Burime bëjnë me dije se mes të burgosurve që u transferuan, janë edhe ata që janë arrestuar gjatë Operacionit ‘Ura’ dhe Revansh.

Transferimi u krye pak pas mesnate, nën masa ekstreme sigurie, me shoqërimin e dhjetëra mjeteve policore dhe protokolle të rrepta. Kolona mbërriti në Peqin rreth orës 00:15.

Vendimi për zhvendosjen e eksponentëve më të rrezikshëm të botës së krimit, erdhi pas arratisjes së Altin Ndocit nga Spitali i Durrësit.

Burgu i Durrësit, i njohur edhe si “burgu i VIP-ave”, u vu në fokus për shkak të kushteve dhe nivelit të sigurisë.

Sipas burimeve, 206 të dënuar dhe paraburgosur u rivlerësuan për shkallën e rrezikshmërisë, ndërsa më problematikët u përzgjodhën për t’u sistemuar në Peqin, i pajisur me seksione të posaçme të sigurisë së lartë.

The post U transferuan nga Durrësi pas arratisjes së Altin Ndocit, kush janë disa nga të burgosurit me rrezikshmëri të lartë që u dërguan në qelitë e Peqinit (EMRAT) appeared first on Albeu.com.

Ish-kreu i Bandës së Durrësit, do të dalë në orën 12:00 nga qelitë e paraburgimit nën masa të rrëpta sigurie, që të marrë pjesë në varrimin e babit për t’u rikthyer sërish më pas në qeli.

The post Drejtoria e Përgjithshmë e Burgjeve i jep leje Lulzim Berishës të marrë pjesë në varrimin e babait appeared first on Albeu.com.

Kështu, finalizohet ekstradimi i tij, pasi u arrestua në Madrid të Spanjës.

Në vitin 2020 Lulzim Berisha u shpall në kërkim nga SPAK për 2 vrasje të ndodhura në 2005-ën, atë të Vajdin Lames dhe Klodian Saliut, të cilat hetuesit i zbardhën me 15 vite vonesë. Më vonë çështja ndaj Vajdin Lames u pushua dhe vijonte vetëm për Klodian Saliun.

Përveç vrasjeve, emri i Lulzim Berishës lidhet edhe me trafik ndërkombëtar droge, prostitucion dhe trafik armësh. Ai u arrestua më 6 prill të vitit 2006 për 10 akuza, mes të cilave krijimin e një organizate kriminale dhe një seri vrasjesh e atentatesh të kryera në vitet 98-99.

Më 16 janar të vitit 2012, Gjykata e Krimeve të Rënda të kohës e dënoi me burgim të përjetshëm për 6 vrasje, por Gjykata e Larta, në vitin 2014, rrëzoi dënimin me burgim të përjetshëm dhe vendosi dënimin me 25 vite burg për ish-kreun e bandës së Durrësit.

Lulzim Berisha qëndroi 10 vjet e tetë muaj në burg deri kur më 5 dhjetor të vitit 2016, u lirua me kusht nga burgu dhe u punësua në Bashkinë e Durrësit, me një vendim të diskutueshëm të Gjykatës së Apelit.

Por më 27 maj të vitit 2022, ishte Gjykata Kushtetuese ajo që vendosi për rikthimin në burg të ish-kreut të Bandës së Durrësit, Lulzim Berisha, që duket se fshihej në Spanjë për t’ju shmangur përballjes me drejtësinë.

The post Ekstradohet nga Spanja ish-kreu i bandës së Durrësit, Lulzim Berisha appeared first on Albeu.com.

Raportohet se vendimi për ekstradimin e Berishës, u mor ditën e djeshme nga autoritetet e drejtësisë spanjolle dhe sot janë duke u kryer modalitetet e fundit dhe detajet e fundit të Lulzim Berishës në drejtim të Shqipërisë.

Burime nga policia e Shtetit dhe Ministrisë së Drejtësisë, bëjnë me dije se oficerë të Interpolit kanë udhëtuar në drejtim të Spanjës, e po shihen mundësitë për linjën që do të ndiqet për ekstradimin e tij, pas muajsh të tërë arrestimi dhe përballje me drejtësinë spanjolle.

Lulzim Berisha, ish-kreu i bandës së Durrësit, aktualisht është duke u gjykuar në GJKKO për veprën penale të vrasjes të kryer në kuadër të grupit të strukturuar kriminal që ka të bëjë me ekzekutimin e kundërshtarit të tij të përbetuar Klodian Saliu.

Akuza është ngritur mbi bazën e rrëfimit të Luftar Reçi, i penduari i drejtësisë, por sipas SPAK ndaj tij ka edhe prova të tjera që vërtetojnë pjesëmarrjen e tij në krim.

Berisha i shpëtoi burgimit të përjetshëm pasi Gjykata e Larte e prishi këtë vendim dhe e dënoi me 25 vjet.

The post Akuzohet për vrasjen e Klodian Saliut/ Ekstradohet sot nga Spanja Lulzim Berisha, ish-kreu i bandës së Durrësit appeared first on Albeu.com.

Gjykata Kombëtare e Spanjës ka pranuar kërkesën e prokurorisë spanjolle për ekstradim. Gjykata Kombëtare e Spanjës e ka marrë vendimin ditët e fundit, pas gjyqit të parë që u zhvillua më datë 2 korrik.

Lulzim Berisha, i cili përfaqësohet nga dy avokatë spanjollë, kërkoi rreth një muaj më parë gjykatës që të mos dorëzohet në Shqipëri, pasi sipas tij në vendin tonë i rrezikohet jeta dhe ka frikë nga një hakmarrje.

Sipas prokurorisë spanjolle Lulzim Berishës i rrezikohet jeta vetëm jashtë burgut, dhe duke ua dorëzuar Lulzim Berishën, autoriteteve shqiptare, ai nuk do të rrezikohet.

Lulzim Berisha ka të drejtën për të apeluar vendimin e Gjykatës Kombëtare në Gjykatën e Lartë të Spanjës.

The post Spanja vendos të ekstradojë Lulzim Berishën appeared first on Albeu.com.

Foto e parë është bërë kur Lulzim Berisha është arrestuar për herë të parë në vitin 2006.

Me mjekër të bardhë, kapele rozë e tatuazhe që nuk i ka pasur më parë, Lulzim Berisha siç duket ka arritur të kamuflohej për t’u mos u arrestuar nga policia në Shqipëri.

Ish kreu i bandes famëkeqe të Durrësit ishte në kërkim për vrasjen e Klodian Saliut në vitin 2005.

Berisha është arrestuar në një operacion të përbashkët mes dy vendeve. Tashmë pritet që SPAK t’i përcjellë Ministrisë së Drejtësisë kërkesën për ekstradim. Kjo e fundit pasi përfundon dosjen e dërgon te homologët në Spanjë dhe pikërisht gjykata spanjolle pritet të japë vendimin për ekstradimin e Berishës./albeu.com

The post Me syze, kapele dhe i mbuluar me tatuazhe, si “kamuflohej” ish-kreu i bandës së Durrësit, Lul Berisha appeared first on Albeu.com.

Ky është momenti i arrestimit nga autoritet e Spanjës.

Njoftimi i polisie: 

Vijojnë operacionet dhe bashkëpunimet e sukskeshme me homologët, për kapjen e shtetasve të shpallur në kërkim ndërkombëtar, me rrezikshmëri të lartë shoqërore.

Finalizohet operacioni policor i koduar “Sant Joan”.

Si rezultat i bashkëpunimit të FAST Albanias me FAST Spanjën, falë informacioneve të siguruara përmes inteligjencës policore nga Policia e Shtetit dhe shkëmbimit të tyre në kohë, me strukturat e Policisë spanjolle, u bë e mundur kapja e shtetasit me rrezikshmëri të lartë shoqërore Lulzim Berisha.

Vijon bashkëpunimi me autoritetet spanjolle, për plotësimin e dokumentacionit, me qëllim ekstradimin e këtij shtetasi, në Shqipëri.

The post Spanja vuri në pranga ish-kreun e “Bandës së Durrësit”, momenti i arrestimit të Lulzim Berishës appeared first on Albeu.com.

Njoftimi:

Policia e Shtetit Vijojnë operacionet dhe bashkëpunimet e sukskeshme me homologët, për kapjen e shtetasve të shpallur në kërkim ndërkombëtar, me rrezikshmëri të lartë shoqërore. Finalizohet operacioni policor i koduar “Sant Joan”. Si rezultat i bashkëpunimit të FAST Albanias me FAST Spanjën, falë informacioneve të siguruara përmes inteligjencës policore nga Policia e Shtetit dhe shkëmbimiet të tyre në kohë, me strukturat e Policisë spanjolle, u bë e mundur kapja e shtetasit me rrezikshëmri të lartë shoqërore Lulzim Berisha. Vijon bashkëpunimi me autoritetet spanjolle, për plotësimin e dokumentacionit, me qëllim ekstradimin e këtij shtetasi, në Shqipëri.

The post Arrestohet në Spanjë Lulzim Berisha, detajet e operacionit appeared first on Albeu.com.

Prej disa kohësh SPAK është vënë në kërkim të zbulimit të personazheve me emrat e koduar si 19A9F8 “Lagjia”, V40G80 “Cekja” dhe nofka të tjera.

“Ora News” ka publikuar biseda për vrasje me pagesë, vjedhje malli kokainë, vjedhje pistoletash, e deri tek blerja e snajperave të fuqishëm në vlerën 13 mijë euro apo 3 dylbi optike me vlerën e 18 mijë eurove.

Gjithashtu mes bisedave që zhvillon Dumani me Gërmizin, flasin për lokalizimin e Talo Çelës dhe organizimin për ta vrarë atë, e pas vrasjes t’ia presin kokën.

Njëherësh mjaft biseda për punë të pista janë kryer mes Bujar Gërmizit që në “Sky” del me nofkën “Galani” dhe Nuredin Dumanit që në “Sky” del me nofkën “Toto Rinoo”.

Në këto biseda del emri i Lulzim Berishës, si njeriu që gjatë një bashkëbisedimi mes Dumanit dhe Gërmizit, del se ka strehuar për një kohë të gjatë Talo Çelën në Qerret.

Dhe pikërisht sipas Dumanit, në Qerret Talo, duhet të jetë strehuar tek djemtë e tezes së Lulzim Berishës.

Dumani i thotë Gërmizit se Lul Berisha strehon Talon për qëllimet e veta, për ta përdorur për ata të Dubait.

Në biseda flitet dhe për “Ben Çamin” që në Durrës njihet me emrin Lutfi Shabani i dënuar për trafik droge dhe njihet si mik i Lulzim Berishës dhe Emiljano Shullazit.

Në planet e Dumanit dhe Bujar Gërmizit dhe persona të tjerë në vitin 2020 është organizuar vrasja e “Ben Çamit” si njeri i afërm i Lul Berishës dhe se sipas bisedave del se goditja e “Çamit” do realizohej nga vrasës me pagesë të ardhur nga jashtë.

Vrasja e Lutfi Shabanit do realizohej pasi grupi falë hetimeve që kishin kryer dalën në përfundimin se “Ben çami” dhe Lul Berisha, strehonin Talo Çelën, kundërshtarin e betuar të Nuredin Dumanit.

Dumani ishte përgatitur për të goditur Lutfi Shabanin që të vinte për Vitin e Ri nga Dubai, pasi ai kishte dhe babain e sëmurë. Dhe sipas tij vrasjen e “Ben Çamit” do e realizonte në derë të shtëpisë.

The post Bisedat e reja në SKY/ SPAK në kërkim të “Cekes” e “Lagjia”. Dumani gati për të vrarë “Ben Çamin” njeriun e Lul Berishës appeared first on Albeu.com.

Në një prononcim për gazetaren e Express për Shqipërinë Beklie Koltraka, motra e Lul Berishës Luljeta Berisha tha se do të shkonte të tërhiqte vendimin. “Unë ende nuk jam njohur me vendimin. Sot do të shkoj me avokatin te Gjykata Kushtetuese të tërheq vendimin sepse në Gjykatë Kushtetuese jam përfaqësuar nga avokati”, tha ajo për Express.

Luljeta Berisha shprehet se çështja në Gjykatën e Lartë sipas saj rezulton se është dërguar nga vetë Lulzim Berisha, ndërsa akuzon se kërkesa është bërë nga dikush tjetër.

“Pse s’më morën në pyetje gazetarët në Gjykatën e Lartë se përse u zhvillua gjyqi kundër Lul Berishës? Pse s’ma bënë këtë pyetje kur Lul Berisha ishte i lirë? Kur Lul Berisha ishte me shërbim prove. Në Gjykatën e Lartë u zhvillua me avokat i cili ka marrë pjesë ditën e fundit kur një portal shkruante po gjykohet Lul Berisha. Po të hysh te Gjykata e Lartë kërkuesi për t’u zhvilluar gjyqi qenka Lul Berisha. Ke parë ndonjë budalla në botë që ka dalë nga burgu dhe kërkon që t’i zhvillohet gjyqi për ta futur në burg?

Është bërë një kërkesë me emër të vëllait tim pa firmën e vëllait tim, firmë fallso. Unë e kam gjetur se kush është por s’do e them emrin. Unë ia kam lënë zotit dhe zoti po ia merr hakun.  Në Gjykatën e Lartë po të hysh duhet ta shohësh dhe thotë kërkuesi Lul Berisha. Në botë s’ka mundësi. Prandaj e çuam në Gjykatë Kushtetuese. Kush është ai person në botë që thotë hajde më fut në burg? E kanë bërë se nuk e donin të lire”, u shpreh më tej Luljeta Berisha për gazetën Express.

Luljeta Berisha thotë se e vetmja gjë që e mban Lulzim Berishën dhe vetë atë në Shqipëri është beteja ligjore.

“Vetëm se ishte vëllai me shërbim prove po ne nuk rrimë një minutë këtej. Vëllai e ka familjen në Suedi unë e kam familjen time në Gjermani. Unë kam ardhur vetëm për këto halle”, deklaroi ajo.

Rihapja e çështjes sipas saj është bërë me qëllim përpara se Lul Berisha të mbaronte shërbimin e provës.

“Vëllai im s’do jetonte këtu. Vendimi i Gjykatës së Lartë është dhënë përpara se vëllai të mbaronte shërbimin e provës. Të gjitha këto janë bërë me keqdashje për vëllanë tim. Po ta harrojnë se sa të jem unë gjallë vëllait tim s’kanë çfarë t’i bëjnë. Sepse vëllai im s’ka shkelur ligjin”.

Në 8 dhjetor të 2020 SPAK njoftoi zbardhjen e 2 ngjarjeve kriminale të ndodhura 15 vite më parë ku fillimisht do të ekzekutohej Klodian Saliu dhe më pas me eksploziv Vajdin Lamaj dhe miku i tij Artan Arsi. Sipas dosjes hetimore zbulimi i personave të përfshirë në këto dy ngjarje u bë përmes një prej të akuzuarve, Luftar Reçit i cili tha disa emra që sipas tij ishin të përfshirë. Ndër to ai përmendi dhe Lulzim Berishën.

Në dosje thuhet: “Në fillim të shkurtit kam takuar në Tiranë Lul Berishën. Takimi u realizua ne vendin e quajtur stacioni i trenit ne Tirane, vend ku une kisha nje kazino timen. Gjatë takimit Luli më ofroi një marrëveshje sipas së cilës unë duhej të vrisja shtetasin Klodian Saliu dhe ai në këmbim do të vriste hasmin tim. Ata më thanë se Klodian Saliu e kishte kundershtuar dhe kishin frike se mos i vriste.” Kam pasur lidhje shoqërore ne Lul Berishën, Indrit Taulla, Lenti (Plarent Dervishi)”.

“Berishën e kam njohur në 1994, ndërsa Plarent Dervishin dhe Indrit Taullain i kam njohur vonë sepse ishte njohje dhe miqësi e ngushtë e Lulëzim Berishës. Kujtoj se ka qenë muaji shkurt i vitit 2005, besoj nga mesi i muajit, më ka telefonuar nga numri i tij celular te numri im celular shtetasi Lulzim Berisha. Luli më tha më gjej mua nga ato të “nëntat” (që ishin kallëpe tritoli) ku bëhej fjalë për një atentat të përgatitur nga unë për hasmit e mi në Dibër, atentat i parealizuar nga unë për arsye se hasmi im mbante me vete fëmijët e tij dhe unë nuk lejova shpërthimin sepse nuk doja të vrisja fëmijët. Luli ishte në dijeni të kësaj ngjarje se më kishte treguar vetë dhe kishte mësuar nga unë se J… më kishte përgatitu minat për ngjarjen e Dibrës dhe për këtë arsye më kërkoi një minë për veten e tij. Për të përgatitur minat me telekomandë më ka ndihmuar nipi im që quhet… i cili është vrarë në vitin 2002”, shprehet Reçi.

Sipas avokatëve mbrojtës, dëshmitari Luftar Rreçi është i pa besueshëm. Luljeta rrëfen për Express-Shqipëri se edhe Lulzim Berisha i ka thënë se nuk e njeh Luftar Reçin.

“Vëllai im që ka qenë në burg 11 vitem del ky personi dhe thotë është shoku im Lul Berishës, a e ka taku naj herë Berisha në burg këtë shokun e “ngushtë” në thonjëza, a ka ngrënë ndonjëherë drekë me të Berisha siç ka ngrënë me të burgosurit e tjerë, se plot të burgosur të tjerë kanë ngrënë drekë me vëllanë tim. Se i çoja unë ushqime ditë për ditë. Problemi qëndron se del ky, nga një fshat i Dibrës edhe thotë jam shoku Lul Berishës dhe pa pikë turpi thotë në 23 shkurt të 2005 kam takuar Lul Berishën në shtëpi.

Me 21 shkurt Lul Berisha ka udhëtuar për në Turqi. Pra s’ka qenë. Vëllai im kur është kthyer nga Turqia e ka marrë në pyetje një prokuror i krimeve të rënda ia ka marrë dhe celularin dhe ia ka kontrolluar të gjitha.

Vëllai im më thotë më vdektë çuni motër s’e njoh. Këto i bëjnë sepse nuk e duan të lirë vëllanë tim. E shohin për të mençur. Kush të sulmon? Budallai, i padituri”, tha Luljeta Berisha./GazetaExpress

The post Lulzim Berisha: S’e njoh Luftar Reçin! E motra: Vendimi i “Kushtetueses” dhe plani për të ikur jashtë shtetit appeared first on Albeu.com.