Shqipëria do të luajë sonte ndeshjen e parë në Nations League, teksa në stadiumin “Air Albania” do të përballet me Bjellorusinë. Takimi është programuar të nisë në orën 20:45 dhe për trajnerin Rolando Maran përbën një mundësi për të kaluar provën e parë të rëndësishme në drejtimin e kuqezinjve.

Para këtij dueli, tekniku italian ka përcaktuar edhe disa prej zgjedhjeve të fundit për listën e futbollistëve që do të jenë të gatshëm për të luajtur.

Sipas raportimeve mediatike, Klevi Qefalija do të jetë pjesë e grupit të Maranit dhe pritet ta nisë sfidën nga stoli. Për t’i krijuar hapësirë mesfushorit të Dinamos, trajneri ka vendosur që Luis Hasa i Frosinones ta ndjekë ndeshjen nga tribuna.

Jashtë listës së aktivizimit kanë mbetur gjithashtu Sabah Kerjota, një nga afrimet e reja të trajnerit, si edhe portieri Simon Simoni. Ndërkohë, Klisman Cake nuk është i disponueshëm për shkak të dëmtimit.

The post Maran i beson yllit të Dinamos, tre lojtarë mbeten jashtë për sfidën ndaj Bjellorusisë appeared first on Albeu.com.

Udhëtimi i Frosinones në Kupën e Italisë u mbyll pas disfatës me penallti ndaj Sassuolos. Ekipi ku aktivizohet mesfushori shqiptar Luis Hasa iu afrua ndjeshëm kualifikimit, por dy ekzekutimet e fundit nga pika e bardhë, veçanërisht ai i lojtarit kuqezi, përcaktuan eliminimin e parakohshëm nga kompeticioni.

Në goditjen vendimtare, Hasa e dërgoi topin jashtë kuadratit, duke i hapur rrugë festës së futbollistëve të Sassuolos për kalimin më tej. Megjithatë, talenti i Kombëtares zhvilloi një paraqitje pozitive gjatë lojës, si për nivelin e treguar, ashtu edhe për asistet e dhëna, përfshirë dy prej tyre që nuk u konkretizuan për shkak të pozicioneve të parregullta.

Kontributi i parë vendimtar i Hasës u regjistrua në minutën 45’+2, kur ai shërbeu për Aleksa Terzic. Goli riktheu baraspeshën vetëm pak çaste përpara përfundimit të pjesës së parë.

Mesfushori asistoi edhe dy herë gjatë fraksionit të dytë, por shokët e tij të skuadrës u kapën në pozicion jashtë loje. Për këtë arsye, arbitri anuloi dy golat që mund t’i kishin siguruar Frosinones një fitore bindëse.

Sipas vlerësimit të “Sofascore”, 22-vjeçari u notua me 7.1 për kontributin e tij në fushë. Nota ishte mjaft pozitive, pavarësisht shijes së hidhur që la penalltia e humbur në momentin më vendimtar.

The post VIDEO/ Luis Hasa protagonist me një asist, dy gola të anuluar dhe penalltinë e humbur në eliminimin e Frosinones appeared first on Albeu.com.

E ardhmja e Luis Hasës duket larg Napolit, pasi mesfushori shqiptar pritet të ndahet me klubin në këtë merkato vere. Drejtuesit e nënkampionëve po punojnë aktualisht për t’i siguruar futbollistit një destinacion të ri.

Sipas gazetarit italian Gianluca Di Marzio, interes për lojtarin e Kombëtares ka shfaqur Frosinone. Klubi në fjalë ka kryer edhe kontaktet e para për të mësuar më shumë rreth kushteve të këtij operacioni.

22-vjeçari la përshtypje të mira gjatë periudhës së huazimit nga Napoli, teksa në sezonin e fundit me Carraresen realizoi 5 gola dhe dha 3 asistime.

Ndërkohë, Hasa regjistroi edhe debutimin me Kombëtaren shqiptare, pasi mori grumbullimin e parë nga trajneri Rolando Maran. Ai luajti minuta me peshë në ndeshjen ndaj Izraelit, ndërsa vlera e kartonit të tij sipas “Transfermarkt” shkon në 4.5 milionë euro. Kujtojmë se me Napolin, Hasa u shpall kampion i Italisë në sezonin 2024/25.

The post Luis Hasa drejt largimit nga Napoli, Frosinone interesohet për mesfushorin që debutoi me Shqipërinë në qershor appeared first on Albeu.com.

Sipas raportimeve të fundit nga Alfredo Pedulla, është planifikuar një takim mes drejtuesve të Napolit dhe atyre të Avellinos, skuadër që garon në Serie B. Klubi në fjalë ka kërkuar informacione për një transferim të mundshëm të Hasës.

Deri tani nuk ka asgjë të mbyllur, ndërsa shumë pritet të sqarohet pikërisht nga ky takim. Vlen të kujtohet se 22-vjeçari ishte një nga risitë e Kombëtares shqiptare në miqësoret e muajit qershor, pasi mori për herë të parë ftesë nga trajneri Rolando Maran.

The post Luis Hasa pranë një tjetër aventure në Itali, Avellino interesohet për mesfushorin e Shqipërisë pas rikthimit te Napoli appeared first on Albeu.com.

Vendimi u mor pak kohë më parë dhe u njoftua në platformën e FIFA-s për ndryshimet në federatë. Lojtari i lindur në vitin 2004 kishte veshur disa herë fanellën e “të kaltërve”, duke iu përgjigjur thirrjeve nga U-18 e tutje, deri te U-21, me të cilët luajti ndeshjet e tij të fundit (tre miqësore) në vitin 2024 nën drejtimin e trajnerit Carmine Nunziata.

Tani, pra, Hasa ka zgjedhur të ndryshojë dhe të fillojë të luajë për Shqipërinë, e cila që tani e tutje do të jetë në gjendje të mbështetet te mesfushori i ri.

Vendimi i Hasës për të ndryshuar ekipin kombëtar u bë i mundur nga fakti se mesfushori, megjithëse ka luajtur disa ndeshje me ekipet kombëtare të të rinjve italianë, përfshirë edhe U-21, në fakt nuk ka luajtur kurrë ndonjë ndeshje zyrtare (të gjitha ishin miqësore) me ekipin e Italisë U-21.

Ish-lojtari i Juventusit, pavarësisht se ka lindur në Itali, është bir i prindërve shqiptarë, dhe për këtë arsye ka zgjedhur të kthehet për të veshur fanellën e Shqipërisë. Dhe për të, në fakt do të ishte një rikthim, pasi disa vite më parë, Hasa u stërvit me ekipin kombëtar të Shqipërisë U15, por nuk bëri kurrë debutimin e tij zyrtar. Tani, Shqipëria e ka thirrur përsëri, por këtë herë në ekipin e parë.

The post Luis Hasa ndryshon kombëtare: Largohet nga Italia dhe zgjedh Shqipërinë appeared first on Albeu.com.

Më herët u shpall kampion Europe me Italinë U19, por duket se lojtari ka vendosur të ndërrojë fanellë. Një ndryshim pritet të ndodhë edhe në karrierën e tij në klub.

Aktualisht 20-vjeçari është pjesë e ekipit të dytë të Juventusit në Serinë C, ku shihet si një nga talentet që spikat më shumë në skuadër.

“Il Giornale di Sicilia” ka raportuar se Hasa është pranë kalimit te Palermo. Klubi siçialian është pjesë e Serisë B dhe do të ishte një hap i mirë në karrierë ne Hasës.

Sezonin e shkuar, Palermo e përfundoi kampionatin në vendin e 6 në renditje dhe sezonin e ardhshëm synon ngjitjen në Serinë A.

The post Pritet të lërë Italinë për Shqipërinë, mesfushori i Juventusit është pranë hapit të radhës në karrierë appeared first on Albeu.com.

Megjithatë, “Tuttomercatoweb”-i bën me dije se Juventusi gjithashtu ka vendosur t’i ofrojë një kontratë të re Hasës. Interesi për këtë të fundit nuk mungon dhe bardhezinjtë po punojnë për ta blinduar. Pas 20-vjeçarit janë vënë ekipe si Xhenoa, Verona, Piza dhe Komo. /Sport Ekspres/

The post Juventusi e merr në ekip të parë dhe i ofron rinovimin, talentin shqiptar e kërkojnë edhe në Serinë A appeared first on Albeu.com.

Mesfushori i lindur në vitin 2004 ka bërë 17 paraqitje të zbukuruara nga një gol dhe tre asiste, por mbi të gjitha paraqitje bindëse, në përputhje me cilësitë e admiruara në Kampionatin e fundit Europian U19, të fituar si lojtari më i mirë i kompeticionit. Në ndeshjen e fundit ndaj Peskarës, të fituar 4-3, Hasa ishte edhe një herë vendimtar për suksesin e djemve të Brambilës.

Ndaj edhe ëndrra për të debutuar në ekipin e parë, me lojtarin me origjinë shqiptare që ndër të tjera, mund të zgjasë së shpejti kontratën deri në vitin 2027. Por emri i tij që figuron edhe në bllokun e Veronës dhe Komos, deri në atë pikë sa procesi i tij i pjekurisë mund të vazhdojë diku tjetër: veronezët do ta kishin dashur tashmë verën e kaluar. /panoramasport/

The post Shkëlqen me të rinjtë e Juventusit, Luis Hasa drejt rinovimit appeared first on Albeu.com.

19-vjeçari që është pjesë e Juventusit, në total regjistroi 4 asiste dhë shënoi një gol, duke u shndërruar në një hero për kombëtaren U-19 të Italisë.

Hasa dhuroi spektakël edhe në finalen ndaj Portugalisë, duke asistuar me një top fantastik, për golin e vetëm të shënuar nga Kajode në minutën e 19-të.

Pakkush e parashikonte në vitet e para të jetës së tij se sot do të shpallej kampion Europe me fanellën e “axurrëve” U-19, por ai dhe familja e tij e kanë shpresuar ndoshta që në moshën 6-vjeçare, kur në fushën pranë shtëpisë u pikas nga një zbulues talentesh dhe më shumë akoma prej moshës 7- vjeçare kur veshi për herë të parë fanellën e Juventusit, që vazhdon të jetë edhe sot lëkura e tij e dytë.

The post Italia shpallet kampione e Europës për U19, Luis Hasa jep asisin e fitores (VIDEO) appeared first on Albeu.com.