Te luleshtrydhet e importuara nga Greqia, është konstatuar prania e mbetjes së pesticidit Hexythiazox, i cili konsiderohet me risk për shëndetin e njeriut.

Kontrollet e AKU-t në terren, pas analizave të kryera në ISUV, kanë faktuar se luleshtrydhet e importuara nga shteti grek kanë prani të pesticidit, që përbën risk për shëndetin e konsumatorëve.

Situata bëhet më alarmante edhe për vetë faktin që luleshtrydhet preferohen shumë nga fëmijët.

Në një kërkesë për informacion drejtuar AKU-t, na bëhet me dije se subjekti importues është “Geri shpk” me aktivitet “Magazinë fruta-perime”.

Sipas AKU-t, subjekti e ka importuar produktin në përputhje me legjislacionin në fuqi. Pra, teorikisht në bazë të certifikatave shoqëruese, luleshtrydhja e importuar nga Greqia ishte konform rregullave dhe për konsum, por praktikisht nga analizat e ISUV rezultoi se ky produkt duhet të hiqej menjëherë nga tregu, sepse paraqiste rrezik.

Megjithatë, inspektorët e AKU-t nuk arritën të minimizojnë rrezikun duke bllokuar luleshtrydhen, pasi e gjithë sasia e importuar rezultoi e shitur.

Në bazë të procedurave standarde kur një produkt dërgohet për t’u analizuar, duhet të qëndrojë i bllokuar deri në daljen e rezultatit të analizave.

Në rastin konkret, asnjë kilogram luleshtrydhe nuk rezultoi e bllokuar.

Efikasiteti i AKU-t, duhet të qëndrojë në evidentimin e rasteve problematike dhe bllokimin e produkteve që paraqesin risk, pa u konsumuar nga qytetarët.

Më herët, televizioni “Ora News” ka ngritur alarmin për shitjen e mishit të pulës së infektuar me salmonelë në rrjetin e dyqaneve “KFC” në Shqipëri.

Deri në momentin që është bërë bllokimi, në dyqanet “KFC” është shitur 1357 kg mish pule dhe sasia e bllokuar ishe vetëm 177 kg.

Edhe në rastin e ëmbëlsirave “Fruit Toffee” Mix 500g me prezencë të copave të metalit që janë tregtuar në Shqipëri, sipas burimeve zyrtare rezultoi se produkti nuk ka mundur të bllokohet dhe rezulton i shitur.

The post Tjetër skandal/ Luleshtrydhet e importuara nga Greqia me prani pesticidi të rrezikshëm. “Dorëzohet” AKU: Janë shitur, nuk i bllokuam appeared first on Albeu.com.

Kryefjalë e shqetësimit të tyre mbetet mungesa e fuqisë punëtore, e çmimit të luhatshëm, moskorrektësisë në shlyerjen e faturave nga pikat e grumbullimit dhe mungesa e politikave mbështetëse nga shteti.

“Unë dua një milionë lekë në vit për punimet e tokës, lëre pastaj plehrat që janë shtrenjtuar shumë, unë kam nevojë për ndihmë nga shteti se nuk i përballoj dot, jemi të dy burrë e grua, pension nuk kemi, të ardhura nuk kemi. Nuk të vjen punëtori pa 20 mijë lekë, nuk e marr dot.

“Pesticidet me çmim shumë të shtrenjtë, edhe nuk bëjnë efekt, një herë në tre katër ditë duhet ti bëj, por nuk e përballoj dot, kemi ngelur vetëm, fëmijët kanë ikur me familjet e tyre. Nuk kemi mbështetje, nuk ka prodhim”.

Kultivuesit pohojnë të indinjuar se mungesa e politikave mbështetëse po i penalizon për të shtuar sipërfaqet e mbjella me luleshtrydhe ndërkohë që kërkesa në tregun europian sa vjen e shtohet.

“Tani fillon piku i vjeljes së luleshtrydhes, fund shkurti deri mes qershori, fuqia punëtore mungon. Mbështetja nga shteti ka qënë zero. Është një kulturë që fillon vjelja që në dhjetor dhe kërkohet por nuk kemi sasinë e duhur që të konkurojmë, nuk i shtoj dot sipërfaqet e mbjella se nuk e përballoj dot. Në ditët në vijim do ulet edhe çmimi se kemi konkurencë edhe nga tregu ballkanik dhe ai europian”.

Kjo zonë në Fier, njihet si ferma më e madhe e kultivimit të luleshtrydheve në Shqipëri, ndërsa kultivuesit shprehen se pjesa më e madhe e produktit shkon për eksport.

The post Ankesa e fermerëve për luleshtrydhet në Fier: S’ka punëtorë, s’ka çmim, as lekë appeared first on Albeu.com.

Ato mbahen si një nga ushqimet me përmbajtje më të lartë të vitaminës C. Po ashtu ajo ka dhe vlera të larta mjekësore duke veçuar këtu vetinë e saj të madhe antioksiduese.

Për më tepër ky frut është një antioksidant që lufton radikalet e lira dhe plakjen e lëkurës. Janë të nevojshme si anti moshë por edhe për të forcuar sistemin imunitar dhe për të mbrojtur zemrën.

Ndihmojnë në prodhimin e kolesterolit të mirë dhe qëndrueshmërisë së tensionit të gjakut. Luleshtrydhet janë të pasura me ujë dhe përmbajnë shumë pak kalori. Të mendosh që 100 gram i këtij fruti kanë vetëm 30 kalori. Janë ëmbëlsira ideale për të shijuar, duke shtuar dhe pak lëng limoni.

Ajo është gjithashtu edhe një burim i mrekullueshëm acidi folik, magnezi, potasiumi, vitamine B5 dhe B6, magnezi, roflavine, acidit vajor omega-3 dhe bakri.

Luftojnë kancerin, ulin rrezikun e infeksioneve, parandalojnë prekjen nga sëmundjet e mëlçisë dhe largojnë dëshirën për të pirë duhan.

The post Nga kanceri te sëmundjet e mëlçisë, konsumi i luleshtrydheve është “ilaç” për trupin appeared first on Albeu.com.