mori gjithçka.“Në vitin 2017 shtëpinë time e mori lumi Fan. Që prej asaj kohe bashkia më solli një kontenier për të jetuar. Kam shkuar në Njësinë Administrative Orosh dhe më dhanë një dokument që konfirmon se banesa ime është në rrezik. Kam shkuar në bashki dhe më thonë se dosja është në Tiranë. Para dy vitesh ndërtova një dhomë të vogël me lekë borxh, sepse s’mund të rrija më në kontenier. Jam i divorcuar dhe vuaj nga epilepsia,” rrëfen ai për Fiks Fare.

Pjetri tregon se çdo derë që ka trokitur i është mbyllur me justifikime burokratike. “Askush nuk merr përgjegjësi. Të gjithë më thonë ‘prit, se do vijë një përgjigje nga lart’. Por kanë kaluar 8 vite dhe unë ende s’kam asnjë letër që më njeh si dëmtuar nga përmbytja.”

Fiks Fare pyeti administratorin e Njësisë Administrative Orosh, Gjin Prenga, i cili pranoi se e njeh situatën, por tha se dokumentet janë dërguar më herët nga vetë qytetari.

“E njoh rastin e Agustinit. Shtëpinë ia ka dëmtuar lumi, por ai s’ka ardhur tek unë. Mesa di, para katër vitesh ka qenë tek administratori i mëparshëm dhe dokumentet i ka çuar vetë në bashki. Kjo problematikë, sipas meje, lidhet edhe me ndërtimin e rrugës së re, ndaj mendoj se duhet parë edhe përgjegjësia e ARRSH-së,” tha Prenga.

Megjithatë, ai pranon se në këto vite nuk është marrë asnjë masë konkrete për të ndihmuar Pjetrin apo banorët e tjerë që kanë humbur banesat nga përmbytjet dhe rrëshqitjet e tokës. Kryetari i Bashkisë Mirditë, Albert Melyshi, në një prononcim për Fiks Fare, deklaroi se nuk është vetëm Agustin Pjetri që pret dëmshpërblim, por edhe 22 familje të tjera në zona të ndryshme të bashkisë.

“Është një situatë që prek 23 familje. Rasti i Agustinit është nga vërshimi i lumit Fan, ndërsa në raste të tjera kemi rrëshqitje të tokës nga erozioni. Ligji kërkon që familjet të kenë certifikatë pronësie për truallin ku do ndërtohet shtëpia e re, për të marrë fondin e rindërtimit. Ne kemi bërë disa herë shkresa Ministrisë së Mbrojtjes për të gjetur një zgjidhje alternative, sidomos për ata që nuk kanë dokumente pronësie, por nuk kemi marrë ende përgjigje,” – u shpreh kryebashkiaku.

Melyshi shtoi se mungesa e pronësisë ligjore është arsyeja kryesore që këto familje mbeten pa përfitim, edhe pse dëmet janë verifikuar prej vitesh.

Pas 8 vitesh, asnjë dëmshpërblim, asnjë banesë e re. Vetëm premtime të përsëritura dhe dosje që mbeten pezull.

/Emisioni “Fiks Fare”

The post Lumi Fan i mori shtëpinë, prej 8 vitesh jeton në kontenier, ende pa dëmshpërblim appeared first on Albeu.com.

Bëhet me dije se janë sekuestruar dy mjete të rënda, një fadromë dhe një kamion.

“Shërbimet e Komisariatit të Policisë Mirditë, në kuadër të kontrolleve për parandalimin dhe goditjen e krimeve mjedisore, konstatuan në shtratin e lumit Fan, 2 shtetas që po ushtronin aktivitet të paligjshëm për nxjerrjen e materialeve inerte, pa lejet dhe autorizimet përkatëse.

Në vijim të veprimeve u proceduan penalisht D. M., 75 vjeç, banues në Tiranë dhe F. P., 68 vjeç, banues në Rubik. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme”, bëri me dije policia vendore.

The post Gërryen shtatin e lumit Fan për nxjerrjen e inerteve në mënyrë të paligjshme, dy persona procedohen penalisht appeared first on Albeu.com.

Kërkimet nga grupi i shpëtimit te reparti RENEA vazhdojnë, të cilët po ndihmohen dhe nga banorët e zonës, por pa rezultat.

Familja e të miturit ka hapur dyer e mortit, ndërsa gjendja e tyre psikologjike është shumë e rënduar. Një i afërm i familjes ka vërë apel për ndërhyrje me mjete të specializuara, duke kërkuar ndihmë dhe nga vendet e rajonit.

Banorët e zonës apelojnë për shtim të forcave, sikundër dhe përfaqësues dhe drejtues vendorë të dalin në terren dhe të organizojnë punën për kërkimin e 10-vjeçarit./albeu.com

The post Vazhdojnë kërkimet për trupin e 10-vjeçarit në lumin Fan, familja hap dyert e mortit, apeli që kanë appeared first on Albeu.com.

Kërkimet kanë hyrë në ditën e katërt, me polumbarët e RENEA-s, policinë dhe banorët e zonës të angazhuar.

Kujtojmë që të miturin e mori rrjedha e lumit pasditen e të martës, teksa ishte duke luajtur me top.

Deri më tani nuk ka asnjë shenjë, përvec xhupit dhe topit që u gjetën në ditën e dytë të kërkimeve. /albeu.com

The post Dita e katërt, rinisin kërkimet për gjetjen e 10-vjeçarit të mbytur në lumin Fan (VIDEO) appeared first on Albeu.com.

Polumbarët, policia, zjarrfikëset, familjarët dhe banorët e zonës kanë nisur që në mëngjes kërkimin e fëmijës, por pa rezultat.

Vetëm disa kilometra larg vendit ku fëmija ka humbur gjurmët, është gjetur topi, ndërsa në një tjetër kënd te bregut te lumit është gjetur bluza e 10 vjeçari.

Sebastiano Laska ra në lumë teksa tentoi të merrte topin pasditen e së martës.

Ndërkohë në familje ka pllakosur dhimbja për humbjen e tij./albeu.com

The post I mbytur prej më shumë se 24 orësh, ende asnjë gjurmë nga 10-vjeçari, gjendet vetë bluza e tij appeared first on Albeu.com.