bandicam 2025-05-19 10-33-46-247Në zonën e pankinave shpërtheu kaosi, pasi Lukaku u përpoq të informonte të gjithë skuadrën për rezultatin që vinte nga “San Siro”, ndërsa Konte nga ana e tij u përpoq të frenonte entuziazmin, duke mbajtur lart përqendrimin. Pra, një konfuzion i madh, që u përhap edhe te pankina e Parmës.

Konte pati një përplasje shumë të fortë me një bashkëpunëtor të Kivu, pra Galjardi, që më pas kaloi edhe te trajneri verdheblu. U shkëmbyen fjalë të rënda, me trajnerin e Napolit të tërbuar edhe për vonesat e supozuara të kundërshtarëve. Bashkëpunëtorët e tij, dhe vetë lojtarët, në krye Lukaku, u përpoqën ta qetësonin dhe ta largonin. E gjitha për të shmangur masa më të rënda. Por kjo nuk mjaftoi për të shmangur kartonin e kuq, i ndarë me trajnerin e Parmës.

Para se të largohej nga fusha, i “shoqëruar” në brendësi të stadiumit, Konte bërtiti fjalë aspak të lehta ndaj dikujt nga pankina e Parmës, ende dukshëm i tërbuar. Menjëherë vrapoi në tribunë për t’i dhënë udhëzimet e fundit skuadrës. I rraskapitur në intervistën pas ndeshjes, me hidhërimin për mungesën në atë që mund të jetë ndeshja e fundit, ajo e titullit kampion ndaj Kaljarit. (VIDEO)

The post VIDEO/ Antonio Konte dhe trajneri i Parmës shahen me ulërima, si ndodhi sherri masiv dhe pasuan kartonët e kuq appeared first on Albeu.com.

Një ndeshje e bukur në Gewiss Stadium, e zhbllokuar pas 16′ me golin e Retegui, me një gjuajtje me këmbën e majtë nën traversë.

Në minutën e 27-të Politano, gjithashtu me këmbën e majtë shumë të fortë, gjeti golin e barazimit, më pas në minutën e 40-të McTominay e përmbysi sfidën.

Në pjesën e dytë skuadra e Gasperinit doli në fushë me “thikë mes dhëmbëve” dhe në minutën e 56-të gjeti golin e barazimit me Lookman.

Skuadra e Contes vuan, por gjen fitoren e tri pikëve në minutën e 78-të me një goditje të bukur me kokë të Lukakut.

The post Napoli mposht Atalantën, vendos Lukaku appeared first on Albeu.com.

Kjo u bë e ditur nga vet klubi italian në llogarinë e tyre zyrtare në Twitter.

30 milionë euro plus shtesa do të paguajë Napoli drejt Chelseat për shërbimet e sulmuesit belg, shkruan Albeu.com.

Lukaku do të nënshkruajë kontratë tre vjeçare me klubin italian.

Ai dëshironte vetëm Napolin dhe ribashkimin me ish-trajnerin e tij, Antonio Conten dhe tashmë marrëveshja është kompletuar.

The post Zyrtare: Napoli nënshkruan me Lukakun appeared first on Albeu.com.

Ofertë nga klubi i De Laurentiis prej rreth 30 milionë euro për një operacion të përhershëm me pagesa mjaft të gjata për shkak të mungesës së sigurisë në lidhje me transferimin (ose të mundshëm) të Osimhen.

Prandaj, propozimi ekonomik u përmirësua nga Napoli, me blutë në gjendje të zgjedhin midis bonusit ose përqindjes në rishitjen e ardhshme si një “opsion” për t’i shtuar ofertës ekonomike. Tani pritet një përgjigje nga ana e Chelsea.

The post Napoli riniset, 30 milionë euro për Lukakun appeared first on Albeu.com.

Sllovakët shtangën Belgjikën, duke kaluar në avantazh që në minutën e e shtatë të takimit, rezultat që e ruajtën deri në fund.

Megjithatë Belgjikës iu anuluan me anë të VAR dy gola të Lukakut, një për pozicion jashtë loje dhe tjetri për prekje të topit me dorë.

Belgët patën 12 raste për të shënua, ndërsa sllovakët i vunë gjithashtu në vështirësi me 11 raste.

Ndeshja tjetër e grupit mes Ukrainës dhe Rumanisë përfundoi me fitoren e këtyre të fundit, me rezultatin 3-0.

Aktualisht në krye të grupit qëndron Rumania, e ndjekur nga Sllovakia me pikë të barabarta.

The post Lukakut i anulohen 2 gola, Sllovakia mposht Belgjikën appeared first on Albeu.com.

Sulmuesi belg u shpreh për mediet italiane se beson te ekipi i tij i ri, ndërsa theksoi se është  shumë i lumtur për këtë lëvizje.

“Unë kam besim në këtë ekip. Ne duhet të punojmë së bashku për të bërë mirë, duhet të jemi të përulur, të mbajmë kokën ulur dhe të ecim para dhe të përmirësohemi çdo ditë për të arritur rezultate të mira. Është mënyra ime për t’i bërë gjërat, shpresoj ta ndihmoj ekipin të arrijë maksimumin. Kur ishim afër marrëveshjes mes dy klubeve, shumë njerëz rreth meje filluan të më thoshin se tifozët po më prisnin. Unë isha vërtet i fokusuar që të përgatitesha mirë për të qenë në formë dhe kur mbërrita doja shumë të jetoja momentin, isha i emocionuar, më dha një motivim të madh për të dhënë gjithçka për këtë ekip”-tha ai.

Më tej, Lukaku deklaroi se mjaftoi një telefonatë që të vendoste të kalonte te “verdhekuqtë” e Romës.

“Mjaftoi vetëm një telefonatë, pronarët më telefonuan disa ditë para marrëveshjes, biseduam rreth gjysmë ore për ambiciet e kësaj kompanie dhe më pas gjithçka eci shumë shpejt”-vijoi sulmuesi.

I pyetur ndër të tjera për trajnerin Jose Mourinho, belgu u shpreh se që fëmijë ka dashur të punojë me të.

“Që në moshën 11-vjeçare kam dashur të punoj me të. Ai më njeh mirë si burrë, e njeh familjen time, dhe unë e njoh. Së bashku mundemi bëjmë gjëra të bukura. Kemi një skuadër të mirë, duhet të punojmë dhe të përpiqemi të përmirësohemi ndeshje pas ndeshje”-mbylli fjalën e tij Lukaku.

The post Lukaku: Mjaftoi një telefonatë që të kaloja te Roma, Mourinho e di mirë çfarë burri jam unë appeared first on Albeu.com.

Lukaku u ul në bordin e avionit privat të Dan Friedkin pak pas orës 17:00, për të përshëndetur më pas tifozët që ishin mbledhur në aeroport për ta mirëpritur atë në Itali.

Mbështetësit e Romës ishin të shumtë në afërsi të aeroportit Ciampino, me shpresën për të fituar një autograf nga bomberi Lukaku.

Firma do të vijë nesër, por sipas asaj që shkruajnë mediat, klubi italian do të paguajë te Chelsea një tarifë huazimi prej 5.8 milionë euro për lojtarin. Sakaq, akordi vlen për sezonin 2023-24.

Trajneri i Romës, Jose Mourinho “përqafon” kështu sulmuesin e shumëpritur, me besimin se ekipi do mund të sigurojë një vend në top-4.

The post Lukaku pritet me entuziazëm nga tifozët e Romës appeared first on Albeu.com.

The post Lukaku i ofrohet Barcelonës, katalanasit nuk e konsiderojnë si opsion appeared first on Albeu.com.

E gjithë kjo e zhgënjeu ekipin nga Milano, i cili dy herë e “ringjalli” Lukakun pas paraqitjeve të këqija në Manchester United dhe Chelsea.

“Lukaku na tradhtoi, jemi të zhgënjyer”, nuk e ka fshehur në një intervistë për Gazetën e sotme, Javier Zanetti, legjenda e Interit dhe sot nënkryetar i klubit.

Largimi i Lukakut te Juventusi befasoi shumë pasi belgu deklaroi më parë se nuk do të luante kurrë për gjigantët nga Torino, dhe veçanërisht pasi disa nga tifozët e klubit e ofenduan atë për baza racore gjatë sezonit të kaluar.

“Ne prisnim një sjellje krejtësisht të ndryshme nga Romelu – si profesionist, por edhe si njeri”, shtoi Zanetti.

Lukaku pritet të nënshkruajë kontratë trevjeçare me Juventusin.

The post Zanetti “godet” Lukakun: Na tradhtoi si profesionist dhe si njeri, jemi të zhgënjyer appeared first on Albeu.com.

Paratë e arkëtuara nga shitja e kamerunasit do t’i japin mundësi klubit zikaltër që të kthehen në merkato dhe të investojë për të blerë përfundimisht Romelu Lukakun  nga Chelsea.

Sulmuesi belg është synimi kryesor i drejtuesve të Interit, të cilët po negociojnë deri në fund me londinezët për sulmuesin.

Sipas “Gazzetta dello Sport”, së shpejti do të arrihet marrëveshja, pasi Marotta dhe Ausilio mund të ofrojnë 35 milionë euro për kartonin e sulmuesit, shumë për të cilën operacioni mund të mbyllet me sukses. Tymi i bardhë pritet të hënën.

The post Interi e rrit ofertën në 35 milionë euro për Lukakun, “tymi i bardhë”, të hënën appeared first on Albeu.com.