Ky zotim i Gjergjit, jo vetëm që nuk u mbajt, por situata u rëndua edhe më shumë. Emisioni Uniko, sjell detaje me prova dhe dokumente për marrëdhënien e rënduar mes çiftit Mullalli, që çoi në krimin makabër të 29 Korrikut.

Pas urdhrit të parë të mbrojtjes në vitin 2018-të, situata bashkëshortore vijonte të ishte e tendosur dhe shpesh herë kishte akte të tjera dhune të cilat nuk ishin denoncuar nga Luiza pasi donte të ruante familjen.

Situata duket se u bë e padurueshme dhe më 6 Nëntor të vitit 2022, Luiza trokiti sërish në dyert e organeve të drejtësisë për të kërkuar mbrojtje, pasi ndihej e rrezikuar seriozisht për jetën nga bashkëshorti i saj Gjergji.

“Në seancën gjyqësore të datës 25 Nëntor të vitit 2022, Luiza Mullalli deklaroi se i qëndronte pretendimeve të paraqitura në seancën e mëparshme për lëshimin e urdhrit të menjëhershëm të mbrojtjes. Në vijim ajo u shpreh se ka interes për të vazhduar gjykimin pasi nuk dihet e sigurt dhe i padituri nuk është i qëndrueshëm në veprimet që bën, në datën 9 Nëntor 2022 ka shkelur urdhrin e menjëhershëm të mbrojtjes e për këtë ka njoftuar komisariatin e policisë Maliq. Gjithmonë ia ka falur, por nuk mundet më dhe kërkon të lëshohet urdhri i mbrojtjes”, thuhet në vendimin e gjykatës të vetëm 8 muajve më parë.

Po sipas asaj që thuhet në vendim, “para gjykatës Luiza ka sqaruar se për të provuar pretendimet e saj ka paraqitur edhe prova me dëshmitar djalin e saj dhe nusen e vëllait të saj, të cilët janë në dijeni të situatës së krijuar në familje, të marrëdhënies së saj me të paditurin. Në përfundim, prej saj u kërkua të konfirmohet masat e mbrojtjes të dhëna nga kjo gjykatë në seancën e mëparshme”.

Edhe në këtë rast, gjykata vendosi ta pranonte kërkesën për lëshimin e urdhrit të mbrojtjes dhe krahas masave të tjera vendosi që Gjergji duhet të mbante një distancë prej 30 metrash larg prej Luizës dhe që të mos hynte në banesën e përdorur nga të dy palët.

Por edhe kjo nuk qe e mjaftueshme.

Dhuna e përsëritur dhe pamundësia për vijimin e bashkëjetesës, bëri që më datën 23 Shkurt 2023, Luiza Mullalli të paraqiste në gjykatë kërkesën për zgjidhje të martesës.

Pas urdhrit të parë të mbrojtjes Gjergji theksoi konsumimin e alkoolit. Ndërsa pas urdhrit të mbrojtjes së vitit 2022 ai u zhvendos të jetonte tek shtëpia e prindërve pak metra më larg, ku dhe me ta, sipas banorëve, nuk kishte një sjellje të mirë dhe i kishte lënë në një dhomë pasi u thoshte se shtëpia ishte tij.

Banorët e fshatit u shprehën se Gjergji kishte dyshime se Luiza e tradhtonte, dyshime të cilat nuk arriti t’i vërtetonte asnjëherë. Sipas të njëjtave burime nga fshati, 55-vjeçari ishte i mërzitur me Luizën pasi shprehej se ia kishte kthyer të 3 fëmijët kundër.

Emisioni Uniko zbulon po ashtu se, pa kaluar 3 muaj nga kërkesa për zgjidhje të martesës, më datën 19 Maj 2023, Luiza iu drejtuar sërish gjykatës për akuzën ndaj bashkëshortit, për dhunë në familje.

Më datën 19 Korrik kishin patur seancën e fundit të zhvilluar për zgjidhjen e martesës ndërsa seanca e radhës ishte caktuar me datën 4 Tetor 2023. Seancë e cila mesa duket nuk ka më objekt dhe arsye për t’u zhvilluar, pasi asnjëri prej tyre tashmë nuk jeton.

Mbrëmjen e 29 Korrikut, Gjergji Mullalli i mori jetën bashkëshortes së tij Luiza Mullalli, duke e qëlluar për vdekje me armë zjarri. Më pas trupin e saj e mbështolli me çarçaf dhe e hodhi në gropën septike të banesës, në fshatin Zëmblak të Maliqit, ku jetonin. Disa orë pas krimit të rëndë, teksa 55-vjeçari ishte në kërkim nga policia, ai e drejtoi armën nga vetja, duke e çuar kështu bilancin e kësaj ngjarjeje tragjike në dy të vdekur.

Luiza dhe Gjergji kishin 25 vjet të martuar dhe ishin prindër të 3 fëmijëve. Me një diferencë moshe prej 9 vitesh ata u njohën me mblesëri. Ishin martuar në vitin 1998 dhe për 16 vite jetuan në Athinë të Greqisë, derisa vendosën të ktheheshin përfundimisht në Shqipëri në fshatin Zëmblak ku kishin ndërtuar dhe shtëpinë me kursimet e mbledhura nga emigracioni./tvklan

The post “Nuk është i qendrueshëm….”, si e paralajmëroi Luiza krimin disa muaj më parë appeared first on Albeu.com.

Suksesi më i fundit për Gegën ka ardhur nga Kampionati Ballkanik të Atletikës, eveniment i zhvilluar më datat 22-23 korrik në Kraljevo të Serbisë.

Luiza, e cila paraqitej në këtë event si kampione në fuqi e Europës, jo vetëm që i justifikoi të gjitha pritshmëritë, por i tejkaloi ato.

Si askush tjetër në historinë e Ballkanikut, 34-vjeçarja shqiptare arriti që të fitonte 3 medalje të arta, dy në ditën e parë dhe një në ditën e dytë.

Një tjetër paraqitje historike nga Gega, e cila bëhet sportistja e parë shqiptare që siguron me normë kualifikimin për në Lojërat Olimpike “Paris 2024”. Paraqitje të pabesueshme nga kampionia jonë, që për vite me radhë konfirmohet konstante në rezultate, duke qenë gjithnjë brenda normës olimpike.

Medalja e parë e Luiza Gegës në Kampionatin Ballkanik erdhi në mëngjesin e së shtunës, në disiplinën e saj të preferuar në 3000 metra me pengesa.

Gega fiksoi një kohë mjaft të mirë, për ta ndalur kronometrin në 9:21.53, duke e kaluar e shkëputur finishin, për të futur në kasafortë medaljen e parë të artë.

Vetëm disa orë më vonë do të vinte e arta e dytë, këtë herë në 3000 metra. Gega regjistroi kohën 9:21.48 për të fituar sërish e shkëputur, duke siguruar një tjetër vend të parë.

Por kampionia kuqezi nuk do të ndalej me kaq, pasi sot në ditën e dytë të aktivitetit (sot), do të kompletonte tripletën e medaljeve të artave, rezultat që nuk e kishte arritur asnjë sportist tjetër në historinë e këtij kompeticioni.

Kështu Luiza u shpall kampione edhe në garën e 5000 metrave, duke fiksuar rezultatin 16:07.93, për ta ngjitur për herë të tretë flamurin shqiptar në shkallën më të lartë të podiumit në Serbi.

The post Luiza Gega vendos “Diktaturën”, merr 3 medalje të arta në kampionatin Ballkanik të Atletikës appeared first on Albeu.com.

Në garën e 3 mijë metrave me pengesa, atletja shqiptare Luiza Gega u rendit në vendin e 10-të.

Ajo është renditur e 10-ta me kohën 9 minuta, 11 sekonda e 94 të qindtat, duke konfirmuar se është në një formë shumë të mirë.

Me këtë kohë, Gega ia ka dalë që të kapë edhe normën për në kampionatin Botëror.

Ndërkohë, në vend të parë u rendit atletja nga Etopia, Sembo Almayeu, e dyta u rendit keniania Jackline Chepkoech dhe e treta etiopiania Zerfe Uondemagegn.

The post Luiza Gega shkëlqen në Firenze në garën e 3 mijë metrave appeared first on Albeu.com.

“Cdo hap më i shpejtë i një atleti është një parakunt i një hapi në mbarë njerëzit. Dua të kujtoj fatin e 2 pararendësve të lirive që jetojmë sot. Janë pararendës dhe të Luziës, do të mbahet mend nga të gjithë ne. Jessie Oëans, është emri i një sfiduesi me uniformën e një atleti poshtë në pistë, ndaj ideologjisë hitleriane, ndaj racizmit. Në një kohë kur maksimumi kishte rivale e nuk ekzistonin sfiduesit. Këtu depërtoi një Luizë që i përket historisë. Mendoj se ti hyn në një kënd shumë specifik, si parakumptuese të një Shqipërie ku vajza e djem do të provojnë të kundërtën e asaj që predikojnë cinikët dhe më falni ‘talljetrapistët” me kombin, flamurin dhe normë morale dhe etike të traditës shqiptare”, tha Rama./albeu.com

The post Rama lëshon gojën gjatë ceremonisë së Gegës: Vajzat e djemtë provojnë të kundërtën e asaj që predikojnë talljetrapistët appeared first on Albeu.com.