Bëhet fjalë për 22-vjeçarin Aldo Brahimi dhe 45-vjeçarin Ylli Grabovari.

Ata akuzohen se pak pas mesnatës së të martës (3 gusht) vranë me thikë Luljeta Prezën dhe e braktisën aty.

Dëshmitare të vrasjes së Luljeta Prezës ishin edhe 3 vajza, mes tyre një 15-vjeçare.

The post Vranë me thikë Luljeta Prezën, lihen në burg dy autorët appeared first on Albeu.com.

Në dëshminë e dhënë për News 24 ka treguar se djali kishte disa javë që ishte larguar nga banesa për të punuar në Durrës.

Gjithashtu e ëma ka thënë se nuk ka qenë në dijeni se me çfarë merrej djali i saj.

“Aldo kishte disa javë që ishte larguar nga shtëpia për të punuar në Durrës duke mbledhur hekura. Është hera e dytë që largohej nga shtëpia. Por nëse ai e ka kryer vrasjen le të marrë dënimin që meriton”, ka thënë më tej nëna e Aldo Brahimit.

Për këtë ngjarje u arrestuan shtetasit Aldo Brahimi dhe Ylli Grabovari, sakaq dyshohet se këta të fundit janë endacakë.

Shkaku i ngjarjes

Mësohet se mes Luljetës dhe dy të arrestuarve ka nisur një konflikt. Dy personat i kanë kërkuar paratë e mbledhura, por asaj i janë dashur për t’u kuruar pasi kishte pësuar një aksident në Durrës disa ditë më parë dhe ka dashur të mbajë një pjesë të parave, por ata nuk kanë pranuar.

Pas konsumimit të lëndëve narkotike kokainë, konflikti ka degraduar në dhunë, teksa dy të arrestuarit e kanë goditur me thikë Prezën dhe e kanë lënë të vdekur në vend.

The post Vrasja e Luljeta Prezës, flet nëna e njërit prej autorëve: Nëse im bir ka kryer krimin, të marrë dënimin e merituar appeared first on Albeu.com.

Trupi i saj i pajetë u gjet ditën e djeshme rreth orës 10:30. Policia thotë se ka arrestuar dy autorët e dyshuar të ngjarjes, Aldo Brahimi, 22 vjeç, banues në Lushnjë dhe Ylli Grabovari, 45 vjeç, banues në Durrës.

Shkak i vrasjes është bërë një konflikt i çastit, pasi Luljeta së bashku me dy autorët dhe tre shtetase tashmë nën hetim kishin konsumuar kokainë.

Pas konfliktit, Brahimi dhe Grabovari e kanë qëlluar me thikë duke e lënë të vdekur mes baltës.

Gjetja e trupit

Ditën e djeshme policia njoftoi se kishte gjetur trupin e një shtetaseje endacake. Uniformave blu iu deshën disa orë për ta identifikuar dhe për të konstatuar se vdekja nuk kishte ardhur nga shkaqe natyrale, por ishte vrarë.

Shoqërimi i 17 personave 

Pas gjetjes së trupit, ditën e djeshme policia shoqëroi 17 persona të cilët mund të kishin informacion për ngjarjen. Pasi u morën në pyetje ata u lanë sërish të lirë, por mësohet se u ishte vendosur përgjues. Ky detaj bëri të mundur edhe zbulimin e dy autorëve të dyshuar të cilët sapo ishin larguar nga ambientet e komisariatit u shprehën “Shpëtuam për mrekulli”. Ka qenë kjo bisedë që  ka çuar më pas në pranga  Ylli Grabovarin dhe Aldo Brahimi, të cilët më pas kanë pranuar krimin.

Jeta e vështirë e Lulj etës

Gazetarja Anila Hoxha tregoi jetën e vështirë të Luljetës, e cila të vetmen gjë e vlerë kishte trupin e saj, të cilin ishte detyruar “ta shishte”. Shtëpia e Luljetës ishte një copë kartoni poshtë urës, ndërsa lekët që fitonte i përdorte për të ngrënë dhe për të blerë drogë.

32-vjeçarja kohët e fundit lëvizte këmba dorës pasi ishte përplasur nga makina dhe nuk mund t’i lëvizte gjymtyrët e poshtme plotësisht.

Shkaku i ngjarjes

Mësohet se mes Luljetës dhe dy të arrestuarve ka nisur një konflikt. Dy personat i kanë kërkuar paratë e mbledhura, por asaj i janë dashur për t’u kuruar pasi kishte pësuar një aksident në Durrës disa ditë më parë dhe ka dashur të mbajë një pjesë të parave, por ata nuk kanë pranuar.

Pas konsumimit të lëndëve narkotike kokainë, konflikti ka degraduar në dhunë, teksa dy të arrestuarit e kanë goditur me thikë Prezën dhe e kanë lënë të vdekur në vend.

Zbardhja e ngjarjes

Policia e Durrësit finalizoi sot operacionin “Deluzion” dhe arrestoi dy autorët e dyshuar të ngjarjes e porcedoi në gjendje të lirë tre shtetase, të cilat kishin qenë të pranishme në momentin e konfliktit.

“Nga veprimet hetimore ka rezultuar se 32-vjeçarja, 2 autorët e vrasjes dhe 3 shtetaset e proceduara, gjatë ngjarjes së ndodhur poshtë urës së Dajlanit, kanë qenë nën efektin e lëndëve narkotike”, thuhet në njoftim.

Nga hetimet e thelluara të kryera menjëherë pas ngjarjes, rezultoi se rreth orës 01:00 të datës 02.08.2023, poshtë urës së Dajlanit, Durrës, 32-vjeçarja është konfliktuar me shtetasit  Aldo Brahimi dhe Ylli Grabovari, për motive të dobëta (pasi kanë konsumuar lëndë narkotike kokainë, së bashku me shtetaset B. S., M. M. dhe me një 15-vjeçare).

Gjatë konfliktit Brahimi dhe Grabovari e kanë goditur me thikë dhe e kanë lënë mes baltës.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

/albeu.com/

The post DOSJA/ Si u vra dhe u hodh Luljeta, 3 vajza të përfshira në krim: Të pathënat e ngjarjes poshtë Urës së Dajlanit appeared first on Albeu.com.

Përmes një deklarate publike, Koalicioni Kombëtar Anti-Trafik e cilësoi ngjarjen si brutale dhe tronditëse dhe shprehet se ngjarja e djeshme është kambanë alarmi për gjendjen në të cilën ndodhen gratë dhe vajzat e tjera të pambrojtura që jeta i ka përplasur në rrugë.

Gjithashtu i bëhet thirrje institucioneve përkatëse për marrjen e masave në mënyrë që të parandalohen raste të tjera të ngjashme.

Në reagim theksohet se të gjithë jemi përgjegjës për vrasjen e Luljetës dhe të gjithë duhet të reagojmë për të marrë në mbrojtje gratë.

Deklarata publike:

Gjatë ditës së djeshme dhe sot media ka transmetuar një lajm tronditës për vrasjen në mënyrë brutale të 32 vjeçares L.P.  Sipas njoftimit të fundit zyrtar të Policisë së Shtetit, L.P ka humbur jetën për shkak të dëmtimeve të marra në trup, nga një mjet prerës dhe ditën e sotme është bërë e mundur vënia në pranga e dy autorëve të dyshuar të krimit.

Ngjarja e ndodhur pranë Urës së Dajlanit në Durrës është brutale dhe tronditëse jo vetëm për faktin e humbjes së jetës së një personi por për rrethanat në të cilat ka ndodhur kjo ngjarje. Nga informacioni i percjelle gjersisht ne media del qartë që bëhet fjalë për një rast që prej kohësh është i ekpozuar në rrugë dhe është shfrytëzuar rregullisht nga persona të ndryshëm. Kjo tregon më sa pakti një mungesë të reagimit të Insitucioneve për të identifikuar rastin dhe për ta referuar për mbrojtje, që do të parandalonte edhe këtë ngjarje.

Koalicioni Kombëtar i Strehëzave Anti-Trafik (KKSA), i përbërë nga 4 qendra që mbrojnë dhe strehojnë viktimat e trafikimti dhe viktimat e krimit dënon me forcë këtë ngjarje të rëndë, e cila ështrë një këmbanë alarmi për gjendjen në të cilën ndodhen gratë dhe vajzat e tjera tëe pambrojtura që jeta i ka përplasur në rrugë.

Veprimi makabër i vrasjes është dënimi i fundit që ka marrë L.P pas një historie të gjatë vuajtjesh dhe shfrytëzimi në rrugë nga tutorë e trafikantë, kriminele dhe dhunues të ndryshëm, duke përfituar nga pamundësia e saj për të reaguar, siç raporton edhe media.

Kjo ngjarje është një këmbanë alarmi për Insittucionet dhe të gjithë mekanizamt e shtetit, shoqërinë civile, median dhe të gjithë të gjithë shoqërinë.

KKSAT i drejtohet organeve kompetente të Policisë së Shtetit, Prokurorisë dhe Gjykatës për:

-Vijimin e hetimit me qëllim dënimin e autorëve dhe vënien përpara drejtësisë në përputhje me legjislacionin dhe veprën e kryer;

-Hetimin proaktiv të rasteve të ngjashme të cilat janë duke u shfrytëzuar seksualisht;

-Parandalimin e fenomenit të shfrytëzimit seksual të vajzave dhe grave nëpërmjet identifikimit të tyre në kohë dhe referimin për mbrojtjen e tyre si viktima të mundshme.

Insitucionet Publike duhet të marrin të gjitha masat për të reaguar në kohë ndaj çdo rasti që është në rrezik, që është i pambrojtur. Si L.P shohim me qindra raste  që lypin në rrugë, që janë në situata të pambrojtuara apo detyrohen të shesin trupin e tyre për të mbijetuar. Janë pikërisht këtë njërëz që bien pre e krimineleve, tutoreve dhe shfrytëzuesve të shumtë.

Edhe media duhet të jetë më e kujdeshme kur rasporton ngjarje të tilla, duke shmangur të dhëna që ekspozojnë viktima apo cilësime të nxituara që nxisin reagim ndëshkues edhe ndaj viktimës.

Të gjithë jemi përgjegjës për vrasjen e L.P dhe të gjithë duhet të reagojmë dhe të marrim në mbrojtje gratë, vajzat, djemtë, fëmijët dhe këdo që është në situatë vulnerabël.

Nëse nuk reagojmë sot krimi do të godasë sërish neser!

The post “Të gjithë jemi përgjegjës për vrasjen e Luljetës”, Koalicioni Kombëtar Anti-trafik: Kambanë alarmi për gjendjen e grave në vend appeared first on Albeu.com.

Pasi u gjet trupi i pajetë i 32-vjeçares, policia shoqëroi 17 persona për t’i marrë në pyetje në lidhje me ngjarjen.

Pasi janë lënë të lirë, dy autorët e dyshuar në bisedat mes tyre mësohet të kenë thënë “shpëtuam për mrekulli”. Ka qenë kjo bisedë që i ka çuar më pas në pranga, ku edhe kanë pranuar krimin.

Ata kanë dëshmuar në polici se janë konfliktuar me Luljetën pasi ajo kishte refuzuar që t’i jepte të gjitha lekët që kishte mbledhur nga aktiviteti i saj seksual, pasi një pjesë i kishte shpenzuar në spital për tu kuruar.

“Prej muajsh ne njihemi me njëri tjetrin, konflikti ka nisur pasi nuk na ka dhënë paratë që kishte mbledhur që t’i bënin bashkë me ato që mblidhnin ne duke lypur në rrugë”, kanë thënë ata.

Gjithashtu mësohet se 32-vjeçarja prej kohësh nuk ka pasur kontakte me familjarët e saj pasi jetonte me dy të arrestuarit dhe me tre mikeshat të cilat janë vënë nën hetim.

B. S., M. M. dhe me një 15-vjeçare po hetohen në gjendje të lirë pasi kanë qenë të pranishme në momentin e ngjarjes dhe nuk kanë kallëzuar krimin në polici./albeu.com/

The post “Shpëtuam për mrekulli”, detaji që “fundosi” autorët e dyshuar të vrasjes së Luljetës, dëshmia: Nuk na dha lekët! appeared first on Albeu.com.

Në lidhje me të janë bërë shumë spekulime, ndërsa gazetarja Anila Hoxha ka treguar se jetën e saj të vështirë, e destinuar të jetonte në barake dhe të punonte duke shitur trupin e sj.

Sipas gazetares, paratë që ai fitonte i përdorte për të ngrënë dhe për të blerë drogë, ndërsa shtëpia e saj ishte një copë kartoni poshtë urës.

Postimi i Anila Hoxhës:

Luljeta Preza !

32 vjece. Me nje jete te tmerrshme.

E vetmja pasuri e saj , trupi. Qe ja blinin poshte ures se Dajlanit burrat e orëve te vona. Kacidhe që i përdorte me pas për drogë dhe ushqim rruge . Nje cope kartoni ish streha e saj shtruar mes dheut dhe gjymtyreve qe muajt e fundit po e linin. Levizte kemba doras se fundmi, me shume zvarritej se sa ngulte kembet. Thoshte që e kishin përplasur me makine. Nuk shkoi kurre ne spital. Njehere vodhi portofolin e njerit prej klienteve, u be zhurme e madhe.

Të gjithë e shfrytezuan, jo vetem tutori ; nje maskara ne periferi që e rrihte duke kerkuar shume e me shume derisa  i shoi cdo gjë njerezore. Nje tjeter e nje tjeter qe vetem ndryshonte emrin e fytyren nga ai maskarai

Atje tek Ura e Dajlanit, ajo nje grua e destinuar për të jetuar sa ne barake, e sa ne mes te kater rrugeve .

E destinuar per tu bere ose lypese, ose shitese trupi

Grate si ajo thuajse nuk ekzistojne. Kur udheton drejt jugut apo kalon atje do ti shikosh tek ecin aq dukshem te shkaterruara, aq dukshem duke jetuar ne mes te nje asgjeje te madhe. Zero shanse per tu ringritur.

Për gra si ajo që ju shiten në fakt burrave, vrasja e tyre po nga nje dore e tille, eshte nje krim qe ka kohe qe ka ndodhur.

Per grate si ajo te thonë me cudi “ po me pyet për jeten e një prostitute ????” .

E qelluan me dy thika ne brinjë, ja lanë aty ne balte vdekjes që mbase ajo e priste.

Per ironi quhen Luljeta. Sa emer te bukur qe kishte !

The post “Një copë kartoni ishte streha e saj” gazetarja rrëfen jetën e Luljetës: E vetmja pasuri që kishte, trupi! appeared first on Albeu.com.

Trupi i saj u gjet rreth orës 10:30 dhe policisë disa orë për ta identifikuar dhe për të përcaktuar shkakun e vdekjes.

Nga hetimet rezulton se e reja është goditur disa here me thikë në trup dhe për pasojë ka ndërruar jetë.

“Nga ekspertët e mjekësisë ligjore, si dhe nga këqyrja e trupit të pajetë të 32-vjeçares, dyshohet se kjo shtetase e ka humbur jetën për shkak të dëmtimeve të marra në trup, nga një mjet prerës” informoi policia e Durrësit në një njoftim të mëvonshëm.

Policia ka shoqëruar dhe marrë në pyetje 17 persona, që kanë lidhje shoqërore me viktimën për të shkuar në identifikimin e autorit të krimit.

Burimet thanë se viktima mund të jetë abuzuar seksualisht e më pas është vrarë gjatë natës, ndërsa trupi u gjet në mëngjes. Viktima ishte endacake dhe e pastrehë, ndaj dyshohet se ka kaluar natën jashtë, poshtë Urës së Dajlanit, ku qëndrojnë shumë pjesëtarë të komunitetit rom./Albeu.com/

The post FOTO/ Kjo është 32-vjeçarja që u gjet e vrarë poshtë urës së “Dajlanit” appeared first on Albeu.com.