Pavarësisht versioneve jo zyrtare dhe shkaqeve reale se përse policia shkoi në banesë për të kryer kontrolle, teksa ishte vendosur në kërkim të autorëve të këtij krimi, autoritetet nuk gjetën indicie dhe prova për ta lidhur Eduart Lamin me ekzekutimin e Vishës.

Ai u gjet fajtor vetëm për armëmbajtje pa leje dhe për këtë ishte dënuar me gjykim të shkurtuar me dhjetë muaj burgim, që gjatë seancës u konstatua se i kishte shlyer me kohën e paraburgimit. Për këtë arsye, gjykata urdhëroi lirimin e menjëhershëm të 37-vjecarit, i cili u prangos nga policia e Tiranës në banesën që i përkiste kushëririt të tij, Ervis Lami dhe ku u bllokua një automatik me silenciator, fishekë dhe këllëf pistolete, raporton gazetarja e Top Channel, Anila Hoxha.

Në 24 janar, Lulzim Visha, i cili punonte si postier u gjet i vrarë brenda një makinë në fshatin Zall Mner. Një nga pistat që hetoi policia është ajo e vrasjes pas një konflikti për tokat, por nuk u përjashtua edhe pista e vrasjes për hakmarrje pasi i vëllai i viktimës gjatë 1997 kishte vrarë shtetasin Refik Domi.

Për këtë krim, autori kishte shlyer dënimin dhe familja e autorit nuk ka patur probleme në vijim. Gjithsesi, megjithë veprimet hetimore për ta zbardhur vrasjen e Lulzim Vishës, autori ende nuk është zbuluar.

The post U arrestua pas vrasjes së Lulzim Vishës, lirohet Eduart Lami appeared first on Albeu.com.

Sipas asaj që raporton policia, tek makina e djegur është gjetur një armë dhe se targat rezultojnë të vjedhura në prill të 2023 në Kamëz.

Njoftimi:

Në vijim të informacionit paraprak të dhënë më parë për vrasjen e shtetasit L.V., ju informojmë se:

Në fshatin Zgafnor, në Zall-Herr, gjatë kontrollit të territorit nga shërbimet e Policisë është konstatuar i djegur një automjet tip “Porsche” i dyshuar i përdorur nga autori/ët e ngjarjes.

Nga këqyrja e automjetit, në brendësi të tij, është gjetur një armë e gjatë zjarri, e dyshuar si arma e përdorur nga autori/ët.

Gjatë verifikimeve për targat e automjetit ka rezultuar se targat janë të vjedhura që në muajin Prill 2023, në Kamëz.

Vijon puna intensive nga grupi i posaçëm hetimor për identifikimin dhe kapjen e autorit/ve si dhe për sqarimin e rrethanave dhe dokumentimin ligjor të ngjarjes.

The post Ekzekutimi i 48-vjeçarit Lulzim Visha/ Reagon policia: Gjendet i djegur mjeti që dyshohet se u përdor në krim, çfarë kishte brenda në makinë appeared first on Albeu.com.

Sakaq, bëhet me dije se një pistë që po hetohet, është ajo e hasmërisë.

Në këtë kontekst, po verifikohet e shkuara e familjarëve të viktimës, në lidhje me aktivitetet që kanë.

Gazetari Edison Vatnikaj, raporton se viktima është qëlluar disa herë me plumba, ndërsa dyshohet se vrasja është realizuar nga dy ose më shumë autorë.

Policia Tiranë/Informacion paraprak:

Më datë 24.01.2025, rreth orës 07:40, në rrugën “Shën Stefani”, në Zall Mner, është konstatuar pa shenja jete, brenda një automjeti, shtetasi L. V., 48-vjeç, banues në Kamëz, i dyshuar i vrarë me armë zjarri.

Shërbimet e Policisë ndodhen në vendngjarje. Ndërkohë grupi hetimor, në drejtimin e Prokurorisë, po punon për sqarimin e rrethanave të ngjarjes, identifikimin dhe kapjen e autorit/ëve.

Në vijim, do të keni një informacion me të detajuar për rastin.

The post Ekzekutimi i 48-vjeçarit Lulzim Visha në Tiranë/ Zbardhen detaje të reja, ja për çfarë dyshohet (VIDEO) appeared first on Albeu.com.