I ftuar sot në “Kjo Javë” me Nisida Tufën në News24, ai tha se Për aq kohë sa s’ka një vendim, nuk mund të ketë zgjedhje më 29 korrik

“Nuk ka mbaruar gara dhe nuk dua të paragjykoj. Për aq kohë sa s’ka një vendim, nuk mund të ketë zgjedhje më 29 korrik. Unë mendoj dhe vlerësoj se çdo faktor dhe autorë brenda PD-së duhet të mendojë për më të mirën e partisë dhe shuarjen e konfliktit. Nëse nuk e bëjmë do dobësohet PD dhe blloku opozitar”, tha ai.

Ndërkohë sa i takon zgjedhjeve të 2025, ai tha se shqetësimi është që askush nuk e gjen kurajën dhe të diskutojë se çfarë do ndodhë.

“Shqetësimi është që askush nuk e gjen kurajën dhe të diskutojë se çfarë do ndodhë. Ajo që kritikova për përjashtimet, kush i ka bërë, ka bërë gabim. Çdolloj përjashtimi dhe ndasie është e dëmshme. Sot nuk kemi luksin për të humbur as edhe një anëtar. Nga regjimi i Ramës kemi manipulimin e opinionit publik përmes propagandës dhe zgjedhjet e lira. Jam kundër çdo ndasie përjashtimi pasi duhet të kuptojmë se nëse nuk ulemi për të folur, zgjedhjet në 2025 do ketë një rezultat të paraprirë. në fushatën tjetër s’do ketë nevojë as t’i bjerë dajres”, tha ai.

Por a ka gjasa për ta gjetur zgjedhjen në një rrugë gjyqësore?

“Shqetësimi është që procesi i zgjedhjes së lidershipit të mos e fusë PD-në në një ngërç të ri. Druaj dhe kam frikë se do e fusë PD-në në një ngërç legjitimiteti që do vejë në pikëpyetje çuarjen para të partisë”, deklaroi Bardhi.

Ndërkohë sa i takon kandidaturës së dytë për kryetar të PD, atë të Gjergj Hanit, ai thotë: Që në momentin që thoni se rezultati është i njohur, nuk është proces i drejtë transparentë por farsë. Gjykoja që pas 9 shtatorit duhet të ofronim një model të ri të organizmit dhe proceseve brenda PD-së.

Si do të ishte PD me në krye Bashën?

“Do të ishte siç ka qenë, por e ndarë në dy pjesë në mënyrë përfundimtare. Me një konflikt të mbajtur të ndezur që do dobësonte çdo copëz të opozitës dhe kjo do ishte e dëmshme. Unë kam bashkëpunuar me Bashën, por në politikë kam një parim që bëj gjërat që besoj. Nëse nuk e besoj, nuk e bëj dhe as nuk diktohem për ta bërë”, pohoi Bardhi.

The post Kandidimi i Bashës për kreun e PD, Bardhi: Zgjedhjet e 29 korrikut s’mund të mbahen! appeared first on Albeu.com.

Rakipi përshkruhet si një ish-deputet famëkeq nga Elbasani, i cili ka ndikim të dëmshëm dhe destabilizues në proceset politike në Shqipëri. “Rakipi ka qenë prej kohësh i përfshirë në krimin e organizuar” thuhet në njoftim, ku shtohet se ish-deputeti ka ushtruar ndikim të paligjshëm për të emëruar zyrtarë publikë në Elbasan dhe në Tiranë.

Por cili është komenti dhe rruga që do të ndjekë ai tani? “5pyetjet.al” e kontaktoi zotin Rakipi, i cili u shpreh se e keqja për sanksionet i ka ardhur nga Lulzim Basha, denoncimet dhe akuzat e të cilit kanë qenë të shumta në vitet e fundit.

Intervista e plotë me Aqif Rakipin

A keni një koment për sanksionet e SHBA-së?

Rakipi: Nuk kam asnjë koment. As kam lidhje me atë pjesë fare.

A do ta ndiqni në hapa ligjorë?

Rakipi: Do ta shoh. Nuk kam asnjë lloj gjëje nga ata që thuhen. Të shohin a kam llogari bankare në Amerikë, a bëj biznes. Nuk kam biznes këtu dhe jo më andej.

SHBA ju cilëson si “ish-deputet famëkeq”, a do të kërkoni prova, ku bazohet?

Rakipi: Do i shoh.

Nuk do të nisni një proces gjyqësor?

Rakipi: Do të shikoj cfarë do të bëj. Do të interesohem.

A mendoni se është politike?

Rakipi: Po.

Po kë fajësoni?

Rakipi: Lul Basha e ka merakun.

Mendoni se është goditje nga Basha?

Rakipi: As që bëhet llaf.

Aqif Rakipi e humbi mandatin e deputetit në vitin 2018 si pasojë e ligjit të dekriminalizimit. Por në zgjedhjet e fundit parlamentare të zhvilluara më 25 prill 2021, djali i tij, Ornaldo Rakipi u zgjodh me një numër surprizë votash deputet i Partisë Socialiste në Tiranë./5pyetjet.al

The post SHBA e shpalli “non grata”, flet Aqif Rakipi: Ma bëri Lul Basha appeared first on Albeu.com.

“Lulzim Bashës që prej 24 orësh është frikësuar aq shumë sa angazhohet me topa pështyne nga frëngjijtë e betejave “të pahumbura” po i bëj të  qartë  vetëm një pjesë të gjësë: .

Lulzim, kepërdorimi që i bën zyrës së shtypit të PD-së ku jam nenkryetare Partie dhe keqperdorimi që po i bën institucioneve të partise duke futur njerëz si ish-kandidati i i “Librës” që e emërove në Durrës pa më pyetur mua si Drejtuese Politike apo dhe përfaqësuesit e kompanisë së PR-it që i nise për t’i shërbyer vetëm vetes tende dhe jo kandidatit, janë vetëm një pjesëz e keqperdorimit të Partisë Demokratike.

T’i kam shkruar këto gjatë fushatës me dyshimin e plotë që me këto veprime gara ishte e “lëshuar”.

Meqë ra fjala dhe ky kandidati i Librës qe e vure shef shtabi dhe i gjithë shtabi të kërkoi për tre jave me rradhë të vije ne Durres dhe të denoncoje aferen e Portit të Durrësit- e refuzove në mënyrë kategorike!

Po keqpërdor prapë sot rëndë atë që ke marrë nga demokratët me pa të drejtë. Siç po mashtron me kandidatin e Rrogozhines duke i vene sikur ka thene gënjeshtrat që ti prodhon ty ankthi.

Lulzim, nuk është mburrje, po të isha si ti do ta kisha thënë me të madhe qē zona ku jam deputete është e vetmja ku Partia Demokratike doli forcë e dytë. Por nuk e them dot as këtë si vlerë se me dhimbsen demokratet, që kudo ku shkoja me thoshin “aman ç’ju lidh me atë”!

Lulzim pas hirit të betejave të pahumbura nuk lulzojnë dot as shkurret e fitimeve me sakrificat e njerëzve”, shkruan ajo./albeu.com

The post “Nuk më pyete për kandidatin e Durrësit”, Duma i nxjerr të palarat Bashës: Të gjithë më thoshin “aman ç’ju lidh me atë”! appeared first on Albeu.com.

Burime bëjnë me dije për Abcnews.al se në mbledhje pritet që deputetët demokratë të njihen me qëndrimin që PD do të mbajë në lidhje me propozimin e maxhorancës për të zgjatur këtë afat deri në vitin 2024.

Negociatat para votimit në Kuvend të propozimit të maxhorancës kanë futur në lojë edhe ndërkombëtarët. Burime bëjnë me dije për Abcnews.al se përgjatë ditëve të fundit zyrtarë të lartë të ambasadave të vendeve të perëndimit në Tiranë kanë shkuar në selinë blu për të arritur një unanimitet mes palëve sa i takon këtij procesi.

Si përgjigje ata kanë hasur një kundërshtim në lidhje me këtë çështje pasi demokratët distancohen nga ky votim, duke qenë se propozimi ka ardhur nga socialistët dhe mund të perceptohet në publik si një ujdi e mundshme mes palëve.

Negociatat janë shtrirë edhe në selinë rozë, duke bërë që retorika mes palëve të zbutet gjatë ditëve të fundit ndërsa socialistët duket se kanë lëshuar “pe” nga disa qëndrime të forta në komisionet hetimore përballë kërkesave të demokratëve.

Selitë diplomatike të SHBA, BE, Mbretërisë së Bashkuar apo edhe Gjermanisë në vendin tonë dje iu drejtuan me thirrje të njëpasnjëshme Kuvendit për të ngritur “kartonat” pro zgjatjes së vetingut për të krijuar në një farë mënyre edhe bindjen se kjo kërkesë nuk vjen nga socialistët por ka lidhje me fatin e përbashkët të vendit.

Kushtetuta ka parashikuar kur KPK-së i mbaron mandati, puna i kalon KLP-së dhe KLGJ-së. Por nga socialistët është argumentuar se duhet zgjatja e mandatit pasi ky proces i filluar nga ky komision pra vetingu i gjyqtarëve dhe prokurorëve, duhet të mbyllet nga po ky komision. /abcnews.al

The post Pak orë na ndajnë nga votimi për zgjatjen e afateve të Vettingut, Basha bën lëvizjen e radhës appeared first on Albeu.com.

Basha tha se Sali Berisha, përmes Ilir Metës, votat e demokratëve do t’ia çojë Edi Ramës.

“Kur dolën listat e patronazhistëve u kuptua që çdo shtyllë ka rënë. Mund të rrimë të heshtur duke mos u future në betejë. Mund ta lëmë Ilir Metën që me dorën e Sali Berishës të marri prap vota demokratësh dhe t’i çojë prapë te Edi Rama. O me demokratët dhe për demokratët, ose me Ilir Metëbn për Ramën. Shikoni si bëhen bashkë ku i cenohen interesat. Në vitin 2018 Berisha dhe Meta firmosë dhe sot janë kundër vettingut. E kanë bërë malin e akuzave lundër meje më të lartë se mali i Dajtit. Unë u them merri akuzat ndaj meje dhe çojini në SPAK. Atje të bëhet vettingu i politikanëve, të bëhet vettingu pasurisë së familjeve të çdokujt. Thonë jo se duan të bëjnë shpifje. Të tre i bashkon frika ndaj të vërtetës. Duan të fshehin qeverisjen më të korruptuar dhe më të dështuar që ka patur ky vend dhe kjo propagandë mundohet ët fshehë faktin se Edi Rama, Sali berisha dhe Ilri Meta janë bërë bashkë për të shkatërruar PD”, tha Basha./albeu.com

The post Basha: Berisha, votat e demokratëve, do t’i çojë tek Edi Rama appeared first on Albeu.com.

“Këto ditë, e sotmja, e gjithë beteja, edhe sulmi, denigrimi që u është bërë demokratëve të ndershëm, si shumë prej jush në këtë sallë, drejtuesve, të gjithëve. S’po flas ndaj meje si kryetar i partisë, se vet zgjodha t’i vija gjoksin kësaj, pikërisht që mos të futej përçarja përmes demokratëve apo deputetëve, zonjave, anëtarëve të kryesisë. E gjitha kjo për çfarë paska qenë? Për t’i dorëzuar PD-në LSI-së dhe Ilir Metës?! Gjithë ajo skenë barbare atje e sulmit kundër shtëpisë së demokratëve, për çfarë paska qenë? Që shtëpia e lirisë të kthehet në shtëpinë e Ilirit?! Se kështu i bie! Apo jo?!

Të sfiduar kemi qenë dhe jemi, por në ato sfida vetëm sa jemi forcuar e jo dobësuar vendosmërinë tonë, për ti shkuar deri në fund betejës. Po e them në numrin shumës, por kështu ndihem unë. Nuk e di, a e shpreh apo jo dhe mënyrën se si ndiheni dhe ju. Kjo betejë nuk na përkul! Asnjë hap pas nuk hedhim! Nuk mund te themi;” zgjedhim të ardhmen”, e të sprapsemi! Jo! Ditë për ditë nga një hap përpara! Ditë për ditë me më shumë shqiptare e shqiptare ne krahun tonë! Çfarë duan shqiptarët?! Duan ndryshim! Çfarë është ndryshimi?! Nuk është ndryshim karrigesh! Nuk është ndryshim fytyrash! Dua një ndryshim, i cili, njësoj si para 32 vjetësh, është një ndryshim i thellë, jo vetëm politik, por kulturor. Nuk duan më kultin e individit! Zoti na bën të gjithë të barabartë. Të gjithë jemi të barabartë përpara Zotit. Sigurisht na jep mundësi e fakultete të ndryshme, dhe pastaj secili, në jetën tonë, në përgjegjësinë e vet, i zhvillon ato, por duhet të ketë mundësi ti zhvillojë. Nuk ka Zot mes nesh. Askush nuk mund ti vihet tjetrit, dinjitetit të tjetrit. Askush nuk mund të gllabërojë pronën, nderin, mundësinë, dinjitetin. E që të jemi të tillë, duhet në radhë të parë që, ajo, instrumenti i shërbimit ndaj njerëzve në tokë, që është politika, ta ketë këtë fytyrë njerëzore, ta ketë këtë tipar njerëzor, që e ka humbur”, tha Basha./albeu.com

The post Basha për Berishën: Sulmin barbar ndaj shtëpisë së demokratëve e bëri për t’ia dhënë partinë Ilir Metës appeared first on Albeu.com.

Basha tha se janë tre njerëz që nuk i ndahen karriges së pushtetit.

“Ky është vendi për ta thënë, nga Korça e qytetarësisë, e ndjej mençurinë dhe kulturën e civilizimit korçar, të cilit i thurin këngë dhe vargje, por me të cilin jemi në borxh dhe kemi bërë dhe ne si demokratë gabime.

Ky është vendi për ta thënë, se të gjitha vijnë si pasojë e shpërfytyrimit të politikës. Një politikë që ka humbur ndjeshmërinë ndaj njerëzve. Shikoni si flasin me gjuhë të shfrenuar 3 njerëz që nuk i ndahen në 31 vite karriges së pushtetit. Janë kthyer në tre aktorë në një film, tragjikomedi, por në fakt është më tepër dramë për familjen shqiptare. Përse bëhet i gjithë ky teatër? Për të maskuar një tjetër dramë të madhe kombëtare që është produkt i politikës që ka humbur fytyrën njerëzore, që janë institucionet e kapura. Nuk takojnë më njerëz. Sa prej jush nuk e dinë ku të qajnë hallin? Jemi kthyer si në mesjetë. Politikë pa fytyrë njerëzore, sepse institucionet janë kalbëzuar”, tha Basha./albeu.com

The post Basha për Metën, Ramën dhe Berishën: Tre njerëz që nuk i ndahen karriges së pushtetit appeared first on Albeu.com.

“Basha deklaroi se unë nuk bëra atë që bëri Berisha më 21 janar, ai sot mund të na tregojë se çfarë bëri. Këta përdorin budallëqe edhe më të pabesueshme çadra pistoletë, stilolapsa pistoletë… Sot është një ditë që Basha duhet të rrëfehet për 21 janarin, unë s’po them në SPAK sepse mbase s’e ka kurajën të shkojë por mbase qytetarëve për të dëshmuar se ai nuk është si Berisha por një politikan me formim perëndimor. Ai t’u thotë dhe familjarëve të vrarë se çfarë di ai për 21 janarin. Nëse do  të tregojë se nuk është si Berisha të distancohet duke treguar për 21 janarin. Të distancohet dhe nga trekëndëshi i Bermudës siç thotë ai. Nëse s’e bën këtë ai tregon se është bashkëpunëtor në ngjarjen e 21 janarit”, tha Hoxha në Abc Live.

Një thirrje për prokurorinë gazetari ka pasur edhe në lidhje me ish-deputetin Spartak Braho, i cili ka treguar një episod për 21 janarin.

“Spartak Braho tha një element interesant, Prokuroria ta hetojë. Ai ishte njeriu më i afërt i Ilir Metës atëherë. Për këtë gjë ai deklaroi se bashkë me Bashën kanë shkuar të dy në shtëpinë e të ndjerit Agron Bala, ish-gazetar dhe kanë parë filmimet se si është bërë vrasja. Braho tha unë e pashë dhe më thirrën si ekspert dhe u thashë mos u shkoni pas asaj gjëje”. /abcnews.al

The post Artan Hoxha: Basha të rrëfehet për 21 janarin, Braho të hetohet nga Prokuroria appeared first on Albeu.com.

Në një intervistë për ABC, Basha tha se ka komunikim vetëm me qytetarët dhe demokratët dhe se ata që ai i quan “Trekëndëshi i Bermudës” kanë komunikim të pandërprerë me njeri-tjetrin.

Pyetje: Zoti Basha, pse arriti Partia Demokratike në këtë pozitë që t’i krijojë një pozicion kaq komod kryeministrit Rama? Nga njëra anë ju e konsideroni Sali Berishën si “tub oksigjeni” për qeverisjen e Edi Ramës, nga ana tjetër Sali Berisha ju akuzon ju se me Policinë e Edi Ramës po mbroni selinë e Partisë Demokratike. Ju në fakt keni ndonjë komunikim drejtpërdrejtë me kryeministrin?

Lulzim Basha: Komunikimi im i vetëm është me qytetarët, është me demokratët. Komunikimi i trekëndëshit të Bermudës është i pandërprerë. Gjërat janë të ndara, duhet të kesh sytë e mbyllur, veshët e mbyllura dhe as dy pare mend në kokë, mos ta kuptosh.

Më herët, Lulzim Basha njoftoi në intervistën e dhënë për ABC se duke u nisur nga sjellja e mbështetësve të Berishës bën që PD të mos mjatfohet vetëm me pezullimin e tyre duke theksuar se për të, ata tashmë janë të përjashtuar.

Pyetje: Zoti Basha keni lënë një dritë le të themi portokalli për 19 funksionarët të Partisë Demokratike. Pse një pjesë e atij që quhet Komisioni i Rithemelimit janë parë me sy të mirë nga ju apo iu është dhënë drita jeshile ndërkohë për 9 funksionarë të tjerë përfshirë edhe Sali Berishën u mor vendimi që të përjashtohen përjetësisht nga Partia Demokratike?

Lulzim Basha: Nuk ka dritë jeshile për asnjërin. Të gjithë janë përjashtuar nga Partia Demokratike. Të pezulluarit kanë një mundësi të distancohen nga dhuna dhe distancimi i tyre nga dhuna do të vlerësohet nga  institucionet e partisë. Mosdistancimi i tyre deri në këtë moment flet qartë për fajin e tyre./albeu.com

The post Berisha e akuzon se po bashëpunon me Ramën, Basha i përgjigjet appeared first on Albeu.com.

Njoftimi:

Të nderuar Kryetarë,

Nesër, datë 12 Janar, ora 16:00 do të zhvillohet mbledhja e Kolegjit të Kryetarëve të PD për diskutimin mbi kalendarin dhe masat për organizimin e partisë në zbatim të vendimit të Kuvendit Kombetar të datës 18 Dhjetor “Për miratimin e programit organizativ të Partisë Demokratike”, që nuk u realizua dot për shkak të dhunës në datën 8 Janar. Në mbledhje merr pjese edhe Sekretariati i Partisë. Programi i diskutuar, propozuar dhe miratuar nga Kolegji i Kryetarëve, do ti nënshtrohet më pas miratimit nga Kryesia e Partisë.

Me respekt,

Sekretari i Përgjithshëm

Gazment Bardhi./albeu.com

The post Pas përjashtimit të Berishës dhe anëtarëve të Komisionit të Rithemelimit, PD ndërmerr hapin e radhës appeared first on Albeu.com.