Masakra e vërtetë ka ndodhur në zonën e Librazhdit, ku 5 kompani janë licencuar për të marrë inerte mbi lumin Shkumbin, të cilat do t’i përdorin për të ndërtuar korridorin e 8-të që kalon në këtë zonë.

“Në Shkumbin kemi parë rastin më të keq se si shfrytëzohen inertet e një lumi dhe se si sakrifikohet një lum për hir të ndërtimit të një rruge. Patjetër ne nuk jemi kundër zhvillimit, nuk jemi kundër infrastrukturës. Të gjithë ne duam të lëvizim në rrugë të mira, jetojmë mirë si qytetarë të Shqipërisë dhe duam që vendi ynë të jetë me standarde ndërkombëtare”, u shpreh Besja Guri nga Qendra “Lumi”.

Pamjet në terren dëshmojnë se ndërhyrja në shtratin e lumit Shkumbin ka qenë arbitrare. Në disa vende ka pasur marrje masive të inerteve, në disa zona të tjera janë depozituar buzë lumit dherat e dala nga gërmimet dhe në zona të tjera është devijuar shtrati i lumit.

“Rasti i Shkumbinit është një nga rastet më flagrante se si keqpërdoret shtrati i lumit për hir të zhvillimit apo për hir të infrastrukturës. Mënyra se si merren inertet, mënyra se si është devijuar shtrati i lumit për të marrë inertet dhe më pas depozitimet që bëhen, pra që janë dherat, mbetjet nga ndërtimi në anë të lumit kanë formuar male, male të tëra duke ndryshuar komplet rrjedhën e lumit, shtratin e lumit dhe nga ana tjetër duke dëmtuar dhe tokat përreth”, u shpreh Guri.

Pasojat janë të dukshme. Fshati përballë ka rrëshqitur.

Gëzim Shuli që drejton një shoqatë mjedisore në zonën e Librazhdit dhe që e ka ndjekur prej kohësh situatën, thotë se lumi Shkumbin është një nga lumenjtë më të pastër të ekosistemeve ujore në vendin tonë. Sipas tij, si pasojë e punimeve ujërat janë ndotur, duke kërcënuar habitatin ujor. Mes tyre edhe ngjalën që jeton në këtë zonë, e cila është një specie në rrezik zhdukjeje në listën e IUCN-së.

“Po rrëshqasin tokat bujqësore, po rrezikohen edhe shtëpi në shumë raste. Ndryshimi i morfologjisë së trupit lumor sjell pasoja të pakthyeshme. Një sepse nëse ti gërmon në trupin e lumit do të rrisësh rrëmbyeshmërinë e tij duke e bërë akoma më të rrëmbyeshëm dhe kjo do të sjellë pasoja në të gjithë brigjet anësore të rrjedhës siç e kemi parë me rrëshqitje e dherave. Duke gërryer prapë lumin, ti do të prishësh habitatet e gjithë gjallesave që jetojnë aty”, u shpreh aktivisti Gëzim Shuli./Top Channel

The post Ndërhyrjet në shtratin e Shkumbinit, aktivisti: Rrezikohen banesat, gërryerjet kanë cenuar rëndë habitatet appeared first on Albeu.com.

I ndjeri kishte shkuar për dru, por humbi kontaktet me familjarët që dje pasdite.

Familjarët njoftuan policinë dhe nisën kërkimet.

Në kërkime u përfshinë edhe forcat zjarrfikëse në Gramsh, të cilat bënë të mundur gjetjen sot në mëngjesit të trupit të pajetë të të moshuarit.

Ende nuk dihen rrethanat e ngjarjes, pasi gjatë ditës së djeshme nuk ka pasur shira në Gramsh.

Policia po heton nga erdhi uji me rrëmbim që i mori jetën 70-vjeçarit.

The post E rëndë në Gramsh/ Shkoi për të prerë dru, gjendet i mbytur në lumë (EMRI) appeared first on Albeu.com.

McDougal, i cili ishte tashmë në burg në lidhje me një rast sulmi pa lidhje – u urdhërua të mbahej pa garanci.

“Pamjet video dhe të dhënat e telefonit celular treguan se McDougal, ka shkuar në tre vende me interes”, duke përfshirë lumin Trinity, ku trupi i Audriit u gjet të martën, sipas një kallëzimi penal.

Hetuesit thonë se McDougal, ka pranuar ta çonte vajzën në një stacion autobusi shkolle në mëngjesin që ajo u zhduk, por ajo nuk arriti kurrë.

Në ankesë, zëvendësi i një sherifi tha se kishte prova se McDougal, gënjeu për vendndodhjen dhe aktivitetet e tij në ditën e 15 shkurtit 2024.

Një gur i madh u gjet i lidhur rreth trupit të Audriit, kur u zbuluan eshtrat e saj, thuhet në dokumentin e gjykatës. “Litari i përdorur ishte në përputhje me litarin që u vu re në automjetin e McDougal në një ndalesë trafiku dy ditë më parë”,  thuhet në ankesë.

As dokumentet e gjykatës të paraqitura të mërkurën dhe as të dhënat e burgut nuk tregojnë se McDougal ka një avokat.

Familja e Audriit, mendoi se McDougal po e çonte vajzën në rrugë në stacionin e autobusit, të enjten në mëngjes, thanë zyrtarët e Polk County.

Por ajo kurrë nuk hyri në autobusin e shkollës, ose në klasën e saj dhe një çantë që i ngjante çantës së saj të kuqe të ndezur, Hello Kitty u gjet më vonë pranë një dige lokale.

Trupi i Audriit u gjet të martën në lumin Trinity, në rrjedhën e poshtme nga rezervuari afër vendit ku u gjet çanta e shpinës.

Ishte një nga disa vende që McDougal, u tha hetuesve se kishte shkuar në kohën e zhdukjes së saj, tha Sherifi Byron Lyons.

Hetuesit gjetën eshtrat e Audriit duke përdorur regjistrime të telefonave celularë, analiza video dhe informacione nga McDougal, tha Lyons.

Gjendja e eshtrave të Audriit nuk po publikohet, tha sherifi, dhe Zyra e Ekzaminuesit Mjekësor të Qarkut Harris do të përcaktojë shkakun e vdekjes së saj.

Për të ndihmuar në zbulimin e trupit, tha Lyons, autoritetet e menaxhimit të ujit ngadalësuan rrjedhën e ujit nga rezervuari i Liqenit Livingston – një nga rezervuarët më të mëdhenj në shtet , me 83,000 hektarë sipërfaqe, duke lejuar që niveli i lumit të ulet mjaftueshëm për të zbuluar mbetjet.

“Unë shpreh ngushëllimet e mia më të thella për të gjithë ata që e njihnin, që u kujdesën dhe e donin Audriin,” tha sherifi. “Ne do të vazhdojmë të përpunojmë provat që janë mbledhur për të garantuar drejtësi për Audriin”.

McDougal, një mik i babait të Audriit, jetonte në një rimorkio në pronën e familjes dhe ndonjëherë e merrte vajzën për të kapur autobusin e saj të shkollës në lagje, tha sherifi.

Ai ka qenë personi kryesor që dyshohej për zhdukjen e saj, ndërsa autoritetet kontrolluan furishëm qytetin rural të Teksasit lindor të Livingston, rreth 70 milje në verilindje të Hjustonit, tha ai.

McDougal, iu bashkua përpjekjeve të kërkimit dhe u pa duke trokitur në dyert e lagjes dhe duke pyetur nëse dikush e kishte parë Audriin, tha sherifi për CNN.

Por Lyons nuk besonte se përpjekjet e tij ishin të vërteta.

Në ditët pasi Audrii u zhduk, McDougal pretendoi në disa komente në mediat sociale se ai nuk ishte fajtor për zhdukjen e saj dhe se nuk kishte “bërë asgjë të keqe”, në një llogari në Facebook që duket se i përkiste të dyshuarit.

“Isha atje dhe më morën në pyetje. Unë nuk vrapoj apo fshihem”,  shkroi McDougal përpara se të komentonte përsëri dhe të thoshte: “Kam bërë gjithçka që mundem për të ndihmuar në gjetjen e saj. Nuk kam bërë asgjë të keqe”.

I dyshuari ka histori të gjatë kriminale

McDougal, ka një histori të gjatë kriminale që daton të paktën në vitin 2003, me dënime për krime të dhunshme dhe një për joshje të një fëmije, sipas të dhënave të gjykatave në disa qarqe të Teksasit.

Në vitin 2007, ai u dënua për joshjen e një fëmije në Brazoria County, Teksas.

Të dhënat e gjykatës tregojnë se ai nuk pranoi asnjë kontest dhe u dënua me dy vjet burg.

McDougal, u dënua gjithashtu në 2010 dhe 2019 për sulm të rëndë me një armë.

Viktima në rastin e parë të sulmit të rëndë tha se McDougal, ish-bashkëpunëtori i tij, e sulmoi pasi u largua nga shtëpia e tij.

“Ai u shfaq me disa miq të tjerë që kisha”, tha Elic Bryan për CNN të martën. McDougal filloi të godiste derën përpara se të kthehej brenda, tha Bryan.

“Ai erdhi drejt meje me thikë, dhe unë kisha armën time, dhe e godita në fytyrë me të”, tha Bryan. “Nuk e kisha idenë se ai ishte një person i tillë”.

Ai rast i rëndë sulmi çoi në një dënim me katër vjet burg.

Të dashurit e Audriit tani po përballen jo vetëm me agoninë e vdekjes së saj, por edhe me hetimin penal të një të dyshuari që dikur konsiderohej mik i familjes.

Gjatë kërkimeve disaditore për Audriin, nëna e saj tha se e kuptonte ankthin e prindërve të fëmijëve të humbur, për të cilët kishte dëgjuar vetëm në lajme.

The post Tronditëse/ Gjendet trupi 11-vjeçares që u hodh në lumë, autori ishte miku i ngushtë i babait të saj appeared first on Albeu.com.

Fëmija ishte me familjen e tij kur ndodhi incidenti, por nuk u gjet “me gjithë përpjekjet në vendngjarje”, tha Policia e Leicestershire sipas Sky News.

Një burrë është dërguar në spital “si masë paraprake”.

Ekipet shtesë të specialistëve do t’i bashkohen operacionit të kërkimit këtë mëngjes.

Policia tha se ka ka marrë thirrje nga qytetarë që të angazhohen, por paralajmëroi publikun që të mos shkonte në vendngjarje për shkak të rritjes së nivelit të ujit dhe rreziqeve të sigurisë.

Në një deklaratë, Policia e Leicestershire tha: “Familja e fëmijës po mbështetet nga oficerë specialistë dhe mendimet tona janë me ta në këtë kohë jashtëzakonisht të vështirë.

Nëse dikush ka ndonjë informacion ose has në ndonjë informacion që mund të ndihmojë oficerët, atyre u kërkohet të na kontaktojnë menjëherë”.

The post E rëndë, 2-vjeçari bie në lumë, vijojnë kërkimet për trupin e tij appeared first on Albeu.com.

Trupi i tij i pajetë është nxjerrë nga lumi, teksa policia po punon për zbardhjen e rrethanave tëngjarjes.

Librazhd/Informacion paraprak

Rreth orës 16:15, në fshatin Tokëz, shtetasi A. A., rreth 11 vjeç, banues në Librazhd,
dyshohet se është mbytur aksidentalisht duke u larë në lumin Rrapun.

Shërbimet e Policisë dhe të zjarrfikëses kanë shkuar në vendin e ngjarjes dhe kanë bërë të mundur nxjerrjen nga lumi, të trupit të pajetë të këtij shtetasi.

Grupi hetimor po punon për sqarimin e rrethanave të ngjarjes.

The post U fut për t’u larë në lumë, gjendet i mbytur i mituri në Librazhd appeared first on Albeu.com.

Burimet bëjnë me dije se 22-vjeçari Valentin Nikolli nga Fushë Miloti kishte shkuar në lumë bashkë me dy shokët e tij për peshkim.

22-vjeçari është futur për t’u larë dhe e ka marrë rrjedha e lumit. Shokët e kanë parë atë për disa minuta dhe më pas u ka humbur. Kanë qenë dy shokët e tij, të cilët kanë lajmëruar policinë.

Forca të shumta të uniformave blu dhe ambulanca ndodhen në vendin e ngjarjes, ndërsa pritet mbërritja e polumbarëve për të nxjerrë trupin e pajetë.

The post E rëndë, shkoi për peshkim, mbytet në lumë 22-vjeçari (EMRI) appeared first on Albeu.com.

Mjetet në dispozicion e kanë të pamundur gjetjen e mjetit. Ndërkohë, kërkimet pritet të rifillojnë ditën e nesërme, pasi polumbaret do përdorin magnet për lokalizimin e makinës.

Ndërkohë, poshtë urës së Mbrostarit janë gjetur dhe pjesë të përparme të mjetit, gjë që përforcon dyshimet se makina ka në lumë.

Policia gjeti më parë edhe targën e makinës dhe sipas verifikimeve makina ka rezultuar të jetë marrë me qira nga nga 26 vjeçari Mateo Lika. /albeu.com

The post Asnjë shenjë nga shoferi 26-vjeçar, ndërpriten kërkimet për makinën që dyshohet se ra në lumin Seman appeared first on Albeu.com.

Hida, sipas asaj që shkruajnë mediat fqinje, kishte një dyqan tatuazhesh dhe piercing në rrugën Tessitura.

I riu mësohet se ishte larguar nga banesa e tij dhe po flinte në makinë. Në fakt prindërit, mbrëmjen e së hënës kishin denoncuar në polici zhdukjen e tij.

Trupi i tij i pajetë u gjet pasditen e së martës, i mbytur në rrjedhën e lumit Noncello. Autoritetet paraprakisht dyshojnë se vdekja e 36-vjeçarit ka qenë për shkaqe natyrale.

The post EMRI/ Hyri për t’u larë dhe nuk doli më, humb tragjikisht jetën 36-vjeçari shqiptar appeared first on Albeu.com.

Shtetasi A. Sh. mesnatën e datës 26.07.2021, në gjendje të dehur ka hedhur në lumë dy granata. Menjëherë pas marrjes së njoftimit shërbimet e policisë kanë shkuar në vendngjarje dhe kanë bërë neutralizimin dhe prangosjen e shtetasit A. Sh.

Nga kontrolli që është ushtruar në banesë u gjetën 6 granata, ndezësa  dhe 5 kallëpe tritoli.

Materialet i kaluan Prokurorisë Pranë Gjykatës së Shkallës së Parë Gjirokastër për veprime të mëtejshme./albeu.com

The post Hedh në lumë granata gjatë mesnatës ndërsa ishte i dehur, arrestohet 49-vjeçari në Gjirokastër appeared first on Albeu.com.