Nga fillimi i lidhjes, te propozimi për martesë, e deri te planet për dasmën Gega dhe Stërmasi zbulojnë anën e tyre më personale dhe ndajnë për herë të parë detaje që do t’i bëjnë lexuesit të ndihen më pranë tyre se kurrë më parë.

Rudina Magjistari: Është një kombinim i juaji jo vetëm profesional. Është folur dhe tashmë dihet që mes jush ka një raport përtej profesionit dhe miqësisë. Çfarë mund të themi në këtë rast, sepse ju e dini që jeni një nga çiftet më të përfolur dhe që ka më shumë kuriozitet.

Luiza Gega: Kjo ka ardhur vonë, ndoshta nga viti 2019, nuk është se e di fiks.

Taulant Stërmasi: Ne kemi punuar shumë, kemi qenë një grup shumë i madh, por që të arrish objektivat e mëdha duhet të jesh shumë afër. Sigurisht që përtej pjesës së sportit lidhet dhe pjesa e ndjenjave të secilit. Ka diçka, që kombinimi i të dyjave bëri që Luiza në dy vitet e fundit të kishte rezultate shumë të larta. Nuk ka lidhje me pjesën e medaljes, por më shumë me pjesën e të lidhur dhe të të kuptuarit gjërave bashkë.

Rudina Magjistari: E ka ndikuar në një frymëzim më shumë.

Taulant Stërmasi: Nëse unë si trajner dhe si njeri investohem shumë te partneri edhe partneri ndoshta ka detyrimin, duket sikur do ta kthejë. Është një motiv më tepër. Kam dëgjuar Luizën që ka thënë që dua të dal më mirë edhe prej arsyes sime.

Rudina Magjistari: Pra ju keni që në 2019-2020 që jeni si një çift së bashku, çift së bashku, çfarë dhe të dimë më tepër lidhur me raportin tuaj?

Taulant Stërmasi: Ne jetojmë bashkë!

Rudina Magjistari: A ka ndonjë plan për ju, besoj se është koha më e mirë për të marrë vendime.

Taulant Stërmasi: Disa gjëra vijnë vetvetiu dhe janë gjëra normale të një çifti normal. Kështu që disa gjëra janë rrugës dhe do shohim.

Luiza Gega: Unë vetë vij nga një familje e madhe dhe nuk e shikoj dot veten time pa krijimin e një familjeje, sepse i dashuroj fëmijët. Por, arsyeja pse unë kam folur për raportin është se nuk doja që t’i jepja vëmendje kësaj gjëje më shumë se sa asaj që unë bëja dhe përpiqesha. Mendoja që do vinte momenti i duhur.

Rudina Magjistari: Kur do të vijë momenti që t’ia bësh propozimin Luizës?

Taulant Stërmasi: Unë propozimin ia kam bërë, por ju nuk e keni marrë vesh.

Luiza Gega: Ne kemi një vit që e kemi bërë familjare, kemi bërë fejesën. Ne jemi një familje tradicionale, mami insistonte shumë dhe e bëmë edhe për t’iu bërë qejfin prindërve.

Rudina Magjistari: Kur do të jetë dasmë?

Taulant Stërmasi: Dasmë do të ketë me patjetër, por jo tani afër.

The post ”Mami insistonte shumë”, Luiza Gega dhe Taulant Stërmasi japin lajmin e bukur appeared first on Albeu.com.

Komiteti Olimpik Kombëtar Shqiptar përkujtoi sot këtë rezultat historik të atletes shqiptare.

Luiza Gega u shpall kampione e Europës në 3000m me pengesa në Europianin e atletikës, mbajtur në Mynih.

Atletja e ‘Team Albania’ e ndali kohën në 9:11.31, duke vendosur edhe rekordin e kampionatit në këtë disiplinë.

Luiza Gega mban gradën kolonele në Forcat e Armatosura të Shqipërisë.

The post 3 vite më parë, Luiza Gega u shpall kampione e Europës në 3000m appeared first on Albeu.com.

Përmes një postimi në rrjete sociale, Gega ngriti zërin ndaj mënyrës se si ishte planifikuar transporti i ekipit, me autobus, për një rrugë që zgjat 20 orë.

“M’u rikthye ndjesia e para 20 viteve. Nuk ka asgjë të keqe të udhëtosh me autobus, por është një rrugë rraskapitëse që asnjë sportist nuk duhet ta bëjë para një gare,” – shkroi ajo.

Atletja shigjetoi drejtpërdrejt presidentin e ri të federatës, Izmir Smajlaj, ish-sportist i kërcimit së gjati, i cili mori detyrën në maj të këtij viti.

“Në ditën e parë ai tha se do të mbështeste sportistët sepse e kuptonte nga përvoja. Sot e ktheu atletikën 20 vite pas.”

Një tjetër problem që Gega e cilëson si skandaloz, është mungesa e uniformave për ekipin kombëtar. Sipas saj, federata nuk ka siguruar asnjë veshje zyrtare, por sërish pret që atletët të jenë të gatshëm për të garuar.

“Uniformat e vetme i kemi nga dy vite më parë, të blera nga trajneri im me lekët e tij. Kur s’ka fonde, një president i vërtetë duhet të marrë përgjegjësi, edhe nga xhepi i vet.”

The post Luiza Gega refuzon të përfaqësojë Shqipërinë në Evropian: Federata po na kthen 20 vite pas appeared first on Albeu.com.

Përveç zgjedhjes së presidentit, u miratua edhe përbërja e re e Kryesisë së Federatës. Anëtarët e rinj janë Vaso Selenica, Emiljana Ciko, Gledis Hallunaj, Oltion Luli, Zhuje Bajko dhe Vladimir Gjonaj.

Zhvillimet e fundit kanë ngjallur reagime në komunitetin sportiv, përfshirë edhe nga kampionia Luiza Gega. Përmes një videoje të publikuar në rrjetet sociale, Gega tha se e kishte ndjerë që po bëheshin përpjekje për të mos u përfshirë në strukturat drejtuese të atletikës.

“Është punuar fort që të mos votohet për mua. Unë thjesht mbajta një fjalim prezantues, jo se nuk e dinë se kush jam, por që doja t’i shikoja në sy kur të vinte ky momenti. Thashë dhe dy fjalë në fund që vërtetë unë nuk meritoj të jem pjesë sepse unë i bëj gjërat me shpirt, e dua këtë sport dhe duam të ecim para,” – u shpreh Gega.

The post Izmir Smajlaj zgjidhet President i Federatës Shqiptare të Atletikës, reagon Luiza Gega: U punua fort kundër meje appeared first on Albeu.com.

Pas lojërave olimpike unë u mendova se çfarë do të bëja me veten, karrierën. Nuk është një vit i lehtë për mua dhe pse unë kam përgatitur veten për këtë moment. Por dua të bëj një hap po të rëndësishëm në jetë që këtë herë nuk ka lidhje me karrierën, unë jam rritur në një familje të madhe me shumë nipër e mbesa dhe dua ta përjetoi këtë ndjesi. Në një moment tjetër ndoshta do flas për partnerin pasi mund të jetë një histori e bukur për t’u treguar”- tha Gega për News24.

Moderatorja: Ka patur aludime të shumta që partneri është trajneri Taulant Stërmasi?

Luiza Gega: E thashë që në një moment tjetër do flas për këtë, tani po them që dua të bëhem nënë. Çdo gjë kërkon kohën e vet për t’u thënë.

The post “Dua të jem nënë”, Luiza Gega tërhiqet nga garat, sportisja: Nëse jam në lidhje me Taulantin do flas kur… appeared first on Albeu.com.

Pak orë pas suksesit në Maratotën e Tiranës, Gega thotë se ishte me grip prej dy ditësh, por kjo nuk e pengoi të triumfonte në garën prej 42 kilometrash.

“Edhe unë po thoja me vete ku më gjeti ky grip dhe thjesht ideja që do të bëja 42 kilometra ishte strapacuese. Jo më të kërkosh diçka më tepër, e jo më për të thyer ndonjë rekord. Para një muaji isha në Kosovës dhe aty u binda se mund të thyeja rekordin.

Unë nuk jam sportiste maratone, por duke qenë se është i vetmi aktivitet sportiv në Tiranë i të tilla niveleve dhe Martona është një distancë e gjatë në sportin e atletikës, dhe ka një fokus të veçantë edhe nga sportistët amatorë, ku mjafton të veshësh një palë atlete dhe të vraposh. Është një emocion i veçantë që më pëlqen shumë.

Është një rezultat i mirë, jo i një niveli të lartë në të tilla vente, por ka dhe shpërblime të mira ku ti thua po lodhem që po lodhem por të marrë ndonjë gjë të mirë të paktën, pasi kostoja financiare është shumë e rëndësishme për këdo.

Kur nuk shkon gara siç duhet, ashtu edhe unë ndihem keq.

Gjërat kanë ndryshuar shumë tashmë, pasi në vitet e fundit edhe pse kisha menduar që të tërhiqesha nga mosha 32-33, por ndryshuan shumë gjërat, sidomos tek shpërblimet: që futen shpërblime si kampione Ballkani, aq më tepër që tani kemi dhe status, dhe kjo është arsyeja se pse unë e vazhdoj sportin edhe pse jam në limite”, u shpreh ndër të tjera atletja Luiza Gega.

The post Me grip fitoi Maratonën e Tiranës, Luiza Gega: Vetëm kur i mendoja 42 kilometrat lodhesha! Shpërblimet dhe statusi më bëri të vijoj ende sportin appeared first on Albeu.com.

Ajo ka vendosur rekord të ri kombëtar me kohën 2 orë e 34 minuta e 7 sekonda. Rekordi i mëparshëm ishte 1 minutë më tepër.

Ajo shprehu emocionet e saj pas përfundimit të garës, duke theksuar se ishte një sfidë e dyfishtë për të, pasi gjatë dy ditëve të fundit kishte kaluar një grip të fortë.

“Kam nisur me frikë, sepse nuk e dija se sa do të arrija të mbaja”, tha Gega. “Kur vijnë kilometrat e fundit, trupi pëson një shok.

“Të vraposh në Tiranë është një kënaqësi më vete. Njerëzit që të urojnë rrugës dhe bëjnë tifo për ty, të japin një forcë që ti nuk mendon se e ke”,

Gega, e cila ka marrë pjesë në këtë maratonë për të tetin vit, theksoi rëndësinë e komunitetit që e mbështet atë në aventurat e saj sportive.

“Kam njerëz që më mbështesin në atë që bëj. Kjo maratonë është ndryshe nga çdo garë që bëj”, tha ajo.

Pjesëmarrësit dhe tifozët ishin të emocionuar për arritjen e Luiza Gegës, e cila vazhdon të jetë një model frymëzimi për të rinjtë dhe sportdashësit në Shqipëri. Ky rekord, është një tjetër dëshmi e përkushtimit dhe talentit të saj në atletikë.

The post Luiza Gega vendos rekord kombëtar në Maratonën e Tiranës appeared first on Albeu.com.

Ish-kampionia e Evropës e cila i ka bërë jehonë Shqipërisë në mbarë botën me sukseset e saj, e ndjerë në faj që këtë herë ishte shumë larg rekordit personal, u kërkoi falje bashkëkombësve të saj që nuk mundi të jepte maksimumin, ndërsa e quajti këtë garë një dështim të karrierës së saj.
Edhe pse sakrifikoi për të dhënë më të mirën nga vetja, në fakt nuk ishte faji i Gegës që këtë garë në Lojërat Olimpike ta mbyllte pa medalje, pasi gjatë muajit prill ajo ka patur probleme dhe nuk ka qenë në gjendjen më të mirë fizike.

Gega ja drejtoi gishtin vetes për rezultatin zhgënjyes, por në fakt të gjithë e dimë se kush është fajtori. Shqipëria nuk është toka e premtuar për shumë sportistë në vendin tonë, megjithatë Gega e shikon të ardhmen në ngjyrat e flamurit tonë kombëtar, pavarësisht se i duhet të përballet me mungesë të kushteve dhe mbështetjes nga institucionet.

Gega po bën sakrificë për të na përfaqësuar denjësisht në gara me emër. Ajo nuk duhet të ndjehet kokëulur, pasi dështimin mbi “shpatulla” duhet ta mbajnë përgjegjësit dhe institucionet që nuk i kushtuan rëndësi kushteve në të cilat ajo është dashur të stërvitet për garën e madhe.

Pavarësisht neglizhencës së institucioneve përgjegjëse ajo ka mundur të sigurojë një profil të lartë në atletikë dhe ka ndërtuar një karrierë cilësore, me shumë medalje e çmime.

I jemi falënderues Gegës e cila edhe pse për kaq vite i është dashur të përgatitet në kushte skandaloze, në mes të mungesës së kulturës dhe stimujve financiarë të institucioneve, ja ka dalë dhe na ka përfaqësuar denjësisht në shumë gara ndërkombëtare me emër.

Nisur nga kjo, Federata e Atletikës dhe Ministria e Sportit duhet të reflektojnë urgjentisht që kampionia jonë të mos i bashkohet eksodit të sportistëve.

The post Kur flamuri peshon rëndë: Beteja e vetmuar e Luiza Gegës në Lojërat Olimpike appeared first on Albeu.com.

Gega nuk shkoi më shumë se vendi i 9-të në baterinë e dytë, në kualifikueset e 3000m me pengesa.

Ajo ka reaguar nëpërmjet një postimi në rrjetet sociale, nuk fsheh zhgënjimin.

“Eshte kaq veshtire te gjesh fjale kur ndihesh totalisht e deshtuar dhe ne fakt ne keto momente e tille ndihem. E di qe do kaloj, cdo gje kalon me kohen por ne kete moment dhemb shume sepse vertet jam munduar dhe enderruar qe do ja dal pavarsisht se gjerat qe ne muajin prill pasi u semura gjerat moren “dishezen”. Gjithsesi perseri perpiqesha fort cdo dite edhe perse me shume stres nga ndjesite jo te mira te trupit tim perseri rrija me shpresen qe do e perballoja nje gare te niveli por ne fakt nuk ndodhi keshtu.

Edhe perse nuk e kam thene kam qene ne dileme te madhe me veten nese duhet te vija apo jo por e di qe pengu per te mos e provuar do me lendonte me shume. Dua vertet ti kerkoj falje kujdo qe besoi tek une dhe e zhgenjeva dhe falenderoj te gjithe ato qe me mbeshtesin si ne dite te mira qofte dhe te veshtira. Endrra e Parisit mbyllet sot”, shkruan Gega.

The post Nuk u kualifikua në finale, reagon Luiza Gega: U kërkoj falje të gjithëve appeared first on Albeu.com.

Kampionia shqiptare garonte në baterinë e dytë të kualifikueseve, por nuk mundi të rivalizonte me kundërshtaret e saj për 5 vendet e para që do ta çonin në finalen e këtij evenimenti, pasi shfaqi vështirësi të mëdha dy xhiro para fundit.

Ajo regjistroi kohën 9:27:41 në baterinë e saj, ndërsa vendi i pestë dhe i fundit që u kualifikua nga kjo bateri, kazakja Jeruto, regjistroi kohën 9:16:46.

Kështu, atletika shqiptare mbylli pjesëmarrjen e saj në Lojërat Olimpike, pasi Franko Burraj kishte marrë pjesë një ditë më parë në kualifikueset e garës së 100 metrave.

The post Lojërat Olimpike/ Atletja Luiza Gega nuk kualifikohet në finale appeared first on Albeu.com.