Burime bëjnë me dije se kryetarët e degëve, kanë kërkuar të dalin në terren për të komunikuar me struktura, përfshirë këtu dhe kryetarin Basha.

Këtë kërkesë disa prej kryetareve të degëve e kanë bërë për Kryetarin, nënkryetarët, Sekretarin, Kryesinë dhe deputetët.

Sipas tyre është e domosdoshme dalja në terren në situatën aktuale ku ndodhet PD.

Mësohet se kryetarët që kanë bërë këto kërkesa janë:

Lefter Geshtenja -Dega 7, Tirane

Agron Kapllanaj – Dega Fier

Isa Sakja – Dega Kavaje

Xhevdet Amulli – Dega Shkodër

Basha i është përgjigjur pozitivisht kërkesës./albeu.com

The post Zbardhen diskutimet në mbledhjen e Kolegjit të Kryetarëve të PD, kërkesa që Basha iu përgjigj pozitivisht appeared first on Albeu.com.

“Ne luftuam dhe do të luftojmë kundër krimit të organizuar. Ne nuk e veshim kriminelin me kostum për ta futu në parlament dhe bashki. Ne e dimë që kur ky tumor përhapet në indet e një partie politike shtrihet në të gjithë pushtetin.

Kemi denoncuar korrupsionin marramendës të këtij regjimi, që duke përfituar nga vakumi i drejtësisë, e çoi Shqipërinë në një tatëpejtë të frikshme, duke e renditur të parën në Europë për korrupsion dhe të dytën në botë për ryshfetin që shërbëtorët dhe ortakët e Ramës u rrëmbejnë qytetarëve dhe sipërmarrjeve.

Miliarda euro dëme ekonomike, të paktën 7 sipas raporteve të KLSH-së, që mund të ishin përdorur për të ndërtuar një të ardhme më të mirë për fëmijët tanë, shkuan në xhepat e regjimit Rama-Doshi.

Nga të dhënat e Bankës Botërore dhe BERZH ryshfeti që merr ky regjim u kushton bizneseve shqiptare 550 milionë euro në vit, ose 1.5 milionë euro në ditë, një shumë tre fish me e lartë se ajo që raportohej në 2013-ën.

Para që mund të shkonin për shkolla, spitale, rrugë, paga më të mira për mësues dhe mjekë, pensione më të dinjitetshme për të moshuarit tanë që meritojnë një pleqëri të bardhë, larg shqetësimeve për faturat përherë e më të kripura të dritave dhe ujit, larg ankthit për ilacet që nuk mund të përballojnë dhe tryezës që bëhet gjithmonë e më e varfër”, tha Basha.

The post Basha: Ne nuk do ta veshim kriminelin me kostum për ta futur në Parlament apo Bashki appeared first on Albeu.com.