Hoxhaj deklaroi se Nuredin Dumani, i kishte ofruar 100 mijë euro për vrasjen e Lulzim Mashës dhe 150 mijë euro për vrasjen e të birit.

Porosia ishte për vrasjen e djalit, por sipas tij, nuk kishim mundur ta gjenin.

“Ne nuk po e gjenim dot djalin e Mashës, se rrinte në Maqedoni”, ka dëshmuar ai sipas gazetares Klodiana Lala.

Ndër të tjera, ai është shprehur se njëri nga vëllezërit Dizdari ka qenë i fejuar me vajzën e Mashës, por më pas janë ndarë.

“Dhëndri ka hedhur disa prona në emër të vjehrrit e kunatit. Dhëndri u nda nga vajza dhe këta nuk i kanë kthyer ato lekë a prona pas”, ka dëshmuar Hoxhaj.

Henrik Hoxha: Lulzim Masha në dijeninë time ka një shkollë private në Tiranë. E ka shtëpinë tek blloku. Unë kisha porosi nga Nuredin Dumani për djalin e Mashës, jo për Lulzimin.

Nuk e mbaj mend emrin e djalit, por Nuredini më tregoi një foto, më tregoi shtëpinë, shkollën. Djalin nuk po e gjenim dot. Njëri nga vëllezërit Dizdari ka qenë i fejuar me vajzën e Mashës.

Dhëndri ka hedhur disa prona në emër të vjehrrit e kunatit. Dhëndri u nda nga vajza dhe këta nuk i kanë kthyer ato lekë a prona pas. Ne nuk po e gjenim dot djalin e Mashës, se rrinte në Maqedoni. Në fillim diskutuam për 150 mijë euro. Pastaj për Lulzim Mashën për 100 mijë euro.

The post Atentati ndaj biznesmenit Lulzim Masha/ Vrasësi me pagesë Henrik Hoxha zbardh skemën: Shënjestër ishte i biri, por nuk e gjenim, dhëndri kishte vënë disa prona në emër të tyre… appeared first on Albeu.com.

I pyetur nga avokati Sokol Hazizaj, Dumani zbuloi njohjen e tij me Aleksandër Bahon, krahu i djathtë i Endrit Alibej.

“Aleksandër Bahon e njihja përpara Suel Çelës. Oti Kilën kam dashur ta godas, sepse sipas asaj që më tha Suel Çela ai ishte me Çapjat”, tha ai.

Sa i takon atentatit ndaj Lulëzim Mashës, drejtorit të shkollës private “Willson” në kryeqytetet në 2021, Dumani thotë se porositësi ishte Suel Çela, por shkakun thotë se nuk e di.

Njohjen me Suel Çelën, thotë se e ka pasur në vitin 2021, nga Fatmir Troplini.

Sokol Hazizaj: Për vrasjen e mbetur në tentativë të Lulëzim Mashës, cili ka qenë shkaku?

Dumani: Porositësi ishte Suel Çela, shkakun nuk e di.

Sokol Hazizaj: Ka lidhje Arben Laze në tentativën e vrasjes së Lulëzim Mashës?

Dumani: Arben Laze nuk ka lidhje fare me ngjarjen e Lulëzim Mashës. Njohjen e parë me Suel Çelën e kam patur në 2021 nga Fatmir Troplini.

The post Nuredin Dumani: Suel Çela porositi atentatin ndaj Lulzim Mashës appeared first on Albeu.com.

Emri i “Toni Çamit” shfaqet tek dëshmia e Skerdi Tasit, Nuredin Dumanit dhe vetë Henrik Hoxhaj, si person i lidhur me veprimtarinë e grupit që kryente vrasje me pagesë.

“Ora News” mëson se çuditërisht nga ana e SPAK, deri në këtë fazë të hetimit nuk është bërë publik emri i plotë i tij, apo qoftë dhe arrestimi. Emri i plotë i tij nuk është përmendur dhe nga tre bashkëpuntorët e SPAK.

Sipas të penduarit Skerdi Tasi, Festim Qoli konsiderohej si vëlla nga Henrik Hoxhaj dhe të dy së bashku shkonin shpesh në Tiranë, dhe takoheshin në lokali i Tonit (çamit)  në ish-Bllok.

Skerdi Tasi, konfirmon deklaratat e Henrik Hoxhaj e Nuredin Dumanit mbi krimin e kryer dhe personat e përfshirë në kryerjen e tij, atë të shkatërimit me tritol të banesës së Talo Çelës në Elbasan.

Sipas Tasit, Henriku këtë krim kishte dashur ta kryente me kunatin e Mark Frrokut, Gjergjin, me të cilin Henriku kishte shoqëri të ngushtë.

Por Gjergji ishte pas tërhequr dhe pas kësaj Henriku bisedoi dhe ra dakort me Skerdin.Në dijeni të tij Henriku kishte pas marrë një shumë parash paradhënie.

Ndërsa lëndën plasëse e morën në Fushë Krujë rreth 10 ditë para ngjarjes. Bashkë me Henrikun shkuan në Fushë Krujë dhe ndaluan sapo kaluan kthesën që merr drejtimin për në Vorë.

Aty takuan një person të shkurtër, i cili u dha lëndën plasëse. Për të takuar këtë person kishte folur Nuredini. Tasi thotë se ditën që është arrestuar Besjan Xhixha dhe fotoja e tij doli në media e njohu që ai ishte personi që u kishte dhënë lëndën plasëse që përdorën në shpërthimin e shtëpisë së Talo Çelës.

Lënda plasëse ka qenë e gatshme me vrimën e kapsollës të hapur dhe fitilin të lënë mënjanë.

Para ngjarjes bashkë me Henrikun ishin ndodhur te lokali i Tonit (Çamit siç e quan) dhe kur ishin nisur për të shkuar për tek shtëpia e Talo Çelës, i kishte pas shoqëruar deri tek “Tegu” edhe ÇAMI me makinë të tij, për të parë për prezencë policie në rrugë.

Për shkatërimin e shtëpisë së Talos me eksploziv, SPAK ka identifikuar dhe marë të pandehur vetëm Henrik Hoxhaj,Nuredin Dumani, Skerdi Tasi, Eljo Bitri dhe Florenc Çekrezin. Por asnjë akuzë nuk është ngritur për “Toni Çamin”.

Një situatë të ngjashme e tregon dhe Nuredin Dumani, i cili përfshin “Toni Çamin” në shkatërimin me eksploziv të shtëpisë së Talo Çelës.

“…në lidhje me eksplozivin, nuk jam i sigurtë por mundet t’ia ketë marrë Besian Xhixhës. Dua të shtoj që ditën e ngjarjes së shpërthimit me eksploziv të shtëpisë së Talo Çelës, ka qenë personi që unë e njoh me emrin “Çami”, siç e kam shpjeguar, pasi vetë Henriku nga telefoni i kriptuar me ka dërguar një foto të Çamit, i cili po konsumonte drogë, në pjatë, ishte pasagjer në makinën që këta po udhëtonin për të realizuar shpërthimin e shtëpisë së Talo Çelës…”-ka treguar Nuredin Dumani.

Madje ky i fundit ka pohuar se gjatë kohës që qëndronte i fshehur në Elbasan,tek Erjon Alibej, “Toni Çami” i ka gjetur një vajzë dhe ka qënë Henrik Hoxhaj që ia ka çuar vajzën në Elbasan së bashku me disa gramë drogë.

Madje Dumani ka treguar se edhe pas vrasjes së dy vëllezërve Haxhia në Durrës, ai së bashku me Henrik Hoxhën, kanë udhëtuar nga Durrësi në Tiranë, duke u ulur në lokal “One Top” me “Toni Çamin”.

Në të njëjtën kohë, hija e “Toni Çamit” del edhe tek plani për të vrarë presidentin e shkollës “Ëillson” Lulzim Masha. Ruajtja e këtij të fundit kur ka dalë nga banesa dyshohet se është bërë nga “Toni Çami”,i cili ka njoftuar Henrik Hoxhaj dhe më pas ky i fundit ka sinjalizuar Skerdi Tasin,për të goditur Lulzim Mashën.

Në dëshminë e tij, Skerdi Tasi, thotë se armën tip “Skorpions” dhe një motor “Kavasaki”, e kanë marë tek një miku i Nuredin Dumanit, i quajtur Sandër Baho, që sipas të penduarit ndodhet në aksin rrugor Elbasan-Papër.

Për këtë ngjarje SPAK, ka proceduar dhe marë të pandehur Skerdi Tasin, Henrik Hoxhaj, Nuredin Dumanin. Ndërsa ka ndarë hetimet për personin tjetër nën hetim, Suel Çelën si person i dyshuar që ka urdhëruar vrasjen.

Por SPAK, ka lënë jashtë vëmëndjes hetimore Sandër Bahon që ka siguruar armën dhe motorin dhe “Toni Çamin”, që besohet se ka qënë në rolin e vëzhguesit të Lulzim Mashës.

The post I përfshirë në 2 ngjarje me tritol te Talo Çela e Lulzim Masha, SPAK ende s’ka identifikuar dhe arrestuar “Toni Çamin” appeared first on Albeu.com.

Së fundmi, detaje të reja kanë dalë nga ky atentat. Mësohet se pas tentativës për ta eliminuar fshihen pikërisht dy vrasësit serial Henrik Hoxhaj dhe Nuredin Dumani, të cilët kanë pranuar të rrëfejnë krimet pas arrestimit.

Henrik Hoxhaj, “killeri” i cili bashkë me Nuredin Dumanin kanë pranuar të rrëfejnë krimet e tyre ndër vite pas arrestimit, rezulton i përfshirë edhe në atentatin ndaj Lulëzim Mashës, administrator i një shkolle private në Tiranë.

Henrik Hoxhaj është shprehur se në janar të vitit 2022, ka qenë pjesëmarrës në atentatin e ndodhur ndaj Lulëzim Mashës, i cili udhëtonte me një makinë ML tek diga e Liqenit.

Hoxhaj tregon se kishte pajtuar Skerdi Tasin për të vrarë Lulzim Mashën. Ai kishte qëlluar ndaj biznesmenit por nuk e kishte eliminuar dot. Ndërkohë sipas Henrik Hoxha, Nuredin Dumani i kishte thënë se duhej të vritje djali i Lulëzim Mashës, pasi mashtronte njerëzit dhe u merrte para. Duke qenë se djali fshihej në Maqedoni “porositësit” kanë tentuar të vrasin babanë e tij.

“Nuredin Dumani nga mesi i viti 2021 më ka shkruar dhe më ka ofruar 100 mijë euro nëse kryeja vrasjen e Lulzim Mashës. Unë e kam marrë përsipër për ta kryer bashkë me Skerdi Tasin këtë vrasje. Pas rreth 8 muajsh në Janarin e 2022, bashkë me Skerdin jemi nisur për të kryer vrasjen. Të dy kemi qenë në Tiranë dhe unë kam patur një makinë ML gri me qira. E lash Skerdin tek diga e Liqenit që të priste Lulzim Mashën. Jemi takuar pas 45 minutash tek furgonat e Fierit ku ai ishte me këmbë pasi kishte qëlluar ndaj Lulzim Mashës. Ai më tha se i kishte qëlluar por nuk e kishte vrarë dot dhe ishte larguar në këmbë. Armën më tha se e ka hedhur në liqen. Unë kam pyetur Nuredin Dumanin se pse duhej të vritje Lulzim Masha dhe Dumani më tha se në fakt duhej të vritje djali i Lulzim Mashës. Sipas Dumanit ai mashtronte duke u marrë para njerëzve dhe fshihej në Maqedoni. Nuk kam dijeni për llogari të kujt kishte marrë Nuredin Dumani këtë porosi.” mësohet të jetë shprehur Henrik Hoxhaj.

Rreth 3 muaj pas atentatit të dështuar ndaj Lulëzim Masha, pranë Liqenit të Thatë në Tiranë, është vënë në pranga një 31-vjeçar. Pas hetimeve që kanë zgjatur për disa javë, policia ka identifikuar me prova dhe dëshmi përfshirjen e Skerdi Tasit në ngjarje, ku tashmë i riu është arrestuar. Ai akuzohet për dy vepra penale, “vrasje me paramendim e mbetur në tentativë” dhe “mbajtje pa leje dhe prodhim të armëve, armëve shpërthyese dhe municionit”. 31-vjeçari qëlloi me 3 plumba në drejtim të automjetit tip “Mercedez Benz ML”, ku Lulëzim Masha po lëvizte, dy prej plumbave kapën në makinën e 63-vjeçarit.

The post Atentati ndaj Lulzim Mashës, Henrik Hoxha: Ma kërkoi Dumani, duhej të vritej djali i tij mashtrues, por s’e kapim dot appeared first on Albeu.com.

Referuar burimeve të sigurta nga SPAK, gazetarja Anila Hoxha tha për Top Channel, se vëllai i të shumë kërkuarit Talo Çela është ekzekutuar nga shtetasi Besjan Xhixha dhe  një tjetër i shpallur në kërkim.

Si ndodhi atentati në 17 shtator 2020

Vëllai i Talos Çelës, të shumëkërkuarit nga policia, ka mbetur i vrarë në një atentat me armë zjarri mëngjesin e 17 shtatorit 2020. Ngjarja ka ndodhur rreth orës 05:45 në fshatin Bradashesh të Elbasanit përpara një lokali.

62-vjeçari Bujar Çela punonte si taksist pa licencë. Çela u qëllua me armë sapo zbriti nga makina për t’u ulur në një lokal. Ai u ndoq  nga atentatorët, për të cilët asokohe u tha se ishin të paktën 2 persona të maskuar.

Krimi i porositur nga Suel Çela

Suel Çela ishte një ndër emrat e botës së krimit për të cilët SPAK ka firmosur urdhër arreste, ndërsa detaje të reja janë bërë me dije nga Top Channel në lidhje me krimet e porositura nga ai.

Një tjetër krim i porositur nga Suel Çela është ajo e tentativës për të vrarë administratorin e shkollës private Lulzim Masha, për të cilin Top Channel ka raportuar se i arrestuari Skerdi Tase dyshohej si vrasës me pagesë në këtë rast. Tasi nuk ka qenë vetëm në këtë ngjarje, por i shoqëruar nga Hoxhaj.

Atentati ndaj administratorit Lulzim Masha ndodhi më 18 janar 2022 ku një person qëlloi me armë zjarri ndaj makinës së tij. Në lidhje me ngjarjen u arrestua 31-vjeçari Skerdi Tasi i cili u akuzua për “Vrasje me paramendim” e mbetur në tentativë, dhe “Mbajtja pa leje dhe prodhimi i armëve, armëve shpërthyese dhe i municionit.

Masha po udhëtonte i vetëm në makinë kur autori ka qëlluar drejt makinës së tij. Drejt tij është qëlluar me 3 plumba, ku 2 prej plumbave kanë kapur makinën tip “Benz” me të cilin po lëvizte Masha.

The post Nga ekzekutimi i vëllait të Talo Çelës te krimi i porositur nga Suel Çela, zbardhen disa prej ngjarjeve kriminale më të bujshme appeared first on Albeu.com.

Burime nga policia bëjnë me dije se janë kryer disa kontrolle por ai nuk është gjetur. Identifikimi i tij u bë në sajë të disa kamerave sigurie, por edhe të dëshmisë së vetë biznesmenit.

Lulëzim Masha u rimor sërish në pyetje dhe bashkëpunoi me grupin hetimor. Ai ka treguar me detaje kërcënimet që ka pasur.

Burime pranë policisë bëjnë me dije se ngjarja ka ndodhur për konflikte banale./albeu.com

The post Atentati ndaj Lulzim Mashës, policia identifikon dhe shpall në kërkim autorin appeared first on Albeu.com.

Mësohet se është qëlluar në drejtim të Lulëzim Mashës, 63 vjeç, administrator i një shkolle private.

Masha është qëlluar me tre plumba. Dy prej tyre kane kapur automjetin që po lëvizte Masha. Arma e përdorur është e kalibrit të vogël, jo silenciator. Pritet të merret dëshmia për të ndihmuar hetimet mbi zbardhjen e ngjarjes.

Autori ende i paidentifikuar është larguar në këmbë dhe është shpallur në kërkim.

Njoftimi i policisë:

Tiranë/Informacion paraprak

Më datë 18.01.2022, te nënkalimi te Liqeni i Thatë, nga një person ende i paidentifikuar, dyshohet se është qëlluar me armë zjarri në drejtim të mjetit me drejtues shtetasin L. M., 63 vjeç.

Si pasojë e të shtënave, nuk ka persona të lënduar.

Shërbimet e Policisë kanë shkuar menjëherë në vendngjarje, janë ngritur pika kontrolli në të gjitha pikat hyrëse-dalëse të Tiranës me qëllim kapjen e autorit.

Ndërkohë, grupi hetimor ndodhet në vendngjarje dhe është duke sekuestruar çdo provë të mundshme materiale që do të shërbejë për identifikimin e autorit të ngjarjes.

The post Atentati në Tiranë, del fotoja e 63-vjeçarit, administratorit të shkollës private që ishte në shënjestër appeared first on Albeu.com.